O CRA MESTRA CLARA TORRES é un centro diferente en canto ao tipo de aulas. As aulas están dispersas polas diferentes parroquias do concello o que fai que o alumnado estea sempre en contacto co contorno natural, social e cultural que está a carón do seu domicilio. As aulas actuales están nas seguintes parroquias:
PEXEGUEIRO, AREAS, RIBADELOURO, GUILLAREI, BALDRÁNS. Tamén estiveron en Maivas, Calde
las, Paramos e Ponte Internacional
Ademáis temos pouco alumnado por aula o que posibilita unha atención individualizada aos diferentes ritmos, estilos de aprendizaxe, intereses, capacidades e motivacións do alumno/a. As familias teñen un papel protagonista na educación dos seus fillos polo que deseñamos actividades colaborativas nas aulas coa participación de mamás, papás, avoas, avós,...
Contamos con mestras ou mestres de apoio para o alumnado que máis o precisa que van itinerando polas diferentes aulas. Temos tamén mestra de AUDICIÓN E LINGUAXE e de PEDAGOXÍA TERAPÉUTICA para alumnado con dislalias, retrasos madurativos, trastornos do desenvolvemento, dificultades de aprendizaxe, etc. O noso alumnado recibe clases de INGLÉS, MÚSICA, PSICOMOTRICIDADE e RELIXIÓN CATÓLICA OU VALORES SOCIAIS E CÍVICOS. No mes de maio-xuño realizamos unhas sesións de adaptación co alumnado de novo ingreso á hora do recreo. Contamos con actividades extraescolares que están xestionadas pola ANPA. A ANPA do centro, ANPA TIDE, colabora e subvenciona diferentes actividades complementarias para o alumnado socio. Agora solo resta que vos animedes a matricular aos vosos fillos e fillas neste centro tan especial.
