Technological News

keyboard shortcut letters from A to Z

ሲም ካርዱ እውነተኛ ወርቅ እንዳለው ያውቃሉ?

📌በሲም ካርዶች ውስጥ የሚገኘው የወርቅ ምስጢር እና የቴክኖሎጂ ፋይዳው

በዘመናዊው የኮሙኒኬሽን ዓለም ውስጥ በየቀኑ የምንጠቀምባቸው ሲም ካርዶች በውስጣቸው እውነተኛ ወርቅ እንደሚይዙና ይህም ለቴክኖሎጂው ስኬት ወሳኝ ሚና እንዳለው ተገለጸ።

ብዙዎች የሲም ካርድ ወርቃማ ቀለም ለጌጥ ወይም ለቀለም የተቀባ ቢመስላቸውም የቴክኖሎጂ ባለሙያዎች እንደሚያስረዱት በካርዱ ላይ የሚታየው ስስ ሽፋን እውነተኛ የወርቅ ማዕድን ነው።

ሲም ካርዶች ወርቅን የሚጠቀሙት ለቴክኖሎጂያዊ ጠቀሜታው ሲሆን ወርቅ ከሌሎች ማዕድናት በተለየ መልኩ የማይዝግ በመሆኑ ስልካችን ውስጥ ለረጅም ጊዜ ቢቆይም ከአየርና ከእርጥበት ጋር ተገናኝቶ ሳይበላሽ አስተማማኝ ግንኙነት እንዲፈጥር ይረዳል።

በተጨማሪም ማዕድኑ ከፍተኛ የኤሌክትሪክ አስተላላፊ በመሆኑ መረጃዎች ከሲም ካርዱ ወደ ስልኩ ያለምንም መቆራረጥና በከፍተኛ ፍጥነት እንዲሸጋገሩ ያስችላል።

ምንም እንኳን በካርዶቹ ላይ የሚገኘው ወርቅ እውነተኛ ቢሆንም መጠኑ ግን እጅግ በጣም አነስተኛ መሆኑ ተመልክቷል። በጥናት መሠረት አንድ ግራም ወርቅ ለማግኘት በሺዎች የሚቆጠሩ አሮጌ ሲም ካርዶችን መሰብሰብና ማቅለጥ ያስፈልጋል።

ይህንን ተከትሎም በዓለም አቀፍ ደረጃ የኤሌክትሮኒክስ ብክነትን ለመቀነስ አሮጌ ስልኮችንና ሲም ካርዶችን መልሶ ጥቅም ላይ የማዋል ሥራ ትልቅ ትኩረት እየተሰጠው ይገኛል። በቢሊዮን የሚቆጠሩ ሲም ካርዶች ሲሰበሰቡ ከፍተኛ መጠን ያለው ወርቅ፣ ብር እና ፓላዲየም የተባሉ ውድ ማዕድናትን ማውጣት እንደሚቻል ተረጋግጧል።

በመሆኑም ተጠቃሚዎች አሮጌ ሲም ካርዶችን ዝም ብሎ ከመጣል ይልቅ ለኤሌክትሮኒክስ ማዕከላት ቢሰጡ ለተፈጥሮ ጥበቃና ለኢኮኖሚው ከፍተኛ ጥቅም እንዳለው ተገልጿል።

አዲስ ስልክ ለመግዛት ሲያስቡ እነዚህን ነጥቦች የግድ ይፈትሹ!

ስልክ መግዛት ዝም ብሎ ፎቶ ማየት ወይም ብራንድ መምረጥ አይደለም። የገንዘብዎ ዋጋ እንዲመለስልዎትና ለረጅም ጊዜ እንዲያገለግልዎት የሚከተሉትን 7 ወሳኝ ነጥቦች ልብ ይበሉ፦

📌 1) ፕሮሰሰር (Processor)፦ የስልኩ "አንጎል" ነው። ስልኩ እንዳይቆራረጥ (Lag እንዳያደርግ) ጠንካራ ፕሮሰሰር ያለው መሆኑን ያረጋግጡ። ለምሳሌ ለጌም ወይም ለከባድ ስራ Snapdragon ወይም Apple Bionic የተሻሉ ናቸው።

📌 2) ራም (RAM)፦ ስልኩ በአንድ ጊዜ ብዙ አፖችን የመክፈት አቅሙን ይወስናል። ዛሬ ላይ ቢያንስ 6GB ወይም 8GB RAM ያለው ስልክ መግዛት ለፍጥነትዎ አስተማማኝ ነው።

📌 3) ስክሪን (Display Quality) ፦ ቀኑን ሙሉ የምናየው ስክሪኑን ስለሆነ AMOLED ወይም OLED ስክሪን ያላቸውን ይምረጡ። ቀለማቸው ጥራት ያለውና ለዓይን የማይደክሙ ናቸው።

📌 4) ባትሪ (Battery Life) ፦ ከቻርጅ ጋር ተጣብቀው መኖር ካልፈለጉ ቢያንስ 5000mAh ባትሪ ያለውና Fast Charging (በፍጥነት ቻርጅ የሚያደርግ) መሆኑን ያረጋግጡ ።

📌 5) ካሜራ (Camera Quality) ፦ የሜጋፒክሰል (MP) ብዛት ብቻውን ጥራት አይሰጥም ። በዩቲዩብ ላይ የስልኩን የካሜራ "Sample" ቪዲዮዎች በማየት ትክክለኛ ጥራቱን ያረጋግጡ ።

📌 6) ስቶሬጅ (Internal Storage) ፦ ዛሬ ላይ አፖችና ፎቶዎች ትልቅ ቦታ ስለሚይዙ ቢያንስ 128GB ያለው ስልክ ይመረጣል ። "Memory Full" ከሚል ጭንቀት ያርፉበታል ።

