Woizero Siheen Polytechnic College

17/08/2026

17/08/2026

በወ/ሮ ስኂን ፖሊቴክኒክ ኮሌጅ የሙያ ብቃት ምዘና በዛሬው ዕለት መሰጠት ተጀምሯል
ደሴ፡-ነሀሴ 11 /2018ዓ.ም (ወስፖኮ)

15/08/2026

የወ/ሮ ስኂን ፖሊቴክኒክ ኮሌጅ የባለድርሻ አካላትና የትብብር ሥልጠና ፎረም ምስረታ አካሄደ
ደሴ፡ ሐምሌ 09/2018 ዓ.ም. (ወስፖኮ)
ወ/ሮ ስኂን ፖሊቴክኒክ ኮሌጅ ከደሴ ከተማ አስተዳደር ስራና ክህሎት መምሪያ ጋር በጋራ በመሆን ከተለያዩ ባለድርሻ አካላት ጋር፣ የግል ዘርፍ ተቋማት፣ የመንግሥት ተቋማት፣ የኢንዱስትሪና ንግድ ድርጅቶች ጋር ያለውን ትስስርና ትብብር በማጠናከር የሥልጠናውን ጥራትና ከሥራ ዓለም ጋር ያለውን ተገቢነት ለማሳደግ የባለድርሻ አካላት የትብብር ሥልጠና ፎረም አቋቋመ።
የፎረሙ ምስረታ ዋና ዓላማ ኮሌጁ ስልጠናን በትብብር በመስጠት የሥልጠናውን ጥራት የተሻለ ለማድረግ ከተለያዩ ባለድርሻ አካላት ጋር ያለውን የተቀናጀ ትብብር ማጠናከር፣ የሙያ ሥልጠናዎች የገበያ ፍላጎትን ያማከሉ እንዲሆኑ ማድረግ፣ ለሰልጣኞች የተግባር ልምምድና የሥራ ዓለም ተሞክሮ የሚያገኙበትን ዕድል ማስፋት እና ከምረቃ በኋላ ወደ ሥራ የመግባትና ሥራ የመፍጠር አቅማቸውን ማሳደግ ነው።
ፎረሙ በEducation and Skills for Employability (EASE) Project ድጋፍ የተዘጋጀ ሲሆን፣ የኮሌጁን የሥልጠና አሰጣጥ ከሥራ ዓለም ፍላጎትና ከኢንዱስትሪ እውነተኛ ፍላጎት ጋር ለማገናኘት የሚያግዝ የትብብር መድረክ ሆኖ ያገለግላል። በዚህም በኩል የሥልጠና ፕሮግራሞችን በጋራ መገምገም፣ የሥራው ዓለም የሚፈልጋቸውን ክህሎቶች መለየት፣ የተግባር ሥልጠናና የኢንዱስትሪ ልምምድ ዕድሎችን ማስፋት እና የሰልጣኞችን የሥራ ተገቢነት ማሳደግ ይቻላል።
በፎረሙ ውይይት ወቅት የሙያ ሥልጠናን ከሥራ ዓለም ጋር በተግባር ለማገናኘት የሚያስፈልጉ የትብብር መስኮች በስፋት ተነስተዋል። በተለይም ሰልጣኞች በኢንዱስትሪና በተለያዩ የሥራ ቦታዎች የተግባር ልምምድ እንዲያደርጉ፣ የሥራ ዓለም ተቋማት በሥልጠና ሂደት እንዲሳተፉ፣ የሙያ ክህሎትና የሥራ ገበያ ፍላጎት መረጃዎች በመለዋወጥ የሥልጠና ፕሮግራሞች ተገቢነት እንዲጨምር እና ለተመራቂዎች የሥራ ዕድል እንዲፈጠር ትኩረት ተሰጥቷል።
በተጨማሪም ፎረሙ የሰልጣኞችን የተግባር ክህሎት ብቻ ሳይሆን የሥራ ፈጠራ አቅም፣ የሥራ ሥነ-ምግባር፣ የቡድን ሥራ፣ የችግር መፍታት እና የግንኙነት ክህሎት እንዲዳብር የሚያግዙ የጋራ ሥራዎችን ለማከናወን እንደ ዋና የትብብር መድረክ እንዲያገለግል ተጠቁሟል።
በመድረኩ የተሳተፉ ባለድርሻ አካላትም በቀጣይ ከወ/ሮ ስኂን ፖሊቴክኒክ ኮሌጅ ጋር በቅርበትና በቀጣይነት በመሥራት የሙያ ሥልጠናን ከሥራ ዓለም ጋር ለማገናኘት ያላቸውን ቁርጠኝነት ገልጸዋል። በተለይም ሰልጣኞችን በተግባር ሥልጠና ማሳተፍ፣ የሥራ ዕድልና የሥራ ምደባ ዕድሎችን ማመቻቸት፣ የሥራ ገበያ መረጃ ማጋራት እና የሙያ ሥልጠናውን ጥራት ለማሻሻል በጋራ ለመሥራት ቃል ገብተዋል።
በአጠቃላይ የባለድርሻ አካላት የትብብር ሥልጠና ፎረሙ መመሥረቱ የወ/ሮ ስኂን ፖሊቴክኒክ ኮሌጅን ከሥራ ዓለም ጋር በተግባር የሚያገናኝ ጠንካራ የትብብር ሥርዓት ለመፍጠር ትልቅ እርምጃ ነው። ይህም ለሰልጣኞች የተግባር ልምድና ክህሎት እንዲያገኙ፣ ገበያው የሚፈልገውን ብቃት እንዲያዳብሩ፣ የሥራ ዕድል እንዲያገኙ እና የራሳቸውን ሥራ ለመፍጠር አቅም እንዲኖራቸው የሚያግዝ ሲሆን፣ ኮሌጁም የሥራ ገበያን የሚያሟሉ ብቁ፣ ተወዳዳሪና ምርታማ የሰው ኃይል ለማፍራት የሚያደርገውን ጥረት ያጠናክራል።

