Academia de la Llingua Asturiana

Academia de la Llingua Asturiana Páxina oficial en Facebook de l'Academia de la Llingua Asturiana.

L'Academia de la Llingua Asturiana (ALLA) ye una institución del Principáu d'Asturies que se creó en 1980 per Decretu del Conseyu Rexonal d'Asturies 33/1980 de 15 d'avientu y con Estatutos aprobaos pol mesmu muérganu por Decretu 9/1981, modificaos el 12 d'abril de 1995 (BOPA nu 136 de 14.6.1995). L'Academia tien anguaño 23 miembros de númberu, 19 miembros correspondientes y 15 académicos d'honor. Los académicos nun perciben nenguna retribución nin pola so condición de tales nin polos cargos que desempeñen na Academia.

«Los cuentos de Ñuberu» presentáronse ayeri, nel Palaciu de Valdecarzana d’Avilés, con una asistencia bultable qu’arropó...
30/09/2026

«Los cuentos de Ñuberu» presentáronse ayeri, nel Palaciu de Valdecarzana d’Avilés, con una asistencia bultable qu’arropó al autor Miguel Solís Santos. Esta obra abre Medría, la nueva coleición de lliteratura infantil y xuvenil de l'Academia.

Nel actu, Miguel Solís Santos y l’académicu Xosé Ramón Iglesias Cueva ufrieron un repás didáuticu y perentreteníu del entamu de la lliteratura infantil y xuvenil n’asturianu.

¡Gracies por acompañanos!

📣 ¡Últimu día pa matriculase nel cursu d'asturianu nivel A1-A2!🧑‍🏫 Esti cursu, empobináu a les persones que quieran tene...
30/09/2026

📣 ¡Últimu día pa matriculase nel cursu d'asturianu nivel A1-A2!

🧑‍🏫 Esti cursu, empobináu a les persones que quieran tener un averamientu elemental a la llingua asturiana, va impartise nel llar de l’Academia los martes y xueves del 6 d'ochobre al 15 d'avientu del 2026 n’horariu de 17 a 20 h.

El preciu, de 150 euros, inclúi materiales y inscripción na Prueba de nivel final.

Matricúlate equí: https://forms.cloud.microsoft/e/E79uFHqHbw

Hoi, Día Europeo das Llinguas, a Academia quer sumar el sou llabor diario polla dignificación, a investigación y el espa...
27/09/2026

Hoi, Día Europeo das Llinguas, a Academia quer sumar el sou llabor diario polla dignificación, a investigación y el espardimento del asturiano y el eonaviego á celebración y os obxetivos d'esta xornada. Este 2026, ponse el acento en achegar y animar á xente al aprendizaxe d’idiomas a cualquer edá col fin de crear pontes de gran valir prá inclusión y el entendemento cultural y social entre personas d'orixe diverso.

Más información en: https://edl.ecml.at/fr/Home

📣 ¡Últimos díes pa matriculate nel cursu d’asturianu A1-A2!El 30 de setiembre zarra’l periodu de matrícula nel cursu pre...
25/09/2026

📣 ¡Últimos díes pa matriculate nel cursu d’asturianu A1-A2!

El 30 de setiembre zarra’l periodu de matrícula nel cursu presencial del programa Noyos, empobináu a persones adultes que quieran algamar un nivel elemental d’asturianu.

🗓️ Del 6 d’ochobre al 15 d’avientu
🕔 Martes y xueves, de 17 a 20 h
📍 Llar de l’Academia de la Llingua Asturiana (Uviéu)
📚 100 hores de formación
👥 20 places
✅ Ensin requisitos d’entrada

Al acabar el cursu va facese una prueba que permite certificar el nivel elemental d’asturianu a les persones que l’aprueben.

Más información y matrícula:
https://alladixital.org/programa-noyos/

💻 El Congresu Mundial de Cultura Asturiana caltién activa la so páxina web, onde siguen pudiendo sentise y vese les pone...
23/09/2026

💻 El Congresu Mundial de Cultura Asturiana caltién activa la so páxina web, onde siguen pudiendo sentise y vese les ponencies y conferencies ufiertaes n'Uviéu en febreru del añu pasáu, amás de semeyes y muncha otra información.

➡️ https://alladixital.org/cmca25/

📚 Arriendes d'ello, el númberu 29 de Cultures, editáu en dos volúmenes, axunta bona parte d'aquelles contribuciones, agora en forma d'artículos. Dambos tomos tán a la venta y puen mercase xuntos o independientes.

🗓 El martes 29 de setiembre, a les 19:00 h, preséntase’l llibru «Los cuentos de Ñuberu», de Miguel Solís Santos, nel Pal...
17/09/2026

🗓 El martes 29 de setiembre, a les 19:00 h, preséntase’l llibru «Los cuentos de Ñuberu», de Miguel Solís Santos, nel Palaciu Valdecarzana d'Avilés.

