Xardín da Infancia Raiola

FIN
Hoxe remata o curso 2025/2026.
Pechamos as aulas do 1º Ciclo e o Campamento do 2º Ciclo.
Este foi un ano tranquilo no que compartimos días especiais e vivimos con ledicia os días nos que as tranquilas rutinas nos deron seguridade.
Hoxe, agora, co traballo feito, no derradeiro día de curso dándovos as grazas por ternos elexido como a escola dos vosos nenos e nenas.
Ímonos descansar durante o mes de agosto, para voltar con ánimo renovado o setembro próximo.
A moitos e moitas vémosvos pronto e aos que xa non ides reenganchar en setembro MOITA SORTE E ATA SEMPRE.
Felices vacacións!!!

CASIÑA NOVA
No alto do patio da figueira, nun recuncho moi xeitoso, temos unha casiña nova.
É moi "cuqui", e nela xogan as nenas e nenos do campamento do 2º Ciclo á espera de que no inicio do curso 26/27 sexa un elemento de xogo que traia moita felicidade á totalidade do noso alumnado.
Xogar e aprender!!!

PAN CON TOMATE PARA A HORA DO PETISCO
Con bo pan, tomates maduros e saborosos, unhas áreas de sal e unha pinguiña de aceite de oliva faise o pan con tomate.
Comémolo só, con xamón, con queixo ou... co que nos pete!
É unha fórmula segura para renovar a enerxía ata a hora de xantar.
Bon proveito.

REMATANDO O CURSO 2026
Esta mañá cedo activáronse as alarmas da escola! Había un pequeno lume que nos encheu de fume a escola.
Foi un simulacro pero as nenas e nenos fixérono xenial. Seguindo as indicacións das mestras, logrouse evacuar rápidamente todas as aulas de forma ordenada.
E aproveitando que este venres finaliza o curso escolar para o alumnado do 2º Ciclo, fixemos máis festa!
Música, xogos, petisco especial a media mañá, e auga para refrescarse da calor!

CÉ ORQUESTRA PANTASMA
Cando César nos visita o éxito está asegurado.
Nenas e nenos, grandes, medianos e pequenos, bailan ao animado son dunhas melodías cheas de encanto.
César é un artista que nos engaiola e co que cada visita é unha gran FESTA.

DIPLOMATURA
Onte á tarde as nenas e nenos de 6º curso recibiron os merecidos diplomas, que dan fe de que Raiola foi a súa escola.
O acto foi moi emocionante.
Houbo risas, houbo bágoas, houbo abrazos, bicos e parabéns.
Agora, a este precioso grupo de nenas e nenos espéralles a vida con Raiola no corazón.
Moita sorte e longa e feliz vida!!!

30 DE MAIO
O sábado 30 de maio tivemos o remate perfecto para un mes de maio cheo de momentos especiais.
As Letras Galegas, con Begoña Caamaño acompañándonos, Os Monifates coa súa sabedoría, Fernando o gaiteiro e os Maios, déronlle luz ao mes por excelencia da primavera.
A excursión cerrou con peche de ouro un maio que nos adianta o remate do curso.

Hoxe desfrutamos da música e das entrañables personaxes que nos trouxeron OS MONIFATES. Viva a festa! Viva Galicia!
Feliz Día das Letras Galegas.

25 ABRIL SEMPRE!
Lembramos a Revolución dos cravos.

DÍA DO LIBRO
Na nosa escola ata os ratiños se fan bos lectores.
FELIZ DÍA DO LIBRO.