18/09/2023
በክፍለ ከተማው ሁሉም ትምህርት ቤቶች የ2016 ትምህርት ዘመን የመማር ማስተማር ሂደት በዛሬው እለት ተጀመረ፡፡
ኮልፌ ኮሙኒኬሽን መስከረም 07/2016 ዓ.ም
በክፍለከተማው የ2016 ትምህርት ዘመን የመማር ማስተማር ሂደት በዛሬው እለት በሁሉም ትምህርት ቤት መጀመሩን አስመልክቶ በክፍለ ከተማው የሚገኘውን ወይራ ቅድመ አንደኛ ፤አንደኛ እና መካከለኛ ደረጃ ትምህርት ቤት የተገኘን ሲሆን ትምህርት ቤቱ እስከ አሁን 2 ሺ 23 በላይ ተማሪዎችን ተቀብሎ በ2016 ትምህርት ዘመን መማር ማስተማር ሂደት በዛሬው እለት አስጀምሮዋል፡፡
የ2016 ትምህርት ዘመን የመማር ማስተማር የማስጀመሪያ መርሃ ግብርም በትምህርት ቤቱ የተካሄደ ሲሆን በመርሃ ግብሩ የወረዳ 06 ዋና ስራ አስፈፃሚ አቶ አሸናፊ ብርሀኑና ሌሎች የወረዳ አመራሮች ተገኝተዋል፡፡
የወይራ ቅድመ አንደኛ ፤አንደኛ እና መካከለኛ ደረጃ ትምህርት ቤት ርዕሰ መምህር ተካልኝ እጅጉ የ2016 ትምህርት ዘመን የመማር ማስተማር የማስጀመሪያ መርሃ ግብር ላይ ባስተላለፉት መልዕክት በክረምት ወቅት ‹ትምህርት ለትውልድ› መርሃ ግብር አማካኝነት የትምህርት ቤቱን ምድረግቢና የመማሪያ ክፍሎችን የማስዋብ ስራ ፤ወንበሮችና በሮችን የመጠገን ከመምህራን እና ወላጆች ጋር በ2016 ትምህርት አጀማመር ላይ ውይይት ማድረጋቸውን ገልፀው የ2016 ትምህርት ዘመን የመማር ማስተማር ሂደት በዛሬው እለት መጀመሩን ገልጸዋል፡፡
በትምህርት ቤቱ የ7 ኛ ክፍል ተማሪ የሆኑት ተማሪ ማራያዊት ሱለይማን እና ተማሪ ዮሀንስ ኩምሳ ከክረምት እረፍት በኋላ በአዲሱ የትምህርት ዘመን ትምህርት ቤቱ ተማሪዎችን ለመቀበል ያደረገው ዝግጅት እንዳስደሰታቸው ገልጸው ትምህርታቸውን በጥሩ ዲስፒሊንና ስነምግባር ለመከታተል መዘጋጀታቸውን ተናግረዋል፡፡
በእለቱም ለተማሪዎች የመማሪያ ደብተር ቁሳቁስ ተበርክቶላቸዋል፡፡
27/08/2023
04/07/2023
04/07/2023
02/07/2023