Xardín da Infancia Raiola

30 DE MAIO
O sábado 30 de maio tivemos o remate perfecto para un mes de maio cheo de momentos especiais.
As Letras Galegas, con Begoña Caamaño acompañándonos, Os Monifates coa súa sabedoría, Fernando o gaiteiro e os Maios, déronlle luz ao mes por excelencia da primavera.
A excursión cerrou con peche de ouro un maio que nos adianta o remate do curso.

Hoxe desfrutamos da música e das entrañables personaxes que nos trouxeron OS MONIFATES. Viva a festa! Viva Galicia!
Feliz Día das Letras Galegas.

25 ABRIL SEMPRE!
Lembramos a Revolución dos cravos.

DÍA DO LIBRO
Na nosa escola ata os ratiños se fan bos lectores.
FELIZ DÍA DO LIBRO.

A PEQUENA LARANXEIRA
No inicio desta primavera, coincidindo co Día da Árbore, plantamos unha pequena laranxeira no patio da figueira.
Esta árbore froiteira precisa dun lugar abrigado no que o sol faga a súa parte e nós, as nenas e nenos, a nosa.
A nosa responsabilidade é a de regala adecuadamente e respectar a súa integridade, para que respire e medre en armonía ao lado das demais (macieras, figueira, hibisco, gardenia,...) que a acompañan e alentan.
Desexámosche longa e feliz vida pequena laranxeira!!!

DÍA DA ÁRBORE 2026
As nosas queridas árbores traen ledicia á escola.
Os castiñeiros, as maceiras, a nogueira, a oliveira, o loureiro, os carballos, a figueira,... son un patrimonio vexetal co que convivimos nos nosos patios, do que aprendemos e que nos merece moitísimo respecto.
Feliz Día da Árbore

FELIZ DÍA DO PAI
A todos os pais de Raiola desexámosvos un moi feliz día.
Vós e nós colaboramos en criar nenas e nenos intentando que sexan felices.
É un labor complexo pero tamén moi gratificante.
Esperamos que os bicos, apertas e aloumiños dos vosos nenos e nenas hoxe vos saiban a gloria. Feliz paternidade.

SEMPRE 8M

8M

IGUALDADE SEMPRE
Estes días previos ao 8 de Marzo traballamos como realidade imprescindible a IGUALDADE. O resto do ano practicámola.
O FEMINISMO é a filosofía que defende a igualdade, que defende que para as nenas e nenos o seu destino non estea decidido polo seu xénero senón polo seu esforzo e capacidade. ESTE É UN OBXECTIVO IRRENUNCIABLE DO ENSINO.
8M SEMPRE.