Goizeko Izarra Ikastola

26/03/2026

Mutrikun elkartu gara Korrika Txikian, gure herritik eta gure bihotzetik euskararen alde egiteko.

Kale hauek gureak dira, eta euskaraz betetzen ditugu egunero.
Horregatik, harrotasunez diogu: Euskara gara!

Korrika Txikia ez da bakarrik korrika egitea, lagunekin eta herritarrekin bat egitea da.

Mutriku osoa mugitzen da gaur euskararen alde, eta pauso bakoitzak indarra ematen dio gure hizkuntzari.

Gure hondartzan, gure plazan, gure eskoletan, euskarak bizi-bizi jarraitzen du.

Gure ahotsa da, gure nortasuna, eta guk eramango dugu aurrera: Euskara gara!

Gaur ospatzen dugu Korrika Txikia Mutrikun, baina bidea ez da hemen amaitzen.

Egunero aukeratzen dugu euskaraz bizitzea, eta horrela egiten dugu gure herria handi.

GORA EUSKARA,
GORA MUTRIKU
GORA KORRIKA!

06/03/2026

Martxoak 8: Emakumeen Nazioarteko Eguna.

“Eman tokia berdintasunari” lelopean Goizeko Izarran Emakume guztien eskubideak eta benetako genero berdintasuna bultzatzeko jarduerak egin ditugu.

02/03/2026

Bukatu zaigu aurtengoan ere STEAM ASTEA.
Ikasle eta irakasleok gustura aritu gara eta bideo honen bitartez une batzuk partekatu nahi dizkizuegu.
ESKERRIK ASKO Steam arloari bultzada bat ematera etorri zareten bolondres guztioi. Zuek parte hartzea ezinbestekoa izan da.

27/02/2026

STEAM ASTEAn egindako ekimenen artean LH6.mailako ikasleekin hobeto sentitzeko gomendio batzuk landu dira.
Hezkuntza komunitateko kide guztiokin partekatzea interesgarria iruditu zaigu.
Egilea: Ereintza Lekube Azpiazu

20/02/2026

Gaur, Ama Hizkuntzaren Nazioarteko Eguna ospatzen dugu. Helburua Goizeko Izarran dauden kultura eta hizkuntza desberdinen garrantzia azpimarratzea da, tolerantzia eta errespetua sustatzeko modu gisa.

18/02/2026

ZIENTZIA BADA NESKEN KONTUA GOIZEKO IZARRA IKASTOLAN

Zientzia, teknologia, programazioa, mekanika eta beste hainbat alorretan emakumeen parte hartzearen datuak hobetzea gizartearen helburua da.

Goizeko Izarra Ikastolak g*i honekiko ardura eta kezka erakutsi izan du azken urteetan eta neskak zientzia eta teknologia mundura hurbiltzeko hainbat ekimen martxan jartzen ditu.

Alde batetik, ohikoak bihurtu dira gure eskolan, Euskal Herriko emakume zientzialariekin elkarrizketak, eta bestetik, azkeneko urteetan egin den bezala, aurten ere STEAM Astea antolatu da Otsailaren 23 eta 27 bitartean.

Astean zehar Haur Hezkuntzatik hasi eta Lehen Hezkuntzako 6. mailara arteko ikasleek zientzia, teknologia, ingeniaritza, matematika eta artearen mundu zirraragarrian murgiltzeko aukera izango dute.

Zientzia, Teknologia, Ingeniaritza, Artea, Matematika eta Ongizate emozionala sustatzea eta zabaltzeaz g*in, neskak STEAM bokazioetara erakartzea eta emakumeek arlo horretan duten garrantzia nabarmentzea dira aste honetako erronka nagusienak.

11/02/2026

10/02/2026

GOGORATU!
2024ean jaiotako haurrentzat matrikulazio epea otsailak 13 ostiralean bukatzen dela.
Zatoz gu ezagutzera!

09/02/2026

06/02/2026

MATRIKULA: Otsailaren 2tik 13ra.
Zatoz gu ezagutzera!

04/02/2026

"Santa Ageda bezpera degu
Euskal Herriko eguna,
etxe guztiak kantuz pozteko
aukeratua deguna."

Koplaz eta kantuz girotu ditugu herriko txokoak usadioari jarraituz.

Oles, oles
Lurra esna zaitez!
Oles, oles
Lurra esna zaitez!!!