27/04/2025
=========
Warra qubee bocee
Dhaloota Barsiisuu?
warra dachee qotee
Midhaan nu nyaachisuu?
Warra dawaa guuree
dhibee nu fayyisuu?
Warra dachee keessaa
Albuudaa buqqisuu?
Eenyuu ?Goonni sirrii
eenyu dura Aansuu?
Kan addunyaa hundaaf
Dungoosaa qabsisuu.
Kan seenaa kaleessa
nama yaadachiisuu.
Kan eenyummaa ofii
nama hubachiisuu.
Mirgaafi dirqamas
kan nu agarsiisuu.
Eeyyen barsiisadha
Kan qarooma duursu.
=
Eeyyee barsiisadha
kan hundaanuu firaa
Kan dhaloota qubee
Nuuf qabsiise karaa.
Amaanaa biyyattii
kan baatu Adaraa.
Waaroo wallaalummaa
Kan baasu namarraa.
Inni barsiisadha
goonni sammuu qaraa.
Ogummaa hundaafuu
Furtuu bara baraa.
Barsisan abbaadha
abbaa nama maraa.
Addunyaatti makuuf
lafaa nama haraa.
=
Barsiisan harmeedha
Biddeen namaaf laata.
Dhibee wallaalummaaf
isatu furmaataa.
Irraa fuudhii nyaadhu
laaqana kee baata.
Kabaji Barsiisaa
yoosan beeka taataa.
Biddeen kee boruutiif
si dura dhaabbataa.
Barsiisaa jechuun nama ofii waa hubatee nama biraa illee hubachiisudha!!
Follow me Daboo Dร boo Matheos
