Green Africa Times

Directions

Green Africa Times Contact information, map and directions, contact form, opening hours, services, ratings, photos, videos and announcements from Green Africa Times, East Africa, Hossana.

: " ለሠራተኞቻችን 1.2 ቢሊዮን ብር ቦነስ ሰጥተናል " ሲል የሚድሮክ ኢንቨስትመንት ግሩፕ አሳወቀ።የሚድሮክ ኢንቨስትመንት ዋና ሥራ አስፈፃሚ አቶ ጀማል አህመድ ፥ " በ2018 በጀት ዓ...
18/09/2026

: " ለሠራተኞቻችን 1.2 ቢሊዮን ብር ቦነስ ሰጥተናል " ሲል የሚድሮክ ኢንቨስትመንት ግሩፕ አሳወቀ።

የሚድሮክ ኢንቨስትመንት ዋና ሥራ አስፈፃሚ አቶ ጀማል አህመድ ፥ " በ2018 በጀት ዓመት የላቀ ውጤት ላስመዘገቡ 700 ሠራተኞች ለእያንዳንዳቸው ከ100 እስከ 500 ሺህ ብር ስጦታ ተሰጥቷል " ብለዋል።

" የደጉ ሰው ደግ ተቋም " ሲሉ የገለጹት ዋና ሥራ አስፈጻሚው ሚድሮክ በ2018 በጀት ዓመት 1.2 ቢሊዮን ብር ለሠራተኞቹ ቦነስ ሰጥቷል ፤ 8.5 ቢሊዮን ብር ደሞዝ ከፍሏል፤ 390 ሚሊዮን የአሜሪካ ዶላር የውጭ ምንዛሬን ለሀገር አስገኝቷል ብለዋል።

አቶ ጀማል ለ2019 በጀት ዓመት የሠራተኞችን መነሻ ደሞዝ ወደ 10 ሺህ ብር ከፍ በማድረግ፣ ለደሞዝ ጭማሪ ተጨማሪ ከ3 ቢሊዮን ብር በላይ ወጪ እንደሚያደርግ ተናግረዋል።

አቶ ኢሳያስ ጂራ ለሦስተኛ ተከታታይ የሥራ ዘመን የኢትዮጵያ እግር ኳስ ፌዴሬሽን ፕሬዚዳንት ሆነው ተመረጡ።በፌዴሬሽኑ የፕሬዚዳንትነት ምርጫ ላይ አቶ ኢሳያስ ጂራ ብቸኛ ዕጩ ሆነው ቀርበዋል። ...
15/09/2026

አቶ ኢሳያስ ጂራ ለሦስተኛ ተከታታይ የሥራ ዘመን የኢትዮጵያ እግር ኳስ ፌዴሬሽን ፕሬዚዳንት ሆነው ተመረጡ።

በፌዴሬሽኑ የፕሬዚዳንትነት ምርጫ ላይ አቶ ኢሳያስ ጂራ ብቸኛ ዕጩ ሆነው ቀርበዋል። የድምፅ መስጠትና የቀጥታ ድምፅ ቆጠራው ሲጠናቀቅም፣ ከተሰጡ 88 ድምፆች 81 ድምፅ በማግኘት ድጋሚ ተመርጠዋል።

አቶ ኢሳያስ ጂራ ላለፉት 8 ዓመታት ፌዴሬሽኑን በፕሬዚዳንትነት የመሩ ሲሆን፣ በአዲሱ ምርጫ በጉባዔው የተሰጠውን ድምፅ በማግኘት ለቀጣዮቹ 4 ዓመታት በኃላፊነቱ እንዲቀጥሉ ተወስኗል።

ይህም አቶ ኢሳያስ ጂራ በኢትዮጵያ እግር ኳስ ፌዴሬሽን ላይ የሚኖራቸውን የ12 ዓመት የአመራር ጊዜ ያራዝማል።

81 ከ88 — አቶ ኢሳያስ ጂራ ዳግም የኢትዮጵያ እግር ኳስ መሪ!