📌 7) የገበያ ዋጋ ፦ ሁሌም ዋጋውን ካሰቡት በጀት ጋር አገናዝቡ። አንዳንድ ጊዜ በስሙ ብቻ ... ውድ ከሆነ ስልክ ይልቅ፣ በተመሳሳይ ዋጋ የተሻለ አቅም (Specs) ያላቸው ሌሎች ብራንዶችን ማግኘት እንደሚቻል ታሳቢ አድርጉ።

🎯 አንድ ሚስጥር ፦

ስልክ ከመግዛታችሁ በፊት 'Google' ላይ በመግባት የስልኩን ስም ጽፋችሁ መጨረሻ ላይ 'GSMarena' ብላችሁ ፈልጉ። ስለ ስልኩ እያንዳንዱን ዝርዝር መረጃ (Specs) እዚያ ላይ በግልጽ ታገኛላችሁ!

የአማራ ባንክ 690

ስለ #ቴሌግራም ይህን ማወቅ አለባችሁ !

📌 1. የኮድ ችግር መፍትሄ ፦ ቴሌግራም በድጋሚ ሲገቡ ኮድ አልመጣ ካለዎት፣ Telegram X አውርዱና ስልክ ቁጥሩን አስገብታችሁ በ SMS ሳይሆን "Get code via call" የሚለውን በመምረጥ በስልክ ጥሪ ኮዱ እንዲነገራችሁ አድርጉ ። ፈጣን መፍትሄ ነው!

📌 2. ኢንተርኔት መቆጠቢያ፦ ቴሌግራም ያለምክንያት ዳታ እንዳይጨርስባችሁ Settings > Data and Storage ውስጥ ገብታችሁ "Automatic Media Download" የሚሉትን 3ቱንም አማራጮች አጥፏቸው (Off አድርጓቸው) ። ቪዲዮና ፎቶ በራሱ መውረድ ያቆማል!

📌 3. ስልክ ቁጥርን መደበቅ፦ ማንም ሰው በእርስዎ ፈቃድ ቁጥርዎን እንዳያይ Settings > Privacy and Security > Phone Number ውስጥ ገብታችሁ "Nobody" የሚለውን ይምረጡ። በዚህም ደህንነታችሁን መጠበቅ ትችላላችሁ።

📌 4. ለራስ መልእክት መላክ (Cloud Storage)፦ ቴሌግራም ላይ "Saved Messages" የሚባለው ክፍል ለእርስዎ ብቻ የተዘጋጀ የ24 ሰዓት ማከማቻ ነው። ማንኛውንም ፎቶ፣ ቪዲዮ ወይም ፋይል እዚያ ላይ በመላክ ለዘላለም ማስቀመጥ እና ከማንኛውም ስልክ ማግኘት ትችላላችሁ ።
(እችን እምኳ ገላግሌ በሏት ብዙ መረጃ ሚይዝልን ነው 😍)

📌 5. በስም ብቻ ሰውን መፈለግ፦ የሰው ስልክ ቁጥር ሳይኖራችሁ በቴሌግራም መገናኘት ትችላላችሁ። Settings > Username ውስጥ ገብታችሁ የራሳችሁን ስም (ለምሳሌ ) ፍጠሩ። ቁጥራችሁን ሳይሰጡ በዚህ ስም ብቻ ሰዎች እንዲያገኟችሁ ማድረግ ትችላላችሁ ።

📌 6. የመልእክት ሰዓት መወሰን (Scheduled Messages)፦ ለአንድ ሰው መልእክት መላክ ፈልገው ግን ሰዓቱ ካልደረሰ፣ የመላኪያ (Send) ቁልፉን ጫን አድርገው በመያዝ "Schedule Message" የሚለውን በመምረጥ እንዲላክ የሚፈልጉበትን ቀንና ሰዓት መወሰን ይችላሉ።

📌 7. ፎቶን ሳይደበዝዝ መላክ ( በQuality)፦ ፎቶ ስትልኩ ጥራቱ እንዳይቀንስ ከፈለጋችሁ እንደ ፎቶ ሳይሆን "File" የሚለውን መርጣችሁ ላኩት። ፎቶው ልክ እንደተነሳበት ጥራት ይደርሳል!

📌 8. ቪዲዮን ወደ GIF መቀየር፦ ቪዲዮ ለሰው ሲልኩ ድምፁን "Mute" (ማጥፊያ) ምልክቱን ከነካችሁት፣ ቪዲዮው ወዲያውኑ ወደ GIF ይቀየራል፤ ይህም በጣም አነስተኛ ዳታ (MB) እንዲጠቀም ያደርገዋል ።

📌 9. በስውር መልእክት ማንበብ ፦ የመጣላችሁን መልእክት የላከው ሰው ሳያውቅ (ሁለት ምልክት ሳይበራ) ለማንበብ፣ የሰውየውን ፎቶ (Profile) ጫን አድርገው ይያዙት ። መልእክቱ በትንሽ መስኮት ተከፍቶ ይታያችኋል 🙄!

📌 10. የቴሌግራም መጠለፍ በፍጥነት ለመመለስ ፦ አካውንታችሁ በሌላ ሰው መከፈቱን ለማወቅ Settings > Devices ውስጥ ይግቡ ። ከእርስዎ ስልክ ውጪ ሌላ መሳሪያ ካዩ "Terminate all other sessions" የሚለውን በመጫን ሌላ ሰው በናንተ account እየተጠቀመ ከሆነ እንዳይጠቀም ማድረግ ትችላላችሁ !

🎯 Tip ፦ ቴሌግራማችሁን 100% አስተማማኝ ለማድረግ Two-Step Verification የሚለው ማብራታችሁን እንዳትረሱ!