IES Illa de San Simón

02/07/2026

ADOLESCENCIA
14 Capítulos elaborados polas nosas alumnas e alumnos dende Radiondilla xa están dispoñibles na nosa web:
https://www.edu.xunta.gal/centros/iessansimon/taxonomy/term/11
e na nosa canal de IVOOX. Quen mellor que eles para opinar da súa adolescencia ?

20/06/2026

EXCURSIÓN A FORNELOS WAKE CLUB

A de onte foi unha xornada fantástica de risas, deporte e diversión. Houbo pedaletas, kayak, castelos flotantes e mesmo esquí acuático. Unha forma xenial de despedir este curso 2025/26. Bo verán a tod@s !

18/06/2026

Apertura das cápsulas do tempo de 4° ESO

O tempo pasa voando e no Illa gústanos ver a evolución do noso alumnado durante os anos que pasan con nós. Por iso, e sempre no último día de curso, o alumnado viaxa no tempo á súa primeira semana no centro. Hoxe abriron as cápsulas do tempo que fixeran na súa primeira titoría e lembraron entre risas como eran e que pensaban hai uns anos.

17/06/2026

O día 16 de xuño tivemos no centro a presentación ao público dos xogos de mesa que o alumnado de 1º da ESO estivo a deseñar e a construir no Proxecto Competencial. Durante o evento os xogos se puideron probar e mesmo tivemos a visita do alumnado de 6º de Primaria dos nosos veciños do CEIP Santa Mariña.

14/06/2026

2º TORNEO DE PIMPÓN 2026 NO IES ILLA DE SAN SIMÓN

Neste último trimestre fixemos novamente un torneo de tenis de mesa ante o éxito do primeiro.
A inscrición contou cun total de 30 persoas ás que agradecemos a súa participación.
O campionato desenvolveuse ao longo desta semana chegando á semifinal catro magníficos xogadores; Manu Ron, Adrián Figueroa, Mikel RodrÍguez e Juan Pablo La Salvia. Os partidos foron moi loitados entre eles. Calquera era moi digno de estar na final. Foron Manu Ron e Mikel Rodríguez os que coas súas vitorias o conseguiron, e nos ofreceron un partido moi igualado e cheo de tensión. Finalmente o gañador foi Manu Ron.
Os finalistas foron agasallados cunhas palas e unha bola de pimpón para que poidan seguir disfrutando deste deporte.
Noraboa aos catro!!!

11/06/2026

V FEIRA DE SOUTOMAIOR
Por segundo ano consecutivo, o noso alumnado do club de ciencias obtén na feira de ciencias de Soutomaior o pase a Openscience de Cambre con 2 proxectos; "Nacer e medrar en ácido", co premio innova ,e "A ciencia feita arte:seguindo os pasos de Anna Atkins" , o premio rigor científico e obpremio revelación secundaria.
Estamos moi orgullosos polo traballo do noso alumnado, que pese as datas nas que nos atopamos, con exames e probas finais, e coa xornada de calor extrema que vivimos hoxe, souberon sobrepoñerse á adversidade e demostrar todo o traballado durante estes últimos meses.
Agora toca un merecido descanso, e en setembro empezaremos o novo curso do club de ciencia coa nosa presencia nunha das maiores feiras científicas de Galicia.

02/06/2026

01/06/2026

REMO N@ ILLA

Por fin chegou o sol e puidemos g***r dunhas xornadas fantásticas na ría. O alumnado de 1º e 4º de ESO demostraron todo o que aprenderan nas xornadas máis técnicas no ximnasio e no foso.
A verdade é que se desenvolveron moi ben, dende recolocar os asentos (onde os tornillos a algúns se lles resistian) ata colocar os remos, levar e sacar a embarcación da auga, e onde máis dun esbarou mollándose antes de tempo.
Dende o centro queremos dar as grazas ao Club de remo de Cesantes por ofrecernos esta actividade e a Iván en concreto pola paciencia que amosou con todos nós, acercándonos a este deporte tan maravilloso e completo onde moitos alumnos perderon o seu medo o mar e de seguro volverán a probalo nalgún momento.
Agradecer o detalle do Club co alumnado de 1º de ESO. Se lles entregou un diploma onde acreditaban a súa participación nesta actividade.
Deixamos aquí unhas fotos para recordar ese precioso día.
De seguro repetiremos!!!

28/05/2026

DEPOEMPRENDE NA ESO

Onte o alumnado de cuarto participou nun gran mercado solidario organizado pola Deputación Pontevedra na praza da Ferrería. Foi unha experiencia fantástica na que alumnas e alumnos volveron ter contacto co mundo real e as súas dificultades. Fixérono moi ben, como se pode ver na morea de publicacións (Faro de Vigo, La Voz de Galicia, Pontevedraviva, Deputacion...) e este ano volverán acadar un gran donativo para as ONGs coas que colaboran (Da Man e Lenda).
Grazas a tod@s que colaborades no noso día a día !