Cosines de Clas

📰 Convocatoria abierta: certifica’l to nivel de Llingua Asturiana en 2026

La Conseyería d’Educación yá publicó la convocatoria pa les pruebes de certificación de competencia xeneral en Llingua Asturiana d’esti añu. Si tas pensando n'oficializar el to nivel, equí tienes les feches clave.

🗓️ Feches que tienes que marcar nel calendariu:

• Plazu d’inscripción: del 27 d’abril al 14 de mayu de 2026 (incluyíos)
• Pruebes – Bloque 1: sábadu 26 de setiembre pela mañana
• Pruebes – Bloque 2: a partir del 5 d’ochobre pela tarde

🎓 Niveles que se convoquen: A2 (Básicu), B2 (Intermediu) y C1 (Avanzáu).

🏫 El procesu xestionarase al traviés de delles Escueles Oficiales d’Idiomes del Principáu: Avilés, Xixón, Uviéu, Llangréu, Mieres, Cangas del Narcea, Ḷḷuarca y Llanes.

Pa conseguir el certificáu hai que superar les 5 actividaes de llingua con un mínimu de 5 puntos en cada una y algamar una media mínima de 6 nel conxuntu de la prueba.

📚 El 29 de mayu abriremos la preinscripción pa la preparación intensiva de branu, online, pensada específicamente pa preparar l’exame de certificación.

💬 Si tenéis dalguna duda podéis dexala nos comentarios o escribir un mensax direutu. Taré encantada dw poder sofitar no que seya.

🔗 Consulta tolos detalles na web d’Educastur.

Educastur CosinesDeClas

✊ 8M | “Compañera, dame tira”

N'asturianu, dar (la) tira significa: apurrir d’una persona a otra una carga, un pesu. Ye dicir, ayudase, compartir la fuerza pa facer más llevaderu lo que pesa. 💪

Esta espresión vien del trabayu compartíu: cuando una carga yera pesada, facía falta'l sofitu d’otres persones pa movela. Daquién pidía ayuda… y otra persona daba tira.

Güei, 8 de marzu, esta espresión recuerda la importancia d'apoyase, acompañase y sostenese unes a otres pa siguir avanzando xuntes. 💜

Porque cuando una lo necesita, otra da tira.
Y xuntes, el pesu ye más llevaderu.

Sororidá CosinesDeClas

La XLVII Selmana de les Lletres Asturianes ta dedicada a Taresa Cónsul y al teatru popular o costumbrista, un xéneru con fonda tradición y gran acoyida ente’l públicu.
Taresa Cónsul foi la primer muyer de nome conocíu que escribió teatru n’asturianu, autora d’un entremés representáu en 1789 y publicáu per primer vegada en 1996.

Con motivu d’esta efeméride, la Conseyería d’Educación y la Conseyería de Cultura, Política Llingüística y Deporte convoquen certámenes de creación en llingua asturiana y en gallego-asturiano/eonaviego, dirixíos a tol alumnáu, nes siguientes modalidaes:

XXIX Certame de Creación Artística / Lliteraria
XIII Certame de Creación Audiovisual
XXI Certame de Cartelismu
XI Certame de Teatru
II Certame de Podcasts

📅 Plazos d’inscripción y presentación:

27 de marzu → Artístico-lliterariu y Cartelismu
6 d’abril → Audiovisual, Podcasts y Teatru

📝 La inscripción faise al traviés del formulariu oficial (forms) y les bases tán disponibles n’asturianu y gallego-asturiano/eonaviego.

Una oportunidá perbonita pa trabayar la creación, la cultura y la llingua asturiana nel aula. 🍀

📚 Agenda formativa | Xineru–Febreru 2026

Nueves oportunidaes pa formase n’asturianu

🔹 Iniciativa pol Asturianu – Cursu a distancia (Nivel A1)
Del 27 de xineru al 9 d’abril · Modalidá online
Info y matrícula: https://iniciativapolasturianu.org/iniciativa-pol-asturianu-abrel-procesu-de-matriculacion-pa-un-nuevu-cursu-dasturianu/

🔹 Academia de la Llingua Asturiana – Cursu presencial (Nivel B1–B2)
Matrícula del 15 al 30 de xineru
Del 10 de febreru al 28 de mayu · Martes y xueves de 17:00 a 19:00 h
Sede de l’Academia
Info: https://alladixital.org/programa-noyos/

¿Tas pensando en meyorar el to nivel o entamar col idioma? Esta ye una bona oportunidá pa siguir formándote y sofitar l’usu del asturianu tamién dende l’aula y el día a día.

