Ilaafi Ilaamee

21/08/2025

-SAREE
======= ================= ============ =
Sareen diddigee diddiga isaatti akkuma deebi'u, gowwaan gowwuma isaatti in deddeebi'a; Fakk 26:11
---------------------------------- --------------------------------------
Macaafni fakkeenyaa akkuma maqaa isaatii dubbiiwwan dhedheeroofi ergaa gadi fagoo qaban bifa gabaabaa ta’een ibsuun beekma. Addumaan boqonnaa 11ffaan kun waa’ee nama gowwaa gowwummaa isaa irraa barachuu hin dandeenyee irratti xiyyeeffata. Kanas immoo sareedhaa wajjin wal qabsiiseeti

Waa’ee saree gaafa dubbannu aadaa keessatti guddanneefi macaafa qulqulluu keenya irraa fagoo yoo taane, nuuf galuu dhiisuu mala. Kana jechuun koos akki warri dhihaa saree itti ibsaniifi akki nuti saree itti ibsinu garaagara jechuu barbaadeeni. Sareen biyya keenya keessatti beeylada manaa qofa utuu hin taane, maqaa arrabsootis, ilaalchi warra dhihaa garuu kanaan faallaadha. Haa ta’u malee gara Macaafa Qulqulluu keenyaatti gaafa deebinu, yaadonni waa’ee saree ibsan, ilaalcha keenyaan akka wal hin faallessine huubanna.

Sareen raqa argattee jennnaan waa’een nyaata urgaa’aa fi ho’aa ta’ee ishee hin dinqu. Sababni isaa hoolaan qalamuufii caalaa farda du’ee tortore nyaachuutti gammaddi waan ta’eef. Sareedhaa wajjin manaa baatee; iddoo wayii ga’uu yoo barbaadde, bakka ati dhaquuf wajjin kaate dhiiftee gara foolii waan ajaa’uu faana dha’uutti deebiti. Sareen miiltoo wajjin deemsa eegaltee wajjin xumurtu miti jechuudha. Oromoonis yeroo makmaaku kanumaaf “saree warri guddise dhabee; warri raqaa argate” jedha. Falli isaa sareedhumaa wajjin manaa bahuu dhiisuudha.

Sareen mana itti guddatteef utuu hin taane, lafa nyaattuuf dutti. Waggoota hedduudhaaf ishee kan kunuunsite ta’us, guyyaa tokkittii ollaatti wanti isheen barbaaddu argameef achi gortee diina si godhattee sitti dutti. Kun amaluma sareeti. Warra manaa sana caalaa kan si balaaleffatu saree ati hakuma keetiin guddifteedha.
Sareen hin amanamtu, sababni isaas diddigee ykn oldeebisee; isuma deebisee nyaata. Akkuma duratti kaafne, waan urgaa’u caalaa waan ajaa’u barbaada waan ta’eef. Dubbiin kun hiika dhokataas ni qabaata. Waan lammata deebi’ee hin godhu jedhee tufe, itti deddeebi’uu isaa agarsiisa. Namni gowwaanis kanaan garaagarummaa hin qabu. Sareen maaliif kana hunda gadhoomte kan jedhu gaaffii nutti hin ta’u, kan gaaffii nutti ta’uu qabu namni maaliif saree ta’e? kan jedhu ta’uu qaba malee!
Waaqayyo saroota irraa nu haa eegu!

22/01/2025

23/07/2024

"The Bible does not need to be rewritten, but it need to be reread" Dr Eli Livorkin

