Ligallo de Fablans de l'Aragonés

14/09/2026

22 setiembre. Tornan as "Trobadas... con" escritors en aragonés. Veniz-tos-ne a sentir y goyar a nuestra luenga, ista vegata con Ana Giménez Betrán y o suyo libro "Entreautos" Gara d'Edizions

07/09/2026

Ya sabemos que no es temporada de borraja🥬, pero no aguantamos las ganas de recordaros que ya falta menos para comenzar este nuevo curso.

Si no te quieres quedar triste como esta borraja, ¡No tardes en apuntarte!

Nos vemos dentro :)

02/09/2026

¡Ubrimos las plazas pa lo curso 26-27 en o Ligallo!
🐲Viene-te-ne a aprender la luenga aragonesa e a goyar en buena companyía.
→ Sinse limite d'edat dende os más chovens dica os más adultos.
→ Horarios flexibles
☀️ Amás iste curso trayemos novedaz! Cada mes desenrollaremos esferents actividaz conectadas con a nuestra cultura: dances, chuegos tradicionals…
¡Apunta-te-ie!

10/08/2026

ECLIX D’O SOL 12 AGOSTO 2026

Quiestas y quiestos fablants, debant d'as muestras de curiosidat que hemos reculliu, hemos procediu a resumir o tema d'o eclix total de sol (per la luna) que imos a tener o venient 12 agosto 2026. Mos fa duelo, pero no se veyerá guaire bien dende Uesca u dende o Pireneu. A millor faixa pa veyer-lo ye a de Ariza-Calamocha-Montalbán, an la ocultación total durará 1 menuto y 43 segundos. En a faixa de Tarazona-Zaragoza-Alcanyiz u en a de Teruel, a ocultación total durará 1 menuto. Si no ye nublo, l'horario pa i veyer-lo prencipiará a las 19:34 horas (hora peninsular), con o maximo d'ocultación arredol d'as 20:29-20:30 horas. Ah, no t’ixuplides de fer servir lunetas especials e prou que sí, homologatas.

22/07/2026

VIDEO RESUMEN PREMIOS ARREDOL 2026

Ligalllo de Fablans de l’Aragonés e Fundación Aragonum fan entrega d’es Premios Arredol 2026 a La Orquestina del Fabirol, Vitoria Rivero, José Luis Mendoza e Ánchel Cortés.

Ligalllo de Fablans de l’Aragonés e Fundación Aragonum han celebrau a entrega d’es Premios Arredol 2026, uns galardons que reconoixen la labor de personas e entidaz compromesas con a esfensa, promoción e difusión d’a luenga e la cultura aragonesa.
En ista edición, lo premio t’a proyección social en reconoiximiento t’a esfensa e difusión de l’aragonés, ye recaito en La Orquestina del Fabirol, coincidindo con o 40 aniversario d’a creyación d’ista colla, una d’as formacions más importants d’a mosica tradicional aragonesa. Dende la suya creyación en 1986, la banda ha desembolicau una intensa labor de recuperación, investigación e difusión d’o patrimonio mosical d’Aragón, convertindo-se en una referencia imprescindible ta cuantas cheneracions. Lo suyo compromiso con a cultura popular e con a luenga aragonesa ha contribuito d’una traza decisiva a mantener vivas las nuestras tradicions e amanar-las ta nuevos publicos. Tamién ye important mencionar que La Orquestina ya estió reconoixida por Ligallo de Fablans en os Premios Arredol otorgaus por l’asociación en o ya leixano anyo de 1997. Trenta anyos dimpués, lo grupo de mosica aragonesa contina terne que terne.
Por atro costau, entre es reconoiximientos a lo compromiso u trayectoria asociativa en Fablans, son estaus otorgaus ta Vitoria Rivero e José Luis Mendoza, de conchunta, por a suya dedicación constant e desintresada a lo Ligallo de Fablans de l’Aragonés. Es dos, han feito durant anyos una labor voluntaria fundamental, más que más meyant la organización d’a Tronca de Nadal e la Botiga, actividaz especialment emblematicas e quiestas en l’asociación, amás de colaborar perén en atras iniciativas culturals. Hoc encara, lo segundo reconoiximiento asociativo d’es Premios Arredol 2026 ha distinguiu a Ánchel Cortés, por o suyo compromiso con a difusión d’a realidat lingüistica e cultural aragonesa dende es meyos de comunicación, ha contribuito a dar visibilidat a proyectos, iniciativas e entidaz que treballan por o futuro de l’aragonés.
Es Premios Arredol miran de reconoixer o esfuerzo colectivo, a ormino voluntario e poco visible, de qui contribuye a mantener viva la luenga aragonesa e a fortaleixer o teixiu cultural d’o nuestro país.
Porque sinse personas e colectivos como La Orquestina del Fabirol, Vitoria Rivero, José Luis Mendoza e Ánchel Cortés, lo camin recorriu por a luenga aragonesa durant las zagueras decadas estaría estau muitismo más difícil.
Gracias por tot

Ligalllo de Fablans de l’Aragonés e Fundación Aragonum fan entrega...

