O Allah increase my knowledge, Harar, Hirna (2026)

22/09/2023

Mee as gori yaroo takka

✍ Waa si gaafadhuu? Tole
1. Eenyu si uume?
👉 Rabbii tokkicha
2. Maaliif si uume?
👉 Akkaan Isa gabbaruufi
3. Tole! Ati amma Isa qofa gabbaraa jirtaa?
👉 Eeyyeen!
4. Gabbaruu jechuun maal jechuudha?
👉 Gadi caphuufi if gadi qabuudha; keeysaafii gubbaanis gadi jechuudha.
5. Hayyee! Qajeelfama/ manuwaala kam hordofta yaroo Isa gabbartu?
👉 Qur'aanaafi Hadiisa sahiiha taheen hordofa.
6. Tole! Qur'aanaafi Hadiisa malee kan biraa hin jiruu?
👉 Ni jirti: Walii galtee beektota amantii Islaamaa tan hangaftoota duriiti ammaas.
7. Tole! Gaarii jirta. Garuu Qur'aanaafi Hadiisa ofumaa keetiif irraa fahamtee hordofta moo akkami?
👉 Fahmii Salafa saalihaatiin hubadheen jala deema malee akkanatti naan dogongora.
👉 Walii galtee beektotaa jechuun kiyyaahuu hubannaa isaaniitiin hoogganamuu kiyya agarsiisaa bar adeeroo!!

8. Tole! Adeera kiyya! Yoo akkana tahe gaarii jirta.
Mee namoota ifumaafiin hubadhee akkuma naaf mullatetti jala deema nama jedhuun maal jetta?
👉 Eega akkas tahee maaliif walirraa qara'uun barbaachise ree?
9. Yaroo walirraa baratan kana edaa sansalata hubannoo sanii waliif dabarsaa jiranii?
👉 Ee! Ee!
10. Warri zamanaa kun kana beekhaa ree yaa adeeroo?
👉 Hanga Qiyaamaatti gareen kanaan deemtu jirti jedhan Ergamaan(saw).
11. Gareen sun maali maqaafi dalagaan ishee?
👉 Gareen sun garee waaniin aniifi sahaabonni kiyya irratti turre irratti warra jiraataniidha jedhan Ergamaan(saw).
Maqaan isaanii kan hojii isaanii ibsuun jiru: Ahlussunnati wal Jam'aadha.
✍ Deebisaa keetiif galatoomi!!

22/09/2023

Yaa nama yaaddoftee jirtu
Ifirratti laaffisi
* Saalihtootarraa namni tokko gurbaa yaanni dhamaase tokko arkee yaa gurbaa maal taate? je'ee gaafate.
Gurbaan: yaada wahiitu na mudate je'een.
Yaroo kana gurbaanis: Jannataatu si duraa badde moo?
Fudhatama dhabuu kankee himamte? Je'een, ifirratti laaffisi yaa gurbaa! Wanni jannataa gadii hunduu gaduma je'een.

22/09/2023

Baacoof/ goofataaf

✍ Namichaatu akkuma Dirre Dhawaa dhufeen Taaywaan seene. As laale achi laale, bakki itti babbareedde.
Harka afaanirra kaayyatee: yaa Rabbi kuni Jannata sheekkotiin teenya nutti himan sani moo maali? Je'e.
Keeysa deddeemee laale, guyyaan ifaa qabsiifatanii tattaa'u. Ni laale: yaa Rabbi! Ani afaan jaldeeysaafi karkarroo na keeysee warra jaallattu fiddee Jannata keeysa as keeysee edaa Ati?! Je'ee, amma kan achitti baadiyyaa karkarroo, booyyeefi jaldeeysa san eegutti deebi'u Anaa miti.
Ani asii hin deemu , waanuma fedhe santu dhufa malee hin demu achitti! Je'ee achumaan Taaywaanitti hafe. Oduma taa'uu akka itti hojiin hojjatamu bare. Warra achitti daldaluuf ergamuu eegale. Murannoon waan hafeef obsee maallaqa waan fudhate walirra kaayyate.

Namichi yaroo xiqqoo booda Taaywaan keeysaa bakka itti dalagu barbaadee arkate. Yaa aboo maal seete? Yaroo xiqqo booda qubataa Dirree tahee daldalaa Taaywaan tahee as bahe.

Edaa yoo murannaafi gara kuteenyaan yoo hojjatan bakka yaadan san gargaarsa Rabbiitiin numa gayan !!

Rabbiin Hadiisul Qudsii keeysatti akkana jedhe:
" Ani bakka gabrichi khiyya itti na eeggateen jiraafi."

