ታችአርማጭሆ ወረዳ ትም/ት ጽ/ቤት 2ኛ ደረጃ ት/ቤቶች ማዕከል

  • Home
  • Ethiopia
  • Gondar
  • ታችአርማጭሆ ወረዳ ትም/ት ጽ/ቤት 2ኛ ደረጃ ት/ቤቶች ማዕከል

ታችአርማጭሆ ወረዳ ትም/ት ጽ/ቤት 2ኛ ደረጃ ት/ቤቶች ማዕከል Contact information, map and directions, contact form, opening hours, services, ratings, photos, videos and announcements from ታችአርማጭሆ ወረዳ ትም/ት ጽ/ቤት 2ኛ ደረጃ ት/ቤቶች ማዕከል, College & University, Amhara region, Gondar.

በማዕከላዊ ጎንደር ዞን ታች አርማጭሆ ወረዳ ማህበራዊ ሚዲያን ለበጎ ተግባር በመጠቀም ድጋፍ ለሚሹ ተማሪዎች ከትምህርት ገበታቸው እንዳይቋረጡ የትምህርት ቁሳቁስ ድጋፍ ተደረገ።​በሀገር ውስጥና...
19/09/2026

በማዕከላዊ ጎንደር ዞን ታች አርማጭሆ ወረዳ ማህበራዊ ሚዲያን ለበጎ ተግባር በመጠቀም ድጋፍ ለሚሹ ተማሪዎች ከትምህርት ገበታቸው እንዳይቋረጡ የትምህርት ቁሳቁስ ድጋፍ ተደረገ።

​በሀገር ውስጥና በውጭ ሀገር የሚኖሩ በጎ ፈቃደኞች ማህበራዊ ሚዲያን ለበጎ ተግባር በማዋል ባደረጉት እንቅስቃሴ 514 ሺህ 905 ብር በመሰብሰብ 600 ደርዘን ደብተር እና 48 ፓኮ እስክሪብቶ በመግዛት ለተማሪዎች ማስረከባቸውን አስተባባሪዎቹ ገልፀዋል።

​በርክክቡ ወቅት የተገኙት የታች አርማጭሆ ወረዳ ዋና አስተዳዳሪ አቶ አስማረ የኋላሸት እንደገለፁት፤ ማህበራዊ ሚዲያን ለበጎ ተግባር በማዋል የትምህርት ዘርፉን ውጤታማ ለማድረግ የተሰራው ስራ አበረታች ነው።

አክለውም የወላጅ አልባ ቤተሰብ ተማሪዎች በትምህርት ቁሳቁስ እጥረት ምክንያት ከትምህርት ገበታቸው እንዳያቋርጡ ይህን በጎ ተግባር ላደረጉ አካላት በሙሉ ምስጋና አቅርበዋል።

​በቁሳቁስ እርክክቡ ወቅት የወረዳው አመራሮች፣ የትምህርት ጽህፈት ቤት አካላት እና የበጎ ፈቃድ አስተባባሪዎች ተገኝተዋል።

# # # #ማስታወቂያየ2018 ዓ.ም የ12ኛ ክፍል ብሔራዊ ፈተና የዩኒቨርሲቲ ምደባን ይመለከታልበትምህርት ሚኒስቴር በ2018 ዓ.ም የ12ኛ ክፍል ብሔራዊ ፈተና የዩኒቨርሲቲ መግቢያ ውጤት ያ...
16/09/2026

# # # #ማስታወቂያ
የ2018 ዓ.ም የ12ኛ ክፍል ብሔራዊ ፈተና የዩኒቨርሲቲ ምደባን ይመለከታል
በትምህርት ሚኒስቴር በ2018 ዓ.ም የ12ኛ ክፍል ብሔራዊ ፈተና የዩኒቨርሲቲ መግቢያ ውጤት ያስመዘገቡ ተማሪዎችን ወደ መንግሥት ዩኒቨርሲቲዎች የመመደብ ሂደትን አጠናቋል።
ምደባው ፍትሐዊነትን፣ ግልጽነትን፣ እኩል ዕድልን እና ሚዛናዊ ስርጭትን በሚያረጋግጥ መልኩ፣ የተማሪዎችን ውጤትና ምርጫ፣ የዩኒቨርሲቲዎችን የቅበላ አቅም እንዲሁም ሌሎች የምደባ መስፈርቶችን ታሳቢ በማድረግ ተከናውኗል።

