STEG - Sindicato de Traballadoras e Traballadores do Ensino de Galiza

📢 O profesorado do IES de Melide mobilízase en defensa da educación pública.

Denuncian anos de recortes que provocan máis alumnado por aula, menos profesorado, redución de apoios á diversidade, dificultades na FP e limitación de programas esenciais para a convivencia e a inclusión.

Tamén critican a falta de investimento real e a censura sufrida tras a retirada dun decálogo que explicaba as necesidades do centro.

💚 A comunidade educativa reclama recursos suficientes para garantir unha educación pública de calidade, inclusiva e con dereitos para todo o alumnado.

✊ Menos discursos e máis recursos.
📚 Adiante coa educación pública!

Partillamos o seu manifesto:

www.steg.gal

FP SI, PERO NON ASÍ

O STEG denuncia a falta de planificación da oferta da FP básica nos IES de Carral e ROU de Vigo.

www.steg.gal

SÚMATE POLO ENSINO PÚBLICO!
Concentración HOXE ás 18:30 en MELIDE.

📢 O profesorado galego leva meses mobilizándose en defensa do ensino público. Tras seis xornadas de folga e múltiples accións reivindicativas, o STEG considera inaceptable o acordo asinado por outras organizacións sindicais coa Consellería.

🗳️ Logo de consultar á súa afiliación, o Secretariado Nacional do STEG acordou convocar unha folga indefinida a partir do 9 de setembro, sempre e cando conte co apoio das Asembleas Abertas do Profesorado e aberta á incorporación doutras organizacións sindicais.

✊ Porque a situación do ensino público require respostas á altura: máis recursos, mellores condicións laborais e unha atención digna para todo o alumnado.

📅 O 25 de xuño celebrarase a Asemblea Xeral das Asembleas Abertas do Profesorado. Participa e fai escoitar a túa voz.

Desde STEG queremos animarvos a secundar outro martes en loita coas concentracións nos vosos centros e denunciar a violencia policial con este cartaz que podedes tamén imprimir.

AS QUE AQUÍ ASINAN, ALÍ LOITAN.

Mentres en Valencia algúns sindicatos rexeitan acordos insuficientes e manteñen a folga para defender melloras reais, en Galiza eses mesmos sindicatos venden como “histórico” un acordo con:
❌ 0€ de suba lineal
❌ Sen redución real de horas lectivas
❌ Sen avances nas reivindicacións do profesorado

O profesorado galego merece as mesmas condicións laborais e o mesmo respecto ca en calquera outro territorio.

O STEG seguirá defendendo unha educación pública digna, con mobilización, coherencia e lealdade ao profesorado.

Porque os datos falan.
E porque:
AS QUE AQUÍ ASINAN, ALÍ LOITAN!

Hoxe, Internacional contra a LBGTIfobia, desde o STEG queremos manifestar o noso máis rotundo rexeitamento contra toda forma de discriminación, violencia ou exclusión contra as persoas do colectivo LGTBIQ+. Agresións como a acontecida nos últimos días en Compostela son intolerabeis. Seguiremos loitando por unha educación comprometida coa igualdade, a dignidade humana e os dereitos fundamentais, entre eles a diversidade sexual e a identidade de xénero.