𝐇/𝐊/𝐋𝐮𝐛𝐚 𝐁𝐚𝐥𝐚𝐚𝐲 𝐌𝐨𝐤𝐨𝐧𝐧𝐢𝐧 ሊቀ አእላፍ ቀሲስ በላይ መኮንን

Gadda Laphee namaa cabsuu!

Waaqayyo Lubbuu kee haa qananiisu!

Hordoftoonni Amantii Islaamaa martinuu baga Ayyaana Iid Al Faxirii 1445ffaadhaan isin ga'e.

Baay'achuu hamminaa irraan kan ka'e jaalalli hin qorriti! Mat 24:12

Ayyaana yaadannoo Deebi'ee dhufuu Ilma Waaqayyoo yookan Tulluu Ejersaa kana sababeefachuun manni kiristaanaa keenya waa'ee dhufaatii lammaffaa yookan addunyaan kun darbuu ni lallabdi.
Tulluu kana irratti kaleessa abboonni keenya darban waa'ee dhufaatii lammaffaaf mallattoo dhufaatii isaa isa gaafatan. Mallattoon dhufaatii isaa maal akka ta'e Mat 24:1- kaasee hunda kaa'era.
Duuka bu'oonni dhufaatii gooftatti qophaa'anii jiraachuf, haala jireenya isaanii caalatti foyyeessanii eeggachuf akkasuma ammoo boqonnaa dadhabbii isaanii argachuuf gaafatan ture.

Eeyyee Kiristoos nu gidduu jiraatus qaama ilma Maariyaam irraa fudhateen kabajaan ammoo kinoo gaafa yeroon isaa ga'e ni dhufa. Dhufaatin Kiristoos kun yeroo hunda amantoota keessa akka jiraatufi Amantoonni of qopheessanii jiraachudhaan dhaaltu Mootummaa waaqaa akka ta'aniif manni kiristaana keenyaa waqtii qoddee torbee shanaffaa tsooma guddaa Tulluu Ejersaa jettee waamti

Ayyaanni yeroo kabajamu waanta gaarii itti fufsiisuu ayyaana muudannoo balaafi hamaa ammoo balaaleffachuudhaaf ayyaneffatama.

Ayyaanni lammata dhufuu Kiristoos kun nuun gaafa biyya lafaa irra jiraannu akkamiin of eeggnee jiraachuu akkka qabnuufi misirroo keenya kiristoos simachuuf maal maaltu akka nurraa eegamu itti baranna.
akkuma uumamni sammuu keenya nutti himutti Kiristoos waliin gara gammachuutti fuula ifaadhan isa simachuuf herreega biraa hin barbaadu gaarii gochuuf seera isaatif abboomamuudha. seerri isaa ammoo jaalala. jaalalli guduunfaa seera hundaati.

Sodaadhan guyyaa kana eeguu osoo hin taane hawwiidhan akka nuuf dhufuuf of qopheessuu qabna. namni kamuu iddoo jirutti waan gaarii haa hojjatu, sobdoonni warreen jaboota illee dogongorsan waan jiraniif isaan irraa of eegun barbaachisaadha. Uumama hubataa waan taanef ammoo mallattoo garaagaraa ilaallee mookfamuu hin qabnu.

Nuti ijoolleen Kiristoos dhaala abbaa keenya akka argannuuf mucummaa isaatti jabaachuu qabna. mucummaan isaa ammoo akka jecha isaatti isaaf bitamuudha. nuun ijoollee isaati waan taanef qooda abbaa keenya ni fudhanna.

Ilmi mootummaa isaan yeroo dhufu nu haa yaadatu!. Ayyaana gaarii!

"እስመ ጾም ትፌውስ ሕማማ ለነፍስ"~ መልክአ ኪዳነ ምህረት

Jaalalasaa hanga du'a ga'uun kan nu bite, amantootni Mana Kiristaana Ortodoksi Tawaahidoo Itiyoophiyaa addunya mara irratti argamtan baga sooma Gooftaa keenyaa nagaan geessan.

Gadda keenya kan hin barbaanne, kufaatii keessattis nu dhiisuu kan hin barbaannee gooftan keenya, dukkana keessaa yeroon inni itti nu baasu yeroo qaqqabetti Sooma kaleessaa abboonni keenya raajonni fa'aa sooman osoo hin diigne, akkuma isaanii cubbuudhan alatti soomee fakkeenyummaa nuuf kaa'uf gara Kawaalatti ba'e. Mat 4:1-

Soomni nuti soomnu gadda Lubbuu keenyaf qoricha isa gaaridha. Kitaaba Qulqulluu keessatti Soomni dhuunfaa, soomni gamtaa akkasuma soomni Biyyaa taasifamee jira. Tokkoon tokkoon sooma kanaa bu'aa gaarii argamsiisee akka jiru kitaabni qulqulluu nu barsiisa.

