Universidade de Santiago de Compostela

Non é só comezar unha carreira. É atopar o teu lugar 🎓✨

A USC está máis que lista para recibirte:
📚 Calidade académica.
🤝 Unha comunidade que te acolle dende o minuto un.
🏙️ Campus únicos cheos de vida universitaria.

Prepárate para a mellor experiencia da túa vida.

Agardámoste! ❤️

‼️ A Universidade de Santiago de Compostela mantén aberto, durante a segunda quincena de agosto, o prazo para que o estudantado con discapacidade e/ou necesidades específicas de apoio educativo (NEAE) solicite os apoios necesarios para desenvolver a súa actividade universitaria en condicións de igualdade.

A través do Servizo de Participación e Inclusión Universitaria (SEPIU), a USC ofrece unha atención específica orientada a identificar as necesidades de cada estudante e deseñar os apoios que permitan garantir a súa participación plena na vida universitaria.

🗞 https://www.usc.gal/gl/xornal/novas/aberto-prazo-solicitar-apoio-usc-estudantes-discapacidade-eou-necesidades-especificas-apoio-educativo

🔬🌾 Aínda estás a tempo de concorrer aos Premios de Investigación Rafael Crecente!

Se tes algunha proposta innovadora vencellada á sustentabilidade, á innovación territorial e ao desenvolvemento rural, tes ata o vindeiro 30 de setembro para presentar a túa candidatura a estes galardóns convocados polo Instituto de Biodiversidade Agraria e Desenvolvemento Rural (Ibader Lugo), xunto co Laboratorio do Territorio (LaboraTe) da Universidade de Santiago de Compostela.

Lembramos que a presentación de candidaturas deberá facerse exclusivamente a través do Rexistro Electrónico da Sede Electrónica da USC co fin de axilizar a xestión das solicitudes.

👉 https://www.usc.gal/gl/xornal/novas/aberto-ata-30-setembro-prazo-concorrer-ix-edicion-premios-rafael-crecente

🔊 A USC acaba de publicar a listaxe coas vacantes en mestrados!

⌛ Moito ollo 👀 porque o período de matrícula comeza este xoves 20 de agosto ás 10.00 horas e as prazas ofertadas cubriranse por orde de chegada.

⏭ A próxima actualización de vacantes darase a coñecer o vindeiro 25 de agosto. Bule! 🏃🏃‍♀️

🗞 https://www.usc.gal/gl/xornal/novas/publicada-listaxe-prazas-vacantes-mestrados-usc

😜 ‘Dálle á lingua’ é un proxecto de divulgación lingüística da USC que se desenvolverá en colaboración con bares de diversas localidades galegas. O seu obxectivo é “poñer a lingüística sobre a mesa”, literalmente, a través de pousavasos de dobre cara que ofrecerán información para desmontar mitos sobre diversos temas relacionados coa lingua e a lingüística.

A iniciativa que agora bota a andar busca locais interesados en participar. As solicitudes poden enviarse ao enderezo [email protected]

🗞 https://www.usc.gal/gl/xornal/novas/arrinca-dalle-lingua-proxecto-divulgacion-situar-conversa-arredor-linguistica-mesa-bares

⛏ No marco do convenio asinado pola Universidade de Santiago de Compostela e a Deputación da Coruña, Grupo Histagra Usc, pertencente ao CISPAC, está a coordinar o estudo histórico e arqueolóxico das fosas localizadas no cemiterio de Serantes (Ferrol). A primeira cata arqueolóxica neste espazo desenvolverase entre o luns 31 de agosto e o venres 11 de setembro. É por iso que o grupo Histagra fai un chamamento á colaboración das familias de vítimas da violencia franquista que foron enterradas en Serantes, así como á veciñanza e outras persoas que dispoñan de datos ao respecto, de cara a complementar o estudo histórico. O e-mail de contacto ao que poden dirixirse é [email protected]

Sábese que como mínimo 197 persoas foron asasinadas e enterradas en varias fosas localizadas neste cemiterio.

🗞 https://www.usc.gal/gl/xornal/novas/histagra-fai-chamamento-colaboracion-familias-vitimas-violencia-franquista-cara-estudo-fosas-serantes

Quen che ía dicir hai uns anos que hoxe estarías aquí? 😅

A evolución é inevitable cando lle metes ganas e constancia, porque a experiencia constrúese paso a paso, e cando confías no teu traballo, nótase ✨

📈 O popularmente coñecido como Ránking de Shanghai volve situar a USC no intervalo 501-600, de entre as mellores universidades do mundo.

Este é o terceiro ano consecutivo no que a institución compostelá se mantén nese banzo, logo do ascenso acadado en 2024, cando se pasou do intervalo 601-700 ao actual 501-600.

🎋🌱🌾 O CRETUS da Universidade de Santiago de Compostela desenvolve novas métricas para avaliar con precisión o impacto da agricultura nos servizos ecosistémicos.

A investigación de Sara Lago evidenciou que determinadas prácticas promovidas como alternativas máis sostibles non sempre presentan un mellor desempeño ambiental cando son avaliadas de maneira integral.

🗞️ https://www.usc.gal/gl/xornal/novas/cretus-usc-desenvolve-novas-metricas-avaliar-precision-impacto-agricultura-servizos-ecosistemicos

🍃 O Programa de Activación á Transferencia do Campus Terra USC financiará tres proxectos de investigación que estean nunha fase inicial e que necesiten un proceso de validación técnica que lles permita acceder a niveis de madurez tecnolóxica avanzada e acometer así novas probas de concepto ou escalado.

Esta iniciativa diríxese a persoal investigador e grupos do Campus Terra da Universidade de Santiago de Compostela que centren as súas actividades nun dos seis eixos de especialización do Campus e que nas súas actividades teñan xerado resultados con potencial de transferencia á sociedade. O prazo de recepción de solicitudes para esta iniciativa, impulsada xunto á Avte USC, esténdese ata o vindeiro 11 de setembro.

🗞 https://www.usc.gal/gl/xornal/novas/campus-terra-usc-lanza-programa-activacion-transferencia-proxectos-atopen-fase-inicial