Elon Academy plc

3rd Quarter Newsletter

3rd Quarter newsletter

🔆 ልጆች በተፈጥሮ ፍርሀትን አያውቁም። ስለነገ ወይም ስላለፈ ትላንትም አይጨነቁም። ፣አቅማቸውን ሁሉ ተጠቅመው ዛሬን የመኖር ዛሬን የማጣጣም ትልቅ የህይወት ክህሎት አላቸው። ሰው ምን አለኝ አያስጨንቃቸውም። እድሉን እና ነፃነቱን ሲያገኙ እጅግ የሚገርም የፈጠራ ክህሎታቸውን እና ነገሮችን በፍጥነት የመማር እና የማወቅ ብቃታቸውን በየቀኑ ያንፀባርቃሉ። እኛ ደግሞ በተቃራኒው ስላለፈው ትላንት እና ስለማናውቀው ነገ እጅግ ከማሰባችን የተነሳ ዛሬን አጣጥሞ፣ መደረግ ያለበትን ሁሉ አድርጎ መኖርን ረስተናል። በእኛ እና በልጆቻችን መሀል ያለው ዋንኛ ልዩነት እና ግጭት መንስኤ ይሄ ነው:: በራሳችን ፍርሀት ተከበን ልጆቻችንንም እናስጨንቃለን። ወደ ፊት ስራ ባያገኝስ፣ ካልተማረ ምን ሊሆን ነው? ካልፃፈ፣ ካላወራ፣ካላነበበ እንዴት ስኬታማ ይሆናል.... የመሳሰሉ ጭንቀቶችን ይዘን ልጆቻችን ዛሬን የማጣጣም ክህሎታቸው ላይ ጫና እንፈጥራለን። እኛ እነሱን መሆን ሲያቅተን እነሱን ጎትተን ወደ እኛ እንስባቸዋለን። 🙏

☘️☘️ልጆች የሚያድጉበት ማህበረሰብ ወይንም አካባቢ በአሁኑ እና በወደፊት ማንነታቸው ላይ ያለው ተፅዕኖ በጣም ከፍተኛ ነው።🌺🌺
❤️ልጅ በሁኔታዎች ላይ ያልተመሰረተ ፍቅር እና ተቀባይነት ሲያገኝ ለራሱ ያለው ግምት ከፍ ይላል፣ በራሱ ይተማመናል፣ራሱን ይሆናል
❤️ ልጅ ጥል እና ቅጣት በሞላበት አካባቢ ካደገ፣ ጸበኝነትን ይማራል፡፡
❤️ ልጅ ሃፍረት በነገሰበት አካባቢ ካደገ፣ የጥፋተኝነት ስሜትን ይማራል፡፡
❤️ ልጅ ምስጋና በተለመደበት አካባቢ ካደገ፣ ሰዎችን ማድነቅና በረከትን መቁጠርን፣ አመስጋኝነትን ይማራል፡፡
❤️ልጅ በሚያበረታታ አካባቢ ካደገ፣ ድፍረትን ይማራል፡፡
❤️ልጅ አንድ ሰው ሌላውን በሚገነዘብበት አካበቢ ካደገ፣ ትእግስትን ይማራል፡፡
❤️ልጅ እውነተኛ ፍርድ ባለበት አካባቢ ካደገ፣ ፍትሃዊነትን ይማራል፡፡
❤️ልጅ ድጋፍን በሚያገኝበት አካባቢ ካደገ፣ በራስ መተማመንን ይማራል፡፡
❤️ልጅ ተቀባይነትና ጓደኝነት ባለበት አካባቢ ካደገ፣ በሰዎች ውስጥ ፍቅርን ማየትን ይማራል
❤️ልጅ አንዱ ከአንዱ የሚወዳደርበት አካባቢ ውስጥ ካደገ የበታችነትን፣ለራስ ያለ ግምት መውረድን ወይንም አንዱን ጥሎ ማለፍን፣ ምቀኝነትን፣ራስ ወዳድነትን ይማራል።

