Abdiisaa warraa Galmaa

17/01/2026

Ji'a sagaliifi torban lama garaatti baatte. Gidiraa yeroo ulfaa hunda dandeesse. Da'een guddifadha, ittin boqodha jettee abdatte. Miixattee, ciniinnattee deesse.

Deessee ija keessa ilaalti. Daa'imashee kichuu kana, marartuu kana akka hanqaaquutti kunuunsiti. Daa'imnis jabaateefii, kunoo akkuma argitan kana lapheesheetti maxxanfattee mararfatti.

Kaleessa gara ganamaa lafa nagaa gammachuudhaan mucaashee qabattee dhimmaaf gara Finfinnee deemuuf kaate. Mucaa egereef abdattu, dhala bor gaaddisa godhattu - qabeenya ishee isa qaalii qixxee hin qabne kana fudhattee konkolaataa yaabdee deemsa eegalte!

Maal godharee...godina Shawaa Kaabaa, magaalaa balaa uumameen lamaansaanii bakka tokkotti lubbuu dhaban! Seenaan reefuu jalqabu asumatti raawwate! Isheenis, abdiinshees qilee seenan! Baay'ee nama dhukkubsa dhugaa!

Balaa kanaan namoota 15 ta'antu du'e. Kun hunduu maatii qaba, kun hunduu fira qaba. Kun hunduu kaayyoof deema.

Akkasitti balaa konkolaataan akka fixeensaatti harca'aa oola uummanni keenya! Gaaffii deebii dhabe, gudunfaa hiikkaa dhabe, rakkoo hamaa xiyyeeffannoo dhabe!

Nagaan boqodhaa yaa uummata koo!

31/12/2025

Uummanni Jiilleefi Arsii bara durii irraa eegalee alagaan waldhabsiisudhaan walwaraanaa kan turan yoo ta’u, dhibdeen yeroo sanii akkaataa jiruun kan hin xumuramin waan ta’eef, hanga ammaattuu eessumaa soddaa walkeessaa kan hin qabne, waljaalalli Oromummaa isaanii kan hanqatu ta’uu qorannaa Gal...

02/10/2025

09/06/2025

Ibsa Gaddaa!

Waxabajjii 02 /2017

Dhaabbata Hordoftoota Amantii Waaqeffannaa, Giddu gala Giddugaleessaa, Wiirtuu Amantii Waaqeffannaa Finfinneefi Naannawaa Finfinnee, Konyaa Amantii Waaqeffannaa Sooddoo Daaccii, Aanaa Sooddoo Daacciitti kan argamu Koreelee Amantii Waaqeffannaa Galma Malkaa Fincaa'aa Waxabajjii 01/10/2017 guyyaa naannoo sa’aa saddeeti (08:00) humna nageenyaa Godina Shawaa Bahaa, Aanaa Haqaaqii irraa dhufaniin osoo Galma irraa bahaa jiranii too'atamuun namni ja’a (6) Ganda Laangannoo iddoo addaa "Mogoroo" jedhamutti bakka tokkotti jimlaan ajjeefamaniiru. Maqaan namoota ajjeeffamaniitis:

1. Gurmeessaa Tashoomaa Hundee
2. Hundeessaa Naanneessaa
3. Dagaagaa Jiidhaa Baatii
4. Lammeessaa Maaruu Gojolii
5. Bashaadaa Adii Miidhaksaa
6. Kumaa Nagoo Jaamboo

Dhaabbanni Hordoftoota Amantii Waaqeffannaa gadda itti dhaga'ame ibsaa; maatiifi miseensota isaatiif jajjabina hawwa! Qaamni dhimmi kun ilaallatu taatee kana qulqulleessuun mirga heerri mootummaa amantii tokkoof kennu akka nuu kabajamuufi qaamni yakka kana raawwate seeran akka gaafatamu gaafachaa, dhimmi kun gama dhaabbataatin qoratamaa kan jiru yoo ta’u, miseensonni Dhaabbata Hordooftoota Amantii Waaqeffannaa bakka jirtanitti obsaafi tasgabbiin akka nu eegdan jenna! Ayyaantummaan isaanii dhalootaf haa hafu!

