XuvenCiencia

23/09/2026

A saúde dos solos constitúe un dos grandes retos ambientais aos que se enfronta Europa. O proxecto SUS SOIL (Sustainable Soil and Subsoil health promotion by implementing agroecological land use and management to enhance ecosystem services delivery for society) pretende mellorar o coñecemento e a xestión sustentable do solo e o subsolo, fundamentais para a produción de alimentos, o mantemento da biodiversidade e o equilibrio dos ecosistemas. Está financiado polo programa Horizonte Europa cun orzamento de seis millóns de euros.

Universidade de Santiago de Compostela exerce a coordinación de SUS-SOIL a través do o Grupo de Investigación en Sistemas Agroforestais e Agroecolóxicos da de Enxeñaría doCampus Terra USC, liderado pola catedrática María Rosa Mosquera Losada, que dirixe un consorcio integrado por 22 socios de 15 países.

Unha das principais apostas de SUS-SOIL é a posta en marcha dunha rede 15 Laboratorios Vivos. Estes espazos de innovación permitirán probar e avaliar prácticas agroecolóxicas e modelos de manexo sustentable adaptados ás particularidades de diferentes rexións europeas.

O laboratorio vivo galego será o protagonista da actividade que SUS-SOIL presentará na G-Night de Lugo. A través dunha proposta práctica e participativa, as persoas asistentes poderán explorar o funcionamento do solo, coñecer os efectos dos incendios e achegarse aos organismos microscópicos que contribúen á súa fertilidade.

XuvenCiencia e Asociación de Investigadores AgroMar organizan a G-Night en Lugo.

23/09/2026

A Unión Europea impulsa unha nova fronteira tecnolóxica co proxecto rePowerSiC, unha iniciativa financiada baixo o programa EIC Pathfinder que busca transformar a o xeito no que se transmite enerxía no espazo, especialmente en misións desenvolvidas en rexións de iluminación limitada, como as noites lunares ou os cráteres en sombra permanente.

As persoas que se acheguen o venres 25 de setembro á G-Night de Lugo, ademais de información do proxecto, poderán ver demostradores de probas de concepto realizadas tanto no CiTIUS - Centro Singular de Investigación en Tecnoloxías Intelixentes como na EPS de Enxeñaría do Campus Terra USC da Universidade de Santiago de Compostela. Nestes demostradores inténtase mostrar a problemática de transmitir enerxía no espazo e como dende o proxectoRePowerSiC se atende a esta necesidade.

A USC lidera o proxecto europeo rePowerSiC, que procura desenvolver un sistema innovador de transferencia sen fíos de enerxía mediante láser de alta potencia e conversores fabricados con carburo de silicio (SiC), capaces de transmitir enerxía a grandes distancias.

A achega fundamental desde a EPSE do Campus de Lugo da USC proporciónana investigadores como Enrique Comesaña Figueroa e Daniel Nagy.

Na G-Night de Lugo, organizada por XuvenCiencia e Asociación de Investigadores AgroMar, poderedes coñecer polo miúdo esta iniciativa.

22/09/2026

GREENCOOP (Green Transition through Cooperation models), coordinado polo Grupo AGROFORECOL da EPS de Enxeñaría do Campus Terra USC da Universidade de Santiago de Compostela, chega como novidade á G-Night luguesa de 2026 na súa cita do derradeiro venres do mes de setembro. Greencoop.eu pretende establecer unha rede de colaboración multiactor internacional para promover innovacións agroecolóxicas e dixitais no medio rural, coa fin de mitigar o impacto dos desafíos socioeconómicos (despoboamento, envellecemento, etc) e ambientais (biodiversidade, emisións de carbono, etc.).

A experiencia que GREENCOOP levará á G-Night permitirá coñecer o papel do porco celta en extensivo como “desbrozadora natural” dentro dun sistema agroforestal. A proposta presenta esta raza autóctona galega como parte dun modelo de xestión que pode integrar o aproveitamento dos recursos naturais e as novas tecnoloxías e a recuperación de prácticas tradicionais. As persoas visitantes poderán descubrir as ferramentas dixitais poden apoiar ao deseño de modelos máis eficientes de xestión que permiten empregar solucións tradicionais para aproveitar os recursos do monte.

O proxecto contará cunha rede de 15 laboratorios vivos na Unión Europea, distribuídos polas principais rexións bioxeográficas, e dous en China, promovendo o intercambio de coñecementos e experiencias entre diferentes realidades rurais.

Un dos obxectivos de GREENCOOP é desenvolver cinco estratexias de innovación agroecolóxica e dixital, adaptadas a cada rexión: abastecemento de enerxía, xestión de nutrientes, control da vexetación adventicia, conexións territoriais e seguridade hídrica.

XuvenCiencia e Asociación de Investigadores AgroMar organizan a G-Night de Lugo.
XuvenLab

22/09/2026

👤 Iria Castro participou na presentación da cuarta edición do programa Ciencia á Feira, impulsado por XuvenCiencia.

O proxecto, que conta coa colaboración da área de Medio Rural, Mar e Mocidade da Vicepresidencia. Deputación de Lugo, segue dando a coñecer as 🔎 investigacións que se desenvolven no Campus de Lugo arredor dos desafíos aos que se enfronta o medio rural.

Este ano incorpóranse tres liñas de traballo de especial relevancia social: a 🍞 soberanía alimentaria, os 🔥 incendios forestais e o 🧠 alzhéimer.

