CEIP Portosín

24/06/2026

Unha vez máis queremos denunciar o comportamento incívico e o ensañamento que hai, en especial no período estival, cunha infraestrutura pública como é o colexio de Portosín. Centro educativo da maioría de xeracións dos habitantes da vila e que coma poucos ten abertas as portas do recinto a toda a cidadanía os 365 días do ano, 24h/día.
Pois alguén decidiu na pasada noite de San Xoán que era boa idea romper uns poucos cristais dun espazo que mañá xoves empregarán nenas e nenos do colexio no plan concilia organizado pola ANPA do centro e dentro dunhas semanas as/os participantes no campamento urbano do concello.
Mírese por onde se mire, non ten explicación. É moi decepcionante ver como se repiten estes feitos cada ano.
Poñémolo de novo por aquí para ver se o/a ou os/as que fan isto son capaces de reflexionar antes de repetilo.

19/06/2026

Asturias Portosín - Nebra 2026 (cuarta xornada): Espeleoloxía.

17/06/2026

Asturias Portosín - Nebra 2026 (terceira xornada): Cabárceno.

17/06/2026

Limpeza das nosas praias: Aprendendo e coidando o noso entorno!
Hoxe no CEIP de Portosín vivimos unha xornada moi especial fóra das aulas. O noso alumnado achegouse á praia para realizar unha actividade de limpeza, unha experiencia que vai moito máis alá de recoller residuos: foi unha lección práctica sobre a importancia de coidar o noso mar.

Queremos dar as grazas ao Concello de Porto do Son pola organización para facer posible esta saída, e moi especialmente á bióloga da Confraría de Pescadores, Beatriz, polas súas explicacións. Grazas a ela, os nosos nenos e nenas aprenderon moito máis sobre o ecosistema mariño e como a nosa pegada afecta ao lugar onde vivimos.
Aquí vos deixamos unha pequena mostra en fotos do traballo que fixeron hoxe. ¡Orgullosos de ter un alumnado tan comprometido co planeta!

17/06/2026

Asturias Portosín - Nebra 2026 (segunda xornada): parque altura.

13/06/2026

Onte Portosín voltou a ferver co calor e coa quinta edición do noso Feirón Mariñeiro. Unha celebración coa que tratamos de fortalecer ano a ano a unión de toda a nosa comunidade educativa na que, un ano máis, non podemos máis que agradecer o inmenso traballo e aportacións de alumnado e profesorado polo labor realizado ao longo de todo o curso, ás familias e á directiva da ANPA pola súa colaboración e implicación na preparación da sardiñada e por sufragar as actividades de ocio da tarde e o concerto de Jara Ortiz, á Confraría de pescadores de Portosín pola axuda altruísta que sempre nos prestan cando lla pedimos, á agrupación musical Falcoeira da que é integrante a nosa maravillosa Yolanda e que viñeron tocar de gratis, ao Concello por colaborar no adecentado dos patios e pola doazón das augas,...
Estar unidos fainos mellores! Mil grazas a todas e a todos por tanto! Vémonos o ano que vén na sexta edición!

01/06/2026