እውነት ለሁሉም ይገዛል

በርጠሚዎስ ነኝ አይነ ስውር ምስኪን
ከሩቅ የሰማሁት የጌታዬን ድምፁን
ከብዙ ሁካታ ጉርምርምታ መሀል
የጌታዬ ድምፁ በግልፅ ይሰማኛል
የልቦናዬ አይን ፈፅሞ ታውሯል
አይኔን ፈውስልኝ በርጠሚዎስ ይላል
አብዝቼ እጮሃለሁ ጌታ ማረኝ ብዬ
በውስጤ እየታየኝ ሲምረኝ ጌታዬ
አንተን አይሰማህም ይሉኛል ብዙዎች
በሃጢአት ሰንሰለት ታስረሃል እግር ተወርች
ስለዚህ አትልፋ ሲኦልን ጠብቃት
እንደዚህ ቢሉኝም እጮሃለሁ ሳልታክት
የከበበውን ሰው ገለል በሉ እያለ
በደሌን በደሙ ዋጋ የከፈለ
ስለኔ የሞተው ኢየሱስ ይመጣል
የልቦናዬን አይን ገልፆ ያሳየኛል
አብዝቼ እጮሃለሁ ጌታ ማረኝ ብዬ
በግልፅ እየታየኝ ሲምረኝ ጌታዬ
በውስጤ በደልስ ህይወቴ ዝላለች
በአምላኬ ቸርነት ህይወት ካላገኘች
የበርጠሚዎስን አይን ያበራ አምላክ የእኛንም መንፈሳዊ አይን ያብራልን🙏🙏

እናትና ልጅ
:
አለቀስኩ ገረመኝ ዓለምን ፍቅርን ታማኝነትን ተመለከተኹ። አሁንም ገረመኝ።

ከሁለት ወራት በፊት እናቷን ተከትላ አስፖልት የምታቋርጥ ጩጩ ቡችላ እናቷ ድንገት በመኪና ስትገጭ ቡችላዋ ተረፈች። በቅርብ የነበሩ ሰዎች የውሻዋን አስከሬን ከመስመር ወጣ ባለ ኮብልስቶን ንጣፍ ላይ ጣሏት።

ቦታው ጎጃም ፍኖተ ሰላም ቀስተዳመና ድልድይ ጎን።

ጩጨዋ ቡችላ ከእናቷ ጎን ተኛች። ሲመሽ እናቷ ትነሳለች ብላ ብትጠብቅም አልነሳላት አለች በእግሮቿ በጥርሶቿ እናቷን እየፎገረች ብትቀሰቅስም እናት አልሰማችም።

ቡችላዋ ተስፉ ቆርጣ ከናቷ አስከሬን ጥግ ተኛች። እራበኝ ልብላ ሳትል ቁራሽ የሚሰጣት ሳይኖር ከናቷ ጎን ተኛች። እሄው እንደምትመለከቱት ከሁለት ወር በላይ ኢች ቡችላ ዛሬም ከእናቷ ጎን እንደተኛች ናት።
መቶ ሜትር ባልሞላ ርቀት የሚበላ ነገር ለቃቅማ እዛው አጥንቷ ከገጠጠው የናቷ አስከሬን ስር ትተኛለች።

ሰው ቢሆን ገማ ሸተተ ብሎ ተነስቶ በሄደ ነበር ጩጩዋ ቡችላ ግን ሁለት ወር ሙሉ የእናቷን አስከሬን ትጠብቃለች። ተፈጥሮ ነውና ቡችላዋም እያደገች ነው።
ውሾች ሲመጡባት በእናቷ አስከሬን ተሸሽጋ ትጮኸለች። በፍፁም አትሸሽም። ሰዎች እያባረሩ ባላዋቂ እየደበደቧት ቡችላዋ አሁን አንድ እግሯ ታነክሳለች።

የእናቷ አስከሬን ሸቶ በትል ተበልቶ ዛሬ ደረቅ አጥንት እና ደረቅ ቆዳ ብቻ ቀርቶ ልጇ አሁንም ከጎኗ ተኝታለች።

ያደኩት ከውሻ ጋር ነው በተለይ ባርጫ የሚባለው ውሻየ ከህሊናየ አይጠፋም። የውብ ዳር በሚለው መፅሐፌ ቅንጭብ ታሪክ አጋርቻልኋለሁ። ውሻ ለኔ ከጓደኛ በላይ ነው ። በተቻለኝ መጠን ቡችላዋ እንድትለምደኝ እየጣርሁ ነው። የእናቷን አስከሬን ትታ አንድ ቀን ከተከተለችኝ በቤቴ ተንከባክቤ አኖራታለሁ።

በዚህ እውነተኛ ታሪክ እና ምስል የእናትነትን ክብር ወስዳችሁ ተማሩበት።
በሌላ በኩል ሰዎችን ለክፉ የምታስቡ ሰዎችን የምትገድሉ ጨካኞች በቅርበት ያለ ሰው ልቡ እንደዚ ይሰበራል። ልጅ ያለ እናት ያስቀራችሁ አባት ያለ ልጅ ያስቀራችሁ እህት ከወንድም የነጠላችሁ ቋሚን እንደዚች ቡችላ የቁም ሙት እንዳደረጋችሁ እወቁት።

