Escola de Enxeñería Industrial da Universidade de Vigo

Non queremos despedir o curso sen agradecer o gran traballo de toda a comunidade que forma parte da EEI.

Grazas de corazón:
• Ás familias, por confiarnos a formación do seu ben máis prezado.
• Ao alumnado (desde os que empezan ata os que están co TFG/TFM), polo seu futuro cheo de ilusión.
• Aos alumni, por seren os mellores embaixadores do noso bo facer.
• Ao PDI e PTXAS, pola súa total implicación para facer desta etapa unha viaxe inesquecible.
• Ás empresas, por apostaren polo talento da nosa Escola.

A toda a xente que confía na nosa Escola, grazas polo seu Entusiasmo, polo seu Esforzo e pola súa grande Implicación.
A EEI son máis que as siglas da Escola, da Enxeñería, son tamén as siglas que recollen os mellores desexos para unha máis que merecida etapa de descanso. Por iso, queremos que nestas datas poidas Evadirte e facer a escapada que tanto estabas esperando, que sexa un período de Entretemento no que poidas pasar ratos agradables e, sobre todo, que sigas mantendo unha gran Ilusión para os novos retos.

O mellor está por descubrir... e queremos facelo ao voso lado! 💙

🎓 Unha cita histórica da Enxeñería en estado puro

Hai 50 anos, coa creación da ETSEI, comezaba unha historia que transformou a vida de miles de enxeñeiras e enxeñeiros industriais.

O próximo 20 de outubro de 2026 cúmprese o 50 aniversario do inicio dos estudos de Enxeñaría Industrial e queremos celebrar este fito cunha gran xornada conmemorativa no Auditorio Mar de Vigo.

Para celebrar este medio século de traxectoria, a EEI está a organizar unha xornada conmemorativa no Auditorio Mar de Vigo concibida como un punto de encontro entre a nosa historia, a xente que a fixo posible, o tecido empresarial e os retos do futuro.

Pódese pedir máis? … que non faltes a esta gran cita, tamén es protagonista.

📌 Programa da xornada:

🔹 Mesa redonda: «A enxeñaría industrial: onte e hoxe» Con representantes de compañías referentes como Stellantis Vigo, Estrella Galicia e Repsol, entre outras, para analizar a evolución e o impacto da profesión no tecido industrial.

🔹 Mesa redonda: «A enxeñaría industrial con IA» A cargo de consultoras e empresas líderes en dixitalización e innovación tecnolóxica, para reflexionar sobre o impacto da intelixencia artificial no sector.

🤝 Espazo de Networking: Ao remate, contaremos cun espazo de reencontro no vestíbulo do Auditorio para antigo alumnado, profesorado, persoal da Escola e profesionais do sector. Unha oportunidade perfecta para reencontrarse, compartir experiencias e reforzar vínculos.

⚠️ Lembranza importante: As prazas son limitadas e a inscrición previa é obrigatoria.

👇 Reserva a túa praza no formulario: https://forms.cloud.microsoft/Pages/ResponsePage.aspx?id=gF-EVtYEjEKYqTRT7f-KHmstPfontSBIvRIGgJH07zhUMkRSVUtFNUtQSTA4RDdUNjgxNE5ESzdMMy4u

Tras os primeiros períodos de matrícula para o curso 2026/2027, as titulacións da Escola volven certificar unha excelente acollida e sitúanse entre as máis demandadas da nosa Comunidade.
Un éxito que confirma a sólida posición da Escola como centro de formación técnica e industrial de referencia e que nos enche de orgullo, pero que tamén constitúe un reto...

Máis alá dos bos números, este resultado reflicte algo moito máis importante: o esforzo colectivo e a confianza de toda unha comunidade nun proxecto que ten o foco na procura da excelencia.

💙 GRAZAS ás familias e ao novo alumnado por elixirnos para construír o voso futuro. Grazas por volver apostar pola EEI como o ‘fogar’ da vosa formación, tentaremos que a vosa estancia, o voso paso pola Escola, sexa unha aventura fascinante e inesquecible!

Esta confianza reforza o compromiso da EEI cunha docencia rigorosa, en directa sintonía coas necesidades do tecido produtivo e orientada a dar resposta aos grandes retos tecnolóxicos e sociais.

