Haramaya University Gamtaa Barattoota Fugug-murti guto

24/11/2024

15/07/2023

Ergaa baga gammaddanii!

Barattoonni haramaya yuuniversiitii barana qormaata bahumsaa (exit exam) fudhattanii darbitan hundi baga gammaddan isiniin jechuu barbaanna.
Gamtaan barattoota harargee yuuniversiitii haramayaa.

15/06/2023

XALAYAA BANAA

GAMTAA BARATTOOTA BAHA OROMIYAA(GBBO).

DHIMMI;- IBSA EJJANNOO RAKKOO JIMAA HARARGEE.

Qaama dhimmi ilaalu hundaaf.

Ummanni kamuu afaan, aadaa jiruu, duudhaa, artii, seenaa, eenyummaa fi maadda galii jiruu mataasaa qaba. Hawaasummaa, Siyaasaa fi diinagdeen sadeen bu’uraa jiruu ilma namaati. Isaan kana hundaaf diinagdeen abbaadha. Hundaa’ol jiraachuu ummata tokkootiif diinagdeen barbaachisaa osoo hin taane dirqama. Diinagdeen dhaabbannaan jiruun ni dhaabbatti. Rakkoo daldala Jimaa mudatteen ummanni Harargee yeroo ammaa rakkoo hamtuu keessa jira. Jiruu fi jireenyi ummata Harargee guutumaan guututti omisha Jimaarratti irkataadha. Lafti ummata keenyaa xiqqoo fi bu’aa ba’iidha. Sanummaanuu Jimaa malee omisha biraa hin kennitu. Haala qubsuma ummatatiiniis wal qabatee oomishni biyya keessa, biyyootaa ollaa fi biyyoota alaatirraa galiin argatan Jimaa qofa. Galii asirraa argatan tanaan jiruu dagalfachaa, hiyyummaa injifachaa, gabrummaa moo’achaa, ilmaan barsiifachaatii fi qaroomatti dhihaachaa jiraatan. Kanaafuu, ummata kanaaf Jimaan leeccalloodha, jiruudha, wirtuu lafee duuydaati, madda galiiti.

➢Rakkoo daldala Jimaa mudaatteen rakkoo hamtuun ummanni amma keessa jiru ijoon:-

▹Ummanni Harargee diinagdeen laamsha’ee beela hamtuuf saaxilamee jira.

▹Ummanni waan nyaatu dhabee kaan dhumaa kaaniis kadhaa mudatee jira.

▹Hiyyoomee ilmaan barsiifachuu dadhabee jira.

▹Jimaan gatii dhabee kaan keellarratti gubatee; kaan haadharratti hafee jira.

▹Dorgommii gabaa fi diinagdee keessaa bahee jira.

▹Ummanni hawaasummaa, siyaasaa fi diinagdeeniis faca’ee jira.

Yeroo ammaa kana barattoonni kutaa gadiitirraa hanga Yuunivarsiitii jiran sababa rakkoo Jimaa mudatte tanaatiif maatiin barsiisuu dadhabdee barnoota dadhabanii galuurra jiran. Bakka baay’etti kan dhiisee galees ni jira. Kanaafuu, nuti akka Barattoota Baha Biiftuutti rakkoo maatii keenya mudateen rakkoo adda addaaf saaxilamnee jirra. Qaamni dhimmi ilaalu kan ummata dura jiru furmaata itti kenna jennee qaamaa qalbiin hordofaa turre, haa ta’u malee, hanga ammatti ija rakkoo ummataa laaltuufi gurra sagalee hawaasaa dhaga'uu hin argine. Akka Gamtaa Barattoota Baha Oromiyaatti rakkoo tanatti furmaanni ni kennama jennee osoo eeynuu dhimmi kun dhageeytii dhabee moggatti hafuun akkuma cittorratti faanxoo jedhan san guyyuma guyyaan rakkoon lakkuu dhaltee hammaachaa dhufte.

Mootummaan dhimma kana osoo quba qabuu rakkoo namtoolchee ifiif uumeen ummata jilbiibbachiisee jira. Kunimmoo, jibbaa fi tuffii ummata Harargeetiif qabu ifatti mul’isa.

➢Rakkoolee daldala Jimaa mudatan keessaa ijoon:-

◉Keellaan magaalaa hundatti heddummaachuu.

◉Qaraxa humnaa olii keellaa hudarratti funaanuu.

◉Hangi Jimaa alatti ergamuu xiqqaachuu fi ugguramuu.

▪Magaalaan bilisaa dhabamuu Seera haaraya kan qaraxa humnaa olii (over taxation) fi qaraxa dachaa (double taxation) oomisha jimaarra kaayamee jiru Daldalli Jimaa daldaltoota muraasa waliigaltee qaamoota mootummaatiin danqamuufi gareen wal jaaranii socho’uu daldaltootaa.

