Bambino Daycare

የጥሩ ወላጅ ባሕርያት
--------------

--ልጅን መውደድ፦ በጭፍን ሳይሆን ሃላፊነት በሚሰማው መልክ መውደድ፤ ሲያጠፉ ማረም እና ስህተታቸውን እንዲረዱ መርዳት።

--የልጆን ችግር እንደራስ መመልከት፡-ጥሩ ወላጅ ከልጃቸው አንጻር በማሰብ ጫና ከማሳደር ወይም ሲወድቁ ከማሾፍ ይልቅ በተገቢው መልክ ማበረታታት።

--ወጥነት:- የወላጆች የዕለት ተዕለት እንቅስቃሴ፣ ህግ እና ደንቦች፣ እና ልጆቻቸውን የሚቀጡት ቅጣት ወጥነት ሊኖራቸው ይገባል። ወጥነት ያላቸው የዕለት ተዕለት እንቅስቃሴ ለልጆች የደህንነት ስሜት እና ጥሩ ልማዶችን እንዲያዳብሩ ይረዳል።

--መነጋገር ወይም መግባባት:- ጥሩ ወላጆች ከልጃቸው ጋር በተሳካ ሁኔታ በመነጋገር ልጆቹ የአስተሳሰብን ሂደት እንዲገነዘቡ ይረዳቸዋል። በተጨማሪም ከወላጆቻቸው በመማር ልጆቹ የመነጋገር ወይም የመግባባት ችሎታቸውን ያሻሽላሉ።

--በንቃት ማዳመጥ፦ ወላጆች ትኩረት በመስጠት፣ በንቃት በማዳመጥ፣ ለልጆቹ ሃሳብ እውቅና በመስጠት እና ተሞክሯቸውን እንዲካፈሉ መርዳት ወይም ማበረታታት ያስፈልጋል።

--መረዳት፦ ወላጆቹ ልጃቸው የሚናገሩትን ሲሰሙ፣ ጭንቀታቸውን፣ ፍራቻዎቻቸውን እና ሀሳባቸውን ሲረዱ፤ ልጆች በወላጆቻቸው ላይ መተማመን እና እምነት መጣል ይችላል።

--ትዕግስት፦ ከባድ ቢሆንም ወላጆች ሁል ጊዜ ከልጆቻቸው ባህሪ በስተጀርባ ያለውን ምክንያት በትዕግስት መረዳት ያስፈልጋል።

ምንጭ:-

Sewasew | የጥሩ ወላጅ ባሕርያት፦ ልጅን መውደድ፦ በጭፍን ሳይሆን ሃላፊነት በሚሰማው መልክ መውደድ፤ ሲያጠፉ ማረም እና ስህተታቸውን እንዲረዱ መርዳት። የልጆን ችግር እንደራስ መመልከት፡-ጥሩ ወላጅ ከልጃቸው አንጻር .....

0911120142/0911937226

Bambino Daycare nice place

ልጆችን ማረቅ
(በበፍቃዱ ዜና)
************
እረቃ ማለት ልጆች ተቀባይነት ያለውና የሌለው ባህሪን እንዲያውቁ ማስተማር ነው፡፡በሌላ ቋንቋ እረቃ ማለት ልጆች ህግን እንዲከተሉ ማስተማር ነው፡፡እረቃ ቅጣትን እና ሽልማትን በውስጡ ሊያካትት ይችላል፡፡
ልጆችን ለማረቅ የሚከተሉትን መንገዶች መከተል እንችላለን

1ጥሩ ባህሪን ማበረታታት
ይህ መንገድ ልጆቻችን እንዲያሳዩ ምንፈልገውን ባህሪ ሲያሳዩ ማበረታታት ወይም መሸለም ነው፡፡ሽልማት ሲባል ሁል ጊዜ ልጆች ጥሩ ባህሪ ባሳዩ ቁጥር ከረሜላና ቸኮሌት መስጠት አይደለም ለምሳሌ ልጆች የምንፈልገውን ባህሪ ሲያሳዩ ጎብዝ ልጅ፣ኮረቼበሀለው፣በዚሁ ቀጥል…ወዘተ ማለት ሊሆን ይችላል፡፡ አንዳነዴ ልጆቻችን የተለየ ነገር እንዲያደርጉ ስንፈልግ ቃል መግባትንም ያካትታል፡፡ለምሳሌ በትምህርትህ 1ኛ ከወጣህ እንደዚ አደርግልሀለው ማለት ሊሆን ይችላል፡፡

2,ግልፅ የሆነ ህግ ማስቀመጥ
ለልጆች የሚወጡ ህጎች ግልፅ ና የማያሻሙ መሆን አለባቸው፡፡ምን እንደሚትበቅባቸውና ምን መብት እንዳላቸውም ሊነገራቸው ይገባል፡፡ የወጣላቸውን ህግ በሚጥሱ ጊዜ ውጤቱን በትክክል ማየት አለባቸው፡፡

3. መነጋገር
ልጆች ጥያቄ በሚጠይቁበት ጊዜ ከመናደድ ይልቅ ለምን ተረጋግቶ መመለስ እና ማስረዳት፡፡ ስናስረዳቸውም አይምሮአቸውን በማይጎዳ መልኩ መሆን አለበት፡፡