Traballamos día a día para estar á altura dos vosos soños e retos... Boa sorte e a por todas! 🚀

Un dos maiores fitos da humanidade é a invención da roda. Sinxela, revolucionaria e transformadora ✨

Pero na alta competición, como tamén no ámbito industrial e empresarial, non abonda con ter rodas: cómpre escoller o composto axeitado para garantir unha boa adherencia e avanzar con firmeza en calquera terreo 🧲➡️🌍

No sector industrial, un dos referentes máis consolidados da mellora continua é a roda das 5S da filosofía xaponesa, amplamente utilizada para optimizar procesos e os contornos de traballo 📈🧰

Se pasaches polas nosas aulas, seguro que este concepto che resulta familiar e que aplicaches os seus principios en máis dunha ocasión ✅📚

Pero na EEI a mellora continua forma parte do noso ADN. Por iso, para dar resposta ás novas necesidades do mundo real, definimos os seis compoñentes que conforman o noso propio composto formativo: a roda das 6S da EEI ⚙️

Con estes seis compoñentes deseñamos e actualizamos de maneira constante toda a nosa oferta formativa:

🎓 Saber: coñecemento rigoroso, esixente e sempre actualizado.
🛡️ Seguridade: solucións validadas e estables que minimizan o risco.
🌱 Sustentabilidade: eficiencia e uso racional dos recursos con visión de futuro.
💼 Solvencia: capacidade de adaptación profesional ante calquera escenario complexo.
🌍 Social: tecnoloxía e innovación con impacto real na sociedade.
💪 Superación: a resiliencia necesaria para liderar o cambio e superar obstáculos.

Porque formar profesionais da enxeñería non consiste en reinventar a roda. Consiste en proporcionar o mellor composto para afrontar con garantías os retos do futuro 🏁

👉 Descubre a nosa oferta formativa e todo che irá sobre rodas:

https://eei.uvigo.es/gl/estudos/oferta-formativa/

O talento da nosa escola volve brillar! Queremos dar os parabéns ao noso compañeiro, profesor e investigador Diego Carou e ao seu grupo 👏, quen acadaron o segundo premio na categoría Maker na prestixiosa Maker Faire Galicia co proxecto "Enxeñería en 3D" 🏆.

Este recoñecemento ten moito mérito, xa que é outorgado mediante votación do público asistente durante a xornada 🗳️👥

En días pasados tivemos a ocasión de compartir no vestíbulo da Sede Campus uns intres moi especiais, tamén emotivos, nos que os membros do equipo que estiveron na feira compartiron o premio obtido connosco.

Este certame, que se celebrou en 📍Santiago de Compostela, é a feira de innovación, tecnoloxía e cultura Maker máis importante do sur de Europa 🌍💡. Un recoñecemento deste nivel pon en valor o liderado da nosa escola en áreas clave como a enxeñaría de fabricación, o deseño e as contornas produtivas dixitalizadas 💻⚙️🏭

Parabéns, Diego, por levar o talento e a investigación da EEI á vangarda da fabricación dixital! 🎉🤖

O pasado 8 de xullo recibimos na Sede Campus ao alumnado de 1º curso do Grao en Enxeñería Mecánica do Centro Universitario da Defensa (CUD) da Escola Naval Militar de Marín (ENM), centro adscrito á Universidade de Vigo 😃

Esta visita, que xa é todo un clásico dentro das actividades desenvolvidas polo CUD, permítenos compartir algúns dos proxectos nos que se está a traballar na Escola 🚀🚗⛵. A visita é unha oportunidade fantástica para que o alumnado coñeza diversas instalacións e equipamentos da Escola nos que se desenvolven estes proxectos 🧐 e para ver algunhas das súas aplicacións prácticas.

Tamén é unha grande oportunidade para compartir inquedanzas co alumnado do CUD e coñecer aqueles ámbitos nos que traballan, e que están á vangarda, nos que se poderían aplicar estes proxectos. 💪🛡️

Guiados pola nosa subdirectora Xanel Vecino, a visita fixo escala nos laboratorios de Materiais, Motores, Fluídos, Automatización e Robótica Industrial, e rematou coa visita ao Laboratorio de Enxeñería dos Procesos de Fabricación.

