Campus Terra USC

06/10/2026

☀️🌑 Construír un relato fotográfico colectivo sobre como viviu Lugo a eclipse do 12 de agosto.

Esta é a meta principal de UMBRA, un proxecto do Centro de Investigación e Tecnoloxía Matemática de Galicia (CITMAga) que busca conservar a memoria visual daquela xornada reunindo imaxes que recollan as diferentes formas en que a eclipse foi vivida e percibida.

A iniciativa, nacida ao abeiro do proxecto ‘Eclipse 2026.8.12 en Lugo’, mantén aberto ata o 30 de outubro o prazo para o envío de fotografías, que se deberá facer a través do enderezo [email protected]. As imaxes seleccionadas formarán parte dun fotolibro colectivo editado por Dispara e dunha exposición na Deputación de Lugo.

👉 https://www.usc.gal/gl/xornal/novas/eclipse-2026812-lugo-manten-aberta-ata-30-outubro-sua-convocatoria-participar-proxecto-fotografico-umbra

02/10/2026

02/10/2026

🧑‍🏫 A Facultade de Formación do Profesorado acolleu recentemente un encontro entre estudantado, profesorado e entidades colaboradoras do proxecto ASerES-Lugo (Aprendizaxe-Servizo con Entidades Socioeducativas para a formación de futuras/os mestras e mestres) para a posta en común dos resultados da súa colaboración.

A xuntanza deu pé a demostrar que o 67,4 % do estudantado participante mellorou a súa autovaloración competencial e que o 100 % valora de xeito positivo o impacto que este proxecto de promoción da conexión entre a formación universitaria e a realidade social da contorna lle produciu en termos de empatía e respecto pola diversidade.

Pola súa parte, o 75 % das entidades colaboradoras, que aproveitaron o encontro para darse a coñecer ao estudantado de novo ingreso dos graos en Educación Infantil e do Dobre Grao, destacaron a capacidade do proxecto para conectar a formación universitaria coa realidade social, mentres que o 62,5 % sinalou a creación de vínculos, interaccións e oportunidades de socialización entre universidade e comunidade.

👉 https://www.usc.gal/gl/xornal/novas/autovaloracion-competencial-futuros-docentes-mellora-contacto-directo-colectivos-socioeducativos

01/10/2026

🧑‍🌾🌱 O Plan Formativo Campus Terra 2026 continúa este mes de outubro co seminario ‘Os proxectos agropecuarios dende a perspectiva da lexislación e a obtención das licencias administrativas’.

Coordinado por Santiago Lamosa Quinteiro e impartido por María Elena Piñeiro Sotelo, este curso centrarase no uso das diversas plataformas para avaliar se unha idea de proxecto é viable dende o punto de vista da normativa urbanística, medioambiental e sanitaria, así como nas claves do proceso de presentación do proxecto diante de distintos organismos e do manexo das plataformas que usa a Administración.

📆 8 de outubro
🕑 De 10:00 a 14:00 horas
📍 Sala de xuntas da EPS de Enxeñaría

As persoas interesadas en asistir poden formalizar a súa inscrición no seguinte formulario: https://forms.cloud.microsoft/pages/responsepage.aspx?id=LEUNj6S3ZEm4EIw5c3RHe2pSadVNiD9Gu1ikK2v_Qr9UODA1VjU4WVlUSUVVQUlSNFhEVjBQQzk0QS4u&origin=lprLink&route=shorturl

👉 https://www.usc.gal/gl/campusterra/eventos/seminario-proxectos-agropecuarios-perspectiva-lexislacion-obtencion-licencias-administrativas

30/09/2026

🦋 Mañá, ás 20:00 horas, terá lugar no Salón de Actos de O Vello Cárcere a conferencia 'Darwin e Wallace: dúas vidas antiparalelas', unha actividade vinculada á exposición ‘Wallace e a orixe das especies’ que correrá a cargo de Juan Ramón Medina Precioso, doutor en Bioloxía, catedrático de Xenética e experto na vida e obra de Alfred Russel Wallace.

Durante a conferencia, Medina Precioso achegará ao público aquelas diferenzas e coincidencias que definiron os dous camiños independentes tomados por Darwin e Wallace para formular a idea da evolución por selección natural. Do mesmo xeito, tamén explorará a relación entre os dous científicos, claves para entender a evolución e a diversidade dos seres vivos.