▪Imaammataa, labsiifi seeroota haaraya bahan. Labsiin kun ummata, ogeessoota diinagdee fi ogeessoota seeraa kan hin hirmaachifne ta’uu. Seerri bahe aadaa ,jiruu hawaasaatii fi haala oomisha Jimaa ilaalcha keessa galchuu dhabuu.

▪Seeroonni bahanii fi tarkaanfiiwwan fudhataman qo'annoo fi qorannoo sirriitii fi saayinsii diinagdeerratti kan hundaaye ta’uu dhabuu.

▪Malaammaltummaa,seer-dhablummaa, kotorbaandii fi kira sassaabdummaan magaalaa Jimaa keessatti sirna ta’uu. Kuniis, qaamoolee seera kabachiisanii fi daladaltoota muraasaan waliigaluun danqa uumee jira.

▪Ummanni qabeenya isaarratti abbaa ta’uu dhabuu.

▪Diploomaasiin kufuu fi xiyyeeffannoon Jimaaf qaban dhabamuu.

Gamtaan Barattoota Baha Oromiyaa rakkoo daldala Jimaa hadhooytuu maatii teenya mudatte tanaaf barachuu waan dadhabnee fi maatiin teenyaas jiraachuu dahabdee beelaan araraafamaa waan jirtuuf maatii keenyaaf sagalee taanee hanga furmaanni bu’uraa argamutti falmachuuf dirqamnee jirra. Kanumaan ibsa ejjannoo qabxii muraasa qabu kan marsaa jalqabaa baafannee jirra. fi ibsi ejjannoo kun yaada miseensoota GAMTAA BARATTOOTA BAHA Oromiyaa hundaa yoo ta’u, kallattiin mootummaa biyya bulchuufi bakka bu’oota ummata Harargee kan illaallatuudha.

IBSA EJJANNOO FI YAADA FURMAATAA GBBO.

MOOTUMMAA FI BAKKA BU’OOTA UMMATAATIIF.

➬Mootummaan biyya bulchaa jiruu fi mootummaan naannoo Oromiyaa rakkoo daldala Jimaa Harargee mudatte hatattamaan furuu qabdan.

➬Bakka bu’oonni ummataa Harargee bakka buutanii paarlaamaa fi Caffee Oromiyaa keessa jirtan rakkoo ummanni keessa jiru kallattii hundaan mootummatti himtanii akka furu godhuun dirqama keessan akka ta’e beektanii rakkoo tana akka furtan.

➬Imammataa fi labsiin Jimaa aadaa, jiruu hawaasaatii fi haala oomisha Jimaa ilaacha keessa galchuun bahuu qabdi.

➬Hawaasa bal’aa, ogeessoota, diinagdee, seeraa, fi hayyoota adda addaa hirmaachisuun eega qorannoon gadi fagoo gaggeeyfamtee booda labsiin Jimaa bahuu qabdi. IMAAMMANNI DABAA KA’UU QABA.

➬Keellaan magaala hundatti hidhame san ammatti ka’uu qaba

➬Qaraxni humnaa olii fi dacha ammatti Jimarraa ka’uu qaba.

Kanaafuu, akka GBBO tti irra deebi’iin mootummaan rakkoo daldala Jimaa mudatte tana akka daddafee furmaata itti kennu abdii, jaalalaa fi kabajaan cimsinee gaafanna. Kun hatattamaan yeroo gabaabaa keeysatti hojitti hiikamee furmaanni bu’uraa hin dhufu taanaan beelaan dhumurra akka GBBO tti kallatti danda’me hundaan falmannee fala waaraa fiduuf qophiidha. Akka Gamtaa barattoota Baha Oromiyaatti ; barattoonni Harargee mana barnoota sadarkaa tokkooffaa hanga Yuunivarsiitii jirru maatiin keenya rakkoo hamaa keessa jiraachuun adeemsa baruufi barsiisuu irratti carraan tasgabbiin barachuu dhabuu yaaddoo nutti uumee jira. Kanaafuu, qaamni dhimmi kun ilaallatu mootummaan rakkoo tana hatattamaan furuu qabaan dhaamsaa fi ejjannoo GBBO ti. Ta’uu baannaan waan uumamee fi umamuuf taa’uus itti gaafatamaan mootummaadha.



MIIDIYAALEE OROMOOTIIF Ummanni Oromoo Harargee rakkoo daldala Jimaa mudatteen rakkoo hamtuu keessa waan jiruuf dhimma kanaaf sagalee taatanii akka gabaastan. Rakkoo namtoolchee hamtuu tanaan wal qabatee oduu, dookmantarii fi ijoo dubbii gootanii akka irratti hojjattan. Hayyoota dhimma kana keessa beekanii fi yaada furmaataa lafa kaa’anii dhiibbaa uumuu danda’an yero yeroon uwwisa miidiyaa kennitaniifii afgaafii godhuufii qabdan.

