A Casa do Rock

🎸 Que tarde vivimos onte no Millarock!

A Merenda Rock volveu converterse nun punto de encontro para centos de familias que se achegaron a descubrir, probar instrumentos e vivir a música en primeira persoa. E este ano… cheo absoluto! ❤️🤘

Despois tivemos a sorte de compartir escenario con Tentáculo Rock, unha banda de Ames formada por rapaces con temas propios en galego que prometen moitísimo. Hai talento, hai ilusión e, sobre todo… hai canteira e hai relevo. Iso é o máis importante.

Queremos agradecer de corazón ao Concello de Ames e a toda a organización do Millarock por volver confiar en A Casa do Rock por terceiro ano consecutivo para levar a cabo a Merenda Rock. É un orgullo formar parte dun festival que aposta pola música en directo, pola cultura e polo talento novo.

Grazas tamén a todas as familias que vos achegastes, aos músicos, voluntarios e a todas as persoas que fixestes posible unha tarde inesquecible.

Longa vida ao Millarock, á Merenda Rock e á canteira musical galega! 🤘

Concello de Ames A Casa do Rock

🎸 Horario de agosto en A Casa do Rock

Despois dun curso moi completo, cheo de clases, festivais, campamentos e moita música, toca facer unha pequena pausa e descansar despois do gran esforzo realizado por todo o equipo.

Durante agosto non haberá clases, pero a escola e a tenda permanecerán abertas nos seguintes días:

Primeira semana de agosto
📅 Do luns 3 ao venres 7
🕘 De 09:00 a 14:00 h

Pechado por vacacións
📅 Do 10 ao 23 de agosto

Última semana de agosto
📅 Do luns 24 ao venres 28 e o luns 31
🕤 De 09:30 a 13:30 h

Fóra destes horarios, podedes escribirnos a:
📧 [email protected]

As clases comezarán de novo o martes 1 de setembro para todo o alumnado.

Desfrutade moito do verán, descansade e, se atopades un oquiño, non deixedes de coller o instrumento de cando en vez. Uns minutiños de práctica sempre axudan a manter o toque.

Grazas, unha vez máis, pola confianza que depositades en nós. Foi un curso inesquecible para A Casa do Rock, cheo de proxectos, concertos, aprendizaxe e momentos que levaremos connosco para sempre.

Agora toca recargar 🔋🔋🔋🔋pilas. En setembro volveremos con máis ilusión, máis música e moito rock.

Bo verán e unha forte aperta de todo o equipo de A Casa do Rock! 🤘

Facendo Canteira Dende 2011 🎸🎶🔊

🎸 As primeiras imaxes do Festival de Combos no Camalea xa están aquí!

Que gran tarde vivimos onte! Rock, bo ambiente e moita música en directo da man das bandas de A Casa do Rock.

Queremos dar as grazas ao Café Camalea e a todo o seu equipo pola acollida e por apostar unha vez máis pola música en directo. Grazas tamén a todo o equipo de A Casa do Rock que fixo posible esta xornada, e, por suposto, ás bandas que deron o mellor de si enriba do escenario.

Foi un auténtico pracer compartir esta tarde con vós. Aquí vos deixamos as primeiras fotos… moi pronto haberá máis! 🤘

📸 Fotos: Nacho ConElPisapapeles

Café Camalea A Casa do Rock

Como ben dixeron os nosos amigos de A Casa do Rock, mañá celebramos a MERENDA ROCK!

Unha actividade familiar na que a cativada poderá vir experimentar como ser rockeiro por un día practicando nos diferentes instrumentos divididos en zonas: Percusión, piano e guitarras.
Aquelas nenas e nenos que participen nesta zona interactiva poderán g***r dun xeado Borboriño Xeados por cortesía do Concello de Ames.
De seguido, no Anfiteatro bailaremos e aprenderemos co concerto didáctico da Casa do Rock e para rematar a tarde (a 120) con nós estará o grupo máis novo do panorama rockeiro ameiense: Tentáculo Rock.

Agardámosvos a partir das 19h, vide coa vosa merenda; a sobremesa xa a poñemos nós!

Organiza: Concello de Ames
Patrocina: Cultura da Deputación da Coruña

🤘 Este mércores 29 de xullo temos unha nova edición do Festival de Combos de A Casa do Rock, unha tarde de música en directo na que o alumnado sobe ao escenario para demostrar todo o traballo realizado durante o curso.

🎸 A partir das 17:30 h
📍 Café Camalea – San Martiño Pinario, Santiago de Compostela

Actuarán:
🔥 ParaZmol
🔥 Q.D.L.
🔥 Rocke Experience
🔥 Monday Monkeys
🔥 Heaven&Gel
🔥 Namentres
🔥 Steelberries

Entrada libre. Achégate, apoia a música en directo e desfruta dunha tarde chea de rock! 🤘