World Bright College

15/09/2026

የወርልድ ብራይት ኮሌጅ እህት ኩባንያ የሆነው የወርልድ አካዳሚ የ2019 የትምህርት ዘመን በዛሬው ዕለት በይፋ ተጀምሯል።

አካዳሚው በሁሉም የመጀመሪያ ደረጃ እና 2ኛ ደረጃ ት/ቤት የትምህርት ማስጀመሪያ መርሐ ግብር አካሂዷል።

የወርልድ ብራይት አካዳሚ ስራ አስኪያጅ አቶ ብርሃኑ አበራ በዚሁ ወቅት እንዳሉት፥ ለትምህርት ዘመኑ የሚያስፈልጉ የመማሪያ መጻሕፍት፣ ቁሳቁሶችና የመማሪያ ክፍሎች ዝግጅቶችን አስቀድሞ ማጠናቀቅ ተችሏል።

በሁሉም የአካዳሚው ትምህርት ቤቶች ከK እስከ 12ኛ ክፍል ያሉ ተማሪዎች፣ መምህራንና የትምህርት ማህበረሰብ አባላት ወደ ትምህርት ስራ መመለሳቸውንም ጠቁመዋል።

በ2018 የትምህርት ዘመን በሀገር አቀፍ ፈተና የተገኘውን የተማሪዎች አመርቂ ውጤት በዘንድሮውም ዓመት ስነምግባር በተከተለ መልኩ አጠናክሮ ለማስቀጠል እንደሚሰራም አቶ ብርሃኑ አመልክተዋል፡፡

ወላጆችና የትምህርት ማህበረሰቡ ለተማሪዎች ውጤታማነትና መልካም ሥነምግባር የሚያደርጉትን እገዛ አጠናክረው እንዲቀጥሉም ስራ አስኪያጁ አስገንዝበዋል፡፡

በማስጀመሪያ ፕሮግራም ተገኝተው መልዕክት ያስተላለፉት የሀድያ ዞን ትምህርት መምሪያ የትምህርት ቤቶች መሻሻል ቡድን መሪ አቶ ደገፈ ኤርጡሞ በበኩላቸው ወርልድ ብራይት አካዳሚ በትምህርት ላይ እየመጣ ያለው ውጤት የሚደነቅ ነው ብለዋል።

ውጤቱ ቀጣይነት እንዲኖር ሁሉም ከትምህርት ቤቱ ጎን በመሆን ኃላፊነት እንዲወጣ አሳስበዋል።

የሆሳዕና ከተማ አስተዳደር ትምህርት ቤቶች ጽ/ቤት ባለሙያ ወ/ሮ ሚሻሜ ያዕቆብ ህጻናት ንጹሕ ወረቀት ስለሆኑ ከስር መሠረቱ በተገቢ መሰረት አለበት ብለዋል።

ለዚህ መሳያ ደግሞ ወርልድ ብራይት አካዳሚ ከLK እስከ 12ኛ ክፍል ያሉ ተማሪዎች ላይ እየሰራ ያለው ተግባር የሚበረታታ ነው ብለዋል።

በማስጀመሪያ መርሐ ግብር የወርልድ ብራይት ኮሌጅ ፕሬዚዳንት ተሰማ አበራ(ዶ/ር) መመህራን፣ የተማሪ ወላጆች እና የትምህርት ባለድርሻ አካለት ተገኝተዋል።

