Concello do Pereiro de Aguiar

01/09/2026

📢🎉 RECORDADE! 🎉📢

📅 Este venres 4
⏰ A partir das 22:30 h
📍 No Campo dos Gozos

🎶✨ A HISTORIA DA VERBENA ✨🎶

Un espectáculo musical para todos os públicos que fai unha viaxe pola historia das festas populares e das orquestras galegas, desde o século pasado ata a actualidade.

A través de música en directo, baile, humor e imaxes, La Oca Band interpreta cancións que marcaron distintas épocas, acompañada por Pepo Suevos como narrador.

O espectáculo conta ademais coa participación de numerosos artistas da verbena galega, tanto actuais como figuras míticas, como Lito Garrido (Panorama), Blas Piñón (París de Noia), Pili Pampín, integrantes de Los Satélites, El Combo Dominicano, Cinema, Costa Oeste, entre outros.

✨ Como novidade, conta cun tema propio, “De Noite Soñei”, gravado coa participación dun coro de máis de 70 integrantes de orquestras galegas.

💃🎤 Unha proposta divertida e didáctica para lembrar, cantar e percorrer a evolución da verbena galega.

🎶✨ NON O PERDADES! ✨🎶

01/09/2026

♻️ Os servizos funcionan. O Concello cumpre. Poñamos todos da nosa parte.

O Concello do Pereiro de Aguiar lembra que está prohibido depositar mobles, colchóns, electrodomésticos ou calquera outro tipo de material na vía pública sen solicitar previamente a súa recollida.

Este tipo de verteduras deterioran a imaxe do noso concello e dificultan o mantemento dos espazos públicos. Entre todos e todas podemos evitalo. 🌿

Coidar tamén é avisar. Colaboremos para manter O Pereiro limpo e coidado. 💚

01/09/2026

📚 Axudas para a adquisición de libros e/ou material escolar de Educación Infantil para o curso 2026/2027

O Concello do Pereiro de Aguiar recorda que xa está dispoñible en pereiro.gal toda a información relativa a estas axudas, así como o modelo de solicitude para poder tramitalas.

📝 Consulta toda a información na web municipal e presenta a túa solicitude dentro do prazo establecido.

31/08/2026

🏠 Axudas para facilitar o acceso á vivenda no Pereiro de Aguiar

A Xunta de Galicia ten aberta a convocatoria de axudas para persoas menores de 36 anos que queiran adquirir ou autopromover unha vivenda en concellos de ata 10.000 habitantes.

💶 A axuda pode alcanzar ata o 20 % do prezo de adquisición ou do custo da autopromoción, cun máximo de 15.000 € por vivenda.

📅 O prazo de solicitudes está aberto ata o 16 de novembro de 2026, ás 14.00 h, ou ata o esgotamento do crédito dispoñible.

ℹ️ Consulta todos os requisitos e tramita a solicitude a través da sede electrónica da Xunta de Galicia.

28/08/2026

As piscinas municipais do Concello do Pereiro de Aguiar pecharán ao público o 31 de agosto, data coa que se dará por rematada a tempada 2026.

O DÍA 31 DE AGOSTO AS PISCINAS MUNICIPAIS DO CONCELLO DO PEREIRO DE AGUIAR PECHARÁN AO PÚBLICO, DANDO ASÍ POR REMATADA A TEMPADA 2026.

28/08/2026

🚧 Melloras na rede viaria do Pereiro

O Concello do Pereiro de Aguiar continúa avanzando nas actuacións de mellora das infraestruturas municipais en diferentes puntos do concello.

Estes traballos permiten mellorar o estado dos viais, a seguridade, a accesibilidade e as comunicacións entre os núcleos, facilitando o día a día da veciñanza.

Seguimos traballando para mellorar os servizos públicos e seguir facendo do Pereiro un concello máis cómodo, seguro e accesible.

26/08/2026

🚗 Seguimos mellorando as infraestruturas e os servizos do Pereiro de Aguiar.

O Concello avanza na creación dun novo aparcadoiro público municipal, unha actuación pensada para dar resposta ás necesidades de estacionamento e ao crecemento da actividade na zona.

Un novo espazo que permitirá facilitar o acceso, ordenar o estacionamento e ofrecer un mellor servizo á veciñanza. 🌿

Neste reel contámosche máis sobre o proxecto e sobre unha actuación coa que seguimos traballando para facer do Pereiro de Aguiar un concello máis cómodo, accesible e preparado para o futuro.

25/08/2026

🚴‍♂️🔥 O ciclismo toma Pereiro de Aguiar!

Hoxe presentáronse no Pavillón dos Remedios de Ourense as próximas probas ciclistas federadas organizadas polo equipo nacional de ciclismo Maese Ourense, e Pereiro de Aguiar será protagonista este domingo. 💪

📅 30 de agosto
🏆 Copa de España Pumptrack
📍 Monterrei – Pereiro de Aguiar

Pero o calendario non queda aquí! 👇

📅 6 de setembro
🏆 IV Copa Galicia Pumptrack
📍 Parque das Letras, Ourense

📅 13 de setembro
🏆 II MiniDH Urbano
📍 Casco Vello de Ourense

Unha oportunidade para g***r do deporte, da emoción e do mellor ciclismo nunha contorna privilexiada. 🚵‍♀️💨

💥 Este domingo, o espectáculo está en Pereiro de Aguiar!

25/08/2026

📍 Toponimízate! Falámosche dos nomes da túa terra.

O Concello do Pereiro de Aguiar acollerá unha nova actividade para coñecer, recuperar e poñer en valor a nosa toponimia, unha parte fundamental da nosa historia e da nosa identidade.

Nesta xornada poderemos descubrir como participar activamente na recuperación e conservación dos nomes tradicionais dos nosos lugares. 🗺️

📅 11 de setembro de 2026
🕢 19:30 h
📍 Centro de Maiores Os Gozos
O Pereiro de Aguiar

Unha oportunidade para coñecer mellor o noso territorio e contribuír a preservar un patrimonio que tamén forma parte da nosa memoria colectiva.

Agardámosvos!