D.n Melkamu kassie

🙏🌹🌹🌹

እግዚአብሔር አምላካችን በገነት ውስጥ (ለአዳም) ሦስት ዓይነት ዕፅዋትን ፈጥሮለታል፡፡
አንዱ - የሚመገበው
ሁለተኛው - የሚጠብቀው - ዕፀ በለስ
ሦስተኛው ደግሞ የሚታደስበት - ዕፀ ሕይወት ነው
እስኪ በጥቂቱም ቢኾን ስለ እነዚህ ዕፅዋት እና ስለ አዳም እንመልከት፡-
1️⃣
ሰው ወዳጁ እግዚአብሔር በገነት ውስጥ ታላላቅና ታናናሽ ዕፅዋትን ያበቀለ ሲኾን ታናናሹ ብቻ ቅጠላቸው ዐሥራ ኹለት ዐሥራ ኹለት ክንድ ያክላል፡፡ እንደ ኮከብም ያበራል፡፡ ፍሬአቸውም ክብ ነው፡፡ ዛሬ እነዚህን ዕፅዋት የሚመገቡት በብሔር ብጹዓን ያሉ ጻድቃን ቅዱሳንና በገነት ያሉ አዕዋፍ ናቸው፡፡ የሚያመጣላቸውም ነፋስ ነው፤ ነፋሱ እንደ ዝናብ ያዘንብላቸዋል፡፡ ያን ተመግበውም ፈጣሪያቸውን ሲያመሰግኑ ይኖራሉ /ገድለ ዞሲማስ/፡፡
2️⃣
አበው እንደሚነግሩን ዕፀ ሕይወት ጫፏ ከሰማይ ይደርሳል፡፡ ፍሬዋ እንደ ሮማን ፍሬ ተነባብሮ ከእግር እስከ ራሷ ምሉ ነው፡፡
ከዕፀ ሕይወት ፍሬ አንዲቱን ቆርጦ በአፉ ጎርሶ አላምጦ ሳይውጣት እንደ ቀድሞው ፍሬ ተክታ ትገኛለች። /ሕዝ.47፡12-13፣ ራእ.22፡2-3/፡፡
ከዕፀ ሕይወት አንዲቱን ፍሬ በበሏት ጊዜ ጣዕሙ ከአፍ፣ መዓዛው ከአፍንጫ ሳይለይ እስከ ሰባት ቀን ይቀመጣል (ኄኖ 7፥6-16)
ከዚህች ዕፅ የቀመሱ ሰዎች “እንዲህ ያለውስ ምግብ ያለ እግዚአብሔር ቸርነት ለፍጡር አይገባውም ነበር” እያሉ ያደንቃሉ፡፡ ቅጠሏ፣ አበባዋ፣ ፍሬዋ ያለ ደዌ ያለ ሕማም ነፍስን ከሥጋ ይለያል፡፡
እግዚአብሔር አምላካችን ዕፀ ሕይወትን ብላም አትብላም አላለውም፡፡ ይህ ለምን እንደ ኾነ ቅዱስ ዮሐንስ አፈወርቅ ሲመልስልን እንዲህ ይለናል፡-
“አዳም ቢፈልግ ኖሮ ይህን ዘለዓለማዊ ሕይወት የሚሰጠውን ዛፍ ከሌሎች ዛፎች ጋር አብሮ መብላት ይችል ነበር፤ በመኾኑም ስለ ዕፀ ሕይወት ብላም አትብላም አላለውም፡፡”
ከዚህ መረዳት እንደምንችለው የሰው ልጅ (አዳም) የራሱ የኾነ ነጻ ፈቃድ አለው፡፡ ይህ ነጻ ፈቃዱ እንኳንስ ዲያብሎስ እግዚአብሔርም ቢኾን ጣልቃ የሚገባበት አይደለም፤ ሰው ራሱ እንደ ውዴታው የሚያዘው እንጂ፡፡ በመኾኑም በዚህ ነጻ ፈቃዱ ከፈለገ ይህን ዕፀ ሕይወት በልቶ ለዘለዓለም መኖር ይችል ነበር፡፡ ውሳኔው ለራሱ ለአዳም የተተወውም ስለዚሁ ነው፡፡
መረዳት ያለብን ግን ዕፀ ሕይወት ሲባል ዕፁ በራሱ ሕይወትን የሚሰጥ ነው ለማለት አይደለም፡፡ ዕፁ የመታዘዝ ምልክት ነው፤ እግዚአብሔርን ቢታዘዝና እንደ ሕጉ ቢኖር ይህቺን ዕፅ በልቶ ይታደስ ነበር፡፡