ዘገባው፡ የወርልድ ብራይት የሕዝ ግኑኝነት ዳይርክቶሬት ነዉ

11/09/2026

‎ስኬቶቻችንን ስንቅ አድርገን በአዲሱ ዓመት በሁሉም ዘርፍ የላቀ ውጤት ለማምጣት በትጋት እንሰራለን የወርልድ ብራይት ኮሌጅ ፕሬዚዳንት ተሰማ አበራ (ዶ/ር)
‎
‎ፕሬዚዳንቱ ለ2019 ዓ.ም አዲስ ዓመት የእንኳን አደረሳችሁ መልእክት አስተላልፈዋል፦
‎
‎አዲስ ዓመት የበለጠ ተስፋ የምንሰንቅንበት፣ ቂምና ጥላቻን በይቅርታ ሽረን በአብሮነት የምንሻገርበት ጊዜ ነው ብለዋል።
‎
‎አብሮነታችንና ትብብራችንን ካጠናከርን በዘንድሮ ዓመት በ12ኛ ክፍል ሀገር አቀፍ ፈተና ላይ ያስመዝግብነውን ውጤት ቃላችን ጠብቀን የተሻለ ውጤት ለመምጣት ተግተን እንሠራለን ብለዋል ዶክተር ተሰማ።
‎
‎ፕሬዚዳንቱ በመልዕክታቸው፤ በ2018 ዓ.ም ፣ በኮሌጁና አካዳሚ በትምህርት ላይ እመርታዊ ስኬቶች ማስመዝገቡን አብራርተዋል።

በ2018 ዓ.ም ያጋጠሙንን ችግሮችን ተሻግረን፤ ጉድለቶቻችንን አርመን፤ ስኬቶቻችንን የሞራል ስንቅ አድርገን በ2019 ዓ.ም በሁለም ዘርፍ የላቀ ውጤት ለማምጣት በኮሌጁና በአካዳሚ በትኩረት እንሰራለን ብለዋል።
‎
አዲሱ ዓመት ለውድ ኢትዮጵያውያንና ለመላው የሰው ልጅ ፍቅርን፣ ሙሉ ጤናንና ታላቅ ስኬትን ይዞ የሚመጣ እንዲሆንልን እመኛለሁ ሲሉ ዶክተር ተሰማ ገልጸዋል፡፡

ዘገባው፡ የወርልድ ብራይት የሕዝ ግኑኝነት ዳይርክቶሬት ነዉ
መስከረም 1/01/2019 ዓ/ም

06/09/2026

ወርልድ ብራይት ኮሌጅ በአድሰ አበባ ካምፓስ በተለያዩ የትምህርት መስኮች 55 ተማሪዎችን አስመረቀ::

ወርልድ ብራይት ኮሌጅ የሰለጠነና ብቁ የሰው ኃይል በማፍራት ለሀገሪቱ ሁለንተናዊ እድገት የሚያበረክተውን ሚና በማጠናከር ላይ መሆኑን ገለጸ።

ኮሌጁ በሀገር አቀፍ ደረጃ ለ8ኛው ዙር በአዲስ አበባ ለመጀመሪያ ዙር የምረቃ መርሃ ግብር በአዲስ አበባ መገናኛ ካምፓስ በፋርማሲ፣ በነርሲንግ እና በአካውንቲንግና ፋይናንስ የዲፕሎማ መርሃ ግብሮች ያሰለጠናቸውን 55 ተማሪዎች አስመርቋል። ከእነዚህም 10 ወንዶች እና 45 ሴቶች ናቸው።

የኮሌጁ ፕሬዚዳንት ዶ/ር ተሰማ አበራ እንዳሉት፣ የመገናኛ ካምፓስ በሁለት የማስተርስ መርሃ ግብሮች—በቢዝነስ አድሚኒስትሬሽን እና በጄኔራል ፐብሊክ ሄልዝ—እንዲሁም በዲፕሎማ ደረጃ በፋርማሲ፣ በነርሲንግ፣ በአካውንቲንግና ፋይናንስ፣ በዲጂታል ማርኬቲንግ እና በዳታቤዝ አድሚኒስትሬሽን ተማሪዎችን እያስተማረ ይገኛል።

በአጠቃላይ ኮሌጁ በሁሉም ካምፓሶቹ በ12 የቴክኒክና ሙያ ትምህርት (TVET)፣ በ8 የዲግሪ እና በ4 የማስተርስ መርሃ ግብሮች፣ በቢዝነስ፣ በቴክኖሎጂ፣ በግብርና፣ በማህበራዊ ሳይንስና በጤና ሳይንስ ዘርፎች በአምስት ፋካልቲዎች ስር በአጠቃላይ 24 የትምህርት መስኮች ተማሪዎችን እያሰለጠነ ነው።

