Unitaria

Isto que vedes pintado no chan non é decoración urbana nin unha suxestión do Concello.

É a S-28: RÚA RESIDENCIAL, unha sinal oficial da DGT.

Tradución para quen pasa por enriba dela todos os días:

🚗 Máximo 20 km/h.
🚶 Prioridade peonil.
👧 As crianzas poden xogar na rúa.
🏠 O vehículo entra nun espazo pensado primeiro para as persoas.

E aquí chega a parte fascinante.

Hai veciñas e veciños que si a respectan. Reducen a velocidade e, milagre administrativo, conseguen chegar igualmente á casa.

Mentres, outros veciños, especialmente algúns con coches e motos de gran cilindrada, parecen sufrir unha curiosa incompatibilidade entre os cabalos do motor e a comprensión do número 20.

Pero a cousa non queda aí.

Buses, taxis e mesmo vehículos policiais ou outros servizos públicos, cando non están atendendo unha emerxencia que xustifique outra cousa, tamén deberían dar exemplo no cumprimento das normas.

Porque resulta difícil pedir respecto pola sinalización cando quen debería contribuír a facela respectar pasa por enriba dela con notable entusiasmo.

E se lle fas un xesto a algún condutor para que reduza, aínda aparece quen responde co dedo corazón.

Non estamos pedindo resolver unha integral.

É un 2 e un 0.

VINTE (de máximo, debería ser menos o normal)

E se hai persoas que o cumpren, queda demostrado que non é imposible: simplemente hai que querer respectar aos demais.

🎭 OFICINA DE LUZ | Masterclass con Baltasar Patiño

A luz non é só iluminación. É dramaturxia, espazo, ritmo e emoción.

Nesta masterclass de 6 horas, Baltasar Patiño, fundador de Matarile e unha das figuras clave da creación escénica contemporánea, compartirá máis de 38 anos de experiencia para aprender a pensar a luz como unha ferramenta creativa, máis alá da técnica.

A través de exemplos reais, vídeos e procesos de creación de espectáculos, exploraremos a relación entre luz, espazo, son, vídeo e escena.

📅 19 de setembro de 2026
⏰ 11:00-14:00 / 15:00-18:00
📍 Unitaria
👥 15 prazas
💶 90 € (inclúe café, té, auga, froita e doces)

👉 Dirixido a profesionais, estudantes e persoas interesadas no teatro, a danza, a iluminación, a escenografía e as artes vivas. Non son necesarios coñecementos técnicos previos.

📩 Se che interesa, envía un correo a [email protected] co teu nome completo, DNI, teléfono e indicando “Oficina de Luz” no asunto ou no corpo da mensaxe.