በፊፋ እና ካፍ ህግ መሰረት ብቸኛው እጩ አቶ ኢሳያስ ጅራ 50 ከመቶ ድምፅ ካላገኙ ምርጫው ይሰረዛል የኢትዮጵያ እግር ኳስ ፌደሬሽን የፕሬዝዳንትነት ምርጫ ድምፅ መስጠት በአሁኑ ሰዓት እየተከ...
15/09/2026

በፊፋ እና ካፍ ህግ መሰረት ብቸኛው እጩ አቶ ኢሳያስ ጅራ 50 ከመቶ ድምፅ ካላገኙ ምርጫው ይሰረዛል

የኢትዮጵያ እግር ኳስ ፌደሬሽን የፕሬዝዳንትነት ምርጫ ድምፅ መስጠት በአሁኑ ሰዓት እየተከናወነ ይገኛል።

ለቦታው ብቸኛ ዕጩ ሆነው የቀረቡት አቶ ኢሳያስ ጅራ ከጠቅላላው ድምፅ 50 ከመቶ ካላገኙ ምርጫው ተሰርዞ በድጋሚ እንደሚደረግ የአስመራጭ ኮሚቴው ሰብሳቢ አቶ ሀይሉ ሞላ ገልጸዋል።

ምርጫው አንድ እጩ ብቻ የቀረበበት መሆኑ በብዙዎች ዘንድ ቅሬታና ስጋት የደቀነ ቢሆንም፣ የዓለም አቀፉ እግር ኳስ ማህበር (ፊፋ) እና የአፍሪካ እግር ኳስ ኮንፌዴሬሽን (ካፍ) የምርጫ መመሪያ (Standard Electoral Code) ግን ይህንን ሁኔታ ለመቆጣጠር የሚያስችል ደንብ ደንግጓል።

በነዚህ አለም አቀፍ ህጎች መሰረት አንድ ተወዳዳሪ ያለተፎካካሪ ብቸኛ እጩ ሆኖ በሚቀርብበት ጊዜ እንኳን ድምፅ መስጠት ሳያስፈልግ ወይም በቀጥታ አሸናፊ ተደርጎ አይሾምም።

በህጉ መሰረት ብቸኛው እጩ የጠቅላላ ጉባኤተኞቹን አብላጫ ድምፅ (50% + 1) የማያገኝ ከሆነ፣ ሂደቱ ውድቅ ተደርጎ አዲስ እጩዎች የሚካተቱበት ድጋሚ ምርጫ እንዲደረግ ይገደዳል።

ይህም አሰራር ድምፅ ሰጪዎች እጩውን የመቃወም እና ምርጫውን ወደ አዲስ ውድድር የመመለስ ሙሉ መብት እንዲኖራቸው የሚያስችል ነው።

በአሁኑ ሰዓት የፌደሬሽኑ አባላት ድምፃቸውን እየሰጡ የሚገኙ ሲሆን፣ አቶ ኢሳያስ ጅራ አስፈላጊውን ድምፅ ማግኘት አለማግኘታቸው የታገደውን የምርጫ ሂደት ወደ አዲስ ውድድር የሚመልሰው ወይም የሚያጸናው ይሆናል።

በትግራይ ክልል በሚገኙ ዩኒቨርሲቲዎች ይማሩ የነበሩ ተማሪዎች በሌሎች ዩኒቨርሲቲዎች በጊዜያዊነት እንዲመደቡ ተወሰነአዲስ አበባ፣ መስከረም 4፣ 2019 (ኤፍ ኤም ሲ) በትግራይ ክልል ባለው ነ...
14/09/2026

በትግራይ ክልል በሚገኙ ዩኒቨርሲቲዎች ይማሩ የነበሩ ተማሪዎች በሌሎች ዩኒቨርሲቲዎች በጊዜያዊነት እንዲመደቡ ተወሰነ

አዲስ አበባ፣ መስከረም 4፣ 2019 (ኤፍ ኤም ሲ) በትግራይ ክልል ባለው ነባራዊ ሁኔታ በክልሉ በሚገኙ ዩኒቨርሲቲዎች ይማሩ የነበሩ ተማሪዎች በሌሎች የመንግሥት ዩኒቨርሲቲዎች በጊዜያዊነት እንዲመደቡ ተወስኗል አሉ የትምህርት ሚኒስትር ብርሃኑ ነጋ (ፕ/ር)።

