CCOO-ENSINO

🟥ℹ️ Publicada no DOG a orde de calendario escolar para o curso 26-27

Publicada no DOG a orde do 4 de xuño de 2026 pola que se aproba o calendario escolar para o curso 2026/27 nos centros docentes sostidos con fondos públicos na Comunidade Autónoma de Galicia.

🔗 https://www.xunta.gal/dog/Publicados/2026/20260615/AnuncioG0761-050626-0001_gl.html

🟥 Aberto o prazo para limitar servizos por provincias ou concellos

👉 Este prazo permite ao persoal substituto que non obteña unha interinidade no CADP solicitar restricións xeográficas nos seus posibles destinos en caso de substitucións:

🗺 Todo o persoal consolidado pode solicitar restricións por provincias
➕ A maiores, alegando algunha das causas xustificadas, pode solicitar restricións por concellos

🗓 Prazo de solicitudes: ata o 15 de xullo

‼️ Este é PRAZO ÚNICO e só para o persoal consolidado. Este persoal non terá oportunidade de restrinxir provincias ou concellos fóra deste prazo

🔗 https://www.edu.xunta.gal/substitutos/

🟥 Matricúlate na universidade pública

🔴 Defende a universidade pública, defende o teu dereito a unha educación superior.

✊ Non hai futuro sen universidade pública!

👇 Todas as razóns, na web

🔗 https://ccooensino.gal/matriculate-na-universidade-publica/

📢 O persoal do ensino concertado continúa mobilizándose

Tras anos de escasos avances e ante a falta de vontade negociadora por parte da Consellería, o persoal do ensino concertado volve saír á rúa para defender as súas reivindicacións laborais e salariais.

Reclamamos:
✅ desbloqueo dos acordos pendentes e mellora das condicións laborais
✅ complemento salarial autonómico para o PAS

📍 Concentracións na Coruña e Vigo
📅 Venres, 26 de xuño
🕜 13.30 h

Porque os dereitos non se agardan: deféndense.

✊ Mobilízate!

🔴 CCOO Ensino consegue incorporar emendas clave á futura Lei de Educación Dixital de Galicia

CCOO Ensino fomos o sindicato que máis emendas presentou á futura Lei de Educación Dixital de Galicia no Consello Escolar: 78 achegas para mellorar o texto e garantir unha dixitalización con dereitos.

Varias das nosas propostas saíron adiante: avaliación dos programas dixitais, menos burocracia, máis medios e soporte técnico, gratuidade dos recursos necesarios, inclusión dixital, protección da saúde e do benestar do alumnado, presenza do galego nas ferramentas dixitais e garantías en materia de datos.

Destacamos especialmente a aprobación da disposición adicional segunda, proposta por CCOO Ensino, que garante formación en competencia dixital, tecnoloxías educativas e intelixencia artificial para o profesorado da concertada e tamén para o PAS e o persoal non docente dos centros sostidos con fondos públicos.

📌 Se hai novas obrigas dixitais, ten que haber formación, medios e garantías para todo o persoal afectado.

CCOO Ensino seguiremos defendendo unha educación dixital con recursos, sen máis burocracia e ao servizo da educación.