Sagaleen barsiisotaa haa dhagahamuu

11/08/2024

Dhimma Barsiisaa irratti qaamni qoosu qaama biyya diiguuf deemaaru akka ta'e ragaa biroo hin barbaachisu;

↪️Ilaa mee isa har'a biyya Bulchaa jiru Gaafa kutaa 1ffaa barachuuf mana barnootaa deemtu waraana moo, kaadire moo, ogeessa fayyaati moo, banker tu Si simatee? si'ii jaamaa ija hin qabne duudaa gurra hin qabne ija banee dubbise? Barsiisaan...

↪️Qalbeeffadhu yaa namana
Har'a haalli hundi siif guutee Waan jiruuf ati dagachuu malta!
Barsiisaan dhagaa duudaa cabsee nama si taasise.
Ati dhagaa duudaadha boca har'a qabaattu kana kan Si qabsiise Barsiisaa dha.
Feetu doctor ta'i, feetu enginer ta'i, feetu paylate ta'i , yoo komishiniinera ta'i...
Osoo Barsiisaan hin jiru ta'ee Ati dhuguma dhagaa duudaadha.
↪️Barsiisaaf;
Manni viillaan hin maluu?
Konkolaataan v8 hin maluu?
Jireenyi gammachuu hin maluu?
Fuudhee Sanyii horuun hin maluu?
Mindaan gahaan hin maluu?
Tajaajila yaalaa bilisaa argachuun hin maluu...

↪️ Barsiisaan wareegama qaalii baddaa gammoojjii keessatti dararaa daangaa hin qabne,
Beela
Dheebuu
Qorra
Hoo'a
Lafa bishaan hin jirre
Lafa midhaan hin jirre
Gammoojjitti BofA fira godhatee
Baddatti qorraaf dhoqqee fira taasifatee
Biyya Utubee dhalootaaf aarsaa ta'aa jira.
Dhalootaaf dungoo ta'ee baqee Ofii baqee dhumata.

↪️Amma Kun hunduu hafee Barsiisaan keenya qaala'insa jireenyaatiin waxalamaa jira. Kun Osoo kanaan jiruu godinaalee gargaraa aanaalee hedduu keessatti barsiisonni komii hedduu kaasaa jiru fkn
Qarshii mindaa haala fedhii barsiisaa hin eegneen akka muramaa jiru kaasu kun dafee hin sirratu taanaan rakkoo dhufuuf eenyutu itti gaafatama?

↪️ Barsiisonni keenya mindaan keessan Sababa kamiinuu isinirraa akka hin cinne cimsaa falmadhaa.
Inumaa yoo ta'uu dide hanga mana murtiitti deemtanii mirga keessan kabachiisuu dandeessu!
↪️ Barsiisonni Carraa leenjii fi walgahii gargaraa argattan sodaa tokko malee gaafii mirgaa gaafadhaa fkn,
↪️Kan akka fooyya'iinsa mindaa
↪️Qaala'insa gabaa too'achuu
↪️Lafa mana jireenyaa akkaataa qajeelfamaan argachuu gaafadhaa nutis cimsinee hordofaa jirra.

Uumaan haa dubbatu Waan dhugaa Barsiisaa 🙏🏽
Share share gochuun Wal dhaqqabsiisaa .
Barsiisonni keenya tokko ta'aa tokko taanaan hunduu ni danda'ama.

02/06/2024

bara kanas carraa shakkii jala jiraachuun odeeffannoon dhagahamaa jira.

Waldaa Barsiisota Oromiyaati Yoo jiraattan Dhimma Barnoota Gannaa Qaamaa ilaallatu nuuf Gaafadhaa.

Ministeeerichi Bara Kanas Barnoonni Gannaa hin jiruu jedhaa jira.Gama tokkoon Mirga Barsiisaa Sarbaa gama tokkoon qulqullina barnootaa Faarsuun wol sobuu ta'a

Barsiisaan Qarshii isaa baasee waggaa shan baratee Qorannoo gochaa hojjetee xumuree Eebbaaf qophaa'e Karaatti hambisuun gaarii miti.
👉 Barsiisota Oromiyaa dhimma kana akka nuuf gaafattan isin yaadachiisuu barbaanna.

28/05/2024

Dubbii dhugaatti.

28/05/2024

28/05/2024

Namoonni qabeenyi kessan barnoota irratti akka oolu barbaaddan Mana kanaaf waan dandeettaniin gargaarraa.
Please invest on our school.

28/05/2024

Barsiisota
Ifaawwaan Addunyaati ❤
መምህራን !