Kakuu Haaraa keessattis duuka bu'oonni hojii afuuraa yeroo raawwachuuf jiranifi kennaa afuura qulqulluu argachuuf akkasuma yeroo kadhannatti soomaa akka turan kitaabni qulqulluu nutti hima. H.D.B. 13:2

soomni waaqayyootti laphee guutuudhaan deebi'uudha, waaqayyo waliinis jiraachuf hamaa irraa of fageessudha. Yeroo soomaa kana keessatti keessumaa kiristaanni Ija isaan, Gurra isaan, Harka isaan, Arraba isaan, Luka isaan walumaa galatti qaama isaa guutudhaan soomu qaba.

Soomni keenya jaalalaan durfamuu qaba. Jaalalli waa hunda of keessaa qaba. namni jaalala qabu; nama kabaja, namaf yaada, nama simata. namni jaalala hin qabne faallaa kanaa deema.

Yoo soomni keenya laphee keenya irraa ta'e nama qeequu irra of qusachuu qabna, lola labsuu irraa araara obbolaa labsina, nama miidhuu caala nama gargaaruu filanna, namatti inaaffuu caala, gammachuu isaa waliin qooddachuuf ni kakaana.

Waqtiin kun waqtii soomaa waan ta'eef qofa osoo hin taane waqtii baay'ee barbaachisaa ta'e waan ta'eef abboonniifi obboloonni akkasuma daa'immaan ko afuuraa hundi jibba caala jaalala haa labsinu, faffaca'uu caala tokkummaa haa labsinu, wal kuffisuu caala wal utubuu haa labsinu. Eenyuyyuu iddoo jirutti waa'ee mana kiristaanaa fi waa'ee biyyaa hunda caala haa dursiisu, isaan kaan suuta kan dhufuu danda'an waan ta'eef.

Soomni kun sooma ittiin tokkummaa argannufi boqonnaa mana kiristaanaa keenyaf itti laannuu nuuf yaa ta'u!
Sooma Gaarii!

Nannawwee fi Yoonas
Baga Tsooma Nannawween isin ga'e!
Yon 1:1-
Yoonas Kallattii Waaqayyoon isaaf kaa'e dhiisee; kallattii mataa isaatin durfamee daandii isaa hordofe.
badii isaa kanaf mallattoo badii argee, erga laphee isaatti deebi'ee booda ergama isaa raawwatee, "sobaan" jedhamaa laata? jedhee fagoo irra taa'ee badii magaalittii eegaa ture.
Badiifi miidhama namoota yakkanii eeguu osoo hin taane, isaanifis waaqayyo akkuma keenya dhiifama akka isaanif taasisuuf yoo dandeenye gargaaruu, yoo dadhabne kadhachuufi yoo sanas dadhabne ammoo irraa ba'u.
Waaqayyoon akkuma saba isaa uumee itti dadhabetti saba isaa ni gargaara. Sooma kana yeroo soomnu wal yaadachuu, wal gargaaruudhan ta'uu qaba malee nyaata qofa irraa of tiksuun gaarummaa hin qabu.

Seenaa gabaabaa qulqulluu Taklahaaymaanot fi Gadaamii Dabra Libaanos ( የፃዲቁ አባታችን አጭር ታሪክ)
✍ Gadaamichi kan hundeeffame jaarraa 4ffaa keessa waggaa 1600 dura Aabbaa Libaanos jedhamaniin
✍ Erga hundeeffamee waggaa 700 booda jabaatee gadaamii guddaa kan ta'e
✍ Jaarraa 12ffaa keessa shiftaan Kooraa jedhamu naannoo sana weeraree bulchaa ture.
✍ Yeroo abbaan keenya Taklahaaymaanot gara gadaamii dabra aasbotti dhufu Xonqaayii Haraas jedhamutu naannoo sanatti seexana waaqessaa ture.
✍ Abbaan keenya Taklahaaymaanot bara 1197 Dh.K B mudde 24 iddoo ittisaa jedhamutti abbaa isaanii Tseggaaze'aab fi haadha isaanii Igziiharayaa jedhamanirraa dhalatan
✍ Mootin motolomii jedhamu Igzihaariyaa abbaa manaa ishee jalaa fudhatee ture. qulqulluu Mikaa'el garuu kochoodhan haguugee gara biyya abbaa warraa isheetti deebiseera.
✍ Abbaan keenya Taklahaaymaanot dhalatanii gaafa guyyaa sadaffaa waaqayyo abbaan qulqulluudha, ilmis qulqulluudha, hafuurri qulqulluun qulqulluudha jedhanii maqaa Sillaasee galateeffataniiru
✍ Maatin isaa maqaa Fissihaa Tsiyoon jedhamu moggaasaniifis waaggaa 22 isaatti yommuu Adamoof bahutti Gooftan keenya maqaa Taklahaaymaanot jedhu moggaasefiira.
✍ Waggaa 15ffaa isaatti phaaphaasii Qeerloos jedhamanirraa aangoo Daaqonummaa fudhataniiru
✍ Biyya katataa jedhamutti namoonni seexana muka guddaa gubbaa jiru waaqessaa turanis abbaa keenya Taklahaaymaanot gara isaanitti yommuu dhiyaatu seexanichi watwaatera. Mukittiinis buqqaatee abbaa keenya Taklahaaymaanotiif sagaddetti.
✍ Gara gadaamii Haayiq Isxifaanos deemudhaanis waggaa 10 tajaajilanii aabbaa Iyyasuus mo'aa irraa monoksummaa muudaniiru.
✍ Iyyarusaalem deemanii deebi'aniis waggaa kudhaniif shawaa fi naannoo kibba Itiyoophiyaatti kiristaanummaa babal'isaniiru.
✍ Hordoftoota baay'ee qabatanii dhufuudhan gadaamii dabra Libaanos jaabeessanii waggoota 29 holqa dabra Aasboo keessatti waggoota 7 miila tokkoon dhaabbatanii kadhatanii bara 1296tti Hagayya 24 boqataniiru.
✍ Caamsaa 12 lafeen isaanii iddoo awwalamee gara iddoo amma bataskaanni ijaarametti waan geeffameef kabajama.
✍ Bataskaanni amma jiru kunis qarshii bara sanaa miliyoona 1.6 bara 1952 eegalamee bara 1955 xummuramee kabajaaf ga'e
✍ Maqaan Patriyaarikoota biyya keenyas teessoo Abbaa keenya qulqulluu Taklahaaymanotiin waamamu...kan Gibtsii akkuma maarqosin..kan roomaa akkuma Pheexroosin waamamu.