Esta última liña foi a protagonista do acto, coincidindo co Día Internacional do Alzhéimer, coa proxección 🎥 “Alzhéimer: coñecer para previr e acompañar”. O vídeo, realizado en colaboración con Afalu Alzheimer, pódese ver a través desta ligazón 🔗: https://www.youtube.com/watch?v=wBKiBc1STEo&list=PLX2uEnXtWl7lD92WDR10WVnLJGhQgx2Xp&index=1

22/09/2026

XuvenCiencia súmase á primeira edición da iTERRA Night da man do seu proxecto Ciencia á Feira, unha rede de cultura científica informal e interxeracional que chega neste curso 2026/2027 á súa cuarta edición. A iTERRA Night é unha iniciativa do recentemente creado , Instituto de Investigación en Saúde Global e Desenvolvemento Sostible do Campus Terra USC da Universidade de Santiago de Compostela e terá lugar o venres, 25 de setembro, no soto da Praza  de Abastos de Lugo, de 18.00 a 22.00 horas.

21/09/2026

Hoxe é o Día Internacional do Alzhéimer. Por iso estreamos *Alzhéimer: coñecer para previr e acompañar*, o primeiro da serie de vídeos previstos no proxecto Ciencia á Feira 2026/2027.

Nesta peza audiovisual dámoslle visibilidade a toda a investigación que se realiza desde o Campus Terra USC da Universidade de Santiago de Compostela, desde distintas áreas de coñecemento: bioquímica, química-física, intelixencia artificial e etoloxía veterinaria. Do mesmo xeito, agradecemos a xenerosidade da Asociación de Familiares de Enfermos de Alzhéimer e outras Demencias de Lugo, Afalu Alzheimer.

Ciencia á Feira é un proxecto recorrente na convocatoria de fomento da cultura científica da F E C Y T · Ciencia e Innovación · do Ministerio de Ciencia e Innovación e conta tamén co financiamento da Área de Medio Rural, Mar e Mocidade Deputación de Lugo da Vicepresidencia. Deputación de Lugo

EPS de Enxeñaría
Facultade de Ciencias


XuvenLab
Área de Cultura USC

21/09/2026

21/09/2026

Entre as propostas desta edición da G-Night de Lugo destaca REMOVIRT H3D , unha experiencia interactiva que lle permitirá ao público explorar fígados humanos en 3D, reconstruídos a partir de tomografías do Hospital Álvaro Cunqueiro de Vigo e grazas ao traballo de investigadores da Escola Politécnica Superior de Enxeñaría EPS de Enxeñaría) do Campus Terra USC da Universidade de Santiago de Compostela. A iniciativa achegaralles aos visitantes do Mercado Municipal Quiroga Ballesteros do Concello de Lugo as posibilidades da reconstrución e do modelado virtual aplicados á planificación da cirurxía hepática.

REMOVIRT H3D está promovido polo Instituto de Investigación Sanitaria Galicia Sur (IISGS), vinculado ao Hospital Álvaro Cunqueiro de Vigo, en colaboración coa Universidade de Santiago de Compostela e investigadores da Universidade da Coruña.

Entre os responsables do proxecto atópanse o cirurxián Sergio Estévez Fernández, coordinador da Unidade de Cirurxía Hepato-Bilio-Pancreática do CHU de Vigo, e Enrique Comesaña Figueroa, profesor do Departamento de Electrónica e Computación no Campus de Lugo, que é tamén o investigador principal do equipo da USC.

O proxecto, financiado polo Ministerio de Ciencia e Innovación a través do programa estatal Generación del Conocimiento, conta cun orzamento de case 200.000 euros e desenvolverase ata o ano 2027.

20/09/2026

Moitas grazas a María Piñeiro e a El Progreso de Lugo por esta información. No Campus Terra USC da Universidade de Santiago de Compostela abórdase o alzhéimer desde as disciplinas da bioquímica, a física-química, a intelixencia artificial e a etoloxía veterinaria. En Ciencia á Feira contámolo.

Lembrade que o luns 21, Día Internacional do Alzhéimer, estreamos vídeo e tendes unha cita na Casa do Saber da USC en Lugo ás 16.30. Estade atentas tamén ás nosas redes sociais.

Estamos máis que agradecidas a Afalu Alzheimer pola súa xenerosa colaboración nesta edición 2026/2027 de Ciencia á Feira, un proxecto escollido pola F E C Y T · Ciencia e Innovación · e financiado pola área de Medio Rural, Mar e Mocidade Deputación de Lugo da Vicepresidencia. Deputación de Lugo

18/09/2026

XuvenCiencia e Asociación de Investigadores AgroMar organizan desde o Campus Terra USC da Universidade de Santiago de Compostela a G-Night ou Noite Galega das Persoas Investigadoras, que se celebrará o venres 25 de setembro con actividades participativas para público familiar. A cita será no soto da Praza de Abastos e no Mercado Municipal Quiroga Ballesteros do Concello de Lugo, de 18.00 a 22.00 horas. Como novidades, poderedes achegarvos ao noso *supermercado imposible* e participar nun obradoiro sobre os riscos que supoñen as pantallas na infancia e na adolescencia. Hai actividades para persoas de todas as idades e son todas de balde ata completar aforo. E si, volvemos levar o noso areeiro de realidade aumentada, que moito vos gusta ano tras ano. Nos vindeiros días debullaremos a programación, así que estade á espreita na nosa web e nas redes sociais.

Colaboran:
Deputación de Lugo
Vicepresidencia. Deputación de Lugo
XuvenLab
Removirt H3D
rePOWERSiC
Greencoop.eu
SUS SOIL