1. የምደባው ዋና መስፈርቶች

1.1. የተማሪዎች አጠቃላይ ውጤት እና የዩኒቨርሲቲ ምርጫ

የተማሪዎች አጠቃላይ የብሔራዊ ፈተና ውጤት የምደባው ዋና የቅደም ተከተል መስፈርት ሆኖ ተወስዷል። በዚህም መሠረት ከፍተኛ ውጤት ያስመዘገቡ ተማሪዎች በምርጫቸው መሠረት የመመደብ ቅድሚያ እንዲያገኙ የተደረገ ሲሆን በተቻለ መጠን ከመረጧቸው የመጀመሪያ ሦስት ዩኒቨርሲቲዎች እንዲመደቡ ተደርጓል።

1.2. የዩኒቨርስቲዎች የተማሪ ቅበላ አቅም

የእያንዳንዱ ዩኒቨርስቲ የተማሪ ቅበላ አቅም በምደባው ሂደት ታሳቢ ተደርጓል። በመሆኑም የተማሪው ውጤትና ምርጫ ከዩኒቨርስቲዎች የቅበላ አቅም ጋር በማጣጣም ምደባው ተከናውኗል።

1.3. የክልል፣ የዞን፣ የወረዳ እና የትምህርት ቤት ስርጭት

በዩኒቨርሲቲዎቻችን ህብረ ብሄራዊነትን የሚያጸና እና የተማሪዎችን ሚዛናዊ ስርጭት ለማረጋገጥ፦
• 70 በመቶ የሚሆኑ ተማሪዎች ከተማሩበት ክልል ወይም ዞን ውጭ ባሉ ዩኒቨርሲቲዎች እንዲመደቡ፤

• 30 በመቶ የሚሆኑ ተማሪዎች ደግሞ በተማሩበት ክልል ወይም ዞን ውስጥ ባሉ ዩኒቨርሲቲዎች እንዲመደቡ ተደርጓል። በተጨማሪም የዞን፣ የወረዳ እና የትምህርት ቤት ስርጭት በምደባው ሂደት ታሳቢ ተደርጓል።

1.4. የፆታ ሚዛን

በዩኒቨርሲቲዎች የሴትና የወንድ ተማሪዎች ስብጥር ሚዛናዊ እንዲሆን በምደባው ሂደት ታሳቢ ተደርጓል።

2. ልዩ ምደባ

2.1. ማየት እና መስማት የተሳናቸው ተማሪዎች

ማየት እና መስማት የተሳናቸው ተማሪዎች አስፈላጊውን የትምህርትና የድጋፍ አገልግሎት ሊያገኙ በሚችሉባቸው ዩኒቨርሲቲዎች እንዲመደቡ ተደርጓል።

2.2. 500 እና ከዚያ በላይ ውጤት ያስመዘገቡ ተማሪዎች

በ2018 ዓ.ም የ12ኛ ክፍል ብሔራዊ ፈተና ከ600 ነጥብ 500 እና ከዚያ በላይ አጠቃላይ ውጤት ያስመዘገቡ ተማሪዎች፣ ላስመዘገቡት የላቀ የአካዳሚክ ውጤት ልዩ ታሳቢነት በመስጠት፣ በመጀመሪያ ምርጫቸው ተመድበዋል።

ይህ ልዩ የምደባ አሠራር ተማሪዎቹ በብሔራዊ ፈተናው ላስመዘገቡት የላቀ ውጤት ዕውቅና ለመስጠት እና ከፍተኛ አፈጻጸምን ለማበረታታት የተደረገ ነው።