¿Quies esfrutar con d'un auténticu Domingu de Sidros y Comedies? ✨

​Esti domingu 11 de xineru, Valdesoto conviértese nel epicentru de la nuesa cultura. Dientro de la serie "¿Cómo sofitar l'asturianu?", recordamos que caltener la llingua ye vivila na cai, rir cola sátira de les comedies y respetar los ritos que perviven nel tiempu.

​📌 Toma nota del horariu:

Les Comedies entamarán xustu dempués de la misa de les 12:30h, na Ilesia de San Félix de Valdesoto. ⛪

📒 ​Pa que lo pases enforma, equí vos dexo dalgunes encomendaciones y bones práutiques 👆🏽.

Recuerda que nun vas ver un "disfraz" nin un simple teatru; vas participar d'un ritual ancestral onde la to actitú como visitante ye fundamental pa caltener vivo'l respetu pola tradición.

​¡Vémonos el domingu pa que los nuesos Sidros y la nuesa llingua sigan sonando con fuercia! 📢

​Esfruta del día onde la comedia da'l puntu de color a la realidá ✨

Mazcaraes PatrimoniuAsturianu

El Proyeutu InterCole ta a la vuelta de la esquina y estes selmanes entamamos a dar los primeros pasos 💌

Si t'inscribisti, revisa’l to corréu electrónicu: los Reis Magos dexaron una sorpresa bien especial pa tener too preparao pa l’entamu del proyeutu 🎁👑

Nesi corréu atoparás la información clave p'arrancar con calma, ilusión y bon pie nesti camín compartíu ente escueles 🤝📚

Si nun te llegó’l mensaxe o tienes dalguna duda, ponte en contautu conmigo ensin problema:
📩 por corréu electrónicu
💬 o per MD

Vamos dando forma, pasu ente pasu, a esti proyeutu que fai medrar la Llingua Asturiana dende les aulas. 💛

A cuerpu (de) rei 👑✨

Perbién, con munches atenciones, con munches comodidaes.

Nel Día de Reis, munches cases enllénense de detalles, regalinos, tiempu compartíu y momentos pa tar tranquilos y gayoleros. D’ehí vien tamién esta espresión tan nuestra: tar a cuerpu rei, como un rei, cómodu, a gustu y ensin preocupaciones.

Dicímolo tamién como como’l rei nun paxu o como’l rei nuna tenada, pa falar d’esos díes nos que too ta nel so sitiu y namás toca esfrutar de la compañía.

Les pallabres tamién celebren les fiestes. Usales ye una forma de siguir pasando la tradición de xeneración en xeneración.

¿Tu güei sientes que tas a cuerpu rei?

📮✨ ¡Vuelve’l Proyeutu Intercole!

Un añu más, los centros asturianos van poder facer que la Llingua Asturiana medre, viaxe y se viva con emoción real.

¿En qué consiste?

💌 Intercambiu de cartes ente centros
🗣️ Compartiranse vivencies, histories, cuentos y vocabulariu
📚 Actividaes que fomenten la comunicación real
🤝 Conexón ente centros y alumnáu d’Asturies

📅 ¿Cuándo empieza?

🔔 El proyeutu entamará a la vuelta de Nadal, nel segundu trimestre.
🏁 Pero agora ye’l momentu d' inscribise.

¿Por qué participar?

✔ Fomenta l’usu natural del asturianu
✔ Conecta realidaes escolares
✔ Da voz y protagonismu al alumnáu
✔ Fai de la llingua una ponte ente persones y territorios

💙 ¿Sumes?

