A nosa Escola de Música é unha institución para nenos/as, xente xoven, e adultos, nas que se ofrece ó estudante, xunto coas ensinanzas instrumentais, vocais e teóricas, a posibilidade de facer música colectivamente en banda, coros e outras agrupacións, e nas que o estudante con especial talento e interese pode prepararse para uns estudos profesionais. As ensinanzas impartidas son:
THE MUSIC CLASS
(A partir de 0 anos): É un programa de música para bebés e nenos/as pequenos onde xogan, cantan e bailan en inglés. Ó ser acompañado polos pais fortalece o vínculo afectivo cos pequenos mentras estes aprenden. MÚSICA E MOVEMENTO (de 2 a 5 anos): Trátase dunha primeira toma de contacto coa música mediante o xogo e talleres musicais. A súa finalidade é o ensino musical, o descubrimento e desenvolvemento das capacidades expresivas, musicais e motrices. Divídese en tres niveis educativos segundo a idade. LINGUAXE MUSICAL (a partir de 6 anos, sen límite de idade): Actividade na cal se aprende a ler música para poñela en práctica có instrumento que se escolla. INSTRUMENTO: Terán como finalidade adquirir as destrezas técnicas e capacidades expresivas necesarias para a práctica interpretativa a nivel individual e tamén en grupo; tentarán cultivar a afección pola música como fenómeno artístico e medio de comunicación persoal; e tamén tratarán de promover a creación de agrupacións instrumentais diversas. O proceso da ensinanza e aprendizaxe deber adaptar ás características individuais sen prefixar esixencias condicionadas por un programa preestablecido. Con independencia de que o alumno poida ampliar a súa formación, inscribíndose noutras materias, a clase de instrumento debe tratar de relacionar os contidos teóricos e prácticos: neste ámbito resulta moi importante a labor de orientación en alumnos con aptitudes e vocacións destacadas. Ofrecer polo centro son: óboe, frauta, clarinete, saxofón, trompeta, trombón, bombardino, tuba, percusión, gaita, pandeireta, percusión tradicional, violoncelo, batería, piano, guitar
ra, acordeón e voz. ( aberto tamén a outras posibilidades elexidas polo alumno)
A práctica instrumental abrangue:
1. APRENDIZAXE AFECCIONADA: Para o desenvolvemento persoal e a interpretación colectiva.
2. FORMACIÓN PARA FUTUROS PROFESIONAIS: Estudo individual e colectivo profesional e preparación para o acceso aos conservatorios
CONXUNTO: Tódolos alumnos que se inscriben nun instrumento poden e aconséllase
que participen en agrupacións vocais e instrumentais que a propia escola
propón. Estas actividades deben ser unha finalidade prioritaria, por canto
permiten comprender a dimensión comunicativa e cooperativa da interpretación
musical. Itinerario que contempla a formación instrumental ou vocal nas agrupacións do Centro (Banda de música, Grupo de gaita, Grupo de pandeireta). CURSOS DE VERÁN: Todos os cursos impartense tamén en verán, durante o mes de xullo. Cóntase tamén con clases de reforzo e preparación de probas de acceso a conservatorios e apoio para a recuperación de materias.