3. የምደባ ውጤትን ስለመመልከት

ተማሪዎች የተመደቡበትን ዩኒቨርስቲ ለዚሁ ተግባር በተዘጋጀው የኦንላይን ሥርዓት በመጠቀም ማየት ይችላሉ።

የተመደቡበትን ዩኒቨርስቲ ለማየት ማስፈንጠሪያ፦ https://student.ethernet.edu.et/view-placement

4. ቅሬታ ስለማቅረብ

በምደባው ቅሬታ ያላቸው ተማሪዎች ቅሬታቸውን ለዚሁ ሲባል በተዘጋጀው የኦንላይን ሥርዓት ብቻ ይህ ምደባ ይፋ ከሆነበት ቀን ጀምሮ በ5 ቀናት ውስጥ አስፈላጊውን መረጃና ማስረጃ በማያያዝ እንዲያቀርቡ እናሳስባለን።

የቅሬታ ማቅረቢያ ማስፈንጠሪያ፦ https://student.ethernet.edu.et/complaints
• በአካል ወደ ትምህርት ሚኒስቴር በመምጣት የሚቀርብ የምደባ ቅሬታ የማይስተናገድ መሆኑን ተማሪዎችና ወላጆች እንዲገነዘቡ እናሳውቃለን።
5. ማሳሰቢያ
ቅሬታ በሚቀርብበት ወቅት የሐሰት መረጃ፣ የተሳሳተ ማስረጃ ወይም የተጭበረበረ ሰነድ ማቅረብ በፍጹም የተከለከለ ነው። በቅሬታ ሂደት የሚቀርቡ መረጃዎችና ሰነዶች ትክክለኛነት የሚረጋገጥ ሲሆን፣ የሐሰት መረጃ ወይም ሰነድ አቅርበው የተገኙ ተማሪዎች ምደባቸው ሊሰረዝ ይችላል።

በመሆኑም ሁሉም ተማሪዎች ቅሬታቸውን በእውነተኛና በተረጋገጠ መረጃ ላይ ብቻ በመመሥረት በተቀመጠው የጊዜ ገደብ ውስጥ እንዲያቀርቡ እናሳስባለን።
የትምህርት ሚኒስቴር በ2018 ዓ.ም ወደ መንግሥት ዩኒቨርሲቲዎች ለተመደባችሁ ተማሪዎች በሙሉ እንኳን ደስ አላችሁ እያለ፣ በቀጣዩ የከፍተኛ ትምህርት ጉዟችሁ ስኬታማ እንድትሆኑ መልካም ምኞቱን ይገልጻል።

የትምህርት ሚኒስቴር

# #ለአርማጭሆው ኩራት ለተማሪ ሙባረክ ሙሃመድ! # #በሙስሊም ተማሪዎች ሊግ በተዘጋጀው 11ኛው ዙር የኢብን ኸልዱን ስታርስ አዋርድ (Ibn Khaldun Stars Award) ከፍተኛ ውጤት ...
14/09/2026

# #ለአርማጭሆው ኩራት ለተማሪ ሙባረክ ሙሃመድ!
# #በሙስሊም ተማሪዎች ሊግ በተዘጋጀው 11ኛው ዙር የኢብን ኸልዱን ስታርስ አዋርድ (Ibn Khaldun Stars Award) ከፍተኛ ውጤት በማስመዝገብ 1ኛ ለወጣው( ከጠቅላላ ሙስሊም ተማሪዎች) ለተማሪ ሙባረክ ሙሃመድ የሚከተሉት ሽልማቶችና ቃሎች ተበርክተውለታል፡

✨ የተበረከቱ ሽልማቶችና የተገባው ቃል፡

🕋 የኡምራ ፓኬጅ (ሙሉ ወጪው የተሸፈነ)

💵 100,000 ብር (በእጅ የተሸለመው ካሽ)

🤝 150,000 ብር (የተገባለት የገንዘብ ቃል)

👔 ሙሉ የልብስ ፓኬጅ (የተገባለት ቃል)

