26/09/2026
🌼🌼🌼
እንኳን ለብርሃነ መስቀሉ በሰላም አደረሳችሁ!!!
🌼🌼🌼
ደመራ
ደመራ 🌿ደመረ 🌿ሰበሰበ🌿 አከማቸ
የታላቁ ንጉሥ ቆስጠንጢኖስ እናት ንግሥት ዕሌኒ፣ የጌታችን መድኃኒታችን ኢየሱስ ክርስቶስን ክቡር መስቀል ከተቀበረበት ለማውጣት ወደ ኢየሩሳሌም ሄደች። በዚያም የመስቀሉን ስፍራ ለማግኘት ብዙ ጊዜ ፈለገች።
ኪራኮስ የተባለ አረጋዊ ስፍራውን ነገራት። ንግሥት ዕሌኒም ደመራ አስደምራ ዕጣን አጢሳ ወደ ፈጣሪዋ በጸሎት ተማፀነች። የዕጣኑም ጢስ ወደ ሰማይ ወጥቶ መስቀሉ ወደተቀበረበት ስፍራ ተመልሶ መራት
በዚያም በቁፋሮ የጌታችንን ክቡር መስቀል ከሁለቱ ወንበዴዎች መስቀሎች ጋር አገኘች። የጌታችንን መስቀልም የለየችው በተአምራቱ ነው፤ ድውያንን ፈወሰ፣ አንካሳዎችን አበረታ፣ ጎባጣዎችን አቀና፣ የዕውራንንም ዓይን አበራ።
እርስዋም መስከረም ፲፯ ቁፋሮ አስጀምራ መጋቢት ፲ ቀን መስቀሉን አግኝታ አስወጥታ የቤተ ክርስቲያኑም መሠረት ወዲያው እንዲጣል አደረገች፤ የደመራ ሥርዓት ከዚህ የከበረ መስቀል ፍለጋ ጋር ተከትሎ የመጣ ነው።
በየዓመቱ የመስቀልን በዓል ስናከብር ደመራ የምንደምረውና የምናበራው ንግሥት ዕሌኒን አብነት በማድረግ የመስቀሉን ፍለጋ ጉዞ ለመዘከር ነው።
የደመራ በዓል የሰላም እና የበረከት በዓል ያድርግልን!
🌼🌼🌼🌼🌼