"Obsaan siila goromsaa dhuga" jette Oromoon
أبو صيام

02/09/2022

✅Seena gabaabduu!✅

Makmaaksa Arabiffaa tokko kheysatti akkana jedhan:
"رجع بخفي حنين"

"Gaalaan baheet Kophee lameen Huneyniitiin gale!"

Sababni isaa:

• Namticha Huneyni jedhamu khanaatu kophee hodha ture.

Khana horsiisee bulaan tokko gaalaan dhufee kophee gatii gaafatee itti himnaan falmii itti heddummeyse.

Khanuma jidduu namoonni hedduun kophee bituuf dhufanii isaan eeguu turan. Yaroo isaa Lameen falmii kheysa galan dhiisanii biraa deeman. Tanuma keeysa namtichiniis odoo hin bitin gaala isaa fudhatee deeme.

• Amma Huneyniin dubbii walitti laalee aare; gabaa/maammiltoota hedduu na dhoorke waan taheef namticha irratti hojjatuun qaba je'ee murteyfate.

Khophee inni bituu dhiisee deema san fuudhee dhokatee miila tokko karaa namtichi gaalaan deemurra khaaye, miila khaan karaa inni bira darberra godhee dhokatee eege.
Amma abbichi gaalaa kophee arke.

Isiin tun kophee Huneynii san fakkaatt,i miila tokko taate malee je'ee gaala isaa dhiisee miila khaan itti barbaaduuf if duuba deebi'e.

Achumaan miila khaaniis arkatee gammade; kophee gatiirratti wal dinne akkanattuu arkadhe jee'ee yaroo bakka gaala itti dhiise gayu, gaalli hin jiru!

Gaala barbaadee dhabe. Gaala ammo Huneyniin kiyya lax godhee kharaarraa meysee jira. Akka irratti hojjatame hin barre gawwaan kiyya!
Gaala dhiisee kophee lamaan qofa fudhatee imala isaa itti fufee biyya isaatti gale.

Yaroo galu:
gaalli yaabbattee deemteen eeysa khute?! jadhanii gaafatan. Maali ree gaala kophetti geeddarte moo? gaafiin jeettu namticha tasgabbii dhoorkite.

Ummannis :
"رجع بخفي حنين"

Kophee lamaan Huneyniitiin gale jedhanii itti hanjaman/ baacan.

✅ Achumaan nama waan xiqqoo barbaaduuf wan guddoo dhabe hundaaf makmaaksa taatee hafte.

👉 Ee yaa bada miskiina khana!

Tan lafaatiin fuudhatti tan okhaa buute makmaaksa jedhu sanii waliin wal fakkaatti dubbiin tun.
✅ Akkasigaa namni ibaadaa Rabbii dhiisee Addunyuma ariyuusa kanuma fakkaata.

02/09/2022

Dubbii yoo itti dhiyaatan
nama dhiittu, irraa fagaataniis
nama ciniintu; na dhiisi jettee ifirraa kadhattu si qirqirsitu, niin himadha yoo jette akka itti himattu hin qabne...maaluma wanni akkanaa..........❓‼️

✍ Siif himan namaaf himtaa, siif qican gad nannaqxaa, harkatti siif kutan gandaan dhayxaa akkamiin si godha? je'e ja'an namtichi mucaadhaan.

👉 Firummaaf adda hafuu dadhabne, afaan ajaaf waliin deemuu dadhabne je'e ja'an waraabeysi.

Ee! Akkasi je'e namichi himee himee yaroo dubbiin ummataaf galuu diddu‼️

✍ Yaa sheekha❗️ilmaan namaa maaliif walitti qabdee taa'aanii oltaa mitii, waanuma lama itti himtee ifirraa hin geggeeysituu! Je'e ja'an maraataan sheekha kitaaba barsiisutti dhufee.

👉 Wanni lamaan:
√ Qaceeltan Jannata
√ Jallattan Azaaba seentan jechuudha.
Tanuma Lameen itti himii ifirraa yaasi je'een.

✍ Hamtuun Abbuma eeggattii Amiiroo ati haquma dalagi je'ee gorse ja'an namtichi❗️

02/01/2022

Maali akkanatti dhiphatuun?!
Maaltu si dhiphisaa jira? ja'anii odoo gaafatanii, dhiphatuu keysa kutee waan Isa rakkise himatuu hanga wallaalu takka gaya namni yaadaan nyaatame.
Wanni akkatti yaaddawuu qabnuuf ajaja Rabbii keenyaa hojjatuu dhabuuf odoo tahee gaariidha silaa.