A actividade é aberta ao público e con entrada libre ata completar aforo.

👉 https://www.usc.gal/gl/xornal/eventos/conferencia-darwin-wallace-duas-vidas-antiparalelas-cargo-juan-ramon-medina-precioso

30/09/2026

28/09/2026

🏛️ E se ‘quedamos no mitreo’?

O Museo Universitario A Domus do Mitreo, coa axuda da Deputación de Lugo, impulsará esta semana un ciclo de catro conferencias que achegarán ao público novas perspectivas da prehistoria e historia antiga da nosa provincia, baixo o lema ‘(Re)descubrindo o pasado de Lugo, novas achegas da investigación’.

🦣 Mañá, ás 18:00 horas, terá lugar a primeira sesión coas intervencións do investigador do CISPAC Hugo Bal, co título ‘Das hienas de Castroverde ao mamut do Incio: a investigación arqueopaleontolóxica na provincia de Lugo’; e Tania Mosquera Castro, investigadora da Universidade de Santiago de Compostela, que falará de ‘Uros, figuras humanas e cometas. Unha achega á arte paleolítica de Cova Eirós’.

🏙️ O mércores, á mesma hora, participarán Francisco Folgueira, da USC, co relatorio ‘Unha cidade con vistas: a paisaxe arqueolóxica de Lucus Augusti e ou seu territorio’; e Diego Torres Iglesias, director do Museo do Castro de Viladonga, quen disertará baixo o nome ‘Quen te viu e quen vete: redescubrindo o Castro de Viladonga’.

📍 Todas a sesións terán lugar na Casa do Saber e son de libre acceso.

https://www.usc.gal/gl/xornal/novas/domus-mitreo-impulsa-ciclo-conferencias-achegara-novas-perspectivas-prehistoria-historia-antiga-lugo

25/09/2026

🔬✨ Esta tarde, o centro de Lugo convértese nun gran laboratorio aberto á cidadanía!

De 18.00 a 22.00 horas, a ciencia sae á rúa coa celebración simultánea da iTERRA Night 2026 e da Noite Galega das Persoas Investigadoras (G-Night).

📍 A só uns metros de distancia, o Mercado Municipal, a Praza de Abastos e o seu soto encheranse de obradoiros, experimentos e actividades gratuítas para achegarnos á investigación dunha maneira diferente, práctica e divertida.

🧬 ADN, células, saúde animal, alimentación, solo, árbores, fibra óptica, algoritmos, redes sociais, resistencia aos antibióticos… Hai ciencia para todos os gustos e para todas as idades!

Se aínda non tes plan para esta tarde, témolo claro: vén descubrir, experimentar e preguntar. A ciencia espérate no centro de Lugo! 🧪🙌

🕕 18.00–22.00 h
📍 Mercado Municipal + Praza de Abastos + soto da Praza de Abastos
🎟️ Actividades gratuítas

24/09/2026

✨ Música, exposicións, foros, audiovisual, certames, formación... Isto e moito máis é o que ofrecerá os vindeiros meses o Outono Cultural da Universidade de Santiago de Compostela no noso campus.

Ana Cabana, vicerreitora de Cultura, Lingua e Patrimonio, desvelou recentemente nunha rolda de prensa que tivo lugar no Pazo de Montenegro a programación desta iniciativa cultural, que contará, entre outras moitas propostas, coa música de Laura Lamontagne o vindeiro 19 de novembro na Praza de Santa María.

Este ano o Outono Cultural trae varias novidades, como a intervención de High Paw no Microaberto, a presentación do libro ‘Fran Pérez, Narf. Canto Sentido’ ou a interpretación de tres concertos de música clásica que contan co apoio da Sociedad de Artistas Intérpretes o Ejecutantes de España (AIE).

Do mesmo xeito, os certames xa consolidados como o Maratón Fotográfico, Paisaxe Sonora ou Videoarte estarán presentes este ano, así como varios foros, proxeccións audiovisuais e as Faíscas Culturais, cuxo obxectivo é prender a reflexión cultural nas aulas da nosa universidade para complementar a formación do estudantado.

👉 https://www.usc.gal/gl/xornal/novas/musica-exposicions-audiovisual-teatro-formacion-fanse-perennes-outono-cultural-usc