El formulariu pa participar yá ta abiertu —búscalo na bio.
Cuantes más escueles, más viaxará la nuestra llingua. 🌟

¡AXENDA PAYARES! 🍂 La Cultura Asturiana no Para. 🌰🎤🎭

El mes de Payares vien cargáu d'actividaes, tradición y reivindicación en toda Asturies. Prepara la to axenda porque estos son los planes ineludibles de lo que queda de mes:

⭐ FIN DE SELMANA 7-9 NOVIEMBRE ⭐

- XXV Certamen Castaña Valduna (Las Regueras, 8 y 9): ¡L'aniversariu de la meyor castaña! Amagüestu, sidra duce, folclore y gastronomía. ¡Un festival de sabor!
- XXV Xornaes Lliteraries (Pravia, 7-10): Lliteratura al serviciu de la ciudadanía. Meses redondes, presentaciones y muncha lliteratura asturiana.
- XXII Seronda n'Avilés (7 y 8): Música, baille, artesanía y amagüestu na Plaza Hermanos Orbón. ¡La folixa de la seronda avilesina!
- Esfoyaza Xixón (Sábadu 8): Vuelve la tradición popular de la Esfoyaza al Muséu del Pueblu d’Asturies. ¡Música, xuegos y productos de la seronda!

⭐ PLANES POSTERIORES ⭐

- Reguerada Fest (Carreño, 14-16): Música, cultura n'asturianu y feria de llibros y empreses en Candás. ¡Tres díes de fiesta!
- Artístiques Almacenes KUIVI: Descubri'l talentu creativu emerxente.
- Seminarioñu "El microteatru: cuando lo micro ye macro": Una cita pa les artes escéniques.
- Emisión Premios Camaretá & Víctor Manuel en Salvados: Tai sollertes la TV pa siguir los galardones de la cultura asturiana y la visión del nuesu artista más universal.
- Conciertu pola Oficialidá: Música y reivindicación pola llingua asturiana.

¡Nun quedes en casa! Revisa l'axenda completa y planifica les tos escapaes culturales.

👉 ¡GUARDA esti post pa recordar les feches y déxanos un comentariu dicíendonos cuál ye'l to plan favoritu! O si conocéis de dalguna otra actividá d'interés nesti mes 🥰👇

💬 ¡Vuelven los grupos de conversación n’asturianu!

Dende Cosines de Clas tengo munchísima ilusión por contavos que vuelvo formar parte d’una iniciativa preciosa d'Iniciativa pol Asturianu, en collaboración col Conseyu de la Mocedá de Xixón (CMX).

🗣️ Recuperamos los grupos informales de conversación n’asturianu, un espaciu seguru, informal y prestosu pa perder el mieu a falar, ganar seguranza y esfrutar del idioma ensin importar el nivel 💙

🗓️ Les sesiones van ser quincenales, los sábados a les 10:00 h, vía Zoom, y la primer cita va ser el 25 d’ochobre.
La participación ye de baldre, y solo tenéis que cubrir el formulariu que vos dexé nel enllaz de la bio.

✨ Si quies un espaciu onde falar, aprender y compartir llingua d’una forma natural… ¡esti ye’l to llugar!

🕸️ ¡Nuevu cuadernu descargable de Samhain! 🕯️

La escuela tamién pue ser máxica 👻.
Esti material apúrrevos diferentes actividaes competenciales pa tolos cursos de Educación Primaria, con propuestes pa trabayar l’asturianu d’una forma divertida, creativa y llena de tradición. 🍂✍️

💡 Actividaes d’escritura, comprensión, cultura y creación artística.
🎯 Multiniveláu y adaptable pa l’aula o casa.
📎 100% descargable

👩🏽‍🏫 Tenéis l'accesu dende l'enllaz de la bio.

Pero sí agradecería:

❤️ Que-y dieras "Me gusta" a esta publicación.
📢 Que compartieres esti material cola xente.
💬 Que comentares o me dixeres que coses o materiales te prestaría ver perequí.

Dexa que la llingua y la maxa entren na to aula. 🧙‍♀️📚

Otru añu más celebrando la nuesa vida, cultura y paraísu que tanto amamos.

🌱 Puxa Asturies 🥰