ዶ/ር ተሰማ ለተመራቂዎቹ ባስተላለፉት መልዕክት፣ የምረቃ ቀን የጉዟቸው መጨረሻ ሳይሆን የአዲስ ምዕራፍ መጀመሪያ መሆኑን ገልጸው፣ በሙያዊ ብቃት፣ በታማኝነትና በፈጠራ ህብረተሰቡንና ሀገራቸውን እንዲያገለግሉ አሳስበዋል።

ኮሌጁን ወደ ዩኒቨርሲቲ ደረጃ ለማሳደግ እና እ.አ. በ2030 በምስራቅ አፍሪካ ታዋቂ የትምህርትና የምርምር የልህቀት ማዕከል ለመሆን በትኩረት እየሰራ መሆኑም ተገልጿል።

ከመማርና ማስተማር ተግባሩ ጎን ለጎን፣ ኮሌጁ ለአቅመ ደካማ ቤተሰቦች ልጆች የትምህርት ቁሳቁስ ድጋፍ በማድረግ፣ ለአካል ጉዳተኛ ተማሪዎች ነፃ የትምህርት ዕድል በመስጠት እና በደም ልገሳ፣ በችግኝ ተከላና በተለያዩ የልማት ሥራዎች በመሳተፍ ማህበራዊና ሀገራዊ ኃላፊነቱን እየተወጣ ይገኛል።

በተጨማሪም የኮሌጁ እህት ድርጅት የሆነው ወርልድ ብራይት አካዳሚ በዘመናዊ የማስተማርና የመማር ሥርዓት በመስራት በ2018 ዓ.ም. የ12ኛ ክፍል ብሔራዊ ፈተና 85 በመቶ ተማሪዎቹ ወደ ዩኒቨርሲቲ ለመግባት የሚያስችል ውጤት ማስመዝገባቸው ተጠቁሟል።

በምረቃ መርሃ ግብሩ የተገኙት የወልድ ብራይት ኮሌጅ አዲስ አበባ ካምፓስ ዲን እና በኢፌዴሪ የሕዝብ ተወካዮች ም/አባል የሆኑት ዶ/ር መብራቱ ዓለሙ ተመራቂዎቹ ሥራ ፈላጊ ብቻ ሳይሆኑ ሥራ ፈጣሪ በመሆን ዕውቀታቸውንና ክህሎታቸውን ወደ ተግባር እንዲቀይሩ አሳስበዋል።

ዘገባ፡ የወርልድ ብራይት ኮሌጅ የሕዝብ ግንኙነት ዳይሬክቶሬት

29/08/2026

ከወርልድ ብራይት ኮሌጅና አካዳሚ ቦርድ ጽሕፈት ቤት የተላለፈ የእንኳን ደስ አላችሁ መልዕክት

በ2018 ዓ.ም. የ12ኛ ክፍል ሀገራዊ መልቀቂያ ፈተና የወሰዳችሁ የወርልድ ብራይት አካዳሚ አጠቃላይ ሁለተኛ ደረጃ ትምህርት ቤት ተማሪዎች ሁሉ እንኳን ደስ አላችሁ!

የዘንድሮው የ12ኛ ክፍል ሀገራዊ መልቀቂያ ፈተና መንግሥት በሀገር ደረጃ ባስተዋወቀው ዘመናዊና ዲጂታል የትምህርት፣ የፈተናና የምዘና ሥርዓት መሠረት መሰጠቱ ይታወቃል። በዚህ ስርዓት ሀገራዊ ፈተና ከወሰዱት የአካዳሚያችን ተማሪዎች መካከል 85% በመቶዎቹ በቀጥታ ወደ ዩኒቨርሲቲ ለመግባት የሚያስችል ውጤት ማስመዝገባቸውን በታላቅ ደስታና ኩራት እንገልጻለን። ቀሪዎቹ 15% በመቶ ደግሞ በአቅም ማሻሻያ መርሃ ግብር ወይም ወደ ኮሌጅ ለመግባት የሚያስችል ውጤት በማስመዝገባቸው ከፍተኛ ደስታ ተሰምቶናል።

በተለይም ከ300 በላይ እስከ 533.25 ድረስ ከፍተኛ ውጤት በማስመዝገብ ለሀገራችን፣ ለክልላችን፣ ለዞናችን እንዲሁም ለአካዳሚያችን ኩራት የሆናችሁ ተማሪዎቻችንን ከልብ እናመሰግናለን፤ እንኳንም ደስ አላችሁ!

