Facultade de Ciencias Económicas e Empresariais USC

🎓📚 Sabías que a túa opinión pode contribuír a mellorar a Facultade?
O Sistema de Garantía de Calidade (SGC) axúdanos a escoitar ao estudantado, analizar as súas necesidades e poñer en marcha accións de mellora para ofrecer unha experiencia universitaria máis satisfactoria.
📝 Responde ás enquisas.
💬 Envía as túas suxestións.
🙋‍♀️ Participa a través d@s teus/túas representantes.
Porque cada proposta conta e cada opinión pode converterse nunha mellora para toda a comunidade universitaria.
💙 Participa. Colabora. Melloramos xunt@s.

Opina, propón, suxire.
Queremos coñecer a túa opinión sobre o noso centro, as ideas que tes para melloralo ou para corrixir o que non funciona ben. E iso é tan fácil como entrar nun formulario anónimo a través do QR da imaxe, ou entrar na intranet e expresarte libremente.
Porque a Facultade de Ciencias Económicas e Empresariais USC é cousa de tod@s, e é importante que fagas escoitar a túa voz.
Procuraremos que todas esas opinións e ideas teñan unha tradución en feitos no menor tempo posible.
Anímate a participar.

O pasado martes 23 de xuño, celebrouse a clausura de curso da XVIª promoción do Máster en Desenvolvemento Económico e Innovación (Máster DEIN). Ademais das persoas desta promoción, participaron no acto o decano da facultade, Xoán R. Doldán García, o coordinador do máster, Xavier Vence Deza, e profesorado e ptxas vinculados ao máster.
Moitos parabéns a todo estudantado que está a celebrar este remate de curso e moita sorte e éxito profesional de aquí en diante. Xa sodes parte desta casa e as súas portas sempre estarán abertas para vós.

Hoxe lembramos o acto de graduación da XVII promoción do Máster en Dirección de Empresas (MBA), celebrado o pasado 5 de xuño. Neste acto participaron, ademais das persoas graduadas, o decano da facultade, Xoán R. Doldán García, a madriña da promoción e profesora do departamento de Economía Financeira e Contabilidade, Sara Fernández López, e a coordinadora do máster, Paula Álvarez González.
Moitos parabéns ás persoas graduadas, moito éxito no voso futuro profesional e lembrade que esta sempre será a vosa casa.

Informámosvos desta oferta de emprego que nos chegou de MIRAVEO. Tendes máis información sobre o posto e podedes enviar CV a: [email protected]

O equipo presentado pola Facultade de Ciencias Económicas e Empresariais USC na XVII Olimpiada Nacional de Economía de Aranjuez, hoxe foi galardoado co segundo premio por equipos. Un éxito que sentimos como noso pero que é mérito indiscutible do esforzo d@s estudantes que o compoñían, Gonzalo Rodríguez Martínez, Marta Arce Lloret e Elena Novo Mariz, os dous primeiros do Colexio Peleteiro de Santiago de Compostela e a terceira do IES Isaac Díaz Pardo de Sada. Acompañaron ao equipo, o decano da facultade, Xoán R. Doldán García, e a profesora e directora do IES "Isaac Díaz Pardo", María Sol Doval Casal, quen animou e cuidou do grupo en todo momento. Alí tivemos ocasión de coincidir co profesor da nosa facultade, Miguel Anxo Vázquez Taín, e Presidente do Consejo General de Economistas. Parabéns por este galardón e moita sorte nos vosos próximos estudos universitarios.

Despois da dura sesión de probas deste xoves pola mañá á que se tiveron que enfrontar o estudantado que representa a Galicia na a XVII Olimpiada Nacional de Economía en Aranjuez, tocaba prepararse para g***r dunha merecida cea de gala ofrecida pola organización. A Facultade de Ciencias Económicas e Empresariais USC agradécelle o esforzo realizado. O venres tocará rematar con esta competición e regresar a casa, mentres uns momentos para recuperar forzas.