15/08/2026

11/08/2026

ማስታወቂያ

07/08/2026

በወ/ሮ ስኂን ፖሊቴክኒክ ኮሌጅ የሕይወት ክህሎት ስልጠና መስጠት ተጀመረ
ደሴ:-01/12/2018ዓ.ም(ወስፖኮ)
ወ/ሮ ስኂን ፖሊቴክኒክ ኮሌጅ በEducation and Skills for Employability (EASE) ፕሮጀክት በዓለም ባንክ ድጋፍ ለሀገር ውስጥ ተፈናቃዮች Internal Displaced Persons (IDPs): የሕይወት ክህሎት (Life Skill) ስልጠና በዛሬው ዕለት ተጀምሯል።

የስልጠናው ተሳታፊዎች የመግባቢያ ክህሎት፣ የችግር አፈታት፣ የሥራ ዝግጁነት እና የሕይወት ክህሎቶችን በማጎልበት ሥራ ፈጠሪ እንዲሆኑ እና ራሳቸውን እንዲችሉ ያግዛቸዋል።

ወ/ሮ ስኂን ፖሊቴክኒክ ኮሌጅ በቀጣይም ለሀገር ውስጥ ተፈናቃዮች (IDPs): ጥራት ያለው የቴክኒክ ክህሎት ስልጠና በመስጠት ለማህበረሰቡ አገልግሎት መስጠቱን ይቀጥላል።

03/08/2026

የወ/ሮ ስኂን ፖሊ ቴክኒክ ኮሌጅ የ ISO 9001:2015 የመጀመሪያ ዙር የክትትል ኦዲት (First Surveillance Audit) በስኬት አጠናቀቀ!

ደሴ:-ሀምሌ 27/2018 ዓ.ም(ወስፖኮ)

​የወ/ሮ ስኂን ፖሊ ቴክኒክ ኮሌጅ በአብክመ ስራና ክህሎት ቢሮ የመጀመሪያው የ ISO 9001:2015 የጥራት ስራ አመራር ስርዓት ሰርተፊኬት ባለቤት መሆኑ ይታወቃል ኮሌጁ የዘረጋውን የጥራት አስተዳደር ሥርዓት (Quality Management System) ውጤታማነት እና ቀጣይነት ለማረጋገጥ ከኢትዮጵያ ተሰማሚነትና ምዘና ድርጅት (Ethiopian Conformity Assessment Enterprise) በዘርፉ ኦዲተሮች የተካሄደውን የ ISO 9001:2015 የመጀመሪያ ዙር የክትትል ኦዲት (First Surveillance Audit) በሙሉ ስኬት አጠናቋል።

​ይህ ስኬት ኮሌጃችን የተሰጠውን ተግባርና ኃላፊነት በአግባቡ እየተወጣ መሆኑን እና ለስልጠና ጥራት ከፍተኛ ትኩረት መስጠቱን የሚያረጋግጥ ሲሆን፣ ለዚህ ውጤት መመዝገብ አስተዋጽኦ ላደረጉት ለኮሌጁ አመራሮች፣ ለኮሌጁ የጥራት አስተዳደር ስርዓት አስተባባሪ (Quality Management System Manager)፣ የውስጥ የጥራት አስተዳደር ስርዓት ኦዲተሮች (Internal Quality Management System Auditors)፣ የማናጅመንት አባላት፣ የዘርፍ አስተባባሪዎች፣ የስራ ቡድን መሪዎች፣ መምህራን፣ የአስተዳደር ሰራተኞች እና አጋር አካላት በሙሉ ምስጋናችንን እናቀርባለን።

22/07/2026

የወ/ሮ ስኂን ፖሊቴክኒክ ኮሌጅ እና የሰላም የህፃናት መንደር ከባለድርሻ አካላት ጋር ያደረጉት የምክክር መድረክ በተሳካ ሁኔታ ተጠናቀቀ

ደሴ:-ሀምሌ 15/2018ዓ.ም(ወስፖኮ)

​እንደሚታወቀው የወ/ሮ ስኂን ፖሊቴክኒክ ኮሌጅ ከሰላም የህፃናት መንድር ጋር በመተባበር በEASE ፕሮጀክት ድጋፍ የዲጂታል ክህሎት ስልጠና (Intermediate Digital Skill in IT System Infrastructure) ለ4 ወራት የሚዘልቅ ስልጠና ለወጣቶች በመስጠት ላይ ይገኛል።

​ሰልጣኞቹ ስልጠናውን በመከታተል ላይ የሚገኙ ሲሆን፤ የቀጣይ የትብብር ስልጠናዎችን ከማመቻቸት እና ለሰልጣኞች የሥራ ቅጥር ሁኔታዎችን ከመፍጠር አንፃር ከአጋር ድርጅቶች ጋር ሲመከር የቆየው የውይይት መድረክ በትላንትናው እለት ሰኔ 14/ 2018 ዓ.ም በተሳካ ሁኔታ ተጠናቋል።
​ይህ ስልጠና እና የምክክር መድረክ ወጣቶች በዘመናዊው ቴክኖሎጂ ራሳቸውን አብቅተው የሥራ ዕድል እንዲያገኙ ትልቅ ፋይዳ ያለው ሲሆን፣ በቀጣይም ከባለድርሻ አካላት ጋር የሚደረጉ ትብብሮች ተጠናክረው እንደሚቀጥሉ ተገልጿል።

20/07/2026