ይታደስ ነበር ሲባል የሰው ልጅ በመዋቲነትና በኢመዋቲነት መካከል ኾኖ ተፈጥሮ ስለ ነበር ወደ ኢመዋቲነት ይሸጋገር ነበር ማለት ነው፡፡ በበደለ ጊዜ ይህቺን ዕፀ ሕይወት እንዳይበላ መከልከሉም ስለዚሁ ነው፡፡ ምክንያቱም ከበደሉ ሳይነጻ ይህቺን ዕፅ ቢበላ ኖሮ ለዘለዓለም እየበደለ ነበር የሚኖረው፡፡ በበደሉ ምክንያት የመጣበት ጉስቁልና ለዘለዓለም አብሮት ነበር የሚኖረው፡፡ እንደ ዲያቢሎስ አመፀኛና እርጉም ሁኖ ይቀር ነበር።
ሰው ወዳጁ እግዚአብሔር ግን መጀመሪያ ሞቱንና ጉስቁልናዉን አስወግዶ ወደ ቀድሞ ቦታው ወደ ገነት ወደ ቀድሞ ክብሩ ወደ ልጅነት ይመልሰው ዘንድ ከገነት እንዲወጣና ከዚህች ዕፅ እንዳይበላ አደረገው፡፡
ዛሬ ይህ ዕፀ ሕይወት የጌታችን የኢየሱስ ክርስቶስ ቅዱስ ሥጋውና ክቡር ደሙ ኾኖ ተሰጥቶናል /የሐሙስ ውዳሴ ማርያም/፡፡
3️⃣ ስለ ዕፀ በለስ
ይህቺ ዕፅ እግዚአብሔር በገነት በምዕራብ በኩል የተከላት ሲሆን አዳምና ሔዋን እንዳይበሏት የከለከላቸው ብቸኛይቱ ዕፅ ነች፡፡
እንዳይበሏት ሲከለከሉ እንኳን ሔዋን ራሷ እንደ ተናገረችው ነፍጓቸው ወይም ተመቅኝቶዋቸው ሳይኾን፦
አንደኛ) ስለ ፍቅሩ ለፈጠረው ለእግዚአብሔር በፍቅር በመታዘዝ እንዲመልስ
ሁለተኛ) ፍጡርነቱን እንዲያውቅባት
ሦስተኛ) ነጻ ፈቃዱ እንዲገልጥባት የተሰጠችው ናት፡፡
ቸሩ እግዚአብሔር “ትሞታለህ” ሲለው እንኳን እግዚአብሔር ስለ ጥልቅ ፍቅሩ አዳምን የመከረው እንጂ ጠበኛ አምላክ ሆኖ የተናገረው አይደለም፤ እገድልሃለሁ አላለውምና፡፡
እዚህ ጋር መረዳት ያለብን ዕፀ በለስ በራሷ መልካም መሆኗን ነው፡፡
ፍሬዎቿም እንደዚሁ መልካም ናቸው፡፡ በውስጧ ሞትን የተሸከመች ወይም መርዝነት ያላት አይደለችም፡፡ ስለዚህ ዕፀ በለስ ልክ በዕፀ ሕይወት ላይ እንደተነጋገርነው የሕግ ምልክት ናት፡፡ በመሆኑም አዳም የሞት ሞትን የሞተው የሕግ ምልክት ኾና የተሰጠችውን ዕፅ ባለመታዘዙ ስለ በላት እንጂ ዕፀ በለስ የምትገድል ኾና አይደለም፡፡
በሌላ አገላለጽ አዳምን የጣለው አለመታዘዙ ነው። እንደ ቅዱስ ዮሐንስ አፈወርቅ ደግሞ ግድ የለሽነቱ ነው፡፡
በዕፀ በለስ ውስጥ ከዕውቀት በቀር ምንም የለም፡፡ ዕውቀት ሲባል ራሱ አዳምና ሔዋን ከክብር መዋረዳቸውን ማወቅን ነው እንጂ ሌላ አይደለም፡፡ አንዳንድ ሰዎች እንደሚሉት ዕፀ በለስ በጎ ዕውቀትን የምታሳውቅ ዛፍ ብትኾን ኖሮ ኃጢአት “ኃጢአት” ሳይሆን “የዕውቀት አስተማሪ” በተባለ ነበር፤ እባብ በእርሱ አንጻርም ዲያብሎስ ባልተወቀሰ “የሐሰት” ሳይሆን “የጥበብ አማካሪም” በተባለ ነበር፡፡
ነገር ግን አይደለም አዳምና ሔዋን መልካም የተባለው መታዘዝ፣ ክፉ የተባለውንም አለመታዘዝ ከመውደቃቸው በፊት ያውቁ ነበር፡፡
ዛሬ በዕፀ በለስ ምክንያት የመጣው ሞት በዕፀ መስቀል ምክንያት ተወግዶልናል፡፡
telegram link = https://t.me/Lisane_Work