Araara Marsaa 3ffaa kana ilaalchisee hunda dursa hundaa ol Waaqayyoo inni Addunyaa uumee uumama hundatti lubbuu uume dhimma kana gargaarsa isaatin yaada waliigaltee akka argannu nu haa taasisu jedha.

Araarri kun Oromoof Boqonnaa biyyattiif jabina yoo ta'u Nageenya Gaanfa Afrikaaf illee bu'aa guddaa qaba.

Araarri kun Uummata keenya humnaa ol gargaara, fedhiin hawaasa Oromoo guutuun Araara kana irraa yaada isaa kaawwatee jira. Waliigaltee dhabuun kun waldhaansoo mana keessaa waan ta'eef baay'ee ulfaatadha.

Araara malee bifa kanaan ammas waqtiilen muraasni lakkaawwamnaan badii gurguddaan amma argaa jirru kanaa ol nurra ga'uu danda'u. Araara malee turuun keenya miidhaa dabalaa deemudha.

Kanaaf Waaqayyoon Araara Marsaa kanaa akka nuuf qajeelchuuf Abboonni Amantiis kadhannaatti jabaachun nurraatii eegama.

የእንኳን በሰላም ለጥምቀት በዓል አደረሳችሁ መልዕክት በሊቀ አእላፍ ቀ/በላይ መኮንን የጠቅላይ ቤተክህነት ም/ዋና ሥራ አስኪያጅ Namni kamuu Sababa afaanitiin Mana Kiristaanaa dhiisee ba'uu hin qabu. Afaan Oromiffaatin tajaajila guutuu kenninee mootumaa ishee hin darbineef amantoota qa...

የእንኳን አደራሳችሁ መልዕክት በሊ/አ ቀሲስ በላይ መኮንን የጠ/ቤ/ክ ምክትል ዋና ሥ/አስክያጅና የ ኦሲኤን ቴቪ ዋና ሥ/አስክያጅ Namni kamuu Sababa afaanitiin Mana Kiristaanaa dhiisee ba'uu hin qabu. Afaan Oromiffaatin tajaajila guutuu kenninee mootumaa ishee hin darbineef amantoota qa...

Erga Baga Geessanii H/K/L/Balaay Mokonnin I/A/H/G/M/L/Waliigalaafi Hoji gaggeessaa OCN TV Namni kamuu Sababa afaanitiin Mana Kiristaanaa dhiisee ba'uu hin qabu. Afaan Oromiffaatin tajaajila guutuu kenninee mootumaa ishee hin darbineef amantoota qa...

Baga Geessan!
Ayyaanni Dhalachuu Gooftaa Keenyaa Ayyaana Dhalachuu keenyati! Ilmi Samiidhaa Bu'ee akkuma keenya ta'ee nu waliin deddeebi'ee Addunyaa keessatti akkuma keenyattii Cubbuu irraan kan hafe waa hunda hojjate.

Akkuma Daa'ima biroo Haadha isaaf ajajamee waaqayyoof nama gidduutti simboodhan guddate. Waliif ajajamuun keenya fakkeenyummaa Waaqa keenyaa irraa fudhannee ajaja Abbaa keenya irraa arganne Aadaafi Safuu keenyadhas.

Namoonni guyyaa Har'aa kana ga'uu barbaadan heddutu jiru, Waaqayyoon ammoo tiksee eegaa rakkina gurguddaa keessa nu dabrasee asiin nu ga'ee jira. Kanaaf Warri jirru ammoo Obbolootafi Obboleeyyan isaan nu biraa darban sana ilaalaa waan gaarii hojjachuuf waan gaaris taasisuuf halkaniif guyyaa dhama'uu qabna.

Ayyaana Kana yoo kabajnu Waliif yaaduunn nu gidduu haa jiraatu, Ayyaana Gaarii!

Dhalonni goftaa kan baraa 2016 naagahati akka jijiruu abidachun amanun amantotarra egama naagahaa nuuf yaatasisuu.