Instituto de Investigación en Humanidades

Este luns teremos con nós a Atocha Aliseda, experta en filosofía da IA, falando de Sistemas computacionales
de razonamiento médico: sus alcances y suposiciones filosóficas.

Será ás 12:30, na nosa sede, o Centro de Estudos Avanzados.

Estades convidados!

Mañá, martes 10 de marzo, desenvolveremos na nosa sede a xornada A (IM)PERTINENCIA DO SILENCIO. RESTITUÍR MÚSICA ESQUECIDA EN ESPAZOS DOMÉSTICOS, na que se mostrarán dous proxectos que recuperan, dende as Humanidades Dixitais, composicións esquecidas de ámbito doméstico setecentista.

Quedades convidados!!

Este xoves e venres 5 e 6 de marzo a Facultade de Xeografía e Historia acollerá o seminario “Grabados y Arte Barroco, repertorios visuales, circulación e invención,” organizado pola profesora Carme López Calderón ao abeiro da Axuda CNS2024-154733 financiada por MICIU/AEI /10.13039/501100011033.

Presentamos neste post tamén o programa, convidando a asistir a todas as persoas interesadas.

PUBLICACIÓN | O libro “O corpo humano entre a Antigüidade e o Barroco / El cuerpo humano entre la Antigüedad y el Barroco” coordinado por Irune Valderrábano e Xavier de Donato, está xa dispoñible na Libraría de EdiciónsUSC.

Este volume foi desenvolto a partir do seminario e a exposición do mesmo título que organizamos en setembro de 2024, unha das primeiras actividades do iHUS financiada en colaboración cos grupos de investigación e Discursos e Identidade.

Algunhas instantáneas do seminario “Cristales de devenir: Nuevos acercamientos al problema de la imaginación”, organizado por Sergio Meijide e Federico L. Silvestre a semana pasada na nosa sede.

Durante a tarde de hoxe, 19 de febreiro, e a xornada de mañá, 20 de febreiro, terá lugar na nosa sede o Seminario CRISTALES DE DEVENIR. NUEVOS ACERCAMIENTOS AL PROBLEMA DE LA IMAGINACIÓN, no que diferentes perfís abordarán a deriva imaxinativa en relación coas artes.

Estades convidados!

O martes 10 de febreiro estaremos de novo con Etienne Helmer (Investigador Beatriz Galindo) na segunda sesión do ciclo sobre Platón.

Convidámosvos a participar nesta sesión, ás 17:00h na nosa sede, o Centro de Estudos Avanzados.

O próximo martes, día 27 de xaneiro ás 17:00h, Etienne Helmer (Investigador Beatriz Galindo) impartirá a primeira sesión do seu ciclo sobre Platón.

Convidámosvos a participar nesta sesión titulada “¿En qué sentido es Platón un filósofo político?”

O curso é totalmente gratuíto e as sesións son independentes, polo que é posible asistir a esta sesión sen obriga a asistir ás seguintes para conseguir un certificado de asistencia.

Dado que o espazo no que terá lugar, o Centro de Estudos Avanzados, pedímosvos que vos rexistredes a través da seguinte ligazón: https://forms.office.com/e/xRrsET8XJ3

Pasade boas festas!!
Agardámosvos no 2026

Mañá ás 12:00h acolleremos na nosa sede a conferencia “Postdigitalismos”.

Nesta sesión o profesor Germán Sierra falará sobre arte textual posdixital, os seus antecedentes e tamén as novas tendencias e tecnoloxías.

Agardámosvos!!

📖 PRESENTACIÓN | Conversaciones en la catedral. Sobre estética, política y conmemoración regia en torno a 1200

Rocío Sánchez Ameijeiras, catedrática de Historia da Arte da USC, presenta o seu traballo no que explora como durante o tempo en que León e Galicia formaron unha coroa independente, a Catedral de Santiago converteuse no seu centro simbólico: lugar de goberno, de liturxia e de sepultura real.

O novo libro de Rocío Sánchez Ameijeiras analiza como a Igrexa compostelá construíu a identidade desta monarquía a través da arte: reis inspirados en David e Salomón, iconografía cabaleiresca e efixies funerarias que contan unha historia de poder, memoria e continuidade dinástica.

👥 Intervirán tamén:
• Laura Lojo, directora do Instituto de Investigación en Humanidades
• Federico López Silvestre, director do Departamento de Historia da Arte
• Fernando López Alsina, catedrático de Historia Medieval
• Daniel Lorenzo, presidente da Fundación Catedral de Santiago de Compostela

📅 Xoves 4 de decembro, 19:30h
📍 Sala de Profesorado

Onte tivemos a última sesión do curso que impartiu Etienne Helmer sobre filosofía antiga e o seu contexto.

Moitas grazas a todas as persoas asistentes!
Agardámosvos na próxima!