ኅዳር 21 ታቦተ ጽዮን (ጽላተ ኪዳን ወይም ታቦተ ሕጉ )

ጽዮንን ክበቧት፥ በዙሪያዋም ተመላለሱ፥ ግንቦቿንም ቅጠሩ፥ አዳራሿን ተመልከቱ፥ በብርታቷ የልባችሁን ተስፋ አኑሩ፡፡ /መዝ. 47፥12/
share እና like ያድርጉ
( ) ፤

፩ኛ. በሊቀ ካህናት ኤሊ ዘመን በሕዝበ አስራኤል(በአፍኒን ፊንሐስ) ኀጢአት ምክንያት፤ ታቦተ ጽዮን በታሪኳ ለመጀመሪያ ጊዜ በአሕዛብ (ኢሎፍላውያን) እጅ ተማርካ፤ ዳጐን የተባለ የአሕዛብ ጣዖትን ቀጥቅጣ አድቅቃ ወደ እስራኤል የተመለሰችበት በመኾኑ፡፡ (1ሳሙ. ከ1-6)

፪ኛ. ታቦተ ጽዮን መፍቀሬ ጥበብ ቅዱስ ሰሎሞን ወዳሠራው ቤተ መቅደስ (በዓለም ላይ እስካሁን ያልታየ ድግስ ደግሶ) የገባችበት እለት በመኾኑ፡፡ / (1ኛ ነገ. 8፥2፣ 2ኛ ዜና. 5፥1፣ ስንክሳር ዘሐምሌ 23)

፫ኛ. በቀዳማዊ አፄ ምኒልክ (ዕብነ ሐኪም) አማካኝነት ከዐሥራ ሁለቱ ነገደ እስራኤል የበኲር ልጆች ጋር በ318ቱ ሌዋውያን ካህናት ፥ በሊቀ ካህናቱ አዛርያስ እየተመራች ታቦተ ጽዮን ወደ ኢትዮጵያ የገባችበት በመኾኑ፡፡ /ክብረ ነገሥት፣ መጽሐፈ ምሥጢር፣ መጻሕፍተ ሰሎሞን ወሲራክ አንድምታ መቅድም፣ …/

፬ኛ. ነቢያት ስለ እመቤታችን በተለያየ ኅብረ መልክእና አምሳል (ዕዝራ በቅድስት ሃገር መንፈሳዊት፣ ሕዝቅኤል በተዘጋች ቤተ መቅደስ፣ ዘካርያስ በተቅዋመ ወርቅ፣ ……) ያዩበት በመኾኑ፡፡ /ሕዝ. 44፥1፣ መጽ. ዕዝራ/

፭ኛ. በንጉሥ አፄ ባዜን (በ4 ዓ.ም. አካባቢ) አማናዊት ጽዮን ድንግል ማርያም ዋልድባን፣ ደብረ ዐባይን፣…… ሌሎችንም የኢትዮጵያ መካናት በስደት ከልጇ ጋር ባርካ አኵስም ጽዮን ላይ መጥታ የገባችበትና የባረከችበት፤ በወቅቱም አኵስምና አካባቢዋ በብርሃን ጎርፍ የተጥለቀለቁበት በመኾኑ፤ /ታሪከ ዋልድባ፣ ታሪከ አኵስም፣ ድርሳነ ዑራኤል፣ ....)

፮ኛ. በ4ኛው መቶ ክፍለ ዘመን በቅዱሳን ጻድቃን ነገሥታት አብርሐ ወአጽብሐ አማካኝነት መሥዋዕተ ኦሪት ሲሰዋባት የቆየችው አኵሱም ጽዮን፤ ጽዮን ማርያም ተብላ ባለ 12 መቅደሶች ባሏት በወርቅና በዕንቊ ያሸበረቀች ቤ.ክ ሠርተው ቅዳሴ ቤቷ የተከበረበትና ክርስትና ብሔራዊ ሃይማኖት ሆኖ የታወጀበት፡፡

፯ኛ. በየጊዜው (በዮዲት ጉዲትና በግራኝ አማካኝነት ስትፈርስ) ወደ ዝዋይ፣ ወደ ጣና ቂርቆስ፣ …… ተሰድዳ ቆይታ፤ ተመልሳ (ከዮዲት በኋላ በአንበሳ ውድምና፤ ከግራኝ በኋላ በአፄ ፋሲል የታነጹት ሕንፃ ቤተ ክርስቲያን) ቅዳሴ ቤቷ የተከበረበት በመኾኑ፡፡

፰ኛ. ወደ አኵሱም ደብረ ጽዮን ማርያም በቦታው ርቀት ለመሳለም ላልቻሉ ክርስቲያኖች ዳግሚት ደብረ ጽዮን በዳግማዊ አፄ ምኒልክ አዲስ አለም ላይ የተሠራችበት በመኾኑ፡፡

፱ኛ. ሴቶችም ወንዶችም የሚያስቀድሱበትና ያለ ዐምድ ዕፁብ ድንቅ በኾነና በሃግያ ሶፍያ ቤ.ክ. አምሳል የተሠራው የጽዮን ቤተ ክርስቲያን (ኅዳር 21 ጾም በመኾኑ ቅዳሴ ቤቷ የተከበረው ግን ጥር 30 ቀን 1957 ዓ.ም ግርማዊ ንጉሠ ነገሥት ቀዳማዊ ዐፄ ኀይለ ሥላሴ፣ እቴጌ መነን፣ የታላቋ ብሪታንያ ንግሥት ግርማዊት ንግሥት ኤልሳቤጥና ልዑል ፊልፕ በተገኙበት ቢሆንም) ቅዳሴ ቤት የተከበረበት በመሆኑ፡፡
————
፤