10/07/2026

Trobadas con... Félix A. Rivas y o suyo libro "Entre nusatras", de Gara d'Edizions o 22 de chulio a las 19:00 en a sala Ordesa d'a Caja Rural de Aragón (entrada per carrera 4 de Agosto, Zaragoza). Tos i asperam

06/07/2026

Ya ye disponible o numero 23 d'a nuestra revista Orache! En iste numero trobamos articlos an se charra d'a Orquestina de Fabirol, intelichencia artificial y paixarelas, entre atras... Pilla-te a revista en a nuestra siede en o Centro Comercial Independencia, de baldes pa socios y a 3€ pa no socios.

03/07/2026

O pasau 30 de chunio, en a Fundación Caja Rural d’Aragón, teniemos Trobadas con… Gara d’Edizions. Lizer Fleta y Chusé Aragüés facioron a presentación de “Greetings from Berlin. Heliopausa”, un libro campanudo de Sergio Mur pa leyer ta l’estiu, en a placha u en a montanya. Salón pleno de chent y muita curiosidat per o divertiu charrazo entre l’autor, Sergio Mur, y Juan Carlos Marco (autor de “Sobre tot no tomar mal. Historias sin solta ni volta”). Lo pasemos de pistón. Muitas gracias a Chusé, Juan Carlos y Sergio, y a toz e totas que i asistiez.

24/06/2026

e Gara d'Edizions se complacen en convidar-tos a la presentación d'o libro "Greetings from Berlin. Heliopausa", de Sergio Mur. L'acto tendrá lugar o proximo martes 30 de chunio a las 19:00 en o sala Ordesa d'a Caja Rural de Aragón (dentrada por carrera 4 d'agosto, Zaragoza). La presentación se fará a cargo de l'escritor en aragonés Juan Carlos Marco; de l'editor de Gara d'Edizions, Chusé Aragüés; y d'o suyo autor, Sergio Mur. Tos i asperam

22/06/2026

LIGALLO DE FABLANS DE L'ARAGONÉS E FUNDACIÓN ARAGONUM FAN ENTREGA D'ES PREMIOS ARREDOL 2026 A LA ORQUESTINA DEL FABIROL, VITORIA RIVERO, JOSÉ LUIS MENDOZA E ÁNCHEL CORTÉS

Ligalllo de Fablans de l’Aragonés e Fundación Aragonum han celebrau a entrega d’es Premios Arredol 2026, uns galardons que reconoixen la labor de personas e entidaz compromesas con a esfensa, promoción e difusión d’a luenga e la cultura aragonesa.
En ista edición, lo premio t’a proyección social en reconoiximiento t’a esfensa e difusión de l’aragonés, ye recaito en La Orquestina del Fabirol, coincidindo con o 40 aniversario d’a creyación d’ista colla, una d’as formacions más importants d’a mosica tradicional aragonesa. Dende la suya creyación en 1986, la banda ha desembolicau una intensa labor de recuperación, investigación e difusión d’o patrimonio mosical d’Aragón, convertindo-se en una referencia imprescindible ta cuantas cheneracions. Lo suyo compromiso con a cultura popular e con a luenga aragonesa ha contribuito d’una traza decisiva a mantener vivas las nuestras tradicions e amanar-las ta nuevos publicos. Tamién ye important mencionar que La Orquestina ya estió reconoixida por Ligallo de Fablans en os Premios Arredol otorgaus por l’asociación en o ya leixano anyo de 1997. Trenta anyos dimpués, lo grupo de mosica aragonesa contina terne que terne.
Por atro costau, entre es reconoiximientos a lo compromiso u trayectoria asociativa en Fablans, son estaus otorgaus ta Vitoria Rivero e José Luis Mendoza, de conchunta, por a suya dedicación constant e desintresada a lo Ligallo de Fablans de l’Aragonés. Es dos, han feito durant anyos una labor voluntaria fundamental, más que más meyant la organización d’a Tronca de Nadal e la Botiga, actividaz especialment emblematicas e quiestas en l’asociación, amás de colaborar perén en atras iniciativas culturals. Hoc encara, lo segundo reconoiximiento asociativo d’es Premios Arredol 2026 ha distinguiu a Ánchel Cortés, por o suyo compromiso con a difusión d’a realidat lingüistica e cultural aragonesa dende es meyos de comunicación, ha contribuito a dar visibilidat a proyectos, iniciativas e entidaz que treballan por o futuro de l’aragonés.
Es Premios Arredol miran de reconoixer o esfuerzo colectivo, a ormino voluntario e poco visible, de qui contribuye a mantener viva la luenga aragonesa e a fortaleixer o teixiu cultural d’o nuestro país.
Porque sinse personas e colectivos como La Orquestina del Fabirol, Vitoria Rivero, José Luis Mendoza e Ánchel Cortés, lo camin recorriu por a luenga aragonesa durant las zagueras decadas estaría estau muitismo más difícil.
Gracias por tot
---
Foto: de cucha a dreita, Guillén Forcada (President de Fundación Aragonum), Ánchel Cortés, José Luis Mendoza y Vitoria Rivero, Elena Requejo y Roberto Serrano (Orquestina del Fabirol), Fernando Lampre (Director de Fundación Aragonum) y Lizer Fleta (President de Ligallo de Fablans de l’Aragonés)