በተጨማሪም ለዚህ ውጤት ከፍተኛ አስተዋፅኦ ላደረጋችሁ የተማሪዎች ወላጆች፣ ለወርልድ ብራይት ኮሌጅና አካዳሚ ማኅበረሰብ፣ መምህራን፣ አመራሮች፣ ሠራተኞች እና አጋር ድርጅቶች ሁሉ እንኳን ደስ አላችሁ፤ እንኳንም ደስ አለን!
ከ450 በላይ እስከ 533.25 ድረስ ከፍተኛ ውጤት ያስመዘገቡ ተማሪዎች ስማቸው ከዚህ በታች በተከታታይ ይገለጻል።

ውድ ተማሪዎቻችን፣ ወደ ዩኒቨርሲቲ በምታደርጉት ቀጣይ የትምህርት ጉዞ የላቀ ስኬት እንመኝላችኋለን። መጪው የትምህርት ዘመን በዕውቀት፣ በስኬትና በብሩህ ተስፋ የተሞላ እንዲሆንላችሁ ከልብ እንመኛለን።
እንኳን ደስ አላችሁ! እንኳንም ደስ አለን!

ከወርልድ ብራይት ኮሌጅና አካዳሚ ቦርድ ጽሕፈት ቤት

22/08/2026

17/08/2026

#ክፍት #የሥራ #ማስታወቂያ
በወርልድ ብራይት አካዳሚ እና በወርልድ ብራይት ኮሌጅ በክፍት የሥራ መደብ ለመወዳደር፣ በሐሙስ 07/12/2018 ዓ.ም. በአዲስ ዘመን ጋዜጣ በወጣው የሥራ ማስታወቂያ መሠረት ማመልከት የምትፈልጉ አመልካቾች፣ ከዚህ በታች በተለጠፈው ሊንክ በመጠቀም ማመልከት የምትችሉ መሆኑን እናሳውቃለን።

for an

Applicants interested in applying for the open positions at the world bright college and Academy and as announced in the Addis Zemen newspaper on Thursday, 07/12/2018 E.C., are hereby informed that they can register directly using the link provided below.

Please follow the link below to complete your application and registration.

https://forms.gle/SfohmC62HpWtZF837

06/08/2026

በሀዲያ ዞን በሆሳዕና ከተማ አስተዳደር ወርልድ ብራይት አካዳሚ ከመደበኛው ትምህርት ጎን ለጎን የሙያ እና ተግባር ትምህርት በደረጃ 1 ትምህርትና ስልጠና ከ11ኛ እሰከ 12ኛ ክፍል ከ2017 ዓ.ም እስከ 2018 ዓ.ም ድረስ ለሁለት ተከታታይ ዓመታት ያስተማራቸውን የ12ኛ ክፍል ተማሪዎችን አስመረቀ።

ስልጠናውን መከታተላቸው ለቀጣይ የስራ ዕድል ፈጣራ እና በከፍተኛ ትምህርት ተቋማት ቆይታ እንዲሁም በስራ ዘመናቸው ለሚያደርጉት እንቅስቃሴ አስተዋጽኦ እንደሚየደርግላቸውም ተመራቂ ተማሪዎች ተናግረዋል።

የወርልድ ብራይት አካዳሚ ቦርድ ሰብሳቢና የወርልድ ብራይት ኮሌጅ ፕሬዝደንት ተሰማ አበራ (ዶር) ለተመራቂቹ የእንኳን ደስ አላችሁ መልዕክት ባስተላለፉበት ወቅት እንደገለፁት የወርልድ ብራይት ኮሌጅ እህት ኩባኒያ የሆነው ወርልድ ብራይት አካዳሚ ከተመሠረተበት ጊዜ ጀምሮ በእውቀት በክህሎትና በስነ ምግባር የታነፁ ዜጎችን ለማፍራት ጥራት ያለውን ትምህርት እየሰጠ የሚገኝ ተቋም ነው።