፠ ታቦተ ጽዮንን፤ ሌዋውያን ከበዋት ውዳሴ፥ ዝማሬ ያቀርቡላት እንደነበረው፤
✤ ዛሬም እመቤታችን ቅድስት ድንግል ማርያምን ካህናትና ምእመናን ከሩቅ እና ከቅርብ ተሰብስበው በማኅሌት፥ በዝማሬ፥ በቅዳሴና በውዳሴ ያከብሯታል፡፡
፠ ታቦተ ጽዮን በደብተራ ኦሪት በቅድስተ ቅዱሳን ውስጥ የኖረች ፥ የዮርዳኖስን ባሕር የከፈለች /ኢያሱ 3÷14-17/ ፥ ቅጽረ ኢያሪኮን ያፈረሰች /ኢያሱ 6÷1-21/ ፥ ዳጎን የተባለ የፍልስጤማውያንን ጣዖት የቈራረጠች /1ኛ ሳሙ. 5÷1-5/ ፥ በድፍረት ሊነካ የሞከረውን ኦዛን የቀሰፈች /1ኛ ሳሙ. 6÷6/ ፥ በአቢዳራ ቤት ሦስት ወር ተቀምጣ ቤቱን በበረከት የመላች /2ሳሙ 6÷12/ ፥ ዳዊት የዘመረላት /2ሳሙ 6÷14/ ፥ ጠቢቡ ሰሎሞን በቤተ መቅደስ በክብር ያኖራት /1ኛ ነገ፣ 8÷1/ ፥ የእግዚአብሔር የክብር መገለጫ ናት፡፡
✤ ጽዮን ቅድስት ድንግል ማርያምም ንጽሐ ጠባይዕ ሳያድፍባትና የቅድስና ባሕርይ ሳይጎድፍባት፤ (በማየት፣ በመስማት፣ በመዳሰሰ፣ በማሽተት አንዳችም እድፍ ጉድፍ ሳያገኛት)
በንጽሕናና (በኀልዮ፣ በነቢብ፣ በገቢር) በቅድስና ጸንታ በኀጢአት ሳትለወጥ ኖራለች፡፡ /ውዳሴ ማርያም፣ ሊቁ ቅዱስ ኤፍሬም፤ አንቀጸ ብርሃን፣ ሊቁ ቅዱስ ያሬድ/ እንዲሁም ‹‹ምክንያታዊ ነውር ኃጢአት የሌለብሽ የኀጢአት ሸታ ያልደረሰብሽ ንጽሕት በድንግልና ሥርጉት በቅድስና ክብርት በልዕልና አንቺ ነሽ» ብሏታል ጠቢቡ ሰሎሞን /መሓ. 4÷7/
፠ ታቦተ ጽዮን በከበረ ወርቅ እንደተሸለመች
✤ እመቤታችን ቅድስት ድንግል ማርያምም በንጽሐ ሥጋ፣ በንጽሐ ነፍስ እና በንጽሐ ልቡና የተሸለመች ያጌጠች ናት፡፡
፠ ታቦተ ጽዮን የቃለ እግዚአብሔር ማደሪያ እንደሆነች፤
✤ ጽዮን ቅድስት ድንግል ማርያምም ለአካላዊ ቃል ለእግዚአብሔር ወልድ ማደሪያ ኾናለች፡፡ «ድንግል ማርያም ሆይ ሰማይና ምድርን ለፈጠረ አምላክ ለእርሱ ማደሪያ ሆንሽ ዘጠኝ ወር ከአምስት ቀን በማኅፀንሸ ቻልሽው ተሸከምሽው ሰማይና ምድር የማይወስኑትን ለመወሰን የታመንሽ አንቺ ነሽ» /ውዳሴ ማርያም፣ ቅዱስ ኤፍሬም/
——-
**** በእመቤታችን በቅድስት ድንግል ማርያም እና በቃል ኪዳኑ ታቦት መካከል ጥልቅ የሆነ ምሥጢራዊ ትምህርት አለ፡፡ /ዘፀ. 25÷9-20/፡፡ ይህንንም በተመለከተ ሊቁ አባ ጽጌ ድንግል ምሥጢሩን ከምሥጢር አመሳጥሮ፤ እንደ ሸማ አንከባሎ፥ እንደ ወርቅ ከብልሎ እንዲህ አስቀምጥታል፤
«ታቦተ አምላከ እስራኤል ጽዮን ዘነገደት ምድረ ኢሎፍሊ፤
ወቀጥቀጠቶ ለዳጎን ነፍሳተ ብዙኃን ማህጎሊ፡፡
አመ ነገደት ቊስቋመ በኀይለ ወልዳ ከሃሊ፤
ወድቁ አማልክተ ግብፅ መናብርተ ሰይጣን ሐባሊ፤
ወተኀጉሉ ኲሎሙ ዘቦሙ አስጋሊ፡፡
ወደ ኢሎፍሊ ምድር ተማርካ የሔደች የእስራኤል አምላክ የቃል ኪዳኑ ታቦተ ጽዮን የብዙዎችን ነፍሳት ያጠፋ ዳጎንን ሰባበረችው፡፡ ድንግል ማርያምም ሁሉን ማድረግ ከሚችለው ከልጇ ጋር ግብፅ ወደሚባል ሀገር በሔደች ጊዜ የሐሰተኛ ሰይጣን ዙፋኖች የሆኑ የግብፅ ጣዖታት ፈረሱ ጠንቋይ አስጠንቋይ ያላቸው ሁሉ ዐፈሩ» /ኢሳ 19÷1፣ ሊቁ አባ ጽጌ ድንግል/