# # # ማስታወሻ፡
# #ሙሉ የኡምራ ፓኬጅ ማለት የመካና መዲና የጉብኝት ፓኬጅ ሲሆን፤ የደርሶ መልስ የአየር ትኬት፣ የቪዛ፣ የምግብ፣ የሆቴል (የማደሪያ) እንዲሁም ሌሎችንም ወጪዎች በሙሉ ያጠቃልላል።

@

📢 ማስታወቂያ ! # #የ2019 ዓ.ም የትምህርት ዘመን ነገ መስከረም 05 ቀን 2019 ዓ.ም በይፋ ይጀምራል! 🏫📚ውድ ተማሪዎች፤ መምህራን፤ ወላጆች/አሳዳጊዎች እና መላው የትምህርት ማኅበ...
14/09/2026

📢 ማስታወቂያ !
# #የ2019 ዓ.ም የትምህርት ዘመን ነገ መስከረም 05 ቀን 2019 ዓ.ም በይፋ ይጀምራል! 🏫📚

ውድ ተማሪዎች፤ መምህራን፤ ወላጆች/አሳዳጊዎች እና መላው የትምህርት ማኅበረሰብ!
እንኳን ለ2019 ዓ.ም አዲሱ የትምህርት ዘመን በሰላም አደረሳችሁ! ✨

በትምህርት ካለንድራ መሠረት፤ የ2019 ዓ.ም የትምህርት ዘመን ነገ መስከረም 05 ቀን 2019 ዓ.ም በይፋ ይጀምራል። የትምህርት ቤቶች ለአዲሱ የትምህርት ዘመን የሚያስፈልጉ የቅድመ ዝግጅት ሥራዎችን በማጠናቀቅ እና የመማር-ማስተማር ሂደቱን በተቀመጠው ካለንድር መሠረት ለመጀመር ዝግጁ ናቸው።

👨‍👩‍👧‍👦 ለወላጆች/አሳዳጊዎች ልዩ ጥሪ፦
ልጆቻችሁን አስፈላጊውን የትምህርት ግብዓት በማሟላት፣ በማበረታታትና በመከታተል በሰዓቱ ወደ ትምህርት ቤት እንዲገቡ አድርጉ። የልጆቻችን ትምህርት የጋራ ኃላፊነታችን ነው!

🎯 የዘመኑ መሪ መልዕክት፦
"በጋራ እንሥራ፤ በጋራ እንማር፤ በጋራ ወደፊት እናምጣ!"

ትም/ት ለተሻለ ወደፊት ! የትም/ት ጎዳና በውስጣችን ነው! 🌟

# # #የታች አርማጭሆ ወረዳ ትምህርት ጽ/ቤት
# #መስከረም 2019 ዓ.ም

📢 ማስታወቂያየ2019 ዓ.ም የትምህርት ዘመን ነገ መስከረም 05 ቀን 2019 ዓ.ም ይጀምራል!ውድ ተማሪዎች፣ መምህራን፣ ወላጆች/አሳዳጊዎች እና መላው የትምህርት ማኅበረሰብ፤ እንኳን ለ2019...
14/09/2026

📢 ማስታወቂያ

የ2019 ዓ.ም የትምህርት ዘመን ነገ መስከረም 05 ቀን 2019 ዓ.ም ይጀምራል!

ውድ ተማሪዎች፣ መምህራን፣ ወላጆች/አሳዳጊዎች እና መላው የትምህርት ማኅበረሰብ፤ እንኳን ለ2019 አዲሱ ዓመት እና የትምህርት ዘመን አደረሳችሁ!

በትምህርት ካሌንደሩ መሠረት፣ የ2019 ዓ.ም የትምህርት ዘመን በመላ ሀገሪቱ ነገ፣ መስከረም 05 ቀን 2019 ዓ.ም፣ በይፋ ይጀምራል።

በዚህም ትምህርት ቤቶች ለአዲሱ የትምህርት ዘመን የሚያስፈልጉ የቅድመ ዝግጅት ሥራዎችን በማጠናቀቅ እናንተን ለመቀበልና የመማር–ማስተማር ሂደቱን በተቀመጠው የትምህርት ካሌንደር መሠረት ለመጀመር እየተጠባበቁ ይገኛል።