ወርልድ ብራይት አካዳሚ ምቹ የመማሪያ አካባቢ በመፍጠር እና በዘመናዊ የሳይንስና ኮምፒውተር ላብራቶሪዎች እንዲሁም በተደራጀ የትምህርት መሳሪያዎች የተሟላ ከመሆኑም ባሸገር ብቁና ልምድ ያላቸውን መምህራን በመቅጠር ጠንካራ የትምህርት ስርዓት የዘረጋ አካዳሚ ስለመሆኑም ዶክተሩ አስረድተዋል።

የትምህርት ተደራሽነትና ጥራትን ማረጋገጥ የመንግስት ብቻ ሳይሆን የግሉ ዘርፍም ሀገራዊ ሀላፊነት በመሆኑ አካዳሚው ቀድሞ ካሉት ሶስት አካዳሚዎች በተጨማሪ የራሱን አዲስና ዘመናዊ የትምህርት ተቋም በመገንባትና አስፈላጊውን ቅድመ ዝግጅት በማጠናቀቅ ለ2018 የትምህርት ዘመን የተማሪዎች ቅበላ ሂደት ላይ መሆኑንም ዶ/ር ተሰማ አሳውቀዋል።

በአዲሱ ስርዓተ ትምህርት ተማሪዎች ከመደበኛ ትምህርታቸው ጎን ለጎን የተግበር ስልጠናዎችን እንዲወስዱ በተቀመጠው የትምህርት ፖሊስ መሠረት በተፈጥሮ ሳይንስ ዘርፍ የኮምፕውተር ጥገና እና ኔትወርክንግ እንዲሁም በማህበራዊ ሳይንስ ዘርፍ በሂሳብ አያያዝ እና ፋይናንስ ዘርፍ ስልጠና በመስጠት ማስመረቅ ስለመቻሉም ጠቁመዋል

ተመራቂዎች ከዕውቀት ባለፈ የስነ ምግባር ተጠያቂነት ታማኝነት የፈጠራ አስተሳሰብ እና ችግር ፈቺነት ሃገርን እና ህዝብን የማገልገል መንፈስ ያለ በመሆኑ ተማሪዎች ራሳቸውን እንዲያዘጋጁም ዶክተር ተሰማ መልእክታቸውን አስተላልፈዋል።

በስነስርዓቱ ላይ በክብር እንግድነት የተገኙት በሆሳዕና ከተማ አስተዳደር ትምህርት ጽ/ቤት የትምህርት ጥራት ማሻሻል ፕሮግራም ዳይሬክትሬት ዳይሬክተርና የኃላፊው ተወካይ አቶ አንድነት ካሳ አካዳሚው ህፃናትን ከቅድመ መደበኛ አንስቶ አሰከ ዩኒቨርሲቲ እያደረሰ ያለ ጠንካራ ተቋም መሆኑን ገልጸዋል።

ትምህርት ላይ መስራት ትውልድን በማነጽ ሀገርን መገንባት ነው ያሉ አቶ አንድነት ወርልድ ብራይት አካዳሚም ይህን ተልዕኮ በብቃት እየተወጣ ነው ብለዋል።

አቶ አንድነት ትውልድ ሲያልፍ ሌላ ትውልድ እንደሚተካ ገልጸው የዕለቱ ተመራቂ ተማሪዎችም ይህን በመገንዘብ ለሀገር መስራት እንዳለባቸው መክረዋል።

የወርል ብራይት አካዳሚ ስራአስኪያጅ አቶ ብርሃኑ አበራ በበኩላቸው አካዳሚው ላለፉት ስምንት ዓመታት በትምህርት ተደራሽነትና ጥራት ላይ ሀገራዊ ኃላፊነቱን መወጣቱን ገልጸዋል።

የዘንድሮው የ12ኛ ክፍል ተማሪዎች ሀገር አቀፍ ፈተናውን በኦን ለይን አሰራር ዘዴ መፈተናቸውን አንስተው ይህም ለተማሪዎቹ ለቀጣይ የትምህርት ጉዟቸው አጋዥ ስለመሆኑም አንስተዋል።