4መረጋጋት
ልጆች ጥፋት በሚያጠፉበት ወቅት ልንናደድ እንችላለን ነገር ግን ምንም አይነት እርምጃ ከመወሰዳችን በፊተ ተረጋግተን ማሰብ ይጠበቅብናል፡፡በደንብ ተረጋግተን ካሰብንበት በኋላ ስላጠፉት ጥፋት መነጋገር የስፈልጋል፡፡

5.ያወጣነውን ህግን ሳናዛባ መተግበር
አንዳንድ ጊዜ ወላጆች ልጆቻቸውን ከመውደዳቸው የተነሳ ዕራሳቸው ያወጡትን ህግ ሲጥሱ ይታያሉ፡፡ለልጆች የሚወጡ ህጎች ሁሌም ተፈጻሚ መሆን መቻል አለባቸው፡፡ነገር ግን አንድ ቀን ስራ ላይ ውለው ሌላ ጊዜ የሚጣሱ ከሆነ ተፈላጊውን ወጤት አያመጡም፡፡
ለምሳሌ የቤት ስራ ሰርቶ ት/ቤት ያልሄደ ተማሪ በሚቀጥለው ቀን የህጻናት ፊልም ዐያይም ብለን ህግ ካወጣን ይህ ህግ የቤት ስራ ባለሰሩበት ጊዜ ሁሉ መፈጸም መቻል አለበት፡፡

6.ጥሩ ባህሪ አላቸው ብለን የምናስባቸውን ሰዎች ወይም ገጸባኅሪያት አራያ እንዲያደርጉ ማበረታታት
ልጆች ብዙ ነገሮችን በማየት ይማራሉ፡፡ ወላጆች ለልጆች አርአያ ሆነው መታየት መቻል አለባቸው፡፡ልጆቻችን እንዳያዋሹ ከልፈለግን ሁሌም ታማኝ ሆነን መታየት አለብን ልጆቻችን ትህትና እንዲኖራቸው ከፈለግን የኛን ትህትና መመልከት አለባቸው ልጆቻችን ቃል እንዲያከብሩ ከፈለግን የምንገባላቸውን ቃል ማክበር አለብን፡፡ከዚህም በተጨማሪ የተለያዩ ተረቶች እና ድራማዎች ላይ ያሉ ጥሩ ገጸ ባህሪያቶች አርአያ እንዲያደርጉ ማበረታታት ያስፈልጋል

7ድጋፍ መስጠት
ልጆቻችን እንዲሆኑልን የምንፈልገውን ነገር አንዴ ነግረናቸው በደንብ ላይገባቸው ይችላል ስለዚ እራሳቸውን ችለው እስከሚሰሩት ድረስ ድጋፍ እና ክትትል ሊያስፈልጋቸው ይችላል፡፡

የልጆች አመጋገብ
ልጆች ምግብ ሲጀምሩ ቢቻል መቀመጫ ቢኖራቸው ይመረጣል ካልሆነ በሚቻቸው መልኩ ጭናችን ላይ ማስቀመጥ ፡፡ ወንበር ላይ መቀመጥ እስኪጀምሩ ድረስ ወይም በሶፋ ላይ አስቀምጦ መመገብ፡፡ በብዙዎቻችን ቤት የሚስተዋለው ልጆች መራመድ ሲጀምሩ አብረን እየተሯራጥን መመገብ ነው ይህ ደሞ ለኛም ድካም ለነሱም ሰነስርአትን አለማስተማር ይሆናል፡፡
ስለዚህ ምግብ ከጀመሩበት ቀን አንሰቶ ተቀምጦ እንዲበሉ ሰነስረአትን ማስለመድ የኛ ሀላፊነት ሲሆን፡፡
በተጨማሪም
• ምግብ መጥገባቸውን ምልክት ሲያሳዪን አለማስገደድ
• በሚገባ ሰኣታቸውን ጠብቆ መስጠት የበሉት ስለሚጎድል አልበላም የሚባለውን ልምድ እዳያዳብሩ ይረዳናል
• ቤተሰብ ሁሉ ሲመገብ ሁሌም ቢሆን በመመገቢያ ቦታ ላይ መመገብ አንዱ እነሱን ማሳያ ዘዴ ነው፡፡
• የቤተሰቡ አባል የተለያዪ ፍራፍሬዎችና አትክልቶችን ሲበላ ማሳያት
ምግብ ሲያዘጋጁ ከ 4ቱ ዋና የምግብ ዘሮች አዋህደው መስራትና ማስለመድ፡፡
1. ፍራፍሬዎችና አትክልቶች
2. ዳቦ፣ሩዝ ፤ድንች፤የፓስታ ዘሮች
3. የወተት ተዋጽኦ
4. ስጋ፣አሳ፣እንቁላል የመሳሰሉትን እየቀላቀሉ ማስለመድ

