محمد إمام_Mohamed Emam

موقف عابر 😅
حابب اتكلم عنه مع خالتي فرنسا 🇫🇷النهارده صحيت 8:30 لقيت الشارع تحت بلكونتي غرقان مياه _انفجار في الأنابيب الرئيسيه _ وواقف جمب مصدر المياه عربيات جايه من المطافي عشان لو المشكله اتطورت وحصل حريق لأن مياه مع كهرباء انت فاهم بقي😅...فالحمد لله محصلش حاجه.
.. لك ان تتخيل ان الساكن الي هوا انا 😀مكتشفش المشكله قبل المسؤليين عن الحي والمطافي والبوليس وصل قبل اي حد وعملو حواجز وطرق عشان الناس تعرف تعدي
دي مسؤليتهم لو شخص اتزحلق وانكسر هيدفعولو تعويض وتحقيق مع المقصر.(انت مسؤليه رئيس الحي والموظفين الي فييه )
فوق ده كله لقيت عربيات جايه بتوزع باكيت المياه وتحط في كل البيت كميات كبيره من المياه وانت تاخد الي يكفيك مش ققل من 10 ليتر تقدر تاخد مضاعفات الرقم وبيوزعو قدام كل بيت وباب ... الأزايز شيك الجميل بقي التفصيله الي جايه دي 😉👇
اكتشفت في نص اليوم كده وانا بقراء بالصدفه بعد مشربت عباره مكتوب علي الأزازه" حتي ولو انقطعت المياه هيفضل عندك مياه ديما " اااااه يخربيت الحنيه يا خالتي فرنسا 🇫🇷
وانا الوقتي كيوبيد 💘رازع سهم في قلبي مش عارف اشيلو ...

عن الحادثه البشعه الترند اليومين دول قصه "اغ**اب شاب لبنتين أخوه "
بدل الأنتقاض للريف واهل الريف وفلاحين والمنظومه الفكريه هناك لازم توجه كل طاقاتك كدوله ومنظمات مجتمع مدني لنشر الوعي والتعليم والفكر السوي ...مهو انت يا بتاع المدن والي بتتفاخر انك اتولد في مدينه وليك حظ جيد من التعليم أصولك من الريف والصعيد...لازم مجهود مننا وكل واحد عنده علم بجنيه يوجه طاقته لأهلنا في الريف ومحو المعتقدات الفاسده الي بيتورثوها ... يمكن تتشتم او تتهم انك متفتح زياده عن اللزوم وبتدعي للفُجر والعهر لسمح الله ولكن ده فرض واجب علينا كلنا لو تعلمت علم غيرك وانصحه براحه ؛ مش عايزين نغير جلدكم لسمح الله ده احنا عايزينكم تفضلو ريفين وتحافظو علي الرقعه الزراعيه "الذهب الأخضر" وتزودوها كمان بس الفلاح الريفي المتعلم المثقف خير من الفلاح الريفي الجاهل ...وشكراً

بيقولك ماتش السنغال هيتعاد🫡

اراك توزع من مال أمك
محمد علي طلع المسله دي هديه لفرنسا عشان ابنو كان بيتعالج هناك وبعدها بشويه فرنسا قالت لا والله ميبقاش حد ليه علينا جمايل وادوه ساعه ملهاش تلاتين لازمه محطوطه في مسجد محمد علي 😅 موعودين احنا

طلاما مرتاحتش دور في مجال تاني مش عيب احنا لسه في فترة العشرينات عادي نجرب ونتعلم مهارات تجبلنا ربح اعلي وترتاح ماديا ونفسيا في التلتينات والاربعينات وإلي ان يشاء الله فيه الي بتخبط معاه في اول العشرينات ويستقر في مجال او مجالين بعينهم وفي الي بتخبط معاه في نصها وفي الي بتبان ملامح مجهود ٨ او ٩ سنين في اخر العشرينات وبتكبر معاه في التلاتينات وما بعدها واستقرار وظيفي ومادي واجتماعي مش عيب متيأسش المهم تتعلم في الفتره دي وتكتسب مهارات كتير ( لغات _ برمجه _ ماركتنج ......الخ _ اي حاجه من الحجات الي بيسموها لغات العصر دي ومش عيب ترجع خطوه لوره في سبيل تحقيق أهدافك والي يوصلك ...ده في علوم الدنيا موجود أنا بعتبره أرتداد مش تخلف التخلف الي رجع منغير تخطيط انما الي رجع عشان يطلع بيبقي زيو زي لعيب كورة رجع ورا عشان يشوط بيلنتي او زي سهم في قوس رجع عشان ياخد دفعه ويصيب .. وفي الأخير اتمني كل واحد يكون مرتاح البال ويرزقو الخير والسداد

