Escola Superior de Conservación e Restauración de BBCC de Galicia

Avanzamos no compromiso coa protección e conservación do patrimonio artístico galego 🏛️

​A pasada semana tivemos o pracer de examinar algunhas das obras do artista lalinense Antonio Taboada Ferradás, "Wily", co obxectivo de iniciar unha colaboración coa Asociación de Amigos da Obra de Wily para garantir a preservación do seu patrimonio.

​No cadro deste encontro, a asociación doou á biblioteca da Escola unha publicación especializada sobre a vida e obra do autor, un recurso documental fundamental para abordar as futuras tarefas de intervención cos máis altos estándares técnicos.

A ADMINISTRACIÓN da Escola Superior de Conservación e Restauración de Bens Culturais de Galicia permanecerá pechada durante o mes de agosto.

Tres pezas arqueolóxicas regresan aos seus lugares de orixe. 🏺

O pasado mércores fixemos entrega de tres pezas arqueolóxicas que foron obxecto de estudo e intervención por parte do alumnado da ESCRBCG no marco da súa formación práctica.

Dúas delas, unha moeda e unha fibela transmontana, proceden do castro de Castelo dos Mouros, na illa de Ons, un xacemento con ocupación continuada desde a Idade do Ferro ata a época tardoantiga. A fibela pertence a un contexto da Idade do Ferro, mentres que a moeda corresponde a un sestercio da emperatriz Lucila, datado no século II d.C.

A terceira peza, un stilus de bronce empregado para escribir sobre tabliñas de cera, procede do xacemento galaico-romano de Armea, tamén cunha longa secuencia de ocupación desde finais da Idade do Ferro ata comezos do século III.

Queremos agradecer ao equipo de Grupo de Estudios de Arqueoloxía, Antigüidade e Territorio da Universidade de Vigo a confianza depositada na nosa Escola e a oportunidade de contribuír á conservación deste valioso patrimonio arqueolóxico. 🤝

No aniversario do pasamento de Laxeiro (23 de febreiro de 1908, Lalín- 21 de xullo de 1996, Vigo), queremos render homenaxe á súa figura e lembrar a vixencia dun legado artístico fundamental para a cultura galega.

Con motivo desta conmemoración, compartimos o Traballo de Fin de Estudos de Verónica Samaniego Pérez, Plan de conservación preventiva da obra da Fundación Laxeiro, un proxecto que reflicte o compromiso coa preservación e transmisión do patrimonio cultural para as xeracións futuras.

Esta iniciativa pon tamén de relevo o valor da colaboración entre a nosa Escola e a Fundacion Laxeiro, un vínculo que favorece a formación especializada do alumnado e contribúe ao coñecemento, estudo e conservación da obra dun dos artistas máis senlleiros de Galicia.

A memoria de Laxeiro permanece viva non só a través da súa creación artística, senón tamén grazas ao labor de investigación, conservación e difusión que fan posible que o seu legado continúe inspirando ás novas xeracións.

O traballo de fin de estudos está dispoñible na Biblioteca da Escola para a súa consulta. Podes atopalo a través do buscador en liña: https://escolaconservacion.edubib.xunta.gal/

Atención!

A parroquia de Santa María a Maior de Pontevedra busca un/unha profesional da conservación restauración, para valorar os danos producidos pola humidade na parte traseira de madeira e o marco dun guadamecí, comprobar o estado da pel e unha proposta de traballo para a súa limpeza.

A estrutura de madeira danada é un contrachapado máis ou menos recente, que está cuberta de m**o, pero que é preciso retirar dunha forma adecuada para comprobar que a humidade non afectase á parte traseira da pel, nin ó bastidor.

O tamaño do guadamecí é 2,50 m alto x 1,70 m de ancho. A súa autoría está atribuída a Lapayese e data dos anos 50. Foi restaurado no ano 2000, pero necesita unha limpeza.

Contacto:
[email protected]
630257225

📢 Aviso importante

Informamos de que a Administración da Escola Superior de Conservación e Restauración de Bens Culturais de Galicia permanecerá pechada o luns 13 de xullo.

Agradecemos a vosa comprensión e pregamos que teñades esta circunstancia en conta para realizar calquera xestión administrativa.

ℹ💥Procesos selectivos para ingreso como persoal laboral fixo en varias categorías de Conservación e Restauración de Bens Culturais

Prazo de presentación de solicitudes

Desde o 10 de xullo de 2026
Ata o 06 de agosto de 2026

www.cultura.gob.es

📢 Xa se resolveu o Premio ao Mellor Traballo de Fin de Estudos en Galego.

Parabéns a Raquel González Calvo e o noso agradecemento a todas as persoas que presentaron os seus traballos. Grazas por contribuír á promoción e ao uso do galego no ámbito académico.

https://escolaconservacion.gal/premio-tfe-en-galego-3/

📢 Aberto o prazo para presentar candidaturas ao Premio ao Mellor TFE en Galego 2025-2026!

Elaboraches o teu Traballo de Fin de Estudos en galego? Esta é a túa oportunidade para ver recoñecido o teu compromiso coa nosa lingua no ámbito académico.

🏆 O Premio ao Mellor TFE en Galego busca fomentar o uso do galego na investigación e na redacción dos Traballos de Fin de Estudos.

📅 Consulta as bases da convocatoria e presenta a túa candidatura dentro do prazo.

👉 Máis información na web: https://escolaconservacion.gal/premio-tfe-en-galego-2025-2026/

Premio TFE en galego 2025-2026 3 Outubro, 202516 Abril, 2026Dinamización Galego, Xeralpor Escola0 Premio TFE en galego 2025-2026 O Equipo de Dinamización da Lingua Galega da Escola Superior de Conservación e Restauración de Bens Culturais de Galicia promove a convocatoria para o curso 2025-2026 dun premio para estimular a red...