ዘገባው፡ የወርልድ ብራይት የሕዝ ግኑኝነት ዳይርክቶሬት ነዉ
ሀምሌ 30/2018 ወርልድ ብራይት ሆሳዕና ካምፓስ

01/08/2026

በጥናትና ምርምር የታገዘ ስልጠና በመስጠት ስራ ፈላጊ ሳይሆን ስራ ፈጣሪ ዜጋ ለማፍራት እየተሰራ ነው! ተሰማ አበራ ( ዶ/ር)

ወርልድ ብራይት ኮሌጅ / ሃምሌ 25/2018 ዓ/ም

በማዕከላዊ ኢትዮጵያ ክልል ምስራቅ ጉራጌ ዞን የወርልድ ብራይት ኮሌጅ ቡታጅራ ካምፖስ በተለያዩ የትምህርት መስክ ያሰለጠናቸውን 586 ሰልጣኞች በድግሪና በዲፕሎማ መርሃ ግብር አስመርቋል።

የወርልድ ብራይት ኮሌጅ ፕሬዝደንት ተሰማ አበራ ( ዶ/ር) ኮሌጁ በጥናትና ምርምር የታገዘ ስልጠና በመስጠት ሰራ ፈላጊ ሳይሆን ስራ ፈጣሪ ዜጋ ለማፍራት እየሰራ ነው ብለው፤ ከመንግስት ጎን በመሆን የትምህርት ጥራት ለማስጠበቅ በየደረጃው ኮሌጁ ታች ወርዶ በዘርፉ ጠንካራ ስራ እየሰራ መገኘቱንም አስታውቀዋል።

አያይዘውም ኮሌጁ በ2010 ዓ.ም ሲመሰረት በአነስተኛ የሰው ሃይል የተጀመረ ቢሆንም አሁን ላይ የካምፓሶቹን ቁጥር ከፍ በማድረግ የትምህርት ጥራት ለውጥ በማረጋገጥ ስራ አጥነትን በመቀነስ ለዜጎች የስራ ዕድል በማመቻቸት ስራ ፈጣሪዎችን በብቃት ከማሰልጠን አኳያ በርካታ ተግባራት እያከናወነ ይገኛልም ብለዋል።

አክለውም ኮሌጁ አድማሱን በማስፋት ከመደበኛ ማሰልጠኛ ተቋማቶቹ በተጨማሪ ከታችኛው የትምህርት እርከን ከኬጂ እስከ 12 ክፍል በመክፈት የነገ ሀገር ተረካቢ ትውልድ ለመፍጠር መንግስት የሚፈልገውን የትምህርት ተፈላጊነትንና ጥራትን ለማምጣት እየተሰራ እንደሆነም አስረድተዋል።

በማጠቃለያቸውም ኮሌጁ ማህበራዊ ሃላፊነቱን ለመወጣት ከመማር ማስተማር ጎን ለጎን ለአካል ጉዳተኞች የነፃ ትምህርት ዕድል መስጠት፣ የደም ልገሳ፣ የመንግስት ልዩ ልዩ ኢንሼቲቮችን መደገፍ እና የመማሪያ ቁሳቁስ ለአቅመደካሞች መርዳት ላይ ሀገራዊ ሃላፊነቱ እየተወጣ እንደሚገኝም አስታውቀዋል።

በምስራቅ ጉራጌ ዞን የቡታጅራ ፖሊ ቴክኒክ ኮሌጅ ተወካይና የቦርድ አባል የሆኑት አቶ ሸምሱ ስርሞሎ፦ ሀገራችን ኢትዮጵያ የጀመረቺውን የብልፅግና ጉዞ እውን ለማድረግ ስራ ፈላጊ ሳይሆን ስራ ፈጣሪ ዜጎች በእውቀትና በክህሎት ከመቅረፅ ረገድ የቴክኒክና ሙያ ተቋማትና ሌሎች ማሰልጠኛዎች ከፍተኛ ድርሻ እንዳላቸው በመግለጽ፤ ወደ ኢንዱስትሪ የሚደረገው ሽግግር ለማፋጠንና ውጤታማ ለማድረግ ጉልህ አስተዋፅዎ አላቸውም ብለዋል።

