Facultade de Bioloxia - Universidade de Vigo

🎓 O pasado venres celebramos o acto de graduación do Grao en Bioloxía, unha xornada moi especial para despedir unha etapa chea de aprendizaxes, esforzo e experiencias compartidas.

O acto contou coa participación de Manuel Martínez, vicerreitor de Investigación; Mercedes Gallardo, decana da Facultade de Bioloxía; José A. Fernández Bouza, decano do COBGA; e Castor Muñoz e Lara Areal Hermida, padriño e madriña da promoción, que dedicaron unhas palabras de felicitación, ánimo e inspiración ás persoas graduadas para esta nova etapa que agora comezan 🎉

Queremos dar os nosos parabéns a toda a promoción e desexarvos moito éxito nos retos profesionais e persoais que están por vir.

💚 Moita sorte nesta nova etapa e... ata sempre, esta sempre será a vosa casa!

Universidade de Vigo

As escamas da pitón bola (Python regius) agochan unha sorprendente defensa microbiolóxica 🐍

Un estudo recente demostra que as microestruturas en forma de espiñas das súas escamas dificultan a acumulación de bacterias e a formación de biofilmes, reducindo a súa adhesión ata nun 88 %.

Este mecanismo podería deberse a que estas estruturas limitan o contacto das bacterias coa superficie ou mesmo danan as súas células.

Este descubrimento abre a porta ao deseño de novos materiais antimicrobianos inspirados na natureza que poderían complementar o uso de antibióticos 🧪

👉 E ti, coñecías este tipo de defensas na natureza?

🔗 Podes ler o artigo completo en:
https://www.science.org/content/article/microscopic-spikes-snakeskin-block-bacterial-buildup
doi: 10.1126/science.z2325c5