☁️ Nesta edición remocicada recuéyense los cinco llibros espublizaos pola ALLA nos años 80: L’Arcu Iris y Ñuberu (1982); Les cuatro estaciones y Ñuberu (1983); Los cazadores, los llobos y Ñuberu (1984); Los árboles, l’ocalitu y Ñuberu (1985) y Ñuberu y la paz (1987).

L'actu va presentalu Xosé Ramón Iglesias Cueva y la entrada ye llibre hasta enllenar aforu.

📍 El XLIV Congresu Internacional de Filoloxía y Cultura Asturianes va celebrase los díes 3, 4 y 5 de payares del 2026 na...
16/09/2026

📍 El XLIV Congresu Internacional de Filoloxía y Cultura Asturianes va celebrase los díes 3, 4 y 5 de payares del 2026 na Facultá de Filosofía y Lletres de la Universidá d'Uviéu. El so programa, como tolos años, va xuntar actividaes de formatu estremáu: conferencies, presentaciones, conversaciones lliteraries y comunicaciones.

🗣️ Amás, anguaño, ta previsto que la xornada del xueves 5 acueya un monográficu sobre'l piesllu del proyeutu internacional d'investigación Patronymica Romanica (PatRom), depués de cuatro décades de xera filolóxica onde la ciencia asturiana, al traviés de la Universidá d'Uviéu y l'Academia de la Llingua Asturiana, tuvo un papel destacáu.

L'accesu a les conferencies del Congresu ye llibre. Sicasí, les persones que s'inscriban van recibir un certificáu d'asistencia.

📝 Inscríbite en: https://cutt.ly/iyxP2RZd
➡️Más información en: https://alladixital.org/cifca/

📣 ¡Yá ta abierta la matrícula pal cursu d'asturianu A1-A2! Dende güei día 14, y hasta’l 30 de setiembre, vas poder apunt...
14/09/2026

📣 ¡Yá ta abierta la matrícula pal cursu d'asturianu A1-A2! Dende güei día 14, y hasta’l 30 de setiembre, vas poder apuntate na web de l’ALLA.

🧑‍🏫Esti cursu, empobináu a les persones que quieran tener un averamientu elemental a la llingua asturiana, va impartise nel llar de l’Academia los martes y xueves del 6 d'ochobre al 15 d'avientu del 2026 n’horariu de 17 a 20 h. Tien una duración de 100 hores llectives, dividíes en 60 presenciales y 40 d’autoestudiu.

El preciu, de 150 euros, inclúi materiales y inscripción na Prueba de nivel final.

➡️Pues apuntate equí: https://cutt.ly/hth9xHcJ

📗 Asoléyase’l númberu 147 de la coleición «Toponimia». 📍 Matilde Fernández Álvarez recueye nesti segundu volume del conc...
10/09/2026

📗 Asoléyase’l númberu 147 de la coleición «Toponimia».

📍 Matilde Fernández Álvarez recueye nesti segundu volume del conceyu de Morcín la toponimia mayor y menor de les parroquies d’Argame, La Piñera, Peñerúes y San Sebastián. Esti númberu completa la toponimia del conceyu.

📣 L'ALLA anuncia un cursu nuevu d'asturianu p'adultos empobináu a consiguir un nivel elemental (A1-A2) del idioma.🗓️ Les...
02/09/2026

📣 L'ALLA anuncia un cursu nuevu d'asturianu p'adultos empobináu a consiguir un nivel elemental (A1-A2) del idioma.

🗓️ Les persones interesaes puen matriculase na web de la institución del 14 al 30 de setiembre del 2026.

📌 El cursu va impartise nel llar de l’Academia los martes y xueves del 6 d’ochobre al 15 d’avientu n’horariu de 17 a 20 h. Tien una duración de 100 hores llectives, dividíes en 60 presenciales y 40 d’autoestudiu.

El preciu, de 150 euros, inclúi materiales y inscripción na Prueba de nivel final.

Más información: https://cutt.ly/hth9xHcJ

Dirección

Cai L'Águila, 10. Uviéu, Asturies
Oviedo
33003

Horario de apertura

Lunes 09:00 - 14:00
Martes 09:00 - 14:00
Miércoles 09:00 - 14:00
Jueves 09:00 - 14:00
Viernes 09:00 - 14:00

Teléfono

985211837

Página web

Notificaciones

Sea el primero en enterarse: le enviaremos un correo electrónico cuando Academia de la Llingua Asturiana publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Contactar Con La Escuela/facultad

Enviar un mensaje a Academia de la Llingua Asturiana:

Atajos

Compartir