ልጆችን ለማረም የትኛውን መንገድ ይመርጣሉ?
ወ/ሮ መታሰቢያ ማሞ © ድሬቲዩብ
(የሕጻናት አስተዳደግ ባለሙያ)
እያንዳንዳችን ልጆቻችንን ለማረም የተለያዩ መንገዶችን እንከተላለን፡፡ ወላጆች የሚከተሉት መንገድ ልጆችን መምራት፣ አቅጣጫን ማመላከትና አስተማሪ ሊሆን ይገባል።
ተገቢው ማስተማሪያ መንገድ በሚከተሉት መንገዶች ይከናወናል።
** ልጆች ልክ የሰሩትንና የተሳሳቱትን ወዲያዉኑ በማሳወቅ ፣
** ባጠፉት ጥፋትና በሚከተለው ውጤት መካከል ያለውን ግንኙነት እንዲረዱት ማድረግ፣
** ለወደፊት እንዴት ማሻሻል እንዳለባቸው በምሳሌ መንገር፣
** ራሳቸውን መግዛት እንዲችሉ መርዳት
ከላይ የተዘረዘሩትን አንኳር ነጥቦች በምሳሌ ለማስረዳት የሚከተለውን እንመልከት፣
በረከት ከትምህርት ቤት የተሰጠውን የቤት ሥራ ሳይሰራ ከጓደኞቹ ጋር ለመጫወት ሲዘጋጅ አባቱ “መውጣት አትችልም፣ መጀመሪያ ሥራህን ጨርስ” ይለዋል፡፡ በረከትም “አባቴ ልክ አይደለህም፤ መጀመሪያ መጫወት አለብኝ” ብሎ ይጮሀል/ይናደዳል፡፡ አባቱም ልጁ ስላሳየው ባህሪ እንደሚነጋገሩ እንደሚፈልግ በርጋታ ገለጸለት፤ በርጋታ አስረዳው፡፡ “አይሆንም” የሚል ምላሽን እንዴት መቀበል እንዳለበትም አብራራለት።
በሌላ በኩል ደግሞ ልጆችን ለማረም የአካል ቅጣት (መግረፍ፣መቆንጠጥ፣መገፍተር፣ መጮህ ፣በጥፊ መምታት ተግባራዊ ሊደረግ ይገባል የሚሉ ወላጆች ብዙ ናቸው። ለምሳሌ አንድ እናት ይህንን ብለዋል፣ “ ሦስት ልጆቼን እየገረፍኩ አሳድጌ ይኸው አሁን ቀና ብለው ሰው የማያዩ፣ የተነገራቸውን እሽ ብለው የሚቀበሉ፣ ጨዋ ልጆች ሲሆኑ የመጨረሻ ልጄ ግን በደንብ ሳልቀጣው፣ ዱላ ስተው የፈለገውን እንደልቡ የሚናገር ሆኖ አገኘሁት፤ ልጅን መግረፍ ጥሩ መንገድ ነው፤ ምክንያቱም አያደክምም፤ ልክ ያስገባቸዋል፡፡ ግርፋቱ ሲቆጠቁጣቸው ደግሞ ትምህርት ያገኛሉ ”
እርግጥ ነው የአካል ቅጣት ለውጥ አያመጣም ለማለት አይቻልም፡፡ ግን ምን አይነት ለውጥ ነው የሚመጣው ነው ጥያቄው፤
የአካል ቅጣት ፦
* በወላጆችና በልጆች መካከል ያለው ግንኙነት
* ፍቅር አልባ የሆነና መነፋፈቅ የሌለበት፣ልጆች ወላጆችን ላለማየት የሚጥሩበት፣ልጆች ወላጆችን የማይገባቸው ኋላ ቀሮች አድርገው የሚወስዱበት ሁኔታን ሊፈጥር ይችላል።
* በልጆቹ እድገት ላይ አሉታዊ ተፅእኖ ይኖረዋል፤
* ልጆች ወላጆች ከሚነግሯቸው በመነሳት ስለ ራሳቸው ያላቸው ስሜት ልበ ሙሉነት የጎደለው፣ ከሌሎች እኩል ያልሆኑ እንደሆኑ ዓይነት ሆኖ ሊሰማቸው ይችላል፣
* ራሳቸውን ይጠላሉ፤
* በሚገርፋቸው ሰው ላይ በቀል ሊኖር ይችላል፣
* ስለሚፈሩ መሃላ መደርደር፣ እያጉረመረሙ ቤትን ጥሎ መውጣት ሊከተል ይችላል፣
* በሌላ በኩል ደግሞ ለወደፊት አስቸጋሪ ሁኔታ ሲያጋጥም ምን ማድረግ እንዳለባቸው አያውቁም፡፡ ስለዚህም ነገሮችን በኃይል ወይም በሁከት ለመቋቋም ይገደዳሉ፡፡
* በአጠቃላይ አካላዊ ቅጣት በልጆች አስተዳደግ ላይ አሉታዊ ዉጤቶችን ማስከተሉ አያጠያይቅም፡፡ በመነጋገርና ፍቅር በመስጠት ልጆችን ለማሳደግ መሞከር የተሻለ ዉጤትን እንደሚያስገኝ በልጆች አስተዳደግ ላይ የተሰሩ ጥናቶች ይመሰክራሉ፡፡