ስለሆነም፣ ወላጆች/አሳዳጊዎች እና ሁላችሁም የሚመለከታችሁ አካላት ለትምህርት የደረሱ ልጆችን አስፈላጊውን የትምህርት ግብዓት በማሟላት ወደ ትምህርት ቤት እንዲሄዱ በማድረግ፣ የድርሻችሁን እንድትወጡ በዚህ አጋጣሚ መልዕክታችንን እናስተላልፋለን።

🌟 መልካም የትምህርት ዘመን!
ትምህርት ሚኒስቴር!!
መስከረም /2019ዓ.ም

የሪሚዲያል መርሃ ግብር የዩኒቨርሲቲ ቅበላ መቁረጫ ነጥብ ይፋ ሆነ።ለ2019 ዓ/ም የሪሚዲያል መርሃ ግብር ተማሪዎች ወደ ዩኒቨርሲቲ ለመግባት የሚያስችላቸው የመቁረጫ ነጥብ በተማሪዎች ውጤት፣ ...
14/09/2026

የሪሚዲያል መርሃ ግብር የዩኒቨርሲቲ ቅበላ መቁረጫ ነጥብ ይፋ ሆነ።

ለ2019 ዓ/ም የሪሚዲያል መርሃ ግብር ተማሪዎች ወደ ዩኒቨርሲቲ ለመግባት የሚያስችላቸው የመቁረጫ ነጥብ በተማሪዎች ውጤት፣ በዩኒቨርሲቲዎች የቅበላ አቅም፣ እና በሀገራዊ የትምህርት ፍትሃዊነት መርህ ላይ ተመስርቶ መወሰኑን ትምህርት ሚኒስቴር አሳውቋል።

በዚህም መሰረት ከታችን የተገለጸውን ውጤት ያስመዘገቡ ተማሪዎች ለሪሚዲያል መርሃ ግብርየዩኒቨርሲቲ ቅበላ ብቁ መሆናቸውን ሚኒስቴሩ አሳውቋል።

1. የተፈጥሮ እና የማህበራዊ ሳይንስ ወንድ ተማሪዎች 👉 ከ600 ውስጥ 240 እና ከዚያ በላይ (40%)

2. የተፈጥሮ እና የማህበራዊ ሳይንስ ሴት ተማሪዎች 👉 ከ600 ውስጥ 228 እና ከዚያ በላይ (38%)

በልዩ ድጋፍ የሚታይ የተማሪ ምድብ

1. ከአፋር፣ ሶማሌ፣ ቤንሻንጉል ጉሙዝ እና ጋምቤላ ክልሎች የተፈጥሮ ወይም ማህበራዊ ሳይንስ ለተፈተኑ ወንድና ሴት ተማሪዎች 👉 ከ600 ውስጥ 222 እና ከዚያ በላይ (37%)

2. ከአርብቶ አደርና ከፊል አርብቶ አደር አካባቢዎች የተፈጥሮ ወይም ማህበራዊ ሳይንስ ለተፈተኑ ተማሪዎች 👉 ከ600 ውስጥ 222 እና ከዚያ በላይ (37%)

3. በማህበራዊ ሳይንስ የተፈተኑ ዓይነ ስውር ወንድና ሴት ተማሪዎች 👉 ከ500 ውስጥ 185 እና ከዚያ በላይ (37%)

4. በተፈጥሮ ወይም በማህበራዊ ሳይንስ የተፈተኑ መስማት የተሳናቸው ወንድና ሴት ተማሪዎች 👉 ከ600 ውስጥ 222 እና ከዚያ በላይ (37%)

# # #ማስታወቂያ # #ትምህርት ሚኒስቴር አዲስ ትምህርት በሚጀምርባቸውና እና ለነባር የፌደራል አዳሪ ልዩ አዳሪ 2ኛ ደረጃ ትምህርት ቤቶች መምህራንን ለመልመል ባወጣው ማስታወቂያ መሰረት ...
12/09/2026

