22/12/2025
O IES A Pinguela culmina a creación da aula tecnolóxica “Aula Tech Beauty”
O IES A Pinguela vén de concluír nestas datas as actuacións correspondentes á crea-ción da nova aula tecnolóxica Aula Tech Beauty, un proxecto de carácter estratéxico orientado á modernización da Formación Profesional na familia profesional de Imaxe Persoal. As obras de adaptación dos espazos e a instalación do equipamento tecnolóxi-co previsto atópanse xa practicamente finalizadas.
O proxecto Aula Tech Beauty ten por finalidade dotar o centro dun espazo formativo avanzado e plenamente adaptado ás esixencias actuais do sector, incorporando tecno-loxías de última xeración como sistemas de diagnóstico cutáneo e capilar con intelixen-cia artificial, realidade virtual e aumentada, software profesional de xestión e deseño, así como equipamento técnico especializado para o desenvolvemento da práctica profesio-nal.
A reorganización integral das aulas destinadas á formación en estética permitirá que este novo espazo entre en funcionamento co inicio das clases tras as vacacións de Na-dal, momento no que o alumnado comezará a empregar de maneira efectiva estas insta-lacións renovadas e os recursos tecnolóxicos incorporados.
Con esta posta en marcha, o IES A Pinguela reforza o seu compromiso coa innovación, coa excelencia na formación profesional e coa adecuación permanente dos seus recursos ás necesidades emerxentes do ámbito da Imaxe Persoal.