ፍቺ በልጆች ላይ የሚያሳድረው ተጽእኖ
ወ/ሮ መታሰቢያ ማሞ © ድሬቲዩብ
(የሕጻናት አስተዳደግ ባለሙያ)
ወላጆች ልጆችን በመግባባት በአንድ ላይ እየኖሩ ማሳደጋቸው ለልጆችም ሆነ ለመላው ቤተሰቡ ከፍተኛ ጠቀሜታ አለው። ያ ካልተሳካ ደግሞ ፍቺ መከሰቱ አይቀሬ ነው። በፍቺ የቤተሰብ አወቃቀር ልጆች ለተለያዩ አካላዊ፣ ስነልቦናዊና ማህበራዊ ችግሮች ሊዳረጉ ይችላሉ፤ ከችግሮቹም መካል የሚከተሉት ይገኙባቸዋል፦
– ልጆች ለህይወት አስፈላጊ የሆኑ ቁሳቁሶችን የሚያሟላላቸው አካል እናጣለን በሚል ሀሳብ ውስጥ ይገባሉ፣
– ልጆች ራሳቸውን ከጓደኞቻቸው ጋር በማወዳደር አንዳች የመጉደል ስሜት ሊሰማቸው ይችላል፤
– ራሳቸውንም ከጓደኞቻቸው አሳንሰው እንዲያዩ ይገደዳሉ፤
– እየተንከባከባቸው ያለውን ወላጅም ለፍቺው መከሰት ተጠያቂ ያደርጋሉ፤ አሳዳጊዎቻቸውም እንደዚሁም ጥለዋቸው የሚሄዱ ስለሚመስላቸው በስጋት ይሰቃያሉ።
– በዚህም የተነሳ ልጆቹ ሳያስቡት በሆነ ባልሆነው ቁጡና ተናዳጅ ይሆናሉ።
– ልጆች ብቻቸውን ሲሆኑ ብዙ ነገሮችን ያሰላልሳሉ፡፡ ለምሳሌ ወላጆቻቸው የተለያዩባቸው እነሱ የባህርይ ብልሹነት በማሳየታቸው የተነሳ ስለሚመስላቸው ራሳቸውን ክፉኛ ይወቅሳሉ፤
– እናትና አባት ሲለያዩ ልጆች አንደኛውን በሥነ-ሥርዓት ረገድ ሲመራቸው የነበረውን\የነበረችውን የቤተሰብ መሪ የሚያጡ በመሆናቸው በዚሁ ምክንያት አንዳንድ ግራ የሚያጋቡ አጓጉል ባህርይ ሊያሳዩ ይችላሉ፤
መፍትሄዎች በከፊል፡-
• ወላጆች ልጆቹን እንደየእድሜያቸው ሁኔታ በመቅረብ ስለፍቺው ፍቅር በተመላበት ሁኔታ ማስረዳት መልካም ነው፡፡ ይኸውም ለትንንሾቹ በተረት መልክ ከፍ ላሉት ደግሞ በውይይት መልክ ሊሆን ይችላል።
• ከዚህም በተጨማሪ ተለዋዋጭነት የሌለው አንድ ወጥ የሆነ ሥነ ሥርአት የሚይዙበት መንገድን መጠቀም ይረዳል። ማለትም አንድ ጊዜ የሚያስቀጣ በሌላ ጊዜ ችላ የሚባል እንዳይሆን አንድ ወጥ ሊሆን ይገባል። ይሄ ማለት ደግሞ ወላጆች ሀሳበ ግትር ይሁኑ ማለት ሳይሆን የሚወሰደው እርምጃ ከጥፋቱ ጋር ተመጣጣኝ ሆኖ ኣላማውም ለልጆቹ ማስተማሪያነት መሆኑን ለማስገንዘብ ነው።በቅድሚያ ግን የሚከለከሉና የሚፈቀዱ ባህርያትን\ተግባራትን በግልጽ በማሳወቅና ጥፋትም ሲገኝ እርምጃ መወሰድ እንደሚኖርበት ማስረዳት አስፈላጊ ነው።
• ወላጆቻቸው የተለያዩባቸው ሕጻናት ሁልጊዜም የቅርብ ክትትልና ፍቅርን ካገኙ የሚደርሱባቸውን ስነልቦናዊ ጫናዎች ለመቋቋም አቅምና ብርታትን ያገኛሉ፡፡

Christmas time!!!! wowwwwwwwwwww

ለአዳዲስ ወላጆች ስለ ጨቅላ ህፃናት አመጋገብ ምክር

ጨቅላ ህፃንዎን መመገብ ያለማቛረጥ የሚደረግ ሃላፊነት ነዉ፡፡ አዲስ ከመጣዉ የቤተሰብ አባልዎ ጋር የጠበቀ ግንኙነት ለመመስረት ጥሩ አጋጣሚን የሚፈጥርዎ እደል ነዉ፡፡ ስለሆነም የሚከተሉትን ሰባት ነጥቦች/ምክሮች ጨቅላ ህፃንዎን ለመመገብ ይረዳዎ ይችላል፡፡ በተጨማሪም ስለህፃናት አመጋገብም ይሁን ስለሌላ የጤና ጉዳይ ተጨማሪ መረጃ ከፈለጉ 8896 ሃሎ ዶክተር ላይ በመደወል በቂ ልምድና ሙያ ያላቸዉን ሀኪሞቻችንን ያማክሩ፡፡ እርስዎን ለማማከር ሁሌም ዝግጁ ናቸዉ፡፡

1. የጡት ወተት ወይም የቆርቆሮ ወተት ብቻ መጠቀም፡-
ብዙዉን ጊዜ ለህፃናት እድገት የሚመከረዉና የሚመረጠዉ የእናት ጡት ነዉ፡፡ ጡትዎን እንዳያጠቡ የሚያስገድድዎ ነገር ካለ/ጡት ማጥባት የማይችሉ ከሆነ ግን የቆርቆሮ ወተቶችን (ፎርሙላ ወተትን) መጠቀም ይቻላል፡፡ ጤናማ ህፃናት እስከ 6 ወር ድረስ ዉሃ፣ ጭማቂም ይሁን ሌላ ፈሳሾችም ቢሆን አያስፈልጋቸዉም፡፡ (ጡትና ጡት ብቻ እንዲወስዱ ይመከራል፡፡)