የዓለም ብርሃን ❤

26/04/2024

*THE MATHEMATICS OF LIFE*

Life is full of Mathematics. *I find this to be Very interesting and meaningful message to share*:-

```
A = 1
B = 2
C = 3
D = 4;
E = 5
F = 6;
G = 7
H = 8;
I = 9
J = 10
K = 11
L = 12
M = 13
N = 14
O = 15
P = 16
Q = 17
R = 18
S = 19
T = 20
U = 21
V = 22
W = 23
X = 24
Y = 25
Z = 26.```

*THEN,*

```H+A+R+D+W+O+R+K
8+1+18+4+23+15+18+11
= 98%

K+N+O+W+L+E+D+G+E
11+14+15+23+12+5+4+7+5
= 96%

L+O+V+E
12+15+22+5
= 54%

L+U+C+K
12+21+3+11
= 47%

None of them makes 100%.

Then what makes 100%?

Is it Money?
NO!

M+O+N+E+Y
13+15+14+5+25```
= *72%*

E+D+U+C+A+T+I+O+N
5+4+21+3+1+20+9+15+14
= *92%*

Leadership?
NO!

L+E+A+D+E+R+S+H+I+P
12+5+1+4+5+18+19+8+9+16
= *97%*

Every problem has a solution, only if we perhaps change our

*ATTITUDE*...

*A+T+T+I+T+U+D+E* = 1+20+20+9+20+21+4+5 = *100%*

*It is therefore OUR ATTITUDE towards Life and Work that makes OUR Life 100% Successful.' ' '

_This LIFE mathematics is AMAZING_

*Let's* *change* *our* *Attitude* *of* *doing* *things* *in life* ✌️😊
Source Fb

11/12/2023

!
Guyyaa dugda kee cittee
Halkan dubbifta hin raftu
Miindaa ati argattummoo
Liqii irraa siif hin haftu!
========//=======
Coomaanis wal-hin beektu
Piizaas ta'e bargarii
Kaffaltii ati argattuuf
Dadhabbiin kee gargari!
=======//========
Akka namoota gariis
Tasa hin argattu durgoo
Kan ittin bittu hin qabdu
Ibsaan yoo bade dungoo!
=======//========
Lafa gurgurtee hin beektu
Sabbataaf galaan keessaa
Boquu kee gadi buuftee
Mana kiraayii teessa
=======//========
Utuu waan gaarii gootuu
Jiraachuuyyuu dadhabde
Dhugaa qabda barsiisa
Qaala'insat-si qabdee!

03/12/2023

👇👇👇👇👇✅✅✅

Ogummaan Barsiisummaa hangafaa fi bu'uura ogummaa hundaati. Akka dhunfaa kiyyaatti ogummaan kuni rakkoo tokkollee hin qabu. Akka biyya keenyatti xiyyeeffannoon barnootaaf kennamuu xiqqaa ta'uu irraa kan ka'ee, barsiisonni jireenya rakkisaa fi gadii bu'aa jiraachuun beekkamaadha. Kuni immoo waa lamaan sirrachuu danda’a. Tokkoffaa Mootummaan xiyyeeffannoo barnootaaf akka kennuu dhiibbaa taasisuun yoo ta’u inni lammaffaa callistee ta'uu osoo hin taane, barattee ogummaa fi jireenya Barsiisummaa gadii bu'aa kana ofirraa jijjiiruu ni dandeessu.

Wanti yaanni Kun barraa'eef👉beeksisa Barsiisummaa dhiheenyaa baafamee irratti barsiisota gufuu ta'an argeeti. Waa lamaaf ijoolleen keenya dhiheenyaa qabxiin kutaa 12 tti jalaa hir’ate beeksisa kana akka dorgoman naan jajjabeessa. Tokkoffaa ijoollee kana keessa namni dhaloota qaree kumaataman oomishuu danda’u baayyeen akka jiru hedduudha. Inni lammaffaa ijoolleen qotee bulaa fi ilmaan hiyyeessaa baay’een sababaa qabxiin kutaa 12 kuni jalaa hirachuutiin waan godhan dhabanii jeequmsa sammuu keessummeessa jiran hedduudha. Namoonni akkanaa kuni carraa kanatti yoo fayyadaman boruu baratanii jijjiramuun bakka yaada isaanii gahuu danda’u.

Nuti barsiisonni jireenya ofii keenya jiraachaa jirruun namoota ogummaa kana seenuu barbaadan sodaachisuuf carraaquu hin qabnu. Ijoolleen har'a Barsiisummaa dorgoman kunniin boru hayyoota biyyattiin ni qabna jettee himattu keessaa tokko ta'uu danda’u. "Namni carraa qabeessi garaa qurxummii keessaa bahee jiraata" jedhama. Kanaafuu carraa kanatti fayyadamun ogummaa barsiisummaa dorgomaa. Barsiisonni immoo akka dorgommiin kuni jala hin dabarree ijoolleen haa dorgomtuu irratti jajjabeessa, yoo sana dadhabdan immoo jireenya dhuunfaa keessaniin sodaachisuu irraa of qusadhaa.