Join👇👇👇
https://t.me/Amha_media
https://t.me/Amha_media
https://t.me/Amha_media

ከራሳቸው ውጪ ደስታን የሚፈልጉ እንደምን ምስኪኖች ናቸው? ደስታን በባእድ ምድር በጉዞ የሚፈልጉ አሉ። በሀብትና በዝና መካከል የሚፈልጉ ወገኖች አሉ፤ በታላቅ ይዞታና በንብረት መካከል የሚፈልጉ አሉ፤ መራራ ፍፃሜ ባላቸው በውበትና በተቃራኒ ፆታ መካከል የሚፈልጉ አሉ። በተመሳሳይ ሁኔታ ደስታን ከራሳችን ውጪ ለመገንባት መሞከር በተደጋጋሚ በመሬት ርእደት በሚናወጥ ሥፍራ ላይ እንደ መገንባት ነው።

ደስታ የሚገኘው በእኛው ውስጥ እንጂ ከእኛ ውጪ አይደለም። ምስጉን ማለት ይህን ሁኔታ የተገነዘበ ሰው ነው። ደስታ ማለት የልብ ንፅህና ነው፤ እንዲህ አይነቱን ልብ እግዚአብሔር ማደሪያ ያደርገዋልና። ስለዚህ ንፁህ ልብ ያላቸው ወገኖች ክርስቶስ እንዲህ ይላቸዋል፦ በእነሱ እኖራለሁ፣ በመካከላቸውም እመላለሳለሁ፥ አምላካቸው እሆናለሁ እነሱም ሕዝቤ ይሆናሉ። 2ኛ ቆሮ. 6፥16 እንዲህ አይነት ወገኖች ምን ይጎድልባቸዋል? ምንም። "

(አባ ሳራባሙን - የበረሃ ፈርጦች መጽሐፍ ገጽ 14 በመምህር ምትኩ አበራ)

ሰው ሁን! ""

✿ሰው ከመሆንህ በፊት #ዶክተር (ሐኪም) አትሁን፡፡
✿ሰው ከመሆንህ በፊት #መሐንዲስ አትሁን፡፡
✿ሰው ከመሆንህ በፊት #መምህር አትሁን፡፡
✿ሰው ከመሆንህ በፊት #ፖለቲከኛ አትሁን፡፡
✿ሰው ከመሆንህ በፊት #ጋዜጠኛ አትሁን፡፡
✿ሰው ከመሆንህ በፊት #መሪ ፡ #መካሪ ፡ #አውሪ ፡ #ዘማሪ ፡ #ጸሐፊ ፡ #ለጣፊ ፡ #ሰባኪ ፡ #ሹመኛ ፡ #ወገኛ . . . ሌላም አትሁን፡፡

✿ዓለም : ኢትዮጵያ፡ ቤተ ክርስቲያንም ያጣችው ይህንን ሁሉ አይደለም፡፡ ሰው የሚሆንላትን እንጂ፡፡

✿ይልቁንስ ከሁሉ በፊት ሰው ሁን፡፡ ሰው መሆን ከእነዚህ ሁሉ የተሻለ ማንነት ነውና፡፡

✿" #ሰብአዊነት የጎደለው ሙያ በመርዝ ዕቃ ላይ እንደተቀመጠ ጣፋጭ ምግብ ነው" ይላሉ አበው፡፡

✿የችግሮቻችን ሁሉ መነሻም ሰብአዊነት የጎደለው ግብራችን ነው፡፡

✿መጽሐፍስ ምን አለ?
"ሰው ሁን፡፡" (1ነገ. 2፡3)

✿ሰው ለመሆን ያብቃን፡፡

_ሰርቢያኖች_ስለጦርነት_ያላቸው_ድንቅ_አባባል
✅✅ ትንሽዬዋ የደቡብ ምስራቅ አውሮፓዊቷ ሀገር የሆነችው ሰርብይ ስለ ጦርነት አስከፊነት ትልቅ የሆነ መልእክት ያለው አባባል አላቸው ። እሱም ....

....👇
✅✅ ፓለቲከኞች ጥይት ያቀብላሉ ።
✅✅ ባለጽጎችም ምግብ ይሰጣሉ ።
✅✅ ድሆች ግን ልጆቻችን ይለግሳሉ ።

...👇
✅✅ ፓለቲከኞች ቀሪ ጥይቱን ይሰበስባሉ ።
✅✅ ባለጸጎችም ከጦርነቱ በተረፈው ሐብታቸው ማደግ ይጀምራሉ ።
✅✅ ድሆች ግን ልጆቻቸውን በመቃብር ሥፍራ ይፈልጋሉ ። 😭

!