2. አዲስ የተወለደ ልጅዎን በሚፈልግበት ሰዓት መመገብ፡-
አዲስ የተወለደ ልጅዎ በቀን ከስምንት እስከ አስራ ሁለት ጊዜ መመገብ ይገበዋል፡፡ ይህ ማለት በየሁለትና ሶስት ሰዓት ልዩነት መመገብ ያስፈልጋል ማለት ነዉ፡፡ ህፃኑ ምግብ ሲፈልግ/ሲራብ የመወራጨት፣ መጥባት ምልክቶችንና ከንፈሮቹን ማንቀሳቀስ ይጀምራል፡፡ እነዚህን አይተዉ ካላጠቡት/ካልመገቡት ማልቀስ ይጀምራል፡፡ ልጅዎ መጥባቱን ካቆመ ወይም አፉን ከዘጋ አልያም ፊቱን ከጡት ወይም ጡጦ ላይ ካዞረ የመጥገብ ምልክት ሊሆን ይችላል ወይም እረፍት እየወሰደ ሊሆን ይችላል፡፡ ስለሆነም ጡትዎንም ይሁን ጡጦ ከመስጠትዎ በፊት ትንሽ ጊዜ ይጠብቁ፡፡
የልጅዎ እድሜ እየጨመረ ሲመጣ በትንሽ ሰዓት ዉስጥ ብዙ እየተመገበ ይመጣል፡፡

3. ቫይታሚን ዲ መስጠት፡
የጡት ወተት ለልጅዎ አጥንት ጥንካሬ የሚሰጡ እንደ ካልሲየምና ፎስፈረስ ያሉ ማዕድናቶች ከልጅዎ አንጀት እንዲመጠጥ የሚያደረገዉን ቫይታሚን ዲ በበቂ መጠን ስለሌለዉ የህክምና ባለሙያዎን በማነጋገር ተጨማሪ ቫይታሚን ዲ (ሰፕልመንት) እንዲሰጠዉ መጠየቅ:: ለልጆች ሌላ የቫይታሚን ዲ ማግኛ አማራጭ የቫይታሚን ዲ ምንጭ ከሆኑት ነገሮች አንዱ የሆነዉ የፀሃይ ብርሃን ሲሆን ብዙ ሰዎች የፀሃይ ብርሃን በመሞቅ ብቻ የተወሰነ የቫይታሚን ዲ ፍላጎታቸዉን ሊያሟሉ ይችላሉ፡፡ እርስዎም ልጅዎን ቫይታሚን ዲ ለልጅዎ መስጠት ካልቻሉ እንደአማራጭ ሁልጊዜ የፀሀይ ብርሃን ማሞቅ ያስፈልጋል፡፡ ስለሆነም በየቀኑ የጠዋት የፀሃይ ብርሃን ሙሉ ሰዉነቱን ከሆነ ከ10-15 ደቂቃዎች ማሞቅ የሚያስፈልግ ሲሆን ጭንቅላቱን፣ እጅና እግሮቹን ብቻ የሚያሞቁት ከሆነ ደግሞ ለ30 ደቂቃዎች ያህል ማሞቅ ያስፈልጋል፡፡

4. አዲስ የተወለደ ልጅዎ የአመጋገብ ስርዓቱ/ሂደት ሊለያይ እንደሚችል መገመት
አዲስ የተወለደ ልጅዎ በየቀኑ የግድ አንድ አይነት መጠን ያለሙ አመጋገብ ላይኖረዉ ይችላል፡፡ እድገቱ በፍጥነት በሚሆን ወቅት ለምሳሌ ከተወለደ በ2ኛና በ3ኛዉ ሳምንት እንዲሁም 6ኛ ሳምንቱ አካባቢ በአንድ ጊዜ ብዙ ሊመገብና እንዲሁም ቶሎ ቶሎ ሊርበዉ ስለሚችል ከላይ የተጠቀሰዉን የሰዓት ገደብ ሳይጠብቁ በቶሎ የልጅዎን የረሃብ ስሜት ምልክቶች በመረዳት መመገብ ያስፈልጋል፡፡

5. ዉስጥዎን/ደመ ነፍስዎንና ልጅዎን ማመን
ልጅዎ በቂዉን ያህል አልተመገበም ብለሁ ሊጨነቁ ይችላሉ፡፡ ነገርግን ልጅዎ ምን ያህል እንደሚያስፈልገዉ እራሱ ያዉቃል፡፡ ልጁ ምን ያህልና በምን ያህል ልዩነት ተመገበ ላይ ሳይሆን በሚከተሉት ነገሮች ላይ ባይበልጥ ትኩረት ማድረግ
• ቐሚ/ተከታታይነት ያለዉ ክብደት መጨመሩን
• በአመጋገቡ መካከል እርካታ/ምቾት መኖሩን
ልጅዎ ክብደት እየጨመረ የማይመጣ ከሆነና የመመገብ ፍላጎት ከሌለዉ የህክምና ባለሙያዎን ያማክሩ፡፡

