Escuela Infantil La Casa de Koli

Inicio
España
Santiago de Compostela, Galicia
Escuela Infantil La Casa de Koli

"La Casa de Koli" atende o primeiro ciclo de educación infantil, de 0 a 3 anos.

“La Casa de Koli” é un fogar, onde nenas e nenos séntense coma na súa casa, nun ambiente familiar no que se desenvolven felices e seguros. Facemos unha aposta clara por unha educación de calidade, cunha programación educativa baseada na innovación pedagóxica, a creatividade e a mellora continua. Prestamos gran atención ás novas tecnoloxías, á diversidade lingüística e a expresión artística. A finalidade do noso proxecto é favorecer e potenciar o desenvolvemento integral e as capacidades de cada nena e neno, respectando sempre a súa individualidade cunha atención personalizada. En “La Casa de Koli” ofrecemos un espazo aberto, participativo e flexible, establecendo unha estreita comunicación e colaboración coas familias, onde a confianza é a clave para unha educación conxunta.

01/10/2026

📖 Comezamos os contos deste curso cunha historia que seguro que vos soa... pero non como a coñeciades: ᴀ ᴠᴇʀᴅᴀᴅᴇɪʀᴀ ʜɪsᴛᴏʀɪᴀ ᴅᴇ ᴄᴀʀᴀᴘᴜᴄʜɪñᴀ 🐺❤️

Un conto popular de toda a vida ao que se lle dá unha nova volta, mantendo os seus personaxes e ese encanto dos contos da avoa, pero cun final inesperado e moi divertido 🤭

Os seus debuxos, feitos a base de garabatos que lembran aos das nenas e nenos, aínda o fan máis especial.

👀 Unha maneira moi bonita de aprender que non todo é o que parece, falar das relacións familiares e, por suposto, lembrar que hai que andar con coidadiño polo bosque! 🌳🐨

23/09/2026

As caixas de luz son sempre unha pequena maxia ✨🧡

Estes días seguimos xogando e experimentando arredor do conto “De que cor é un bico?” 💋🌈

A través da luz e das cores, a cativada puido crear, combinar, observar e descubrir como todo cambia cando o colocamos sobre a luz 🥰

Unha actividade sinxela que nos permite traballar a atención, a creatividade e a exploración sensorial mentres seguimos afondando nun conto que nos está acompañando nestes primeiros días de curso 🐨

16/09/2026

O período de adaptación é un tempo de cambios, de novas rutinas, novas caras e novas emocións. Un proceso no que cada peque precisa o seu tempo para observar, coñecer, confiar e, pouco a pouco, sentirse como na casa 🏡

Por iso acompañamos estes primeiros días con moito agarimo, paciencia e respecto, celebrando cada pequeno pasiño: unha despedida máis tranquila, un sorriso ao chegar, unhas mans que comezan a soltarse… ✨

Porque adaptarse non é deixar de botar de menos. É descubrir que aquí tamén hai un lugar no que sentirse seguro 💛

09/09/2026

Volta ao cole, volta a Koli 🐨🧡

Comezamos un novo curso cheo de benvidas, reencontros, novas caras e, sobre todo, moitas emocións 🥰🥹😊

E para acompañarnos nestes primeiros días escollemos un conto moi especial: “De que cor é un bico?” 💋🌈

A través das cores e das ocorrencias da súa protagonista, iremos descubrindo, identificando e expresando o que sentimos, algo especialmente importante durante este período de adaptación.

E os bicos tamén nos servirán para achegarnos, crear vínculos e descubrir novas formas de expresar o noso cariño 💕

Así de bonita comeza a nosa aventura deste curso 2026-2027!

01/09/2026

Hoxe abrimos as nosas portas de volta... coa ilusión de cada comezo de curso!

Volven as mochilas, os bos días con sono, as risas compartidas, os descubrimentos, os xogos e as pequenas grandes conquistas do día a día 💛

Cada setembro é unha nova oportunidade para aprender, crear, experimentar e medrar xuntos!

Grazas por confiar un ano máis en nós para acompañar esta etapa tan especial.

Benvido, novo curso 🐨✨

26/08/2026

Aínda non coñeces a miña 𝗪𝗘𝗕 ⁉ 🐨

📅 Na nosa sección 𝗻𝗼𝘃𝗮𝘀 mantémosvos ao tanto da nosa actualidade. Non a perdades!

📲 Ademais, contamos cunha 𝘇𝗼𝗻𝗮 𝗽𝗿𝗶𝘃𝗮𝗱𝗮 para que mamis e papis poidan ver o que os seus fillos e as súas fillas fan na escola: fotos, vídeos, actividades... e moito máis!

➡️ Visita a nosa páxina premendo no enlace do perfil!

19/08/2026

O verán tamén é tempo para aburrirse... e iso está ben! ☀️

Cando non teñen todo planificado nin todas as respostas, aparece a curiosidade, a creatividade e a iniciativa.

O xogo libre nace, moitas veces, deses pequenos momentos de "non sei que facer"!

escola

12/08/2026

A piques de comezar novo curso, lembrámosvos que en 𝙇𝙖 𝘾𝙖𝙨𝙖 𝙙𝙚 𝙆𝙤𝙡𝙞 🐨 dispoñemos dunha aplicación móbil onde podes consultar todo o que te preocupa en tempo real:

🍼 Bibes.
🍎 Comidas.
😴 Sono.
🔄 Trocos de cueiros.
💬 Comunicación directa coa súa educadora...

Non perdas nada!

06/08/2026

O mellor parque de xogos... está na natureza 🌿

Este verán propoñémosvos un reto moi sinxelo: saír a pasear e convertervos en auténticos exploradores 🔎

Observar, buscar, preguntar, descubrir... Cada pequeno achado é unha oportunidade para aprender, espertar a curiosidade e desfrutar do tempo en familia!

E vós... cantos tesouros seredes capaces de atopar? 💛🌳

04/08/2026

Agasallos que chegan ao corazón 🧡

Queremos darvos as grazas por cada detalle, por cada flor, cada carta, cada doce e cada mostra de cariño que recibimos estes días.

Pero, sobre todo, grazas pola confianza que depositastes en nós durante todo o curso. Por deixarnos acompañar ás vosas crianzas nunha etapa tan especial, por compartir os seus avances, as súas ilusións e tamén os seus pequenos grandes logros.

Marchamos de vacacións coa mochila chea de recordos fermosos... e con moitísima ilusión por todo o que está por vir 🤩

Grazas de corazón, familias 🐨

Dirección

Rúa Manuel Beiras, 13 Bajo
Santiago De Compostela
15706

Teléfono

+34607224444

Página web

http://www.lacasadekoli.es/

Notificaciones

Sea el primero en enterarse: le enviaremos un correo electrónico cuando Escuela Infantil La Casa de Koli publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.