አንተ ብቻ ታገስ !

ነገሮች ባሰብናቸው መንገድ አልሄድ ሲሉን ፤ ሁሉ ነገር አልሳካ ያለን ሲመስለን ፤ ጥቃት ደረሰብኝ ስንል ሁሌም ለምን እኔ ላይ ይህ ሁሉ ሆነ ፈጣሪን ምን ብበድለው ነው እንዲህ ያደረገኝ እንላለን ችግር ውስጥ ነን ብለን ባሰብንበት ወቅት ነገሮች መቼም ቢሆን ታሪካቸው እንደሚቀየር አናስብም ወንድሜ እስኪ አስታውስ ከዚህ ቀደም በህይወትህ ላይ የገጠሙህን ችግሮች አስባቸው የሚያልፋ የማይመስሉ ከባድ ጊዜያትህን አስታውሳቸው መቼ እንደተቀየሩ እንኳን ሳታውቅ ከህይወት ለአንዴና ለመጨረሻ ግዜ ተወግደዋል አይደል ዛሬም ልክ እንደዛው ነው ያሉብህ እያንዳንዱ ችግሮችህ መቼ እንደሆነ በማታውቀው ሰዐት ከህይወትህ ሙሉ ለሙሉ ይወገዳሉ አንተ ብቻ ታግሰህ ጠብቅ!

ቅዱስ ያሬድ ከማኅሌተ-መላእክት ፣ ከቅዳሴ-መላእክት ሳይለይ ጸብዐ-አጋንንቱን ፣ ድመፀ-አራዊቱን ታግሦ በደብረ-ሐዊ ሃያ ሁለት ዓመት ከኖረ በኋላ ከዚህ ዓለም ጻማ ወድካም ፣ ትክዝ ወሕማም የሚያርፍበት ሰዐት ሲደርስ ደቀመዛሙርቱን ሰብስቦ "ይቤ ጳውሎስ ኃላፊ ንብረቱ ለዝንቱ ዓለም አኃውየ አስተፋጥኑ ገቢረ-ሠናይ አንሰ በድርየ ፈጸምኩ ፤ ወሃይማኖትየኒ ሠለጥኩ እንከሰ ጽኑሕ ሊተ አክሊል ዘየአስየኒ መኮንነ-ጽድቅ" [፪ኛጢሞ ፬፥፰] ብሎ ተሰናበታቸው ፤ እነ-[እ]ርሱም "አባ አቡነ አባ መምህርነ አይቴ ተሐውር ወለመኑ ተኀድገነ.. አባታችን መምህራችን ወዴት ልትሔድ ነው እኛንስ ለማን ትተወናለህ" [ድጓ] እያሉ በለቅሶ ተለያይተዋል ። ቅዱስ ያሬድ በተወለደ በ፸፭ ዓመቱ ግንቦት ፲፩ ቀን ይህቺን ዓለም በስዋሬ ተሰናብቷታል።

👉ዐረፈ የሚለው ቃል ስለተነገረለት ይህን ይዘው ቅዱስ ያሬድ ሞት ብለው የሚናገሩ አሉ። #አዕረፈ ማለት ግን ነፍሱ ከሥጋው ተለየች ማለት አይደለም። ከዚህ ዓለም ድካም አረፈ ማለት ነው እንጂ!!
-ንዑ ኀቤየ ስሩሓን ወክቡዳነ-ፆር ወአነ #አዐርፈክሙ [ማቴ ፲፩ ፳፰]
- #ወአዕረፈ እግዚአብሔር እም-ኵሉ ግብሩ ዘአኀዘ ይግብረ [ዘፍ ፪፥፪] እንዳለው ያለ ነው!! [፩]
.............]]

ቤተክርስቲያናችን የተዋበችበት ደማቁ ኮከብ ፣ የቀዳስያን መላእክት ባልንጀራ በቅዱስ ያሬድ በገበሪተ-ኃይል ጸሎቱ ብረከ-ነፍሳችን [የነፍሳችን ጉልበት] በርትታ በመዋዒተ-ኵሉ ጽንዕት ሃይማኖቱ ጸንታ ተጠብቆላት ያለ የክብር አክሊልን ለመቀዳጀት ትበቃ ዘንድ የቸርነት ባሕር ጥልቀቱ የማይለካ የልዑል እግዚአብሔር ፈቃድ ይሁን!!!