6. እያንዳንዱን የመመገቢያ ጊዜ ከልጅዎ ጋር የጠበቀ ግንኙነት/ትስስር( bond) የሚፈትሩበት ጊዜ አድርጎ መዉሰድ
በሚመግቡበት ወቅት ልጅዎን ወደራስዎ/ሰዉነትዎ አስጠግቶ መያዝ፤ የልጅዎን እይን አይኑን ማየት፤ በቀስታ ከልጅዎ ጋር ማዉራት እንዲሁም እያንዳንዱን የመመገቢያ ወቅት የልጅዎን የደህንነት ስሜት( sense of security )፣ አመኔታና( trust) ምቾት እንዲሰማዉ ለማጎልበት አጋጣሚዉን ሊፈጥርልዎ ይችላል፡፡

7. እርዳት መቼ እንደሚያስፈልግዎ ማወቅ/መረዳት
ለምሳሌ ጡት በማጥባት ወቅት ችግር ከገጠመዎ፤ ጡት በሚያጠቡበት ወቅት ህመም ካለዉ ወይም ልጅዎ ክብደት የማይጨምር ከሆነ የህክምና ባለሙያዎን ማማከር ያስፈልጋል፡፡

ልጆችዎን ጤናማ የኑሮ ዘይቤ እንዲከተሉ ለማድረግ
(በዶ/ር ሆነሊያት ኤፍሬም ቱፈር)
✔ ቤተሰብዎን በሙሉ የሚያሳትፉ ነገሮችን ያዘውትሩ
እግር መንገድ፣ውሃ ዋና እና በመናፈሻ አካባቢ መጫዎትን ከሙሉ ቤተሰብዎ ጋር ያከናውኑ ይህም የልጆችዎን እንቅስቃሴ የማድረግ ፍላጎት ያዳብራል፡፡
✔ ጥሩ ምሳሌ ይሁኑአቸው
እርስዎ የሚከተሉትን የአነኗኗር ዘይቤ ጤናማ ማድረግ ልጆችዎም እንዲመለከቱና እርስዎን እንዲከተሉ ያደርጋል፡፡
✔ የቴሌቪዥን፣ቪዲዮ ጌም እና የኮምፒዩተር መጠቀሚያ ጊዜያቸውን ያሳጥሩ
ልጆች አብዛኛዉን ጊዜያቸውን ቴሌቪዥን፣ቪድዮ ጌም እና ኮምፒዩተር በመጠቀም የሚያሳልፉ ከሆነ ሊያደርጉ የሚገባቸውን እንቅስቃሴ እንዳያደርጉ በማድረግ ላልተፈለገ የሰውነት ክብደት መጨመርና ለተያያዥ በሽታዎች ሊዳረጉ ይችላሉ፡፡
✔ የሚወዱትን ዓይነት እንቅስቃሴዎች እንዲያደርጉ ያበረታቱአቸው
የልጅዎን ባሕርይ በሚገባ በማጥናት የሚወዱትን ጨዋታ እየተጫወቱ እንቅስቃሴ እንዲደርጉ ያበረታቱአቸው፡፡
✔ አድናቆትን ይችሩአቸው
ልጆችዎ ለሚያደርጉአቸው በጎ ነገሮች አድናቆትን መስጠት አይዘንጉ አልፎ አልፎም ስጦታዎችን ይስጡአቸው ይህም ያንን በጎ ባሕርይ እና ድርጊት እንዲዘወትሩ ያደርጋል፡፡
ጤና ይስጥልኝ

