CPR Plurilingüe Cervantes

Gran desfile de Arde Lucus.
GRAZAS!

Excursión á praia! Que ben o pasamos.

Felicitamos ás nosas alumnas, Daniela e Sabela por gañar o concurso de debuxo e redacción da Biblioteca Municipal.
E aos alumnos de 6° que foron "choiar" ata o último día cos seus ,amigos de Bouco.
Que bonito foi!

Onte recibimos dous premios xeniais, por unha banda, un piano na excursión que nos agasallou ao Aquapark, Radio Voz e un ordenador nos premios Muralla El Progreso de Lugo
Gracias!

Felicitamos aos nosos alumnos finalistas no concurso , Qué es un rey para tí? Bruno, Sofía e Martín. A gañadora do concurso local de Radio Lugo , Aroa e aos alumnos que recolleron o premio concedido por, Cáritas: Xoel,Mauro,Hugo ,Daniela e Alma, en representación da dúa clase de 5° de primaria como a máis creativa e mención especial para os máis peques do cole que tamén recibieron o premio á clase máis creativa de infantil.

O festival fin de curso, un ano máis, foi un éxito de convocatoria e unha satisfacción para alumnos e profes.
Aló vai unha mostra gráfica.
Recordade que se estades interesados nalgunha foto, das distintas actuacións, están a vosa disposición en Purriños Fotógrafos

Cando unha imaxe vale máis que mil palabras...
⬇️⬇️

1 de junio de 2026 Enjoy the videos and music you love, upload original content, and share it all with friends, family, and the world on YouTube.

Este curso levamos a cabo unha nova iniciativa, da que agora,vos facemos partícipes.
Foi unha aventura enriquecedora e chea de emocións .
Gracias a ela, gañamos un premio moi importante que recibimos este martes na Coruña.
Adxuntamos información do noso proxecto,imaxes e vídeos.
Gracias aos nosos alumnos pola súa xenerosidade, aos nosos maiores polo cariño e aos profes por facelo posible.

O proxecto “Apertas que unen xeracións” recibe o Premio Rafael Rodríguez Martín de FEAE GaliciaA iniciativa do alumnado de 6º de Primaria do CPR Cervantes de Lugo destaca polo seu labor interxeracional con persoas maiores, promovendo a ética do coidado, a tenrura e a aprendizaxe compartida
A Coruña, 3 de xuño de 2026.- O Salón de Plenos do Concello da Coruña acolleu onte a entrega do Premio Rafael Rodríguez Martín, concedido por FEAE Galicia ao proxecto “Apertas que unen xeracións”, unha iniciativa desenvolvida polo alumnado de 6º de Educación Primaria do colexio Cervantes de Lugo que promove o encontro e a convivencia entre escolares e persoas maiores residentes nun centro xeriátrico da cidade.
O proxecto, que se desenvolve ao longo de todo o curso escolar, permite que cada venres os nenos e nenas compartan tempo con persoas maiores, algunhas delas con enfermidades como o Alzheimer, a través de actividades como cancións, xogos, obradoiros manipulativos, conversas e outras propostas de carácter lúdico e educativo. Un espazo de encontro que favorece o intercambio de experiencias, a aprendizaxe mutua e a creación de vínculos afectivos entre xeracións.
Durante o acto de entrega do premio, o concellal de educación Juan Ignacio Borrego destacou o valor da iniciativa desde a perspectiva da ética do coidado, subliñando a importancia de educar para a empatía, a solidariedade e o compromiso co benestar das persoas.
Pola súa parte, a presidenta de FEAE Galicia, Susana Vázquez, incidiu na necesidade de situar a tenrura no centro da acción educativa, sinalando que “proxectos como este lembran que educar é tamén aprender a coidar, a escoitar e a construír relacións significativas que nos fan mellores persoas
O coordinador da iniciativa, Gonzalo Castro Lodeiro, acompañado por representantes da residencia e por varios alumnos e alumnas participantes, compartiu algunhas das experiencias vividas ao longo do curso, poñendo de manifesto a fonda pegada que este programa deixa tanto nas persoas maiores como no alumnado.
A xornada converteuse tamén nunha experiencia memorable para os escolares, que tiveron ocasión de visitar o histórico edificio consistorial da Coruña e coñecer de preto o funcionamento dunha das institucións máis representativas da cidade. A celebración rematou cun encontro distendido na Praza de María Pita, onde os rapaces e rapazas compartiron un refresco e gozaron dunha tarde de convivencia.
Co recoñecemento a “Apertas que unen xeracións”, FEAE Galicia quere poñer en valor aquelas prácticas educativas que transcenden as aulas e contribúen á construción dunha sociedade máis cohesionada, inclusiva e solidaria. O proxecto exemplifica como a escola pode converterse nun auténtico motor de transformación social, fortalecendo os vínculos comunitarios a través do diálogo, do respecto e da aprendizaxe compartida entre xeracións.