🌟 ፍቅር ከመንሳት መቆጠብ። በማንኛውም ሁኔታ ውስጥ ፍቅር እንዳለ ማስተማር ይኖርብናል።
🌟 የጉዳዩን አስፈላጊነት ካስረዳን በኋላ ጩኸቱ ከቀጠለ በዝምታ መታዘብ(ዝም ማለት ልጆቻችን ማውራት ሲፈልጉ እንዝጋቸው ማለት አይደለም)
🌟 የህፃናት ለቅሶ እና ጩኸት ተፈጥሯዊ ነው ልንሸወድ አይገባም። ለቅሶውን ለመሸሽ ብለን ቀድመን የከለከልነውን ነገን የምንፈቅድ ከሆነ የለቅሶን ጉልበት ይማራሉ። የሚፈልጉትን ነገር ለማግኘት ጩኸት፣ለቅሶ ፣ድራማ መጠቀም እንዳለባቸው እናስተምራቸዋለን።
🌟ሌላው ደግሞ በስምምነት ተጣጣፊ መሆንም እንችላለን። ለምሳሌ ማታ 3:00 ሰዓት ላይ ቲቪ መጥፋት እያለበት ነገር ግን ልጆቻችን የጀመሩትን ፊልም መጨረስ እንዳለባቸው ከጠየቁን ፊልሙን እንዲጨርሱ ልንፈቅድላቸው እንችላለን። ይህ ደግሞ ግትር ያሉ ህጎች አንዳንዴ በስምምነት አስተያየት ሊደረግባቸው እንደሚችል እናስተምራቸዋለን ይህንን ስናደርግ ለፍላጎታቸው ቦታ መስጠታችንን ይረዳሉ። ነገር ግን ስላለቀሱ ስለጮሁ አለመሆኑንም በፍቅር ማስረዳት ይኖርብናል።
🌟🌟የእኛ መረጋጋት እና የልጆቻችንን ስሜት ለመረዳት መሞከር ልጆቻችንን ለማረጋጋት በምናደርገው ሂደት ውስጥ ትልቅ ሚና አለው።🙏

ልጆች እኛ የከለከልናቸውን እና እነሱ የሚፈልጉትን ነገር ለማግኘት ከሚጠቀሟቸው ዘዴዎች ውስጥ ለቅሶ፣ጩኸት፣ እቃ መወርወር እና እቃ መስበር ይጠቀሳሉ። ታዲያ በዚህ ሰዓት ምን ማድረግ ይኖርብናል።
🌟 የከለከልነው ነገር አሳማኝነቱን እና አስፈላጊነቱን እርግጠኛ መሆን። ስለ ጉዳዩ ለልጆቻችን ለማስረዳት መሞከር (የቤት ውስጥ ህጎችን አብሮ ተነጋግሮ ማውጣት ለዚህ ያግዛል)
🌟 ጉዳዩን በተረጋጋ መንፈስ መመልከት (ልጆቻችን በሚቆጡበት፣ በተናደዱበት ሰዓት መቆጣት ማለት የነሱን ንዴት መጨመር ማለት ነው። አትጩህ ፣አታልቅስ ፣ዝጋ… የሚሉ ቃላት ስሜታቸውን እንዳልተረዳን እና የእነሱ ሀዘን ምንም እንዳልሆነ እንዲሰማቸው ያደርጋል። ከዚህም ጋር ተያይዞ እልኸኝነት፣ ትክክለኛ ስሜትን መደበቅ፣ ግድ የለሽ መሆን ፣ ለሰው ስሜት ቦታ አለመስጠትን ፣ በራስ መተማመን መጉደልን ያስከትላል )
🌟 ከቁጣ፣ ከጩኸት ፣ ፍቅር ከመንፈግ ራሳችንን መቆጠብ። ልጆች እየጮሁ መረጋጋት ሊከብድን ይችላል ። ነገር ግን ለልጆቻችን ማስተማር ያለብን ባህሪ መረጋጋትን እንጂ ጩኸትን እና ቁጣን ባለመሆኑ ራሳችንን መግዛት ይኖርብናል።

