CEIP Coirón Dena

26/06/2026

🎓🌟 Ata sempre, promoción 2020-2026! 🌟🎓

A semana pasada vivimos unha emocionante xornada para celebrar a graduación do alumnado de 6º de Educación Primaria, un acto cheo de recordos, emocións e agradecementos.

Chega o momento de despedirse dunha etapa que deixa pegada: anos de aprendizaxes, amizades, experiencias compartidas e momentos inesquecibles que formarán parte da súa historia para sempre.

Queremos felicitar aos nosos graduados e graduadas por todo o conseguido ata aquí e desexarlles moita sorte na nova etapa que están a piques de comezar. Estamos convencidos de que afrontarán os novos retos con ilusión, esforzo e confianza.

Grazas tamén ás familias e ao profesorado por acompañalos neste fermoso camiño.

O CEIP Coirón Dena sempre será a vosa casa. Moita sorte no futuro! 💙🍀

26/06/2026

🎓✨ Un paso máis no camiño! ✨🎓

Esta semana pasada celebramos con moita ilusión a graduación do alumnado de Educación Infantil, un momento moi especial que marca o final dunha etapa chea de aprendizaxes, descubrimentos, xogos e grandes emocións.

Ao longo destes anos creceron, aprenderon e compartiron innumerables experiencias que levarán sempre con eles. Agora comezan unha nova aventura en Educación Primaria, cheos de ilusión e preparados para seguir aprendendo.

Queremos felicitar a todo o alumnado por este importante logro e agradecer ás familias e ao profesorado o seu acompañamento e dedicación durante esta etapa tan significativa.

Moita sorte nesta nova etapa! Estamos seguros de que vos agardan grandes momentos. 💙📚

25/06/2026

🎉 Así despedimos o curso no CEIP Coirón Dena! 🎉

O último día de cole estivo cheo de diversión, convivencia e moitas ganas de celebrar todo o vivido ao longo deste curso.

Durante a xornada, o alumnado puido g***r de merendas compartidas por ciclos, preparadas co cariño das familias, así como de colchonetas, xogos e unha refrescante festa da escuma que fixo as delicias de pequenos e maiores.

Queremos expresar o noso máis sincero agradecemento á ANPA pola súa implicación, esforzo e excelente organización desta xornada tan especial. Grazas por dedicar o voso tempo e traballo para facer posible momentos inesquecibles como este para o noso alumnado.

Desexámosvos un feliz verán cheo de descanso, diversión e novas aventuras. Vémonos en setembro! ☀️🌊📚

10/06/2026

🎨🖌️ Aprendemos coa pintura! 🖌️🎨

O alumnado de 1º ciclo converteuse en auténtico protagonista da súa exposición do PDI, centrada no apaixonante mundo da pintura.

Ao longo da xornada, compartiron cos seus compañeiros e compañeiras diferentes obradoiros e talleres organizados en tres contextos de aprendizaxe: lingüístico, matemático e científico. A través de actividades manipulativas, creativas e participativas, demostraron todo o que aprenderon, tendo sempre a pintura como fío condutor.

Foi unha experiencia enriquecedora na que ensinar e aprender foron da man, fomentando a curiosidade, a comunicación e o traballo cooperativo.

Parabéns polo gran traballo realizado! 👏🎨✨

10/06/2026

🌟 Un curso cheo de lembranzas 🌟

Nesta revista recollemos unha pequena mostra de todo o que vivimos ao longo deste curso 📚🎨⚽🚍. Foron meses cheos de aprendizaxes, experiencias, retos e momentos inesquecibles compartidos entre toda a comunidade educativa 💙.

E para rematar… un divertido reto! 🕵️‍♀️🔎 Seredes capaces de descubrir quen é quen nas fotografías da última páxina? 😜 Profes e alumnado de 6.º tamén fomos pequenos algunha vez! 👶📸

Agardamos que gocedes desta revista tanto como nós gozamos creando cada unha destas lembranzas. ☀️📖

🌈🏖️

Xornal escolar do CEIP Coirón-Dena durante o curso 25-26

09/06/2026

🌍🚴‍♀️ Día Mundial do Medio Ambiente 🚴‍♂️🌱

No noso centro conmemoramos o Día Mundial do Medio Ambiente cunha xornada moi especial sobre rodas. O alumnado participou nun divertido circuíto no que puido desprazarse en bicicleta, patíns, monopatíns e skate, fomentando hábitos de mobilidade sostible e respectuosos co medio.

A través desta actividade, ademais de mellorar as súas habilidades motrices, reflexionamos sobre a importancia de empregar medios de transporte máis sostibles para contribuír ao coidado do planeta e á redución da contaminación.

Unha mañá chea de diversión, aprendizaxe e compromiso co noso entorno! 💚♻️

05/06/2026

📱👨‍👩‍👧‍👦 Falamos sobre pantallas, internet e educación dixital?

O vindeiro 10 de xuño ás 20:00 h na Biblioteca de Meaño teremos un encontro aberto a todas as familias e persoas interesadas para reflexionar e compartir opinións sobre un tema que forma parte do noso día a día.

💬 Falaremos sobre:
🔹 Educación dixital en familia
🔹 Novas tecnoloxías na aula
🔹 Menores e pantallas
🔹 Intelixencia Artificial
🔹 Benestar dixital e analóxico

Nun formato de debate-coloquio, buscaremos responder xuntos a preguntas tan actuais como:
❓ O acceso a internet é sempre un avance?
❓ Como inflúen as pantallas nos nosos fillos e fillas?
❓ Que papel temos as familias e a escola neste novo escenario?

✨ O máis importante será a participación de todas as persoas asistentes. As vosas experiencias, dúbidas e reflexións enriquecerán o encontro.

📍 Biblioteca de Meaño
📅 Mércores, 10 de xuño
🕗 20:00 h

Actividade aberta a todos os públicos. Agardámosvos!

05/06/2026

🎓 Algo grande está a piques de acontecer…
Foron anos de aprendizaxes, amizades, retos e momentos inesquecibles. Agora, unha etapa chega ao seu final… e outra está a piques de comezar.

✨ Queredes descubrir o que lles espera aos nosos rapaces e rapazas de 6º?

A súa graduación está cada vez máis preto… ⏳🎉

30/05/2026

👮‍♂️📚 Onte, xoves 28 de maio, no CEIP Coirón Dena tivemos a sorte de recibir a visita da Garda Civil dentro das actividades do Plan Director.

Durante a xornada, o alumnado puido coñecer de preto o importante labor que realizan no seu día a día, descubrindo diferentes funcións e ámbitos nos que traballan para garantir a seguridade e o benestar da cidadanía.

Ademais, amosáronnos parte do material e dos recursos que empregan no seu traballo, espertando unha gran curiosidade e interese entre os nenos e nenas.

Agradecemos á Garda Civil a súa cercanía, dispoñibilidade e o tempo compartido co noso alumnado nesta actividade tan enriquecedora. 💚

29/05/2026

👁️‍🗨️ Este martes, o profesorado do CEIP Coirón Dena participou nunha formación sobre saúde visual, un aspecto fundamental no desenvolvemento e na aprendizaxe do noso alumnado.

Ao longo da sesión, reflexionamos sobre a importancia de coidar a visión desde idades temperás, así como sobre a influencia que unha boa saúde visual ten na atención, na lectura, na escritura, na concentración e no rendemento escolar.

Seguir formándonos permítenos ofrecer unha mellor resposta educativa e acompañar ao alumnado no seu desenvolvemento integral, poñendo sempre o seu benestar no centro. 💙📚