12/04/2025
ከ1990ዎቹ አጋማሽ ጀምሮ በጉደር ካቶሊክ ት/ቤት (ሚሽን) ተምሮ ተዋበን የሚረሳው አልያም የማያስታውሰው የለም።
ወጣት እና ታታሪ ነው ያኔ በት/ቤቱ ግቢ በጥበቃ ይሠራል አርፋጅ ተማሪ የተዋበን የጎማ ልምጭ በረከት ሳይቋደስ ወደ ክፍል አይገባም።
ካስተማሪ በላይ በተማሪ ይፈራል፤ ከልብ ጓደኛ በላይም ይወደዳል። በዕረፍት ሠዓት ቢጠማንም ባይጠማንም የውኃ ቧምቧ ወደአለበት ስንሄድም ተዋበን ካጠገቡ አናጣውም፤ አሰልፎ ያጠጣናል የሥልፍ ሥርዓት ያፈለሰውን ደግሞ ከጉማሬው ጸበል ያቀመስና ሥርዓት ያስይዛል።
ያ የልጅነት ትዝታችን ተዋበ ወንድሜነህ ራሱን በዕውቀት አሻሽሎ በጥበቃ በሰራበት ት/ቤት ዛሬ ላይ መምህር ሆኖ እያገለገለ ይገኛል።
ነገር ግን በአንዲት ጎዶሎ ቀን አምኖ የረገጠው መሬት ከድቶት ሩቅ ተጓዡ ተዋበን ጣለው። አጥንቱ ክፉኛ ተጎድቶ ቤት ቀርቷል። ለህክምናው ከ200,000.00 (ከሁለት መቶ ሺህ ብር) በላይ ተጠይቋል በአስተማሪ ደመወዝ አቅም ግን የሚቻል አይደለምና በጎነታችንን ይሻል።
የልጅነት ትዝታችን ተዋበ ዛሬ ላይ አስታዋሽ ይሻል። ሩቅ አላሚውን ወጣት ከመንገድ እንዳይቀር እንታደገው፤ ትላንት በቅጣቱ የታረማችሁ በቁጣው የተገሰጻችሁ ዛሬ ላይ በተለያየ ሀገር ያላችሁ 50 ሎሚ ለሃምሳ ሰው ነውና የአቅማችንን በማድረግ ተዋበን በሁለት እግሩእናቁመው።
tewabe wendemeneh. Acc 1000229311844 cbe