# # #ማስታወቂያ
# #ትምህርት ሚኒስቴር አዲስ ትምህርት በሚጀምርባቸውና እና ለነባር የፌደራል አዳሪ ልዩ አዳሪ 2ኛ ደረጃ ትምህርት ቤቶች መምህራንን ለመልመል ባወጣው ማስታወቂያ መሰረት የጽሁፍ እና የቃል ፈተና ወስዳችሁ ያለፋችሁ መምህራን ዝርዝራችሁን መመልከት የምትችሉ መሆኑን እየገለፅን። ያለፋችሁ መምህራን # #መስከረም 5/2019 ዓ.ም ከጠዋቱ 2፡30 ጀምሮ የትምህርት ቤት ምደባ እና ስልጠና የሚሰጣችሁ በመሆኑ ማንነታችሁን የሚገልጽ መታወቂያ በመያዝ በተጠቀሰው ቀን በትምህርት ሚኒስቴር ዋናው ግቢ የመሰብሰቢያ አዳራሽ እንድትገኙ እናሳውቃለን።

# #ማሳሰቢያ፦ በዚህ ስልጠና እና ኦረንቴሽን የማይገኝ ማንኛውም መምህር ከምደባው የሚሰረዝ መሆኑን እንገልጻለን፡፡

# # #በተጨማሪም መስከረም 7 እና 8/2019 ዓ.ም በየተመደባችሁበት ልዩ አዳሪ 2ኛ ደረጃ ትምህርት ቤት (ዩኒቨርሲቲዎች)አስፈላጊውን መረጃ በመያዝ ሪፖርት ማድረግ የሚጠበቅባችሁ መሆኑን ለማሳወቅ እንወዳለን።

የአማራ ክልል ትምህርት ቢሮ ኃላፊ የተከበሩ አቶ ጥላሁን ወርቅነህ 2019 አዲስ አመትን አስመልክተው ያስተላለፉት መልዕክት፤ውድ የክልላችን የትምህርት ማህበረሰብ፣ መምህራን፣ ተማሪዎች፣ የትም...
10/09/2026

የአማራ ክልል ትምህርት ቢሮ ኃላፊ የተከበሩ አቶ ጥላሁን ወርቅነህ 2019 አዲስ አመትን አስመልክተው ያስተላለፉት መልዕክት፤
ውድ የክልላችን የትምህርት ማህበረሰብ፣ መምህራን፣ ተማሪዎች፣ የትምህርት አመራሮች፣ ባለሙያዎች እና ወላጆች፤ እንዲሁም መላ የክልላችንና የሀገራችን ህዝብ፤

በቅድሚያ እንኳን ለ2019 አዲስ ዓመት በሰላምና በጤና አደረሳችሁ!

አዲስ ዓመት የአዲስ ተስፋ፣ የአዲስ እቅድ እና የላቀ ስኬት መጀመሪያ ነው። ባለፈው ዓመት የትምህርት ጉዟችን በፅናትና በትጋት በርካታ ስኬቶችን አረጋግጠናል፤ በአዲሱ ዓመት የትምህርት ተሳትፎን፣ ጥራት፣ ፍትሐዊነትና ብቃት ለማረጋገጥ በጋራ የምንቆምበት ዓመት እንደሚሆን እምነቴ የፀና ነው!

በአዲሱ ዓመት:-
የትምህርት ተሳትፎን በአጭር ጊዜ በማጠናቀቅ የትምህርት ጥራትን ለማረጋገጥ እንሰራለን። የትምህርት ጥራትን ማሻሻል የሁሉም ተግባሮቻችን ማዕከል ይሆናል። ተማሪዎቻችን በዕውቀት፣ በክህሎት እና በሥነ-ምግባር የታነፁ እንዲሆኑ በትጋት እንሰራለን።