🙈ልጆች ለምን ይዋሻሉ❓❓
🌟🌟ሁሉም ወላጅ ወይንም አሳዳጊ ልጆች እውነት እንዲናገሩ እንዳይዋሹ ይፈልጋል፡፡

👉መጠየቅ ያሉብን ጥያቄዎች ልጆቻችን ለምን ይዋሻሉ ❓ ለመዋሸት ምን ያነሳሳቸዋል❓ እውነቱን ከመናገር ውሸትን ለምን መረጡ❓ በመዋሸት ውስጥ ለማግኘት የፈለጉት ነገር ምንድን ነው❓እውነታውን ሲነግሩን የእኛ ምላሽ ምን ይመስላል❓ሲዋሹንሽ ምላሻችንን እናስተውላለን ወይ ❓ የሚሉትን ነው፡፡
ልጆች ለሚወዷቸው ሰዎች መዋሸትን አይፈልጉም፡፡😔
👉እውነታውን መናገር እና መደመጥን߹ ተቀባይነት ማግኘትን እንዲሁም ወላጆቻቸውን ማመን ይፈልጋሉ፡፡ በመዋሸታቸው ከሚወዷቸው ቤተሰቦች እየራቁ እንደሆነ ይሰማቸዋል፡፡ 👉ስለዚህ መዋሸት የልጆች ምርጫ አይደለም ማለት ነው፡፡
🤔በማንኛውም እድሜ ላይ ያለ ልጅ ቢጠየቅ መዋሸቱ ጥሩ ስሜት እንደማይፈጥርለት ይናገራል፡፡
👉👉ስለዚህ ከእኛ ወላጆች ጋር ያለውን ሁኔታ እንመልከት፡፡ "ልጄ ማንኛውንም ነገር እንድትነግረኝ እፈልጋለሁ ምንም እንድትዋሸኝ አልፈልግም" ብለን በልጆቻችን ውስጥ መታመንን ለመፍጠር እንሞክራለን፡፡
👉ከዛ እኛ መስማት የማንፈልገውን እውነታ ሲነግሩን በንዴት ተሞልተን ለመቅጣት እንነሳለን፡፡" አትንካ አላልኩህም? " ߹"አትሂድ አላልኩህም? " " እሱን አታድርግ አላልኩህም ?"... እያልን እውነታውን ሲነግሩን እንጮሀለን߹እንቆጣለን የተለያዩ ቅጣቶችን በመጠቀም በመናገራቸው የጥፋተኝነት ስሜት እንዲሰማቸው እና እንዲደነግጡ እናደርጋለን፡፡
☘️☘️በዚህ ሰዓት ለእኛ የነበራቸውን እምነት ያጣሉ፡😔 እውነት በመናገራቸው ቅጣት ደረሰባቸው እንጂ የጠበቁትን ተቀባይነት አላገኙም፡፡

5ቱ የልጆች የፍቅር መገለጫዎች
**
ልጆችን እንደምንወዳቸው ማወቅ እና ልጆች በእኛ እንደተወደዱ ማወቅ ይለያያል፡፡ ለመሆኑ ልጆች እንደተወደዱ የሚያረጋግጡበት 5ቱ የፍቅር መገለጫዎች ምንድናቸው?

1. ጊዜ መስጠት፡- ወላጆች/አሳዳጊዎች ከልጆች ጋር በጋራ የሚያሳልፉት ጊዜ ነው፡፡ በተለይም በልጆች ምርጫ እና ፍላጎት መሰረት ያደረገ ሊሆን ይገባል፡፡
2. ሥጦታ ፡- ቤት ባፈራው እና አቅም በፈቀደ መጠን ልጆችን ለማበረታታት ታስቦበት የሚሰጥ ስጦታን ይመለከታል፡፡
3. አበረታች ቃላት፡- ልጆችን ማድነቅ ፣ ማበረታታት እና መስማትን ያካትታል፡፡
4. መልካም ግንኙነት፡- ልጆችን ቀረብ ብሎ ፍቅር እና ትህትና በተሞላ አካላዊ ገፅታ( ፈገግታ) ተግባቦትን ማከናወን ይገኝበታል፡፡
5. አገልጋይነት፡- እኛ ልጆችን ለመርዳት፣ ችግራቸውን ለማቃለል ከእነርሱ ጎን መሆናችንን ማወቃቸው አንዱ የፍቅር መገለጫ ነው፡፡