“የልጆቻችንን በራስ የመተማመን ችሎታ መቼና እንዴት እንገነባለን?”
ስለራስ መልካም አመለካከት ማዳበር ጤናማ ልጆችን በማሳደግ ሂደት ውስጥ በጣም አስፈላጊው ክፍል ነው፡፡ ለራሳቸው መልካም አመለካከት ያላቸው ልጆች ብዙውን ጊዜ ራሳቸውን ችለው ይቆማሉ አወንታዊም ሆነ በራስ መተማመን ልጅዎችዎ በህይወት ዘመናቸው ለሚኖራቸው ጤናማ የአእምሮ ሰላም እና ማህበራዊ ደስታ መገለጫ ፓስፖርት ነው፡፡
ለመሆኑ በራስ መተማመን ምን ማለት ነው?
ሰዎችን ስለራሳቸውና ስለሁኔታዎች አወንታዊ(Positive) ግን እውነተኛ በሆነ መልኩ እንዲያዩ የሚያደርግ መነፅር ነው፡፡ በራሳቸው የሚተማመኑ ሰዎች ስለራሳቸው አቅምና ችሎታ እምነት አላቸው፡፡
በህይወታቸው ላይ ሚዛናዊ የሆነ ግምትና ራስን የመቆጣጠር ችሎታ አላቸው፡፡
ያሰቡትንና የተመኙትን ነገር መሆን እንደሚችሉና ካሰቡበት መድረስ እንደሚችሉ ያምናሉ፡፡
በተቃራኒው
በራስ መተማመን የሌላቸው ሰዎች ሲበዛ በጉዳያቸው (በህይወታቸው) በተለይም በግል ጉዳያቸው የሰዎችን ማረጋገጫ ይፈልጋሉ፡፡
ምንም ነገር ለመስራት ድፍረቱ የላቸውም ምክንያቱም መውደቅን ይፈራሉ፡፡
“ይሳካልኛል” ብለው አያምኑም፡፡
በራስ የመተማመን ችሎታን ለማጎልበት ብዙ ነገሮች አስተዋፅኦ አላቸው፡፡
ከነዚህ መካከል ወላጆች የመጀመሪያውን ድርሻ ይወስዳሉ፡፡ ይህ ደግሞ በተለይም በልጆቻቸው የህፃንነት ዘመን ነው፡፡ ወላጆች ልጆቻቸውን በማንነታቸው ሲቀበሏቸው ህፃናት ስለራሳቸው መልካም አመለካከት ግንባታ መሰረቱን ይጥላሉ፡፡ ዶ/ር ዊሊያም ሲርስ “ወላጆ የልጆቻቸውን በራስ መተማመን ከአራስነት ጊዜያቸው ጀምሮ እንዲያሳድጉ ይመክራሉ፡፡” ከተወለዱበት ቀን ጀምሮ ልጆች አንድ ነገር ይፈልጋሉ፡፡ ይኸውም ለሚፈልጉት ነገር የወላጆቻቸውን ምላሽ ነው፡፡ ልጆች ለምግብ ወይም ለምቾት መጓደል ሲያለቅሱ አሳዳጊዎች ካለመሰልቸት ምላሽ ይሰጣሉ፡፡ በዚህ ጊዜ ህፃናቱ የመስማት የመመቸት ባጠቃላይ የተፈላጊነት ስሜት ይሰማቸዋል፡፡
የልጆቻችን በራስ መተማመን እንዲጎለብት የሚረዱ ዘጠኝ መንገዶች
1. ለየት ያለ የወላጅነት ግንኙነት ይፍጠሩ፡-
ይህ የአስተዳደግ ዘይቤ ባጠቃላይ ከልጆቻችን ጋር ጠንካራ ግንኙነት ስለመመስረት ነው፡፡ ልጆቻችን ጋር ክብር፣ ርህራሄ ፣ ማንነትን የመቀበል ብሎም ልጆቹ ከሌሎች ጋር እንዲኖራቸው የሚፈልጉትን ጉዳዮች ሁሉ ሆኖ በመገኘት (በሞዴልነት) ማስተማርን ያካተተ ነው፡፡
ፍፁም መሆን አይጠበቅብንም ስህተት በምንሰራበት ሁኔታ እንኳ ይቅርታ በመጠየቅ የምናስተምርበት ማለት ነው፡፡
2. የራሳችንን በራስ መተማመን ማሻሻል፡-
ልጆቻችን የሚያሳዩትን በምሳሌነት ይወስዳሉ ንዴት፣ ፈሪነት፣ በመማር የሚገኙ ባህሪዎች ናቸው፡፡ እርስዎ ለራስዎ ዝቅተኛ አመለካከት ካለዎት ልጅዎትዎን በራሳቸው እንዲተማመኑ ማድረግ አዳጋች ይሆናል፡፡
3. ለልጆችዎ ጥሩ መስታወት ይሁኗቸው፡-
ብዙዎቹ ልጆች ስለራሳቸው ያላቸው ስዕል የሚመጣው ስለራሳቸው በሚያስቡት ሳይሆን ሌሎች እነሱን እንዴት እንደሚረዷቸው በማሰብ ነው፡፡
ይህ በተለይም ዕድሜያቸው ለት/ት ያልደረሱና ስለራሳቸው በብዛት ከቤተሰቦቻቸው እንቅስቃሴና ምላሽ ለሚረዱት ይበልጥ እውነት ነው፡፡ እስኪ አወንታዊ ወይስ አሉታዊ ስዕል መፍጠር ላይ ነዎት? ትንሽ ሀሳብ ስጡ፡፡