روح يا بعيد ربنا ينكد عليك زي م انت منكد علي صحابي المدرسين كده 🤲

كلها فكراه ضبع وشكله في الأخر هيطلع عسران الضبع ولا اي

هشجع إنجلترا عشان ولدنا بيلنجهام
جدك= اه يا خلفه عار

منقول .....
تحليل بسيط من وجهة نظري كمدرس دراسات في امتحان القاهرة
الامتحان شامل ٤٢ نقطة لو حبنا نحليل الامتحان ونرد علي اللي بيقول الامتحان سهل نقول ايه ؟
السوال الاول
سوال الخريطة اربع نقاط كل نقطة بربع درجه لان نموذج الاجابة بيصحح من أربعين بعد كدة بنقسم علي الاتنين
وبم تفسر ثلاث نقاط السوال الثاني بم تفسر للسهول الفيضية في امريكا الجنوبية أهمية كبيرة ؟
نموذج الاجابة بيقول لان بها اوسع سهول فيضية في العالم سهول الامزون لكن اللي حاطط الامتحان محتطش اجابات تانية تنفع زي أن تربتها خصبة صالحة للزراعه وأنها من مناطق التركيز السكاني للاسف اللي حاطط الامتحان فرض علي الطلبة إجابته
سوال صوب اللي هو المفروض في مستوي الطلبة المتوسط جايب سوال بيقول
من الدول ذات الدخل المنخفض في آسيا الكونغو وحاطت خط تحت الكونغو يعني لازم الطالب يكتب باكستان والمفروض أننا عندنا اربع مستويات للدخل الاقتصادي مرتفع فوق متوسط وأقل من متوسط ومنخفض وكتاب المدرسة جايب ١٥ دولة يعني الطلبة لازم يبقا حافظ ال١٥ طب ماشي أنا موافق ليها حدد اسيا مكان قال من الدول ذات الدخل المنخفض ويسبها مفتوح الطالب يكتب الكونغو أو باكستان
السؤال الثاني
جايب ثلاث اسئلة ما العلاقة هو في كدة ثلاث ما العلاقة ليه يا ناس ده طالب ٣ اعدادي ام طالب ٣ ثانوي هتعمل ايه في ايه.
وجايب فسر تاني يعني هو في السوال الاول جايب ثلاثة فسر رجع تاني جاب فسر يعني اربعه فسر جغرافيا 😂
كفاية كدة جغرافيا لا راح جايب سوال ما النتائج وما مقترحاتك 😂😂😂😂😂😂
يعني الطالب المتوسط ينجح جغرافيا بالعافية يا ناس
ندخل علي التاريخ
السوال الثالث
جايب خمسة صوب حلو كويس بس حط سوال بيقول أن عباس باشا الاول توقفت النهضة في عصره ماعدا(( الزراعه - الصناعه - التعليم - النقل والمواصلات ) تمم انا عارف أن الإجابة النقل والمواصلات بس حضرتك كتاب المدرسة مذكرش حاجه عن الزراعه في عهد عباس باشا الاول فطبيعي الطالب ممكن يفكر في الزراعه
باقي السوال ٣ دلل وقارن
السوال الرابع
٢ مالنتائج وواحد فسر وواحد دلل تاني يعني اربع دلل تاريخ 😂😂😂وسوال ماذا يحدث لو
كدة الامتحان انتهي واللي يقولك الامتحان سهل قوله ربنا يسهل عليك حياتك زي الامتحان بالضبط 😂😂😂

اهتم بسمعتك في السوق و خليها اول حاجه في اولوياتك.
الفلوس بتيجي كنتيجه لمجهودك و سيرتك الكويسه.

عمرك ما تخلي الفلوس هي الاولويه