ብርሃኑ ነጋ (ፕ/ር) በትግራይ ክልል በሚገኙ ዩኒቨርሲቲዎች ይማሩ የነበሩና በአሁኑ ወቅት በክልሉ ባለው ነባራዊ ሁኔታ ትምህርታቸውን መቀጠል ባለመቻላቸው መፍትሔ ከጠየቁ ተማሪዎች ጋር ተወያይተዋል።

ሚኒስትሩ በዚህ ወቅት÷ በትግራይ ክልል በሚገኙ ዩኒቨርሲቲዎች ይማሩ የነበሩ ተማሪዎች ደህንነታቸው ወደሚጠበቅባቸው ሌሎች የመንግሥት ዩኒቨርሲቲዎች በጊዜያዊነት ተመድበው ትምህርታቸውን እንዲቀጥሉ መወሰኑን ገልጸዋል።

ወጣቶች በአሁኑ ወቅት ማተኮር ያለባቸው ትምህርታቸው ላይ ብቻ መሆኑን ጠቁመው÷ በቀጣይ ሀገራቸውን የሚረከቡ ዜጎች እንዲሆኑ ማድረግ የሁሉም ሃላፊነት መሆኑን አብራርተዋል።

ሀገር ማጽናት የሚቻለው የዛሬው ትውልድ ለነገው ትውልድ ማሰብ ሲጀምር ነው ያሉት ሚኒስትሩ÷ ያለውን ሁኔታ በመሸሽ ከትግራይ ክልል የወጡ ተማሪዎች በሰላም የመኖርና የመማር መብት እንዳላቸው አስገንዝበዋል።

በመሆኑም እነዚህን የነገ ሀገር ተረካቢ ዜጎች በተለያየ መንገድ ማስተናገድና ትምህርታቸውን ያለመስተጓጎል እንዲቀጥሉ ማድረግ ተገቢ መሆኑን አጽንኦት ሰጥተዋል።

በዚህ መሰረትም ተማሪዎች ለምዝገባ በአካል ወደ ትምህርት ሚኒስቴር መምጣት ሳይጠበቅባቸው ከዛሬ ማታ ጀምሮ ይፋ በሚደረገው የበየነ መረብ (ኦንላይን) መተግበሪያ በመጠቀም መመዝገብ እንደሚችሉ አስታውቀዋል።

በምዝገባው ወቅትም ተማሪዎች ከዚህ በፊት ይማሩበት የነበረውን ዩኒቨርሲቲ፣ የትምህርት ዘመናቸውን እና የሚማሩበትን የትምህርት መርሐ ግብር በመግለጽ ባሉበት ቦታ ሆነው የዝውውር ፎርሙን በአጭር ጊዜ እንዲሞሉ ማሳሰባቸውንም የሚኒስቴሩ መረጃ ያመላክታል።

አቶ ክርስቲያን ታደለ ከደቂቃዎች በፊት የሰጡት መግለጫ‼️የአማራ ብሔራዊ ንቅናቄ (አብን) ስራ አስፈጻሚ እና የሕዝብ ተወካዮች ምክር ቤት አባል የነበሩት አቶ ክርስቲያን ታደለ ከእስር መፈታታ...
13/09/2026

አቶ ክርስቲያን ታደለ ከደቂቃዎች በፊት የሰጡት መግለጫ‼️

የአማራ ብሔራዊ ንቅናቄ (አብን) ስራ አስፈጻሚ እና የሕዝብ ተወካዮች ምክር ቤት አባል የነበሩት አቶ ክርስቲያን ታደለ ከእስር መፈታታቸውን ተከትሎ የመጀመሪያ መግለጫቸውን ሰጡ።

አቶ ክርስቲያን በይፋዊ የፌስቡክ ገጻቸው ባስተላለፉት የ«ምስጋና» መልዕክት፥ ላለፉት ሦስት ዓመታት ከእሳቸውና ከቤተሰቦቻቸው ጎን ለቆሙ ግለሰቦችና ተቋማት በሙሉ ልባዊ ምስጋናቸውን አቅርበዋል።

