IES San Mamede

25/05/2026

Publicados os calendarios dos exames finais de FP e Bacharelato correspondentes ás convocatoria finais de xuño de 2025.

Publicados os calendarios dos exames finais de FP e Bacharelato correspondentes ás convocatoria finais de xuño de 2025.

22/05/2026

Hoxe o alumnado de 3⁰ESO percorreu os distintos locais da vila con motivo da Campaña para o fomento da lingua galega no comercio local, acompañado polas profes Charo e Chus.

Nesta ocasión, entregáronse rolos de cinta adhesiva coa lenda "Apégate ao galego", elaborados polo departamento de normalización lingüística do IES.

Grazas unha vez máis pola iniciativa!

galego

22/05/2026

Onte tivo lugar un obradoiro dirixido a 2⁰ESO para a sensibilización sobre a diversidade funcional e o acoso escolar, que facilitará que a xuventude desenvolva unha serie de actitudes co fin de promover a empatía, a asertividade, a protección da igualdade de dereitos, a non marxinación, o respecto á diferenza e a inclusión de tódalas persoas.
Foi unha actividade impartida pola Asociación LIMISI de Xinzo de Limia. Moitas grazas por todo, e unha vez máis, agradecer ao orientador Luis a organización!

20/05/2026

"Co galego no corazón facemos revolución" ❤️✊ Este foi o lema elixido este ano para reivindicar a nosa lingua!

O alumnado de 1⁰ de ESO, acompañado polas profes de galego Chus e Charo, acudiu, unha vez máis, á cita co Correlingua en Ourense.

Desfrutamos dunha xornada chea de música, xogos e moita diversión co obxectivo de impulsar á nosa mocidade a vivir en galego. 🎶🎉

Moitas grazas por participar!

19/05/2026

https://www.iessanmamede.com/axudas-libros-2026/

A Consellería de Educación publicou a convocatoria de participación no fondo solidario de libros de texto e das axudas para adquirir libros de texto e material escolar para o curso 2026/2027.

A convocatoria inclúe tres modalidades de axuda:

- Fondo solidario de libros de texto para alumnado de 1º, 2º, 3º e 4º da ESO.
- Axudas para adquirir libros de texto destinadas ao alumnado de Educación Especial.
- Axudas para adquirir material escolar para alumnado de ESO e Educación Especial en centros sostidos con fondos públicos.

O prazo de presentación de solicitudes estará aberto ata o 19 de xuño de 2026 (incluído).

Convocadas as axudas para libros de texto e material escolar do curso 2026/2027 en Galicia. O prazo de presentación de solicitudes estará aberto ata o 19 de xuño de 2026.

18/05/2026

Por fin chegou o día tan esperado! 🎓

O xoves pasado despedimos, un ano máis, ao alumnado de 2⁰ de Bacharelato cun acto que non só premia o seu esforzo, senón tamén o apoio incondicional das familias e a dedicación de todo o profesorado do centro.

Grazas por camiñarmos xuntos! 👋💼

Moitos parabéns, graduados! Sodes o noso maior orgullo e estamos seguros de que ides lograr todo o que vos propoñades. Moitísima sorte na nova etapa que comeza!

17/05/2026

Desfrutade o Día das Letras Galegas!
Compartimos a produción textual que fixo o alumnado de 1° ESO onde se traballaron os mitos e lendas nas dúas obras de Begoña Caamaño: Morgana en Esmelle e Circe e o pracer do azul.
Ademais fixeron un podcast da obra de teatro Uuu_uuu, Begoña de An Alfaya, que pronto compartiremos.
Que as Letras Galegas enchan todos os nosos días!

10/05/2026

📸 O cinema como ferramenta de cambio no noso instituto!

Compartimos unha escolma das mellores imaxes da xornada do pasado martes. No marco do programa "Cinema con perspectiva", o noso alumnado mergullouse na creación dunha curtametraxe con un obxectivo claro: desmontar os estereotipos sexistas que persisten nas narrativas audiovisuais. 🎬💜

Máis alá da técnica cinematográfica, esta actividade de elaboración audiovisual serviu para fomentar a coeducación e o sentido crítico fronte ao que consumimos nas pantallas. Porque educar a mirada é o primeiro paso para construír unha sociedade máis igualitaria. 👁️✨

Grazas a todos e todas pola vosa implicación creativa e unha vez máis ao noso orientador Luis por organizalo e estar pendente para que todo saíse ben!

30/04/2026

📚📖 Tarde de "Tertulias Literarias"

Unha semana máis, o noso alumnado do club de lectura, acompañado polas profesoras de galego Chus e Charo, achegouse ata o Liceo de Ourense para participar nos "Faladoiros".

Nesta ocasión, a sesión virou arredor do libro “1000 cosas” de Juan Tallón.

Grazas a todos e todas por compartir estes momentos e seguir desfrutando da lectura!

30/04/2026

📷 Mentorías individualizadas no noso centro! No marco do Programa Edureferentes, 5 alumnos/as están a recibir orientación personalizada para o seu futuro profesional.
Contamos coa mentoría de Susana Pérez Crespo, profesional de referencia que está a acompañalos na identificación das súas habilidades e intereses.
Unha aposta firme pola igualdade de oportunidades e o coñecemento de referentes femeninos.
Moitas grazas, Susana, e Luis orientador por organizalo!