__________
[፩] የአንቀጸ ብርሃን አንድምታ ትርጓሜ መግቢያ

👉ልብህን የሚሰብረው ከሰዎች ብዙ መጠበቅ ነው ፤ ስለዚህ ከሰዎች ብዙ #አጠብቅ ። እህቴ የሚከፋሽ ሌሎች የሚያደርጉልሽን ጠብቀሽ ስላላገኘሽ ነው ።

👉ከሰው መጠበቁን #አቁመን ደስታችንን ከፈጣሪና ከራሳችን ልብ ውስጥ ማግኘት ነው ያለብን ፤ ያኔ አንዱን ቀን ደስ ብሎን ሌላኛውን ቀን አይከፋንም ምክንያቱም #ደስታችን ሌሎች ላይ ጥገኛ አይደለም ።

💪💯 እምነትህ አይነስ ፣ ምስጋና አይለይህ!

💪💯 የምታጣው ከሌለህ የምታገኘው ላይ አተኩር ፤
💪💯 የሚቀርብህ ከሌለ የሚጨመርልህን ተመልከት ፤
💪💯 ሳትጠቀም ከምታጣው ተጠቅመህ የሚቀርብህ ይሻላል።

💪💯 አዎ! የማያልቅ የሚመስል ንብረት ይኖርህ ይሆናል ፣ የማይሸረፍ ባለበት የሚቀጥል ጊዜ ያለህ ይመስልህ ይሆናል ፣ አብረውህ ያሉ ሰዎች እስከ መጨረሻው አብረውህ የሚቆዩ ሊመስልህ ይችላል ፤ ጤናና ጥንካሬህም ባለበት የሚቀጥል ሊመስልህ ይችላል ነገር ግን እንዳሉህ ማመንህ አንድ ነገር ሆኖ ኋላ ስታጣቸው እንዳይቆጭህ ዛሬ ላይ ሆነህ አመስግንባቸው ፣ ተጠቀምባቸው ፣ ያንተ መሆናቸውን አሳይ ፣ በእነርሱ በኩል ብዙ እንዳገኘህ መስክር ።

💪💯 አዎ! ከሌሉ የሉም! ዛሬ የተጨመረልህ ውብና ሙሉ ቀን ሁሌም ላይኖር ይችላል ፣ የምታጣበት ጊዜ መኖሩ ግድ ነው ። ዛሬን ባየህ ቁጥር የሚቀሩህ ነገዎች እያነሱ ይሔዳሉ ፣ ያንተም አቅም ይቀንሳል ፣ ተፈጥሮ ስራዋን ትሰራለች ፣ ለምንም ነገር እንደዛ ያባከንከውን ጊዜ ስትፈልግ ታጣዋለህ ፣ አመስግነህለት የማታውቀው ውዱ ጤናህ ሌት ከቀን አምላክህን እንድትማፀን ሊያደርግህ ይችላል ።

💪💯 አዎ! ጀግናዬ..! ሁሉም ሲኖር ያምራል ፤
💪💯 ምስጋናውም ከልብ ሲሆን ደስ ይላል ፤
💪💯 ልመናው ከአንጀት ሲሆን ምላሽ ያገኛል ፤
💪💯 ዛሬ የተቸገርክ ሊመስልህ ይችላል ፣
💪💯 ዛሬ አስከፊ ቀን ሊመስልህ ይችላል ፣
💪💯 ዛሬ ሰቆቃ እንደበዛ ፣ ረሃብ እንደበረታ ፣ ምድር እንደተጎዳች ሊሰማህ ይችላል ፣
💪💯 ነገር ግን በዚህ እንዲበቃ አምላክን ካልተማፀንክ ፣ ባለው ነገር ካላመሰገንክ ከዚህም የከፋ ጊዜ ሊመጣ እንደሚችል አስታውስ ።

💪💯 አዎ! ፈጣሪ መቼም ፍጥረቱን ጥሎ አያውቅም ፤ ለከፋው አውሬም አሳልፎ አይሰጥም ነገር ግን በግማሽ ልብ እያማረርክ በሌላው የአምላክህን ማዳን ብትጠባበቅ አውሬዎች መሃል እራስህን ታገኘዋለህ ። ያኔ ትልቁ እምነትህ ይፈተናል እንደሚያድንህ ካላመንክ የአውሬዎች መዓድ ትሆናለህ ፣ ቀረጣጥፈው ከመንገድ ያስቀሩሃል ፣ ክብርህን ሳታይ ከአለም ይለዩሃል ። በድንቅ አድራጊው አምላክ ካመንክ ፣ ስላለህበትም ምስጋና ካልተለየህ ግን ከአውሬው መንጋጋ ፈልቅቆ ያወጣሃል ፣ ጉዳትህን ፣ ስብራትህን ሽሮ ከሰው ፊት ያቆምሃል ፣ ባለህ ስለተደሰትክ ሌላ ይጨምርልሃል ፣ በእርሱም ስላመንክ የእምነትህን ፍሬ ይመግብሃል ።

💪💯 አዎ! የሚያሳጣህ ነገር ከሌለ ስላለህ ከልብህ አመስግን ፤ የሚቀንስብህ ከሌለ በተደረገልህ ዘሬን የማየት ፣ በህይወት የመኖር ተዓምር ደስ ይበልህ ፤ ብታጣ እንኳን ማጣትህን በበጎ ቁጠረው ፤ ቢጎድልብህ እንኳን መጉደሉን በመልካም ተመልከተው ። ዋናው ነገር ትናንት ኖሮህ ዛሬ ማጣትህ ሳይሆን ፣ ዛሬን ብታጣ ነገም ማግኘት መቻልህ ነው ። እምነት ነገሮችን ይቀይራል ፣ መንገዱን ያሳምራል ፤ ምስጋናም ያለውን ይባርካል ሌላም ይጨምራልና ሁሌም እምነትህ አይነስ ፣ ምስጋና አይለይህ ።