አሁን ላይ የጤና ሁኔታቸውን እየተከታተሉ መሆኑን የገለጹት አቶ ክርስቲያን፥ ከእስር መፈታታቸው ጋር ተያይዞ በማኅበራዊ ሚዲያዎች ላይ የሚናፈሱ አሉባልታዎች በሙሉ መሠረተ-ቢስ መሆናቸውን አስታውቀዋል። አክለውም የጤና ሁኔታቸው ሲሻሻል እውነታውን ለሕዝብ በዝርዝር ይፋ እንደሚያደርጉ ገልጸዋል።

የ66ቱ የኢትዮጵያ አብዮት ሲታወስ! መስከረም ፪በኢትዮጵያ የዘመን መለወጫ ሁለተኛው ቀን ልክ በዛሬዋ እለት ፤ መስከረም 2 ቀን 1967 ዓ.ም የጊዜያዊ ወታደራዊ አስተዳደር ደርግ አፄ ኃይለሥ...
12/09/2026

የ66ቱ የኢትዮጵያ አብዮት ሲታወስ!
መስከረም ፪

በኢትዮጵያ የዘመን መለወጫ ሁለተኛው ቀን ልክ በዛሬዋ እለት ፤ መስከረም 2 ቀን 1967 ዓ.ም የጊዜያዊ ወታደራዊ አስተዳደር ደርግ አፄ ኃይለሥላሴን ከዙፋናቸው አውርዶ ቤተ መንግሥቱን በመቆጣጠር የኢትዮጵያ መንግሥት መሆኑን ያወጀበት እለት።

(ዕለቱን የሚያስታውሱ የፎቶግራፍ ስብስብ)

እነማናቸው ??
12/09/2026

እነማናቸው ??

Today is the end of Ethiopia's 2018.Tomorrow will be 2019 in Ethiopia 🇪🇹 Happy New Year to the uncolonized country in Af...
10/09/2026

Today is the end of Ethiopia's 2018.

Tomorrow will be 2019 in Ethiopia 🇪🇹

Happy New Year to the uncolonized country in Africa ✍🏿

ካይሮ/ዱባይ-የየመን አንሳር አላሕ (ሁቲዎች) ሥልታዊ ወደብ ተቆጣጠሩ።የየመን አንሳር አላሕ (ሁቲ) ተዋጊዎች ከጠላቶቻቸዉ ከፍተኛ ድብደባና ጥቃት ቢደርስባቸዉም ሥልታዊቱን የወደብ ከተማ ሞቻን...
10/09/2026

ካይሮ/ዱባይ-የየመን አንሳር አላሕ (ሁቲዎች) ሥልታዊ ወደብ ተቆጣጠሩ።

የየመን አንሳር አላሕ (ሁቲ) ተዋጊዎች ከጠላቶቻቸዉ ከፍተኛ ድብደባና ጥቃት ቢደርስባቸዉም ሥልታዊቱን የወደብ ከተማ ሞቻን ዛሬ ተቆጣጥረዋል።

የአንሳር አላሕ ተዋጊዎች ባለፈዉ ሳምንት የሳዑዲ አረቢያ የነዳጅ ተቋማትንና በሳዑዲ አረቢያ የሚደገፈዉን የየመን መንግሥት ይዞታዎችን ካጠቁ ወዲሕ ሳዑዲ አረቢያ በጦር ጄት፣ የየመን መንግሥት ደግሞ በእግረኛ ጦር የአንሳር አላሕ ተዋጊዎችንና ይዞታዎችን ሲደበደቡ ነበር።ይሁንና በሳዑዲ አረቢያ የሚደገፈዉ የየመን መንግሥት የጦር አዛዦች ዛሬ ቀትር ላይ እንዳመኑት የአንሳር አላሕ ተዋጊዎች ሥልታዊ አካባቢዎችንና ወደብን እየተቆጣጠሩ ነዉ።