10/10/2023

Birhaanuun Maal Balleesse?
=======================

Ani barsiisaadha. Seektara Barnootaa keessa waggoota kudhanii oliif tureera. Waggoota ja'a MB Sad. 2ffaa Barsiise. Waggoota afur MB Sad. 2ffaa adda addaa Lama 'ummaan Hooggane. Waggoota sadi qormaata qore. Waggoota sadi 'ummaan qorsiiseera. Turtii kana keessatti wantin hubadhe, barnoonnifi barattoonni kan kufan amma miti.

-Gaafa Mootummaan qulqullina dhiisee, waliin gahiinsa irratti xiyyeeffateedha.

-Gaafa Naannoofi Godinni "Baay'inaa malee, qulqullina booda itti deebina" jedhee hojjachaa tureedha.

-Gaafa Aanaan "Barsiisaan qabxii barattootaa fooyyessuu qaba, dabaluufi qaba, barataan kamuu kufuu hinqabu" jechuun Qindeessaa cinqaa ture sanaadha.

-Gaafa barsiisaan dirqamee, qabxii dabalee barataa hunda kutaa gara kutaa dabarsaa ture sana.
_Gaafa barataa hanga ji'a 3ffaatti dura bu'aan dirqiin otoo barsiisonni lolan haagalmaayuu jedhan fa'a.
-Gaafa Qindeessaan barataa dabarsuuf, qarshii funaanee, sangaa bitee qalee, barataafi barsiisaa cimaa qormaata hojjachuu danda'u maallaqaan bituun barattootaaf qormaata hojjisiisan sana.

-Gaafa ragaan barnootaa sobaa gabaarratti afamee gurguramuun, barnoota qo'achuun akka gowwummaatti ilaalamaa ture sanaadha.

-Gaafa Qindeessaan qormaata hatee barattoota hindabarsine "Diinaa" jedhamee farrajamaa ture sana.

-Gaafa "barsiisaan tokko waytii barnootaa 30-40 baachuu danda'a" jedhame san ni yaadattuu? Gaafa daree tokko keessa barattootni 140 taa'anii barachaa turan sana hoo? Kufaatiin kan jalqabe gaafa sana.

Eeyyen gaafa sana. Har'a Birhaanuun maal godha? Dubbiin waggoota 20 har'aa dura baduu jalqabe.
Biraanuun hari'a wamaa hin goone. Kun yaada kooti.
Kan feete mormuu ykn deegaruus ni dandeessa.

02/10/2023

Labsiin barnoota eegala jedhu darbee ture
=========================================
Yeroo ammaa kana imaammatni barnootaa biyya keenyaa jijjiiramuu isaan wal qabatee barnoonni kitaaba haaraa irraa kan barsiifamu ta'uun isaa eenyuufille hubatamaadha.garuu qabatamni jiru maal?
Egaa,yeroo ammaa kana kufaatiin barattootaa dachaan dabalaa jiraachuun isaa ifaadha.keessumattuu qormaata naannoo kutaa 8ffaa yoo fudhanne agarsiiftuu guddaa dha.ministeerri barnootaa sodaa irraa kan ka'e hamma yoonaa baay'ina barattoota kutaa 9ffaatti darbanii ibsuurraa of qusateera.
Taatee kufaatii kanaaf sababni maal?ga'uumsa barsiisaa jarri baantu moo waan biraati?
Akka walii galaatti rakkoolee hudhaa qulqullina barnootaa manneen barnootaa qoraa jiran keessaa ijoon
1.dhabamuu kitaabilee barnootaati.
Mootummaan kaarikulamii barnootaa jijjiire malee kitaaba hin maxxansine.manneen barnootaa galii keessoo hin qabne waan kitaaba ittiin baay'ifatan waan hin qabneef,rakkoo guddaa keessa jiru.
2.sirna moofaa fi haaraa wal duukaa barsiisuu
Manneen barnootaa kitaabni hin qaqqabne mana barumsaa cufuurra kitaaba moofaarraa barsiisaa jira.barataan kitaaba moofaarraa barate qormaata kitaaba haaraa irraa bahe akkamiin hojjatee milkaaha?
3.burjaajjii soft copy
Deebiin yeroo gara yerootti hooggansa barnootaarraa barsiisaaf kennamaa jiru kitaabni soft copy dhaan telegram irra jiraa,buufadhaa itti fayyadamaa isa jedhuudha.garuu economically barsiisaan hundi bilbila smart horachuuf hangam of danda'aadha kan jedhu hin yaadamne.
Kanaafuu qabama naannoo tokkoo qofa ilaalcha keessa galchanii waan yaadne galmaan geenyeerra jedha of mul'isuu caalaa gad buunee naannoo barnoonni itti kennamu kamuu qorannee tarkaanfii sirreeffamaa fudhachuun dhaloota kufaatii jalaa baraaruun murteessaa dha.