Badii guddatteef araarama Rabbirra barbaanna, rizqii nutti dhiphatteef hojjannee Rabbirratti irkanna. Maaltu dhiphatuu fide ree??
Moo innummaanuu mokkora?!
Silaa waan guddaaf akkanatti yaaddawanii gaariidha.
Waanuma xiqqoo faadhaaf bakka taa'anii dhiphatuun ifiifuu dhiphina biraati.
Yaa Rabbi! Rakkoo duniyaafi Aakhiraa jalaa nu baasi!
Dhiphina yaadaa nurraa qabi, kheyrii walitti nuuf qabi!

27/09/2021

Diinni guddaan fedhii lubbuu ti:

Salamatu bin Diinaar (r.t) ni jedhe:
" Aduwwii kankeetiin loluu caalaa fedhii lubbuu kheetiin loluu cimsi!"

27/09/2021

Gorsa hayyootaa!

Fakkenyi nama arkisiifatuufi dhageysifatuuf ibaadaa hojjatuu akka nama cirracha kiisha guuttatee magaalaa/ gabayaa dhaqeeti; namoonni isa laalanii khiishni gurbaa kanaa numa guutuudha! ja'anii isa haasawu.
Dubbii namaa malee bu'aa tokko hin argatu; cirracha saniin homaa takka bitatuu hin dandayu, namoonni suniis haasawuu malee waan tokko isaaf hin godhan.
Rakkatuun isaa akkuma duniyatti bu'aa isaaf hin buusin Aakhirattiis bu'aa hojjatuu isaa san hin arkatu.
Saniifuu ibaadaa hanga dalagan san Rabbiif hojjatuudha kan nama baasu!

27/09/2021

Rabbiin gaafa gabricha tokko jibbe, waan sadi isaaf kennee waan sadi ammo isa dhoorkata:
~ Namoota gaggaarii waliin isa jiraachisa, gorsa isaanii irraa fudhatuu isa dhoorka.
~ Dalagaa gaarii hojjatuu isaaf kenna, dalagaa san kheysatti Rabbiif hojjatuu isa dhoorka.
~ Beekkomsa isaa khenneeti, isii kheysatti dhugaa himuu dhoorkata.

* Yaa Rabbii Guddaa! Nu sattari!

27/09/2021

Dhaamsa obbolummaa!

Namni Rabbiin muslima si godhe hangam yoo badii jojjattelle Tawbaa hin irraanfatin.
Hiriyimmaaf jettee nama shirkiifi kufrii dalagu, kan amantii dhugaarraa dabe hin saahibin!
Waliin jireenyaaf jettee Diin kee hin gurgurin! Hiriyaan qabrii si wajjiin hin seenu, kan qabrii si waliin deemu hojii kheeti.
Hangam jiraattus du'uun kee hin hafu, duutee achiin hin haftu ni khaafamta, fuula Rabbii deemta.
Kharaan dheeraadha. Sinqii barbaada, bakka irraa waa bitatan asuma malee kharaa kanarra wanti tokko hin jiru.

27/09/2021

Yaa ilma namaa khana!!

Rabbii dhabamarraa isa argamsiise, eegasii kan addunyaa gubbaa isa jiraachise, san booda isa ajjeesee isa khaasee fuula Isaa dhaabbatuuf jirutti kafre!
Gaaffii ajaa'ibaa Rabbiin Suuraa Baqaraa Aayata 28 irratti isaaniif dhiheyse:

" Mee akkamumatti Rabbitti kafartan!?
Dhabamoo haala taataniin, isin uume.
San booda isin ajjeesa, ammas isin khaasa, san booda gara Isaatti deebi'uuf jirtu!"

Mee haa laalluu:
Namni Rabbii isa uumee isa jiraachisutti kafru, Isaahuu mormu, yaruma takka Rabbii isa uume hin galatomfanne, maal irraa eegda ??

" Ilmi namaa waa badee! Kufriin isaa numa guddoodha!
Maalirraa Rabbiin isa uume!? Bishaan xiqqaa sanirraa isa uumee isa kharoorse. San booda kharaa garaa jaadha isaatii bahuun isaaf laaffise. San booda isa jiraachisee, isa ajjeesa, achumaan qabrii isa galcha.
Dhugumatti! Ilmi namaa waan Rabbiin itti ajaje hin hojjanne!" je'e Rabbiin Aalamaa.

Way! Bada hojii ilma namaa! Abbaa fedhaettillee yoo mataa jabaate, Goftaa isa uumetti akkamiin garaa jabaata!!
Dubbii dabaa tan booda biyyee isa nyaachisuuf teysu hojjate ilmi namaa.

Yaa Rabbii Tokkicha! Atumti tola nutti ooli!

O Allah increase my knowledge

22/09/2023

22/09/2023

22/09/2023

02/09/2022

02/09/2022

02/01/2022

27/09/2021

27/09/2021

27/09/2021

27/09/2021

27/09/2021

Address

Website

Alerts

Contact The School

Shortcuts

Share

Category

Listing takedown request