በዘርፉ የሰለጠነ የሰው ሀይል ችግር ለመቅረፍ በየደረጃው ከፍተኛ ጥረት በመደረጉ ከጊዜ ወደ ጊዜ መሻሻልና ውጤቶች እየተመዘገቡ መጥተዋልም ብለዋል።

አያይዘውም የወርልድ ብራይት ኮሌጅ ቡታጅራ ካምፖስ የተሰጠውን ተልዕኮ በማሳካት አበረታች ውጤቶች እያስመዘገበ ነው ብለው፣ ከጊዜ ወደ ጊዜ አሰራርና አገልግሎት አሰጣጣቸው ካዘመኑ ኮሌጆች ግንባር ቀደም ሆኖ መገኘት የቻለ እንደሆነም አስረድተዋል።

በመጨረሻም ሀገራችን ኢትዮጵያ አሁን ላይ የጀመረቺውን ሁለንተናዊ ለውጥ እውን እንድታደርግ ሁሉም የትምህርት ተቋማት የድርሻቸው በመወጣት ማገዝ እንደሚጠበቅባቸውም ጠቁመዋል።

በዚህም በስልጠና ቆይታቸው የተሻለ ውጤት ላስመዘገቡ ተመራቂዎች የዋንጫ፣ የሜዳሊያ ሽልማትና እውቅና ተበርክቶላቸዋል።

በመድረኩም የዋቸሞ ዩኒቨርሲቲ አካዳሚክ ፕሮግራሞች ዳይሬክተር ዶ/ር ሙላቱ ኦሴ፣ የወርልድ ብራይት ኮሌጅ አምባሳደር አቶ አለማየሁ ተረፈ፣አቶ ብርሃኑ አበራ የኮሌጁ ምክትል ዲንን ጨምሮ የኮሌጁ የማኔጅመንት ፣ የቴክኒክና ሙያ ማኔጅመንትና ሌሎችም የትምህርት ባለድርሻ አካላት ተገኝተዋል።

ዘገባው:- የወርልድ ብራይት የህዝብ ግንኙነት ዳይሬክቶሬት ነው

01/08/2026

15/07/2026

ወርልድ ብራይት አካዳሚ አጠቃላይ 2ኛ ደረጃ ትምህርት ቤት የ2018 የትምህርት ዘመን የ12 ኛ ክፍል ብሔራዊ ፈተና በሰላም ተጠናቀቀ።

ፈተናው በወርልድ ብራይት ኮሌጅ ውስጥ በኦንላይን ቴክኖሎጂ ዘዴ የተሰጠ ሲሆን የሶስቱም ዙሮች ፈተና በስኬት መጠናቀቁን ምክንያት በማድረግም በኮሌጁ ቅጥር ግቢ ውስጥ ችግኝ ተካላ መርሃ ግብር ተካሂዷል።

በተፈጥሮና በማህበራዊ ሳይንስ ትምህርት ዘርፍ 2መቶ 14 ተማሪዎችን በሶስት ዙሮች ማስፈተን ስለመቻሉም ተገልጿል።

ከተፈተኞች መካከል ተማሪ መሳይ ማቴዎስ እና ምንተስኖት ግዛው በሰጡት አስተያየት በዓመቱ የትምህርት ወቅቶች ከመደበኛ ትምህርት በተጨማሪ መምህራን ልዩ የማጠናከሪያ ትምህርት መስጠታቸው ለፈተናው እንዳገዛቸው ተናግረዋል።

በዓመቱ የተሰጡ የክፍል ፈተናዎችና ሞዴል ፈተና ከወረቀት ነፃ በሆነ መንገድ መፈተናቸው አሁን በኦንላይን ሲስተም ክህሎት አንዲፈተኑ እንዳገዛቸውም ገልፅዋል።