Activistoonni Oromoo, Hayyoonni Oromoo, Miidiyaaleen Oromoo, Baratootaafii barsiisoonni rakkoo khanaaf bakka jirtanii social media fii meediyaan akkasumaas qaamaan marihachuuf yeroofii yaada aarsaa gootan hedduu Galatoomaa jechaa, ammaas ammoo rakkoon daldala jimaa Kun daran hammaachaa waan dhufeef Ammallee Qonnaan bulaan Baha Oromiyaa sagalee keeysanitti haajamaa Jira. Yeroo Kam caalaa tokkummaafii gamtaan Dhimma rakkoo daldala jimaa Kun hanga furamutti hifaata malee Akka Cunqurfamoota kana cinaa dhaabbatan khabajaafii jaalalaan isin gaafanna.

MOOTUMMAAF.

MITMOOTUMMAAF.

HAYYOOTA OROMOOTIIF.

AKTIVISTOOTA OROMOOTIIF.

GAMTAA BARATTOOTA OROMOOF.

UMMATA OROMOO MARAAF.

GAMTAA BARATTOOTA BAHA OROMIYAA (GBBO) IRRAA.

Waxxabajjii, 2023 OROMIYAA.

14/06/2023

Waa'een jimaa eessa gahe akkuma gaaffii oromoo deebisa dhabe.
Jimaan madda galii qotee bulaa harargeeti maatiin ilmaan hedduu barsiisuu irratti argamu sadarkaa ilmaan isaa barsiifachuu dadhabuu irra gahee jira.
Qumaarri siyaasa lubbuu dhala namaatiin taphatamu nurraa dhaabbachuu qaba.
Akka barattoota gamtaa harargee yuuniversiitii itoophiyaatti jaallan keenya wajjii duula social media gaggeessuuf qophii xumurree jirra guyyaa muraasa booda kan wal agarru ta'a.

29/10/2022

Guyyaa waamicha barattoota undergraduate hundaaf yuuniversiitin haramaya godhe.
Galmeen barattoota online sadaasa, 3 fi 4.
Qaamaan argamuun kan galmooftan sad.5
Class kan jalqabu sad.6
Bara barnoota gaarii hunda keessaniif haa ta'u.

23/08/2022

Godina harargee bahaa.
Aanaa Gursum.
Araddaa muyaddiin
-----------------------------------------
Araddaa muyaddiinitti barattoonni yuuniversiitii irraa boqonnaa sababeeffachuun gara maatii gala hojii tola ooltummaa baruu fi barsiisuu irratti bobba'uun hojjachuu irratti argamu galataatu isiniif mala galatooma.

23/08/2022

Godina harargee bahaa.
Aanaa Qarsaa.
Magaala Watar.
-------------------------------------------------------------------------
Magaala wataritti barattoonni yuuniversiitii garagaraa irraa dhufan hojii tola ooltummaa kutaa 10 hanga 11 fi 12 haala hoo'aan barsiisuu irratti argamu kuni fakkeenyummaa gaariidha.
Kutaalee harargee kan biraatti babal'achuu qaba.

10/08/2022

Fakkeenyummaa gaarii gamtaa barattoota tola ooltota magaalaa muuxannoon kun harargee magaalaa garagaraatti akka babal'atu abdiin qaba.
Ijoolleen keenya kan harargee yuuniversiitii gara garaa irraa boqonnaa sababeeffachuun gara maatii galtan ijoollee keessan dhaloota isin booda kallattii barumsaan gargaaruu dirqama qabdu waan ta'eef maqaa gamtaa barattoota harargee yuuniversiitii haramaayaatiin waamicha isinii godhuun barbaada.
Olaantummaa kallattii barumsaan qabnu haa deeffannuun isiniin jedha.
Galatooma.

