CIFP Portovello

Xa tes comercio internacional? Especialízate en transporte e loxística. Ambos ciclos teñen módulos en común polo que en pouco tempo podes completar a túa formación obtendo un novo título. Bótalle un ollo a nosa oferta formativa e comeza o teu soño de futuro no !

Máis información en www.cifpportovello.gal

O Departamento de Información e Orientación Profesional do CIFP Portovello continuou este mes de xuño coas visitas aos centros da provincia para informar ao alumnado da ESO e Bacharelato da oferta de Formación Profesional existente na actualidade. Nesta ocasión o centro destinatario foi o CPI Antonio Failde de Coles. Acudiron tamén os orientadores dos CIFPs A Farixa e A Carballeira.

Compartimos unhas instantáneas da charla sobre "Creatividade para a innovación" dentro do programa EDUEMPRENDE ACTÚA impartida por María Traveso, de Promove Consultoría para o 2° de ciclo medio de Asistencia a Persoas en Situación de Dependencia.

A nosa viveirista Annes de Nos_ Nova Oportunidade Social participou como relatora nas Xornadas de Información e Orientación Profesional 2026, celebradas no CIFP Politécnico de Santiago, nas que contou en primeira persoa as distintas alternativas formativas que teñen as persoas migrantes recén chegadas. 

eduemprende

📸 FOTOVOZ
"Non é cristal, é teito."
Dentro do proxecto intermodular de 1º de Integración Social do CIFP Portovello, o alumnado deseñou e participou nun taller de fotovoz desenvolvido no río Loña, en conexión co proxecto Escola no Río.
O fotovoz usa a imaxe para o que as palabras ás veces non chegan. Cada fotografía foi unha posición. Xuntas, construíron unha voz colectiva que falou de vivenda inalcanzable, precariedade, saúde mental, presión social. A realidade da mocidade, sen filtros.
Os datos confirman o que nomearon: segundo EAPN Galicia, o 63 % da mocidade non está emancipada. Non é falta de esforzo. Son condicións.

🎖🎖Hai uns días tivemos o orgullo de asistir á entrega de premios aos mellores expedientes académicos de FP de Grao Superior de Galicia, un recoñecemento ao esforzo, á constancia e á excelencia demostrados ao longo da súa traxectoria formativa.

Queremos felicitar por este premio a Elishba Choudry Iftikhar, do Ciclo Superior de Asistencia á Dirección, e a Brais Fernández Salgado, do Ciclo Superior de Animación Sociocultural e Turística 👏👏. Ambos continuarán a súa formación na universidade, levando consigo os valores de traballo, compromiso e superación que lles permitiron alcanzar este importante logro. Desexámosvos moito éxito nesta nova etapa! 💚🍀