👉💯አገልግሎትን አስቀድም💪💯

💪💯አዎ! የህይወት ግብ ይኖርሃል ፤ ህልም አለህ ዛሬ በመኖር የምታሳካው ወደፊት በገሃድ እውን የምታደርገው ፤ ዘወትር አንተ የምታየው ፣ ነግ ለሌሎች ይምታሳየው ትልቅና ድንቅ ህልም አለህ ።

አዎ! ጀግናዬ..! የህልምህ እወንነት ፣ የአላማህ መሳካት ከልብ ካሳሰበህ ከሁሉ በፊት አገልግሎትን አስቀድም/Prioritize service/ ፤ ሰው ማትረፍ ላይ አተኩር ፣ የሰውን ፍላጎት ለመሙላት ታገል ፤ ከልብህ ወርደህ ሌላውን አሳርፍ ፤ ቀሪው ተከትሎት ይመጣል ።

💪💯አዎ! ህልምህ ትልቅ የሚሆነው በሚያመጣልህ ትልቅ ገንዘብ ፣ ትልቅ ዝና ወይም ትልቅ ንብረት ሳይሆን በምታተርፈው ፣ በምትረዳው የሰው ብዛት ፣ በምታገኘው ጥልቅ እርካታ ፣ በሚሰጥህ ውስጣዊ ደስታና ሰላም ነው ። ገንዘብ እንዴትም ይመጣል ፣ ዝና በአልባሌ ነገር ይገኛል ፣ ንብረት ከሰው ባነሰ የወረደ ተግባር ይመሰረታል ፤ የሰው ፍቅር ፣ ፅኑ ሰላምና የመንፈስ እርካታ ግን ለሰው ከመኖርና ሰውን ከማገልገል ፣ ከማሳረፍ ውጪ እንዴትም ሊገኝ አይችልም ።

💪💯አዎ! ለአገልግሎት ለምታወጣው ወጪ ብዙ አትጨነቅ ፣ ሰውን ለመርዳት ፣ ፍላጎቱን ለማሟላት ፣ ውስጡን ለማሳረፍ ለምትከፍለው ነገር ብዙ አታስብ ፤ በትንሽ ነገር መቼም የማይተውህን ትልቅ ቤተሰብ እየገነባህ እንደሆነ ይሰማህ ።

💪💯አዎ! ትልቁን ስፍራ ከፈለክ አገልግል ፤ ከፍ ለማለት ዝቅ በል ፤ እግር ስር ውደቅ ፤ በቻልከው ለወገንህ ድረስ ፤ ስምህን በበጎነት ትከል ፤ አገልግሎትህን አስፋ ፤ ሰውን በቅንነት ያዝ ።

💪💯መቼም ገንዘብን አታሳድ በአገልግሎትህ በኩል እርሱ እንዲያሳድድህ አድርግ ። ሰውን ስታተርፍ ፣ ወዳጅን ስታፈራ ገንዘቡ ፣ ነብረቱ ፣ ዝናው ሁሉ በእጥፍ እንደሚትረፈረፍልህ አትጠራጠር ።
Always prioritize service and get other extra next.

💪💯ከምታገኘው ገንዘብ በላይ የአንዱ ደንበኛህ ደስታና እርካታ ይበልጥ ያሳስብህ ። ትንሽ ለሚመስሉ ነገር ግን ትልቁን ነገር የሚያጎናፅፉህን ነገሮች በፍፁም ችላ አትበላቸው ። ከሁሉም በላይ በምትኖርለት ህልም ወገንህን ፣ ህዝብህን ፣ አምሳያህን እንዴት እንደምታገለግል ደጋግመህ አስብ ።

💪💯አዎ! ጀግናዬ..! የሚያነሳህ የገንዘብ ጥማትህ ሳይሆን ፣ የሰው ጥማትህ ነው ፤ ከፍ የሚያደርግህ ፍቅረ ነዋይ ሳይሆን፣ የሰው ፍቅር ነው ፤ የሚያቀናህ የዝና ረሃብህ ሳይሆን የወገንህ ህመም ፣ ሰቆቃ እስከ አጥንትህ ሲገባ የሚሰማህ ጥልቅ ስሜት ነው ።

💪💯በእርግጥም ያሰብከውን ታገኛለህ ፣ ያለምከውም ይሳካል ፤ ነገር ግን ለገንዘብ ተገዝተህ ሳይሆን ገንዘብን በአገልግሎት ገዝተህ ህልምህን አሳካ ፤ ያሰብከውን ሙላ ፤ ለወገንህም ድረስለት ፣ እርሱንም አሳርፍ ።