03/06/2026
საქართველოში ქრისტიანობის სახელმწიფო რელიგიად გამოცხადების 1700 წლის იუბილესთან დაკავშირებით, 31 მაისს მადრიდის წმინდა გიორგის სახელობის ეკლესიას სტუმრობდნენ საქართველოს საპატრიარქოს წარმომადგენლები, აგრეთვე საქართველოს საგარეო საქმეთა სამინისტროს საკონსულო და დიასპორის საკითხების დეპარტამენტის უფროსი, ნოდარ კომახიძე. მათ ეკლესიაში ჩამოაბრძანეს ყოვლადწმინდა ღვთისმშობლის ხატი და წმინდა მამა გაბრიელის ხატი წმინდა ნაწილებით.
სტუმრებს და დიასპორის წარმომადგენლებს საქართველოს საელჩოში უმასპინძლა საქართველოს ელჩმა ესპანეთის სამეფოში ალექსანდრე ჭკუასელმა
27/04/2026
2026 წლის 26 აპრილს, მადრიდში, საქართველოს საელჩოში გაიმართა დედაენის დღისადმი მიძღვნილი ღონისძიება.
ღონისძიებაში მონაწილეობა მიიღეს მადრიდის წმინდა გიორგის ეკლესიასთან არსებულმა ქართულმა საკვირაო სკოლამ „აისმა“ (ხელმძღვანელი მაკა ფერაძე) და ალკობენდასის ქართულმა სკოლამ „ბეღურამ“ (ხელმძღვანელი თეა ქურხული).
ღონისძიება გახსნა საქართველოს ელჩმა ესპანეთის სამეფოში, ალექსანდრე ჭკუასელმა, რომელმაც დამსწრე საზოგადოებას დედაენის დღე მიულოცა.
მოსწავლეები წარსდგნენ სტუმრების წინაშე ლექსებითა და სიმღერებით. მათ ასევე წარმოადგინეს დედაენის დღის თემატიკაზე შექმნილი საკუთარი ნახატები.
მადლობას ვუხდით საქართველოს საელჩოს მასპინძლობისთვის. ასევე ყველა მონაწილეს — მოსწავლეებსა და პედაგოგებს — აქტიური ჩართულობისთვის.
#მადრიდი #ქართულისკოლა
#საკვირაოსკოლა #აისი
14/04/2026
ძვირფასო მოსწავლეებო, მშობლებო და პედაგოგებო,
გილოცავთ დედაენის დღეს — დღეს, რომელიც განსაკუთრებულად შეგვახსენებს ჩვენი ენის მნიშვნელობას, როგორც ეროვნული იდენტობის, კულტურისა და ისტორიის საყრდენს.
ქართული ენა ჩვენი სულიერი სიმდიდრეა. მისი დაცვა, განვითარება და მომავალ თაობებზე გადაცემა თითოეული ჩვენგანის პასუხისმგებლობაა. განსაკუთრებით მნიშვნელოვანია, რომ ახალგაზრდებმა სიყვარულით და პატივისცემით იზრუნონ მშობლიურ ენაზე.
ვუსურვებ ჩვენს სკოლას კიდევ უფრო მეტ წარმატებას და თითოეულ თქვენგანს — სიყვარულსა და ერთგულებას ქართული სიტყვის მიმართ.
გილოცავთ დედაენის დღეს!
პატივისცემით,
მაკა ფერაძე
08/04/2026
🤴ჩვენი სკოლის მოსწავლეს - თორნიკე ოდიშელიძეს ვულოცავთ დაბადების დღეს 🎂 ვუსურვებთ ლაღ ბავშვობას და ბედნიერ მომავალს ❤️
#მადრიდი #ქართულისკოლა
#საკვირაოსკოლა #აისი
03/05/2026
27/04/2026
14/04/2026
08/04/2026