ውድ መምህራን የትምህርት ስርዓቱ ዋና ምሰሶ በመሆናችሁ፣ ሙያዊ አቅማችሁን በማሳደግ ለትምህርት ጥራት መጠበቅ የድርሻቸሁን እንድትወጡ ለማድረግ በትኩረት እንሰራለን።
ትምህርት ማህበራዊ ዘርፍ በመሆኑ፣ ወላጆች በተማሪ ምዝገባ፣ ትምህርት ቤቶችን ለመማር ማስተማሩ ምቹ ማድረግ እና የተማሪዎችን ውጤት ለማሻሻል ከትምህርት ቤቶች ጋር ያላቸሁን ቁርኝት እንድታጠናክሩ ጥሪዬን አቀርባለሁ።

ውድ ተማሪዎቻችን አዲሱ ዓመት አዳዲስ ዕውቀቶችን የምታገኙበት፣ ህልማችሁን እውን ለማድረግ አንድ እርምጃ ወደፊት የምትራመዱበት እንዲሆንላችሁ እንዲሁም ትጋት፣ በጎ ስነምግባር እና የማወቅ ጉጉት ሁልጊዜም ከእናንተ ጋር እንዲሆን እመኛለሁ።

በድጋሜ አዲሱ ዓመት የሰላም፣ የጤና፣ የስኬት እና የላቀ የትምህርት ውጤት የሚመዘገብበት ዓመት እንዲሆንልን እመኛለሁ።

''ትምህርት ለትውልድ''

መልካም አዲስ ዓመት!

የታች አርማጭሆ ወረዳ ዋና አስተዳዳሪ አቶ አስማረ የኋላሸት የእንኳን አደረሳችሁ መልዕክት አስተላለፉ!!የተከበራችሁና የተወደዳችሁ የወረዳችን ህዝቦች እና መላ የኢትዮጵያ ህዝቦች እንኳን ለ2...
10/09/2026

የታች አርማጭሆ ወረዳ ዋና አስተዳዳሪ አቶ አስማረ የኋላሸት የእንኳን አደረሳችሁ መልዕክት አስተላለፉ!!

የተከበራችሁና የተወደዳችሁ የወረዳችን ህዝቦች እና መላ የኢትዮጵያ ህዝቦች እንኳን ለ2019 ዓ.ም ለአዱሱ ዓመት በሠላም በጤና አደረሳችሁ! አደረሰን!!

አዲሱን ዓመት ስናከበር ኢትዮጵያዊ የመደጋገፍ እና የአብሮነት ባህላችንን በማጎልበት የተቸገሩ እና ድጋፍ የሚሹ የህብረተሰብ ክፍሎችን በማገዝ በዓሉን በአንድነት ማክበር እንደሚገባ ዋና አስተዳዳሪው አስገንዝበዋል።

ስለሆነም በሕዝባችን ሰላም ፈላጊነት ፤ በአመራራችን ቁርጠኝነት ባሳለፍነዉ አመት የገጠሙንን አይነተ ብዙ እና ተለዋዋጭ ፈተናዎች በጽናት እና በትእግስት አልፈናል ፡፡
‎
በመጪው የ2019 አዲስ ዓመት የወረዳችን ዘላቂ ሰላም በማስፈንና ልማታችን በላቀ ደረጃ በመፈጸም የሕዝባችን ሁለንተናዊ ተጠቃሚነት ለማረጋገጥ ከፍ ባለ ቁርጠኝነት እንሰራለን ብለዋል።

አዲሱ ዓመት የሰላም፣ የጤና፣ የፍቅር፣ የመተሳሰብ፣ የአብሮነት፣ የአንድነት እና የስኬት ዘመን እንዲሆን እመኛለሁ።

መልካም አዲስ ዓመት
# # #አቶ አስማረ የኃላሸት
የታች አርማጭሆ ወረዳ ዋና አስተዳዳሪ

ጳጉሜ 05_2018 ዓ.ም
ሳንጃ

Address

Amhara Region
Gondar
A

Website

Alerts

Be the first to know and let us send you an email when ታችአርማጭሆ ወረዳ ትም/ት ጽ/ቤት 2ኛ ደረጃ ት/ቤቶች ማዕከል posts news and promotions. Your email address will not be used for any other purpose, and you can unsubscribe at any time.

Shortcuts

Share

Category