በተማርንበትና በለመድንበት በራሳችን ት/ቤት መፈተናችን በተረጋጋ ሁኔታ ፈተናውን እንዲናጠናቅቅ አግዞናልም ብለዋል ተማሪዎቹ።

የወርልድ ብራይት ኮሌጅ ፈተና ጣቢያ ኃላፊ መምህር ዘነበ አሰፋ እንደገለጹት በፈተና ጣቢያው በሶስት ዙሮች ማለትም በዙር ሁለት፣ ሶስትና አራት በተፈጥሮና በማህበራዊ ትምህርት ዘርፍ 2መቶ 14 ተማሪዎች የተፈተኑ ሲሆን ከዚህም 76ቱ የማህበራዊ ትምህርት ዘርፍ ተማሪዎች ናቸው።

ለተማሪዎቹ በተማሩበት አካባቢና ት/ቤት ለኦን ላይን ፈተና የሚሆን ግብኣት ተሟልቶ መፈተናቸው ያለምንም መረበሽ ተረጋግተው እንዲፈተኑ እንዳገዛቸው የተናገሩት የፈተና ጣቢያው ኋላፊ አካዳሚው ይህን ምቹ ሁኔታ መፍጠሩ የሚበረታታ መሆኑንም አክለዋል።

በሶስቱም ዙሮች የተሰጠው ፈተና ሰላማዊ እንደነበር የጠቆሙት ኃላፊው የጣቢያው ፈተና በስኬት ተጠናቋልም ብለዋል።

የወርልድ ብራይት አካዳሚ ስራ አስኪያጅ አቶ ብርሃኑ አበራ በበኩላቸው የ2018 ትምህርት ዘመን የ12ኛ ክፍል ተማሪዎችን ለብሔራዊ ፈተና
የማዘጋጀት ስራዎች በትኩረት እየተሰራ መቆየቱን ገልጸዋል።

የትምህርት ዘመኑ ብሔራዊ ፈተና ከመጀመሩ በፊትም በሞዴል እና በክፍል ፈተናዎችን ከወረቀት ነፃ በሆነ ዘዴ በመስጠት ተማሪዎች የኮምፒውተር ክህሎታቸውን እንዲያዳብሩ ማድረግ መቻሉን ገልጸዋል።

ለኦንላይን ቴክኖሎጂ የሚሆኑ ግብዓቶችን ማሟላት ከፍተኛ ወጪን የሚጠይቅ ቢሆንም ጉዳዩ ሀገራዊ ተልዕኮ መሆኑን በመረዳት የተቋሙ ቦርድ እና አመራር ባደረጉት ጥረት ግብዓቶችን ለማሟላት ስለመቻሉም ገልጸዋል።

አካዳሚው የግል ተቋም ሆኖ በራሱ ተቋም ራሱን ችሎ የራሱን ተማሪዎች በኦንላይን ዘዴ ለመፈተን መቻሉ ትልቅ ታሪካዊ ስኬት መሆኑን ያነሱት አቶ ብርሃኑ ይህ ደግሞ ተማሪዎች በተረጋጋ ሁኔታ ፈተና መውሰድ እንድችሉ ያገዘ መሆኑን አብራርተዋል።

ፈተናው ያለምንም ችግር በሰላም መጠናቀቁ ሌላኛው ስኬት መሆኑን ገልፀው ለስኬቱ አስተዋጽኦ ያደረጉ አካላትን ሁሉ አመስግነዋል።

በአካዳሚው ሲሰጥ የነበረው ብሔራዊ ፈተና በስኬት መጠናቀቁን ምክንያት በማድረግም የወርልድ ብራይት ኮሌጅ ፕሬዝደንት ተሰማ አበራ(ዶር)ን ጨምሮ ተፈታኝ ተማሪዎች፣ፈተኝ መምህራን እና በፈተና ጣቢያው የተመደቡ የፀጥታ አካላት ጋራ በመሆን በወርልድ ብራይት ኮሌጅ ቅጥር ግቢ ችግኝ ተክለዋል።

ዘገባው የወርልድ ብራይት ኮሌጅ ዳይርክቶሬት ነዉ
08/11/2018 ዓ/ም
‎
‎