4. “እንዲህ ነህ/ነሽ/ነኝ” ብሎ ስያሜ መስጠትን ያቁሙ፡-
ልጅዎን ለመጉዳት ባያስቡ እንኳ አሉታዊ አባባሎችን ፊት ለፊቱ ላይ አይበሉ፡፡ “ቀዥቃዣ”፤ “ችኩል”፤ “ተብታባ”፤ “ጎራዳ”……….. የመሳሰሉትን፡፡ ስለራስዎትም ቢሆን አሉታዊ አባባሎችን አይጠቀሙ፡፡ ለምሳሉ፡- “ምን አክላለሁ”፤ “በጣም ወፍራም ነኝ”፤ “መተንፈስ አልችልም”……… የመሳሰሉት እነኚህ ንግግሮች ልጆችዎን ራሳቸውን ዝቅ አድርጎ መመልከት ብዙም ችግር እንደሌለው ያስተምራቸዋል፡፡
5. ከልጅዎ ጋር ጊዜ ይኑርዎት(አብረው ይጫወቱ)፡-
ብዙዎቻችን በስራ የተወጠርንና ራስንና ቤተሰብን ለማስተዳደር ደፋ ቀና የምንልበት ወቅት መሆኑ ግልፅ ነው፡፡ ነገር ግን በተቻለ አቅም ለልጆቻችን ጊዜ መስጠት አለብን ምክንያቱም ይህ ለልጆቻችን “አስፈላጊ ሰዎች ናችሁ” “ለናንተ ልዩ ቦታ አለን” የሚለውን መልዕክት ያስተላልፍልናል፡፡
ልብ ይበሉ በዚህ ሰዓት ሙሉ ትኩረታችን ለእነሱ ብቻ ይሁን በተለያዩ ጉዳዮች ሀሳባችን ከተወሰደ የተፈለገው ውጤት አይመጣም፡፡
6. ልጅዎችዎ የተለየ ተሰጥኦና ችሎታዎችን እንዲያሳድጉ ይርዷቸው፡-
አንድን ነገር በራሳቸው አጠናቀው ማየት በራስ መተማመናቸውን ያሳድግላቸዋል በመሆኑም ፍላጎታቸው ምን እንደሆነና ጥሩ መስራት የሚያጓጓቸውን ነገር ይለዩ ይህን ሲደርጉ ታዲያ የንባብ ልምዳቸውን፣ የስዕልና ሙዚቃ ችሎታቸውን ሌሎችንም የሚያዳብሩበት ማዕከል አካባቢ በማዘውተር ፍላጎቱ ሊገኝ ይችላል፡፡ በቤት ውስጥ በሚኖራቸው እንቅስቃሴ ልብ ብሎ በማየት ልጃችን ወደሚያዳላበት አካባቢ በማዳመጥ እና በማሳደግ በራስ መተማመን ችሎታቸውን መገንባት ይቻላል፡፡
በዚህ ጊዜ ልጆቻችን መካከል የራሳቸው የተለየ ነገር ስለሚኖር ልጅና ልጅን ከማውዳደር ይቆጠቡ ይልቅ ልጅዎን ለየት የሚያደርገውን ጥንካሬ ለይተው ያውጡ፡፡
7. “የእውቅና ኮርነት በቤትዎ ያዘጋጁላቸው”፡-
ይህ ኮርነር ልጅዎችዎ ሰርተው ያጠናቀቁትን ነገሮች ስዕሎች ፅሁፎችና የተለያዩ ስራዎች የሚለጠፉበት ቦታ ነው ይህ ቦታ ስለራሳቸው ጥሩ በማይሰማቸው ሰዓት ብርታት ይሰጣቸዋል፡፡ ብዙውን ጊዜ በቤታችን ውስጥ የምንሰቅላቸው ፎቶግራፎችን አሰብ ያድርጉ የመጀመሪያው ልጅ በርከት ያለ ፎቶ ይኖረዋል ቀጣዮቹ ደግሞ ከርሱ አነስ ያለ ይሆናል፡፡ ይህንን ማመጣጠን ተከታይ ልጆችዎንም እኩል ተፈላጊነት እንዲሰማቸው ያደርጋል፡፡
8. ልጅዎችዎ ስሜታቸውን እንዲገልፁ ያበረታቷቸው፡-
ስሜታቸውን ምቾት ባለው ሁኔታ መግለፅ ማለት ለተፈጠረ ነገር ሁሉ ይረብሹና ይነጫነጩ ማለት አይደለም ይልቅም ስሜትን በአግባቡ በማስተላለፍና ዝም ብሎ በመነጫነጭ መካከል ያለውን ሚዛናዊነት አስተምሯቸው እያደጉ ሲሄዱ እንዴት ተረጋግተው ጉዳያቸውን ማስፈፀም እና አስቸጋሪ አጋጣሚዎችን ማለፍ እንዳለባቸው ይማራሉ በተቃራኒው ሃሳባቸውን በነፃነት መግለፅ ያልተማሩ ልጆች በጣም ቁጥብ ይሆናሉ፡፡ በዚሁም ለወደፊት ችግር ያጋጥማቸዋል፡፡
የልጅዎችዎን ስሜት ዝቅ አድርገው አይመልከቱ በድንገት እቃ ሲሰብሩ አይጩሁባቸው የሚሰሩትን ነገር ቆም በማድረግ ልጅዎን ትኩር ብለው በማየት “እቃው በመሰበሩ በጣም አዝኛለሁ፡ ይህ እቃ ላንተ ልዩ መሆኑን አውቃለሁ” እንዲህ በማለት እቃውን እንዴት መያዝ እንደነበረበትና ለሚቀጥለው ምን ማድረግ እንዳለበት ያስተምሩት፡፡
9. የልጅዎችዎን ጓደኞች ያጣሩ(ይምረጡ)፡-
የልጆ ባህሪና ስለራሳቸው ያላቸው ግንዛቤ በዙሪያቸው ባሉ የቤተሰብ አባላት ብቻ አይገነባም ይልቅም በአካባቢያቸው በሚያገኛቸውም ነው ለዚህም ዋናው ጓደኞቻቸው ናቸው፡፡ ልጆቻችሁ ጓደኞች እንዲመርጡ ያድርጓቸው ነገር ግን ግንኙነቱን አወንታዊ መሆኑን ይከታተሉ፡፡
ጓደኝነታቸው ላይ የማንጓጠጥና ማንነታቸውን በፍቅር እንዳይቀበሉ የሚያደርጉ ነገሮች አለመኖራቸውን ያረጋግጡ እያደጉም ሲመጡ በተለይ ወደ ጉርምስና እድሜ እየተጠጉ ሲሄዱ ልጅዎ በጓደኞቹ ወደ መጥፎ ተግባራት ማለትም መጠጥ፣ ሲጋራ ማጨስ፣ ብሎም ወደ ሌሎች ተግባር እንዲገባ ግፊት እንዳይደረግበት ጥንቃቄ ያድርጉ፡፡
እናመሰግናለን ባምቢኖ!!!

Haroni Happy birthday day! love uuuuuuuuuuuu

Trip with my kid, BORA Amusement Park
We had a grate time!!! Bambinoooooooooooo