26/06/2022

Yooyyaa harka fuune jechaa har'a kunoo bu'aa bahii yaadaa fi qaamaa yeroo dheeraa booda kunoo loogoo akka gamtaa barattoota harargeetti eenyummaa keenya bakka bu'uun nu ibsuu danda'a jedhee kan yaade bocee qabadhee dhufee jira.
Akkuma beekkamu addunyaa keenya kana irratti jaarmiyaa garee irraa kaasee hamma biyyaatti seenaa,aadaa,siyaasa,hooda jiruufi jireenya ummataas ta'ee dhaabbilee ibsachuudhaaf loogotti dhimma bahu.
Nutis kana bu'ura godhachuun akka gamtaa harargeetti seenaa,aadaa,duudhaa fi amantii akkasuma hoodaa fi naamusa jireenya hawaasummaa kan ofitti nama harkisu waliin qabna kanaafuu loogoo akka gamtaa barattoota haragee universitii haramayaatti eenyummaa keenya ibsuun bakka nu bu'a jennee yaanne qabannee dhufne.
Akkuma asiin gaditti agartan kanatti loogoon kun qabiyyee hiika gargaraa qabu of keessaa qaba.mee waliin haa ilaalluu.
QABIYYEE LOOGOO.
☆ Alaabaa abbaa gadaati.
Alaabaa abbaa gadaa kan fayyadamuu dandeenyeef mooraa oromiyaa keessaa harargeen kutaa tokko ta'uu ibsuufi akkasuma alaabaan abbaa gadaa kun qabiyyee gara garaa kan kaayyoo akka uumamaa fi biyyaa fi oromoo fi oromiyaatti waliin qabnu kan ibsituudha.
> Gurraacha: akkuma beekkamu oromoon waaqni gurraacha jedhee amana kana jechuun rabbiin qulqulluudha jechuu agarsiisa.
> Diimaa:Gahanii bilchaachuu fi wareegama agarsiisa.
> Adii: xumuruu ykn raawwachuu agarsiisa.
☆ harka wal qaxxaamure ykn wal fuudhuu.
Kuni kan ibsu wal kabaju wal utubuu wal jaalachuu fi tokkummaa agarsiisa.
☆ Kitaaba: Akkuma beekkamu kitaabni beekumsa barachuu fi wal barsiisuun addunyaan dorgamuuf beekumsaan ofi ijaaruu agarsiisa.
☆Siidaa calii calanqoo.
Akkuma beekka akka harargeetti dhalootarraa eegalee hamma ga'eessa taanutti seenaa calii calanqoon abbootii keenya irraa dhageeffachaa guddanne akka harargeetti nuti seenaa,aadaa,duudhaa,hooda fi jiruu fi jireenya akkasuma hambaa seenaa kan ofitti nama harkisu baay'e qabna kanaaf nutis sababni siidaa calii calanqoo filannee siidaan kun aadaa,seenaa,amantii,siyaasa,hooda jireenya hunda of keessatti hammata jennee waan yaannuuf filachuuf dirqamne mee haa waliin ilaallu akkuma beekkamu kaayyoon ganamaa kan abbootiin keenya kumaatamaan dirree calanqoo irratti sirna nafxenyaan kufaniif akka armaan gadii kanattiin isiniif ibsuuf yaalla.
> Amantii fi saba keenya hin jijjiirru.
> sodaa dhaloota hin dhaalchifnu.
> lafti keenya lafee keenya dabsrsine diinaaf hin laannu.
> of ta'uu fi wal ta'uu.
> Gara addunyaa erga dhufnee dabaree keenya fayyadamuun seenaa gaarii dhalootni ittiin si yaadatu qalamaa kaasee hanga dhiigaan barreessuutti hojjatte dabruu.
> Adda kee radaasaaf kennite jaalalaa fi aantummaa saba keetiif qabdu agarsiisuudha.....kkf
Kaayyoo wareegamtoota calii calanqoo kana yoo ilaalle aadaa,seenaa,amantii,duudhaa, siyaasa of keessaa qaba kanaaf siidaan kun eenyummaa keenya bakka bu'uun eenyummaa keenya nu ibsa jennee filanneef.
Walumaa galatti wal kabajuun wal jaalachuun wal utubuun tokkummaan addunyaan dorgomuuf beekumsa nu barbaachisu barannee barsiifnee of ijaarree seenaa,aadaa,siyaasa,amantii,hambaa seenaa akka biyyaa fi harargeetti qabnu addunyaaf ni beeksifna ergaa jedhu loogoo kanarraa hubachuu dandeessu.
Galatooma!! Namoonni adeemsa kana gammaddan loogoo kana profile irra godhachuun nu jajjabeessuu qabdu.
Fayyaa hin dhabina.
MAHDI MUME.

20/06/2022

Gamtaan barattoota harargee university haramaya barattoota keenya haarawa kan barana fresh man fudhachaa jiraniif haala kanaan dubartoota keenya qindeessee sagantaa baasee tajaajila barumsaa kennuudhaan qormaataaf qopheessuu irratti argamna.
Sababa hanqina deeggarsaatiin dubartoonni keenya university irraa ari'amuu hin qabu ykn department barbaadu dhabuu hin qabuun dhaadannoo keenya.
Mahdi Mume!!!

28/05/2022

Har'a ijoolleen keenya kan gamtaa barattoota harargee university haramaya haala miidhagaa ta'een barattoota haarawa bara kana gibbii galaniif wel come qopheessee guyyaa gaarii dabarsaa oolle!!!

By mahdi mume gamta murti guutotti itt gaafatama nageenyaa fi odeeffanooti!