የአንሳር አላሕ ተዋጊዎች ዛሬ በተለይ ሞቻ የተባለችዉን የቀይ ባሕር የወደብ ከተማን መያዛቸዉ ሥልታዊዉን የባብ ኤል መንደብን ወሽመጥ በቀላሉ ለመቆጣጠር ያስችላቸዋል።

ሮይተርስ ዜና አገልግሎት በሳዑዲ አረቢያ የሚደገፈዉን የየመን መንግሥት ጦር አዛዦችን ጠቅሶ እንደዘገበዉ በኢራን የሚደገፉት የአንሳር አላሕ ተዋጊዎች የሐኒሽ ደሴቶችንም ለመያዝ ዛሬ የከባድ መሳሪያ ጥቃት ከፍተዋል።

እንደ ግሪጎሪያኑ አቆጣጠር ከ2022 ጀምሮ ጋብ ብሎ የነበረዉ የአንሳር አላሕ፣ የሳዑዲ አረቢያና በሳዑዲ አረቢያ የሚደገፉት ኃይላት ዉጊያ ያገረሸዉ ዩናይትድ ስቴትስና እስራኤል ኢራን ላይ ጦርነት ከከፈቱ ካለፈዉ የካቲት ወዲሕ ነዉ።

አሜሪካና ተባባሪዎችዋ ጥቃታቸዉን ካለቆሙ ጦርነቱ ከፋርስ ባሕረ ሰላጤ እስከ ቀይ ባሕር፣ ከሆርሙዝ ወሽመጥ እስከ ባብ ኤል መደብ እንደሚስፋፋ የኢራን ባለሥልጣናት በተደጋጋሚ አስጠንቅቀዉ ነበር።

አቶ ክርስቲያን ታደለን ጨምሮ ከ600 በላይ የፖለቲካ እስረኞች በምህረት መለቀቃቸው ተገለጸ::በተለያዩ ከባድ የወንጀል ክሶች ተመስርቶባቸው በእስር ላይ ይገኙ የነበሩ ከ600 በላይ ተጠራጣሪዎ...
10/09/2026

አቶ ክርስቲያን ታደለን ጨምሮ ከ600 በላይ የፖለቲካ እስረኞች በምህረት መለቀቃቸው ተገለጸ::

በተለያዩ ከባድ የወንጀል ክሶች ተመስርቶባቸው በእስር ላይ ይገኙ የነበሩ ከ600 በላይ ተጠራጣሪዎችና ተፈራጅ እስረኞች በመንግስት ምህረት ተደርጎላቸው መፈታታቸውን የኢትዮጵያ ሰብዓዊ መብቶች ኮሚሽን (ኢሰመኮ) ይፋ አደረገ።

ከእስር ከተለቀቁት መካከል የህዝብ ተወካዮች ምክር ቤት አባል የነበሩት አቶ ክርስቲያን ታደለ እንደሚገኙበት የተገለጸ ሲሆን፣ ህገ-መንግስታዊ ስርዓቱን በመናድ፣ በሽብርተኝነትና በሌሎች ከባድ ወንጀሎች ተከሰተው ፍርድ ቤት ሲመላለሱና የእስር ቅጣታቸውን ሲፈጽሙ የነበሩ ናቸው ተብሏል።

ኮሚሽኑ እንዳስታወቀው ከሆነ፣ ላለፉት አምስት ወራት ከፌደራል መንግስት ባለስልጣናት ጋር ሲያካሂድ የቆየውን ተከታታይ የምክክርና የድርድር ሂደቶች ተከተሎ በተደረሰበት መግባባት መሰረት እስረኞቹ ከቤተሰቦቻቸው ጋር እንዲቀላቀሉ ተደርጓል።

በተጨማሪም የኮሚሽኑ ተወካዮች በማረሚያ ቤቶች በአካል በመገኘት ከሚፈቱት ግለሰቦች ጋር ውይይት ማድረጋቸውንና የድርድሩን ውጤት የሚያስጠብቅ አቋም ላይ መደርሱን ገልጸዋል።

©️ኢሰመኮ

Address

East Africa
Hossana

Website

Alerts

Be the first to know and let us send you an email when Green Africa Times posts news and promotions. Your email address will not be used for any other purpose, and you can unsubscribe at any time.

Shortcuts

Share