Unha xornada para pór en valor a importancia da formación universitaria na carreira militar: a mellor maneira de construír un mundo mellor e máis seguro. Estamos en boas mans! 🌍✨

I Edición dos Premios Beatrice Hicks CINTECX-EEI 🏆

Hai cousas que moven paixóns, pero a investigación é o motor do noso progreso. Esta é unha ‘final’ na que gaña todo o mundo. ⚽
Ampliamos o prazo! ⏱️ Estes galardóns inspíranse na enxeñeira química estadounidense Beatrice Hicks, primeira presidenta da Sociedade de Mulleres Enxeñeiras, e queren visibilizar o papel da investigación e a innovación no ámbito tecnolóxico industrial 🔬💡 a través dos seguintes obxectivos:

✅ Fomentar a cultura científica e tecnolóxica.
✅ Promover vocacións científicas e tecnolóxicas na sociedade.
✅ Poñer en valor a contribución de figuras que abriron camiño neste campo.

🎖️ Galardóns: A convocatoria consta de tres categorías:

👨‍🎓 Alumnado de grao e máster
🧑‍🔬 Persoal predoutoral
👩‍🏫 Persoal postdoutoral

📅 Inscricións: Non deixes que o reloxo corra! As persoas interesadas poderán presentar a súa candidatura na prórroga ata o 15 de xullo de 2026.

🔗 Xoga o teu partido! Atoparás toda a información e as bases dos premios na seguinte ligazónhttps://cintecx.uvigo.es/wp-content/uploads/2026/06/Premios_Beatrice_Hicks_BASES.pdf

No mes de febreiro, un grave incendio asolou o seu taller e destruíu gran parte das súas instalacións. Moitos pensarían que sería o final da tempada. Pero o ADN das nosas asociacións está feito doutra pasta.

O pasado venres, o equipo de UVigo Motorsport deixounos coa boca aberta na presentación do novo UM26 🤯 nun salón de actos da Sede Campus cheo de xente que non quixo perder ese gran momento. Non só se sobrepuxeron á adversidade; volveron máis fortes con:

• ⚖️ Un deseño moito máis lixeiro.
• ⚙️ Novo motor adaptado.
• 💨 Sistemas de propulsión e aerodinámica totalmente renovados.

Unha demostración absoluta de traballo, talento e unha capacidade de superación que nos enche de orgullo. Son o claro exemplo do motor que move á nosa Escola.

🌍 A Fórmula Student Europa: Este verán, como único equipo galego na competición, levarán o noso nome aos circuítos de Austria 🇦🇹 (xullo) e España 🇪🇸 (agosto). Sabemos que ides voar tan alto como co histórico UM23 (ou máis!).

Detrás deste coche hai horas de sono sacrificadas, moita paixón e unha ilusión indestructible.

🙌 Moito ánimo, equipo. A por todas! 🏁
👇 Deixa a túa mensaxe de apoio á escudaría nos comentarios!

Desde a Escola queremos axudarche para que teñas un verán tranquilo e que o inicio do curso non veña con sorpresas...
🔹Es estudante de novo ingreso?

Se elixiches a Escola para formarte e prepararte para o futuro, grazas pola túa confianza! O noso compromiso é que esta etapa sexa fascinante.

Xa están dispoñibles na web da Escola as instrucións para realizar a matrícula para o alumnado de novo ingreso – primeira matrícula – nos graos, Programas de Simultaneidade (PS) e Programas Académicos con Percorridos Sucesivos (PARS).

https://eei.uvigo.es/gl/alumnado/planificacion-academica/instruccions-para-seleccionar-grupo/

🔹 Xa es estudante e tes que elixir materias optativas? Queremos axudarche para que sigas con paso firme

⚠️ Atención! debido ao número limitado de prazas dispoñibles, o alumnado que desexe matricularse nas materias optativas xerais impartidas no centro deberá realizar previamente unha solicitude de preinscrición antes da apertura do prazo ordinario de matrícula nos estudos de grao.

https://eei.uvigo.es/wp-content/uploads/2026/07/Preinscricion-practicas-optativas.pdf

🔹Estás pensando en cursar un dos másteres que se imparten na Escola?

Coñece toda a nosa oferta e ten en conta as datas para a facer a preinscrición e os requisitos que necesitas cumprir para optar a unha das prazas ofertadas.

https://eei.uvigo.es/gl/estudos/mestrados/

📌 Consello: Mantente atento á nosa páxina web e redes sociais para non perder ningunha novidade que sexa do teu interese.

Moito ánimo e que esta etapa na Escola sexa moi exitosa!