“The 5 love languages of children “ ከሚል መፅሐፍ የተወሰደ ነው፡፡

👇🏾ትምህርት ሲጀመር
ከልጅዎ ጋር ከረምቱን በጥሩ ሁኔታ መልካም ጊዜ እንዳሳለፋችሁ እምነታችን ነው! እነሆ አሁን ደግሞ ልጅዎ ወደ ትምህርት ገበታው ሊመለስ ነው እናም ይህ በቤተሰብ ህይወት ውስጥ ትልቅ ለውጥ ነው በተለይ ደግሞ ልጅዎ ወደ ትምህርት ዓለም የሚቀላቀልበት የመጀመሪያው አመት ከሆነ ሁኒታውን ለየት ያደርገዋል ደስታ፣ ፍርሃት፣ ጭንቀት፣ ሀዘን ብቻ የተዘበራረቀ ስሜት ሊሰማዎት ይችላል። እንዲህ አይነት ስሜት ከተሰማዎት የተለመደ ነው። አንዳንድ ጊዜ ስለ ሚሰማዎት ስሜት ከሌሎች ወላጆች ጋር መነጋገር ይረዳል። ሌሎች ወላጆች ልጆቻቸውን ትምህርትን ለማዘጋጀት እና ለመጀመር ጠቃሚ ምክሮች ሊኖራቸው ይችላል።
👉🏾 የመጀመሪያዎቹ ሳምንታት
ትምህርት ቤት ሲጀምር ልጅዎ የተወሰነ ድጋፍ ሊፈልግ ይችላል። እነዚህ የመጀመሪያዎቹ ሳምንታት ያለችግር እንዲሄዱ ለማገዝ አንዳንድ ቀላል ምክሮች እነሆ፡-
*ጠዋት ላይ ደወሉ ከመደወሉ በፊት ልጅዎን ወደ ትምህርት ቤት ለማድረስና በሰዓቱ ለመውሰድ ይሞክሩ። ከዘገዩ ልጅዎን በጣም እንዲጨነቅ ሊያደርገው ይችላል።
*ከትምህርት ቤት መልስ ሰዓቱን ትንሽ ልዩ ያድርጉት፣ ከልጅዎ ጋር መክሰስ በማድረግ ስለ ትምህርት ቤት ውሎው ለመወያየት ይሞክሩ።
*ልጅዎ ከትምህርት ቤት በኋላ በጣም የተራበ ሊሆን ይችላል ለልጅዎ ከትምህርት ቤት በኋላ ትንሽ እና ጤናማ መክሰስ አብረውት በማድረግ ጊዜያችሁን አስደሳች ለማድረግ ይጣሩ።
*በውይይታችሁ ወቅት ልጅዎ ስለ ትምህርት ቤት እያንዳንዱን ትንሽ ዝርዝር ነገር ማደብዘዝ ከፈለገ ወይም ሙሉ ለሙሉ መጨቃጨቅ ከፈለገ ታገሱ። ብዙ ጥያቄዎችን ከመጠየቅ ይልቅ ‘ስለ ቀንህ አንድ ጥሩ ነገር ንገረኝ’ ማለት ይችላሉ።

. . *ሆኖም ልጅዎ በጥሩ ሁኔታ የሚረጋጋ የማይመስል ከሆነ ወይም ስለ ማሾፍ ወይም ማስፈራራት ከነገረዎት፣ የልጅዎን ክፍል አስተማሪ ያነጋግሩ።
*በቅርቡ ብዙ የትምህርት እድገትን አይጠብቁ። ልጅዎ ደስተኛ ከሆነ እና በትምህርት ቤት የሚደሰት የሚመስል ከሆነ ይህ ጥሩ ምልከታ ነው። ቀሪው በኋላ ይመጣል።
*ልጆች ከተለያዩ ልጆች ጋር መጫወት እና እንዲሁም አንዳንድ ጊዜ በራሳቸው መጫወት የተለመደ መሆኑን አስታውስ. በጓደኞች ስብስብ ውስጥ ለመካተት ትንሽ ጊዜ ይወስዳል።