05/07/2024

IJAARSA SIIDAA KUMSAA MORODAA
Gidduu kana ijaarsa siidaa Kumsaa Morodaa magaalaa Naqamtee tiin waqabatee olala garaagaraatu faca’aa jira.Waa'een Kumsaa Morodaa bal'inaan odeeffamaa jira. Isaan keessaa kaan Kumsaa yoo faarsan gariin immoo arrabsaa jiru. Ammaaf warra faarsan caalaa warra arrabsaa jiran irratti yoo dubbanne gaariidha. Ilaalchi kun waan lama irraa madda jedheen yaada. 1ffaa, dhugumatti quuqama dhugaa qabaachuudhaan yoo ta'u, inni 2ffaan immoo inaaffaadha.
Jalqabatti siidaan gaafa dhaabbatu caasaalee Biiroo Aadaafi Turizimii sadarkaan jiraniin qorannoon geggeeffama. Kunis abbootii gadaa, jaarsolii biyyaa, haadholii siinqee, hayyota seenaa, abbootii amantaa fi jirattoota hirmaachisuudhaan bu'aan qorannoo dhiyaata. qeeqaafi sirreeffamni jirus gaafas fudhatama. Adeemsi ijaarsa siidaa Kumsaa Morodaas kanuma keessa darbe jedheen yaada (qabatamaan beekuu baadhus).
Akkan yaadutti Kumsaa Morodaatiif siidaan kan dhaabbateef waan sirna gadaa eegee eegsiseef utuu hin taane, gama biraan bu'aalee adda addaa Uummata Oromootiif waan buuseef jedheen amana. Silas immoo namni gama hundaan guutuu ta'e hin jiru, hin jiraatus. Dhugumatti immoo Kumsaan barnoota ammayyaa babal'isuudhaan seenaa bareedaa qaba. Akkasumas amantii pirotestaantii gama lixaan dhufeef beekamtii kennuun isaas kan haalamu miti.
Gama biroon immoo waa'ee ijaarsa siidaa kumsaa kan murteessuu danda'u abbuma barbaade utuu hin taane, hawaasa naannoo sanaati. Yoo waan fedheyyuu ta'e hawaasichi yoo jaallate waan gootu hin qabdu (yoo qarshii ijaarsa siidaa deeggaruu didde malee). Anatu siif beekaan eessaaniyyuu nama hin ga'u. Uummatichis immoo uummata abbaan barbaade ka'ee anatu siif beeka ittiin jedhu akka hin taane beekuun barbaachisaadha.

17/06/2024

"Honor your father and your mother, that your days may be long in the land that God is giving you." (Exodus 20:12)


In the Bible, we meet some famous fathers who made a big impact. Abraham, tagged as the 'Father of Nations', was famous for trusting God no matter what - he's like the ultimate role model of faith. His son Isaac continued the family tradition of strong faith, becoming a father to Esau and Jacob. Then there's David, who went from being a shepherd to a king, showing us that faith can take you places.

Dhaloota abbaa bira dhaabbatee suuraa ka'ee "happy fathers day" jedhee post godhu malee dhaloonni abboota kabaju muraasataa jira.

11/03/2023

Kitaabicha argattee dubbisuun rakkoo hin qabu, garuu boru ganamaan Macaafa Qulqulluu kee qabattee waldaa Kiristaanaa dhaquu hin irraanfatin!
Dabtaraan warra Hindii kun erga du'ee biyyoon isa nyaatee barri akka bubbules hin irraanfatin! Humni du'ee biyyee keessatti hafe humna du'ee mo'ee biyyee keessaa ba'ee mirga Waaqayyo abbaas taa'e injifachuu hin danda'u.

04/03/2023

Yesus ammoo "Ilmi namaa ulfina isaatiin, ergamoonni Waaqayyoos hundinuu isaa wajjin in dhufu; yommus inni teessoo ulfina isaatii irra in taa'a.
Yommus namoonni biyya lafaa hundinuu fuula isaa duratti walitti in qabamu; tikseen, hoolota re'ootattii akka gargar fo'u, inni namoota sana gargar in fo'a

Jesus will come back again, follow the footsteps of him!

21/02/2023

Nagaa, araara, jaalalaafi dhiifamaaf taa'uun tokkummaa keessatti ga'ee olaanaa qaba. Dhalli namaa walitti bu'aa waldhabdee isaammoo araaraan furataa jiraata, kun immoo dhuguma garaa qulqulluudhaan ta'uu qaba malee garaa dabaafi shiraan guuteen ta'uu hin qabu.

Araaramuu malee dararamuu hin barbaannu! Waaqayyo daandii nagaa eegalle milkiidhaan nu haa qanaasisu!

12/02/2023

Ilaafi ilaameen jiraannaan manni hin jeeqamu, biyyis hin diigamu. Rakkoon wal hubannaa jiraatuyyuu ilaafi ilaameedhaan xumurama, araarris ta'a. Qe'ee Ilaafi Ilaameen hin jirre, nagaafi jaalalli hin jiru, lolaafi jeequmsi hin dhabamu. Waaqayyo Ilaafi Ilaamee isiniif haa kennu!

19/11/2022

Guyyoonni keenya hundinuu nuyi dheekkamsa kee jala utuu jirruu in darban,
akkuma isa yeroo hafuura dheeraa baafannuuttis, waggoota keenya in fixna. Far 90:9