ዮሐንስ ላቀው

የስውሯ ማርያም ድንቅ ተአምር

"ነርስ ነኝ ልጅ መውለድ አልችልም ነበር ብዙ ሆስፒታሎች ተመረመርኩኝ መውለድ አትችይም አሉኝ አንድ ጎደኛዬ ነይ ስውሯ ማርያም እንሂድ አለችኝ አይ የኔ ይሆናል ብለሽ ነው ብዬ ጥር 21 መጣው ይሀው ለሶ ሚሳናት ነገር የለም ነብሰጡር ነኝ ልጄን ክርስትና እዛ አስነሳለው በሰላም ትገላግለኝ ለኔ በእለት እደደረሰች ለናንተም ትድረስ🙏
የ እርሷን ፀሎት ልመና እንደሰማች
የእኛንም ፀሎት ልመና ትስማን🙏

ነገኮ ❺ አቡነ ገ/መንፈስ ቅዱስ ናቸዉ
ከክፉ ሁሉ ነገር ይጠብቁን

ልጅ ቢኒ እና ፓስተር ቢኒያም ሽታዬ ለወላይታ ለተክለሃይማኖት ሕንፃ ቤተክርስቲያን ገቢ እያሰባሰቡ❤

"የብፁዕ አቡነ ባስልዮስ ሣልሳይ ሥርዓተ ቀብር በመንበረ ጸባዖት ቅድስት ሥላሴ ካቴድራል ይፈጸማል!
ቅዱስ ሲኖዶስ ጽ/ቤት

ብፁዕ አቡነ ባስልዮስ ሣልሳይ መጋቢት ፩/፳፻፲፭ ዓ/ም በኢትዮጵያ ሰዓት አቆጣጠር ምሽት ከዚህ ዓለም ድካም ማረፋቸውን የቅድስ ሲኖዶስ ጽ/ቤት በላከው መረጃ ገልጿል።

ብፁዕ አቡነ ባስልዮስ ሣልሳይ ከ፲፯ ዓመታት በፊት በብፁዕ ወቅዱስ አቡነ መርቆሬዎስ ፓትርያርክ ርእረ ሊቃነ ጳጳሳት ዘኢትዮጵያ አንብሮተ ዕድ የተሾሙ ናቸው።

ብፁዕነታቸው አስኬማ መላእክት ከሚለበስበት የኤጲስ ቆጶስነት በፊት
በኢትዮጵያ ኦርቶዶክስ ተዋሕዶ ቤተ ክርስቲያን በተለያዩ አካባቢዎች ሲያገለግሉ እንደነበር ታሪካቸው ያስረዳል።

በተለይ አገልግሎታቸውን ከጀመሩበት ከአገው ምድር አዊ ጀምሮ በባሕርዳር ፈለገ ገነት ቅዱስ ጊዮርጊስ ቤተ ክርስቲያን በተለያዩ የአገልግሎት ዘርፎች አገልግለዋል።

ከዚህ በተጨማሪ ብፁዕነታቸው በድሬዳዋ ብሎም በቤተ ክርስቲያናችን ፈቃድ ጀርመን ሀገር ተልከው የሚገባውን ትምህርት የተከታተሉ ሲሆን ከዚያም በሰሜን አሜሪካ በኒውዮርክ ሀገረ ስብከት በሚገኘው በመንበረ ጵጵስና ቅድስት ሥላሴ ቤተክርስቲያን ከአገልጋይነት እስከ የበላይ ጠባቂነት በአባትነት አገልግለዋል።

ብፁዕ አቡነ ባስልዮስ ሣልሳይ የኒውዮርክ ሀገረ ስብከት ሊቀ ጳጳስ እንደነበሩ የአገልግሎት ፍሬ ታሪካቸው ያስረዳል።

የብፁዕ አቡነ ባስልዮስ ሣልሳይ ዕረፍትን ተከትሎ የቅዱስ ሲኖዶስ ጽ/ቤት ያደረሰን መረጃ እንደሚያመለክተው ክቡር አስከሬናቸው በሚቀጥለው ሳምንት ቅዳሜ መጋቢት ፱/፳፻፲፭ ዓ/ም ወደ አዲስ አበባ እንደሚመጣ የገለጸ ሲሆን የቀብር ሥነ ሥርዓቱም በመንበረ ጸባዖት ቅድስት ሥላሴ ካቴድራል እንደሚፈጸም አስታውቋል።

በማኅበረ ቅዱሳን አርባ ምንጭ ማእከል በሕዝብ ግንኙነት እና ትብብር አገልግሎት ዋና ክፍል ውስጥ የትብብር አገልግሎት ክፍል አባል ሆነው ሲያገለግሉ የነበሩት መምህርት መሠረት ጥላሁን ባደረባቸው ሕመም የካቲት 29 ቀን 2015 ዓ.ም ከዚህ ዓለም መከራና ድካም አርፈዋል።

መምህርት መሠረት ከማኅበረ ቅዱሳን አገልግሎት በተጨማሪ ቤተ ክርስቲያን በምትፈልጋቸው የአገልግሎት መስኮች ላይ በሙሉ ደከመኝ ሰለቸኝ የማይሉ ጠንካራ አገልጋይ ነበሩ።

ማኅበረ ቅዱሳን በእህታችን ዜና ዕረፍት የተሰማውን ጥልቅ ሐዘን እየገለጸ ለመላ ቤተሰቦቻቸው እና ወዳጅ ዘመዶቻቸው እንዲሁም ለማኅበራችን አባላት በሙሉ መጽናናቱን ይመኛል።