👨‍👩‍👧‍👦 አንዳንድ ልጆች በመጀመሪያዎቹ ጥቂት ሳምንታት ከትምህርት በኋላ ሊደክሙ ይችላሉ። ሌሎች ልጆች አሁንም ከትምህርት በኋላ ለሚደረጉ እንቅስቃሴዎች ጉልበት ሊኖራቸው ይችላል። ከትምህርት ቤት በኋላ ባለው የልጅዎ የኃይል መጠን ላይ በመመስረት፣ ልጅዎ ለጨዋታ ቀናት እና ከትምህርት በኋላ እንቅስቃሴዎች ዝግጁ እንደሆኑ እስኪሰማዎት ድረስ ለጥቂት ሳምንታት እንዲያርፍ እና በቤት ውስጥ እንዲጫወቱ መፍቀድ ይችላሉ።

ዉድ ወላጆች የትምህርት ቤታችንን የተሟላ ወቅታዊ መረጃና ሌሎች ጠቃሚ መልዕክቶች በሰአቱ እንድታገኙ እባክዋን ሳይዘገዩ የኤሎንን የቴሌግራም ገጽ ይቀላቀላሉ ።
ልብ ይበሉ ቴሌግራም ገፃችን ከ3700 በላይ ተከታዮች ያሉትና ከትምህርት ቤታችን አርማ በተጨማሪ ስማችን በእንግሊዘኛና በአማረኛ የተፃፈበት ነዉ። በሀሰተኛ የቴሌግራም ገጽ እንዳይታለሉ ።

የቴሌግራም ገፃችን በ@ Elonschool7 ይገኛል። እናመሰግናለን።

የታዳጊዎችን የባህርይ ችግር ለማስተካከል የሚጠቅሙ 6 መንገዶች

1. ልጆች ለሚጠይቁትና ለሚፈልጉት ነገር #ትኩርት ይስጡ

የልጆችን ጥያቄ በትኩረት መከታተል የበለጠ አስፈላጊ እንደሆኑ እንዲሰማቸው ያደርጋቸዋል፡፡ ይህ ደግሞ ልጆቹ ነገሮችን በአዎንታዊ መልኩ እንዲመለከቷቸው ይረዳቸዋል።

2. አዎንታዊ #አመለካከት እንዲኖራቸው ይርዷቸው

ጥቂት እርምጃዎችን ወደ ፊት በመሄድ ልጆች በሕይወታቸው ውስጥ አዎንታዊ አመለካከት እንዲኖራቸው መርዳት ይችላሉ።

3. ራሳቸውን የቻሉና #ብቁ ልጆች እንዲሆኑ ዛሬ ጀምረው ያስተምሯቸው

ሁልጊዜ ለልጅዎ ፍቅርዎን እና ድጋፍዎን ያሳዩ በየእለቱ አልያም አብዛኛውን ጊዜ ልጆችዎን እወዳችኋለሁ ቢሏቸው እርስዎ በማይኖሩበት ጊዜ የሚፈጠሩባቸውን መከፋቶች ታግለው እንዲያሸንፉ ስንቅ ይሆናቸዋል በተጨማሪም ይህ የሚሰጧቸው ፍቅርና ድጋፍ ልጆችን በራስ መተማመን ያላብሳቸዋል፡፡

4. ልጆች የሚናገሩትን #ያድምጡ

በልጆች የዕለት ተዕለት እንቅስቃሴ ላይ ፍላጎት ማሳየት ወይም ስለ አንዳንድ ነገሮች ምን እንደሚሰማቸው መጠየቅ ልጆቹ አስፈላጊ እንደሆኑ እንዲሰማቸው ያደርጋል፡፡

5. የልጆችን #ፍላጎት ያሳድጉ

የልጆችን ፍላጎቶች፣ የትርፍ ጊዜ ማሳለፊያዎች እና ዝንባሌዎች ማበረታታት መንከባከብ ልጆቹ ውሳኔአቸውን እና ምርጫቸውን እንደምትደግፉ እንዲሰማቸው ያደርጋቸዋል።

6. ጥሩ #አርአያ ይሁኑ

ችግሮችን በአወንታዊ መንገዶችን እየፈቱ ማሳየት ልጆች ወደፊት የሚገጥሟቸውን የራሳቸውን ችግሮች እንዴት መጋፈጥ እንዳለባቸው እንዲማሩ ይረዳቸዋል፡፡ ልጆች ደግሞ አንድን ጉዳይን የሚፈታበትን መንገድ ከተመለከቱ እነርሱም ያንኑ መንገድ ይኮርጃሉ፡፡