Seminario Menor Tui

Casa
España
Túy
Seminario Menor Tui

Centro privado de enseñanza Seminario Menor Diocesano San Pelayo

13/01/2026

Today, we had a wonderful day!!
Hoxe foi un día de saída cultural. A primeira hora collemos o autobús cara a Vigo para aisistir á obra teatral The European Odyssey, unha experiencia colaborativa en inglés que nos fixo viaxar por Europa a través das artes escénicas.
Ademais, dous dos nosos estudantes tiveron a valentía de subir ao escenario como voluntarios... e fixérono xenial! Estamos moi orgullosos do seu esforzo, participación e actitude!
Para rematar a saída, achegámonos á boleira para compartir un momento máis lúdico e fomentar a convivencia e a diversión entre compañeiros porque, como din os nosos rapaces, non todo vai ser estudar!
Un día cheo de aprendizaxe, cultura e risas!!

24/12/2025

Toda a familia do Seminario Menor de Tui deséxamosvos un Bo Nadal e unhas felices Festas cheas de Paz, Amor e Esperanza.

24/12/2025

Rematamos o primeiro trimestre e como xa é tradición alumnos, profes e formadores acudimos á celebración da Eucaristía na capela do Convento das Clarisas. Logo, por suposto, aproveitamos para ir ata a Catedral e admirar a exposición de nacementos, e na nosa ruta tampouco faltou pasar polo belén de Mingos, na oficina de turismo. Logo, xa de volta, bendición e reparto de nenos Xesús para alumnos e profes. Damos comezo ás vacacións de Nadal!

10/12/2025

Achégase o Nadal e nótase, no Semi tamén comezan a aparecer sinais ☺️
Os espazos énchense de cor e no taboleiro do Ilustres temos a Xesús de Nazaret.
Os alumnos participan decorando e montando o Belén (que tamén ten construccións feitas por eles mesmos nas clases de Plástica).😍

30/11/2025

Este venres, aproveitando a celebración do 800 aniversario da Catedral, fixemos unha visita na que o noso profe D. Luis explicounos detalles da súa arquitectura e historia e D. Daniel Goberna fíxonos unha demostración didáctica sobre o funcionamento do órgano e contounos algunas curiosidades sobre este instrumento musical tan impresionante. Moitas grazas aos dous!!!🤗

26/11/2025

O Seminario Menor de Tui, Presente no Acto Central do 25N

O Seminario Menor de Tui participou activamente o pasado martes, 25 de novembro, no acto central conmemorativo do Día Internacional para a Eliminación da Violencia contra as Mulleres, organizado polo Concello de Tui baixo o lema “O noso corpo, campo de batalla”.
Os nosos alumnos Erik e Xián tiveron a honra de ler o manifesto en nome de toda a comunidade do Seminario Menor de Tui, transmitindo o implicación do centro coa igualdade e o respecto.

Coa nosa participación, o Seminario Menor de Tui reitera o seu compromiso inquebrantable coa erradicación de todas as formas de violencia contra as mulleres e únese ao chamamento de conciencia social.

24/11/2025

Despois de ter que adialo en dúas ocasións por mor da choiva, por fin este venres puidemos desfrutar do tradicional magosto do Semi. Foi unha xornada de deporte, música e como non, moitas castañas!
Convivencia, deportividade e tradición nesta xornada que nos deixaron con ganas de repetir pronto.

18/11/2025

Xa está exposto o Taboleiro de Ilustres.

Este mes dedicámolo a Gloria Fuertes, unha das voces máis singulares e entrañables da literatura española do século XX.

Recoñecida pola súa poesía directa, sincera e chea de humor, Gloria Fuertes destacou tanto na literatura infantil como na poesía para adultos, sempre cunha mensaxe de igualdade, paz e amor pola vida. A súa obra rompeu moldes e achegou a poesía a todas as persoas, sen importar idade nin condición.

No noso taboleiro de Ilustres atoparedes información detallada sobre os seus logros máis destacados, imaxes que recollen momentos clave da súa traxectoria e versos que amosan a súa visión do mundo, marcada pola sensibilidade e a defensa da xustiza social.

Convidamos a toda a comunidade educativa a descubrir máis sobre esta autora extraordinaria, cuxa voz segue viva e necesaria. Que o exemplo de Gloria Fuertes nos anime a valorar a forza da palabra e a importancia de cultivar a creatividade e a empatía.

29/10/2025

Actividade de convivencia no Semi!
A semana pasada desenvolvemos unha actividade moi especial para fomentar a convivencia e o compañeirismo entre o alumnado de 1º e 4º da ESO. A través do xogo, os rapaces puxeron en práctica as súas habilidades cun Cifras e Letras e fortaleceron os lazos que fan da nosa comunidade educativa un espazo acolledor e respectuoso. Foi unha xornada de colaboración, risas e espírito de equipo, porque no SEMI sabemos que convivir tamén é aprender uns dos outros. Grazas, mozos, por facer que a actividade fose todo un éxito!

28/10/2025

A aula taller do noso centro transformouse nun verdadeiro laboratorio de ideas. O alumnado de 1º ESO puxo o mono de traballo para empezar a construir os seus proxectos tecnolóxicos.
Esta inmersión practica é a mellor forma de aprender a pensar, resolver problemas e desenvolver esa faísca de innovación que tanto valoramos.
E, o mellor de todo, é que están aprendendo a traballar en equipo e a utilizar cada ferramenta de forma segura, cumprindo as normas de hixiene e protección.
"Máis que estudar, crear. Máis que soñar, facer. A innovación comeza aquí!"

16/10/2025

Charla no Seminario Menor sobre o conflito en Gaza.
Hoxe, en 1º e 2º da ESO, tivemos a sorte de contar cunha charla moi enriquecedora a cargo de D. Luis Pose, un dos nosos profes de Historia, que nos axudou a comprender mellor o complexo conflito en Gaza. A actividade permitiunos reflexionar sobre a situación actual, o contexto histórico e as implicacións humanitarias deste conflito, ademais de fomentar o pensamento crítico e a conciencia social entre o alumnado. Seguimos apostando por unha educación que forma persoas informadas, comprometidas e empáticas.
Coñecer o pasado axúdanos a vivir o presente.

01/10/2025

Para romper un pouco ca rutina, o pasado venres 26 de setembro organizamos unha saída rápida para o noso alumnado.
Os catro cursos puxémonos en marcha e demos un paseo ata a Alameda. A idea era sinxela: estirar as pernas e, sobre todo, pasar un tempo xuntos fóra da escola.
Unha vez alí aproveitamos o bo día para ter un tempo de lecer e socializar. O alumnado puido charlar, desconectar e compartir un pouco de tempo libre, fomentando o bo ambiente e o compañeirismo entre todos os cursos.
A excursión foi todo un éxito!
Unha maneira estupenda de comezar o curso.

Dirección

Paseo De Calvo Sotelo 4
Túy
36700

Teléfono

+34986600051

Página web

http://www.seminariomenortui.com/

Notificaciones

Sé el primero en enterarse y déjanos enviarle un correo electrónico cuando Seminario Menor Tui publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Escuela/facultad

Enviar un mensaje a Seminario Menor Tui:

¿Quieres que tu escuela/facultad sea el Escuela/facultad mas cotizado en Túy?

Categoría

Colegio religioso