Youtube: https://youtube.com/?si=hwFZ9N37DRRQ-Vzm

Telegram: https://t.me/waaqeffannaa_religion_fa

X (twitter): https://x.com/DhaabbataW?t=oMGm0ZQbsMMKBkrOemCFvg&s=09

16/05/2025

Bara Abbaa Lafaa Qotee bulaan gabbara kennu sana waan Abbaan koo natti himerraa hardha waa yaadadhe. Dubbiin akkana; Namticha Abbaa lafaa jalatti lafa qotee Sisoo mataarraa kennu tokkotu ture. Gaafa Sanyiin Maasaarraa galu gabbarri Mootii Habashaatiif Finfinneetti geeffamu gahe. Namtichis Sanyii midhaanii qulqulluu mataarraa Harreetti fe'ee Finfinnee Mootichaaf geesse. Miila lafoo Harree isaatti midhaan fe'atee Anxooxxoo qaxxaamuree Finfinneetti qe'ee Gooftaatti gabbaricha geesse. Ganamaan ka'ee akkuma imaleen Araddaa mootichaatti midhaan fe'ee dallaa seenee Harree irraa midhaan Kumtaala lama Harree lamatti fe'ame irraa buusee Qanqalloo hiikee Sanyii harkaan hammaaree ganaa isaa keessa diriirsee itti agarsiise. Mootichi Sanyii caalaa Qanqalloo awwaarri lafarraa itti ta'e ilaalee aare. Harreetu miilaan xiqqoo Qanqallootti dhukkee kaase. Mootichi: Eenyu tuffiif Sanyii kiyyatti daaraa goote jedhee lola kaase. Simaamaloon gidduu dubbattus, Namtichi gabbara geesses mataa cabsanii jala kufaa Gooftaa keenya akkuma nu gootan taana jedhuuni. Mootichis akkana jedheen, Sagalee guddaan caraanaa mallattoo olaantummaa muldhisuun; Amma akkuma tuffii kiyyaaf Harree keetitti Awwaarri Qanqallootti faca'e midhaanis waan bushaa'uuf amma dafii Sharaa irratti naqii miicci jedheeni. Qottuun gabbara geesses kan Ofii qoterratti, ofumaa galmaan gahee geessefirratti midhaan Sanyii geesse miiccee gale.
Gooftummaan namummaa homaa sitti hin muldhisu waan ta'eef warra gabbaruuf jireenya miti. Ofumaa qottee geessitee nyaachista, kan sirraa nyaaturratti gatii kee Zeeroo godhee nyaataa gaditti si ilaala.

Biyyuma tokko keessa qaamni kuni lachuu jira.
Eega siin jiraatee maal ta'a atillee yoo waliin jiraatte. Amala Abaarsaati beeki.....

12/03/2025

Andualem fi Kenani

Andualem =Eenyuutti na laattee
Deemte adaraa kee
Maaltu taanaan har'a
Jabeessite garaa kee
💔
Imimmaan garmalee
Maaliif narra lolaafte
Gadda hamaa cimaan
Maaf garaa koo raafte
💔
Eenyuutti na laattee
Eenyuutti na dhiiftee
Maaliif qofaa kankee
Marmarattee ciiftee
💔
Dhaamsa qabdaa
Waan dhaammatte
Galaa koo kan borii
Maal kaawwatte
💔
Kenani = Homaa tokkon qabu
Ani dhaamsa dhaamee
Firaaf maatii kan koo
Ani yooman waamee
💔
Rakkoof rakkina koo
Hunduma dhokfadhe
Nan fagaadhe kunoo
Faara koo dhokfadhe
💔
Jiruun dachee kanaa
Nama dinqisiisam
Si'a tokko tokkos
Nama jibbisiisam
💔
Kanumaaf jedheetan Fagaachuu filadhem
Ganama obboroon
Garaa koo kutadhem
💔
Adaraa nan eegin
An deemeen fagaadhe
Tasas garaan laafu
An garaan jabaadhe
💔
Jiruun dachee kanaa
Dhagaarra jabaatti
An deemeen fagaadhe
Hundumtuu nagaatti
💔